Автобустар

Жолаушы тасымалдайтын автобус жүргізушілерінің денсаулығын тексеру керек депутат

78
(Жаңартылды 12:30 25.01.2018)
Депутат жолаушылардың қауіпсіздігін қамтамасыз ету үшін не істеу қажеттігін айтты

АСТАНА, 24 қаңтар — Sputnik. Мәжіліс депутаттары үкімет басшысы Бақытжан Сағынтаевтың атына депутаттық сауал жолдап, жолаушы тасымалына бақылауды күшейту бойынша бірқатар ұсыныс жасады.

"Біздің сауалымыз еліміздегі жолаушыларды тасымалдайтын автобустардың қатысуымен жол-көлік апаттары жиі қайталануына байланысты болып отыр. 18 қаңтарда Ақтөбе облысында "Самара-Шымкент" тасжолында автобус өртеніп, 52 адам қаза болды. Тағы бір келеңсіз жағдайды айтар болсақ, Ресейдің Владимир облысында "Санкт-Петербург — Нижний Новогорд" бағытындағы теміржол өткелінде қазақстандық жолаушылар автобусы пойызбен соқтығысып, апат салдарынан 18 адам қаза болып, ондаған адам жарақат алды", — деді бүгін мәжілістің жалпы отырысында депутат Ержан Құдайберген.

Сонымен қоса ол Ақмола облысында автотұрақта автобус жүргізушісінің жүрегі тоқтап қалып, қайтыс болғанын атап өтті. Айтуынша, егер ол сол уақытта автобусты жүргізіп келе жатса, онда үлкен апатқа алып келуі мүмкін еді.

Депутаттың сөзінше, елімізде жыл сайын жантүршігерлік жол апаттары салдарынан мыңдаған азамат зардап шегуде. Мұндай жағдайдың негізгі себебі қылмыстық немқұрайдылық пен жауапсыздық болып отыр. 

"Жолаушы тасымалдаушылар ескі автобустарын жаңалау былай тұрсын, оны жөндеу шығынын да азайтатыны жасырын емес. Осылайша ескі жарамсыз халде жолаушыларды тасымалдап, олардың өмірін қауіп-қатерге тігеді. Осындай автобустар апатқа ұшырағанда жүргізушіні айыпқа тартып, ал транспорттық компаниялар жауапкершіліктен басын алып қашып жатады. Осы жағдайларды ескере отырып, транспорттық компаниялардың жауапкершілігін арттыру қажет деп санаймыз", — деді ол. 

"Алдағы уақытта жолаушылардың қауіпсіздігін қамтамасыз ету мақсатында жолаушылар тасымалдаушыларға республикалық, облыстық деңгейде жан-жақты іс-шаралар ұйымдастырып, автокөлік құралдарының техникалық жағдайына қатаң талап қою, автобустардың қолдану мерзіміне шектеу жасау, заманауи бақылау құралдарын пайдалануды міндеттеу, жүргізушілердің денсаулығын тексеріп, бақылауды күшейту қажет", — деп түйіндеді сөзін депутат.

78
Кілт сөздер:
Мәжіліс, депутат, автобус жүргізушісі
астрология, гороскоп

Астролог қандай зодиак белгісіндегі әйелдер ең ақылды екенін айтты

5290
(Жаңартылды 15:54 24.10.2021)
Бұл белгілердегі әйелдердің бәрі алған бетінен қайтпайтын еңбекқор келеді. Әрқашан дамуға, жаңа биіктерге ұмтылады

НҰР-СҰЛТАН, 24 қазан – Sputnik. Астролог қандай зодиак белгісіндегі әйелдер ең ақылды екенін айтты. Олар өмірде жетістікке оңай жетеді. Өйткені интеллект туа бітеді, деп жазады Times of India басылымы.

Сарышаян — ең ақылдылардың бірі. Бұл белгінің өкілдері өз идеясын жүзеге асыру жолында тыным таппайды.  Сарышаяндар әрдайым табандылық танытады. Олар өзгелерге жұмбаққа толы, тұйық адам болып көрінеді.

Балықтар табиғатынан ақылды. Жаңа әрі түрлі көзқарасты оңай талдап, қабылдай алатын керемет қабілетке ие. Балықтар әрқашан өсуге және дамуға дайын, бұл олардың ақылды болуына көмектесетін маңызды қасиеттердің бірі. Балықтар эмоционалдық тұрғыдан да ересек.

Тауешкі әйелдер өте ақылды және өз ісіне адал. Олар қажетсіз нәрсеге уақыт жұмсауды ұнатпайды. Тауешкі тынбай еңбектенеді.

Суқұйғыш өзінің шығармашылық қабілетін мақтан тұтуы мүмкін. Олар мұндай жұмысты оңай орындайтынын жақсы біледі, сондықтан әдетте көп мақтанады. Бұл белгінің өкілдері суыққанды болады.

Таразы, әдетте, білімді және таразыны қалай теңестіру керектігін біледі. Олардың тапқырлығы, расында да, таңғалдырады. Өйткені  бар жұмысты  өте жақсы орындайды. Бұл белгінің өкілдері сирек қателеседі.

5290
Кілт сөздер:
астролог, әйелдер, ақыл
Тақырып бойынша
Қазақстандық маман қараша айында не істеуге болмайтынын айтты
Астролог интуициясы жақсы дамыған зодиак белгілерін атады
Саясаттағы ықпалды қазақстандық әйелдер туралы не білеміз
Әлемдегі ең ұзын әйелдер – 10 таңғажайып фото
Жас ғалым әйелдер үшін арнайы квота енгізіледі – БҒМ
Архивтегі сурет

Сегіз жасар оқушы Қазақстанның Шекара қызметіне қабылданды

133
Ұлан айына кемінде үш рет теңізге келеді. Күні бойы сарбаздарға көмектесіп,  түрлі тапсырманы орындайды

НҰР-СҰЛТАН, 24 қазан – Sputnik. Ақтаулық сегіз жасар оқушы Ұлан Төлеуханов еліміздегі "ең жас шекарашы" атанды.

Жуырда жеткіншекті Ұлттық қауіпсіздік комитеті төрағасының орынбасары, генерал-лейтенант Дархан Ділманов "Шекара қызметінің үздігі" төсбелгісімен марапаттады.

Бүгінде жас өрен Каспий теңізінің аумағын күзетуге үлес қосып жүр. Құрдастары телефонда ойын ойнаса, жас шекарашы қызығушылығын күнделікті ісіне айналдырған, деп хабарлайды "Хабар 24" телеарнасы.

"Кемеде командирдің қызметі қиын деп ойлаймын, ол теңізшілерге тапсырма  береді, қателік болып қалса, ойланады, қайтадан айтып, істетеді. Қателік болмау керек. Ауа-райы жаман болуы мүмкін, шайқалып жатуы мүмкін. Достарым да көрді, суреттеріме қарап қызығады, медаліме, формама қызығады", - дейді шекара қызметінің үздігі Ұлан Төлеухан.

Ұлан айына кемінде 3 рет осында келеді. Мұнда күні бойы сарбаздарға көмектесіп,  түрлі тапсырманы орындайды. Әскери көлікте өзін еркін сезініп, кәдуілгі теңізшілердей әрекет етеді. Ата-анасы да ұлын қолдайды.

"Үйінде жүргендей сезініп жүреді. Жас сарбаздармен тіл табысып алған, командирлердің бәрін біледі. Ұланның шекара қызметінде туылғаннан бастап, менімен бірге шекара қызметінде шекара заставаларына шығып жүрді. Әскери киім кигісі келді. Жұмыстан келген уақытта фурашкамды, көйлегімді киіп жүреді, төсбелгілерімді тағып жүреді", - дейді әкесі, ҚР ҰҚК ШҚ Маңғыстау облысы департаменті әскери-патриоттық басқармасының аға офицері Ерсін Қайбуллин.

Ұлан "Жас шекарашы" әскери патриоттық үйірмесінің мүшесі. Осында әскери қызметтің алғашқы әліпбиін таныған. Түрлі шараларға атсалысып, департамент ұйымдастырған патриоттық конкурстарға қатысады. Сондықтан да арнайы төсбелгі алып, экипаж мүшесі болуға мүмкіндік алған.

Оқи отырыңыз: Шекарашылар күні: ел шебін күзетіп жүргендердің тыныс-тіршілігі – фото

"Ұлан таудай талабымен Маңғыстау облысы бойынша шекара қызметі департаментінің беделін көтеруге атсалысуда. Клубтың басты мақсаты – жастарымызды әскери-патриоттық рухта тәрбиелеу. Іс шара бойынша ардагерлермен кездесу, сұхбаттар өткізу, сонымен қатар әскери бөлімшелерге барып, қару-жарақ, техника түрлерімен танысу, ашық есік аясында бір күндік әскери қызметшілерің, шекарашылардың өмірімен танысу жоспарлануда", - деді ҚР ҰҚК ШҚ МО департаменті тәрбие-идеологиялық жұмыстар бөлімінің аға офицері Рамиль Жексенбаев.

Ақтауда әзірге бір үйірме бар. Алдағы уақытта тағы екеуін ашу жоспарланған. Осылайша, Ұлан сияқты жас патриоттарды дайындау көзделіп отыр. 

Айта кетері, шекара қызметі тек жағалауды күзетпей, браконьерлерді де қолға түсіреді. Ұлан да болашағын осы мамандықпен байланыстырады.

133
Кілт сөздер:
шекарашы, теңіз, Ақтау
Түрікменстан президенті Тоқаевқа арғымақ аттарын көрсетті

Түрікменстан президенті Тоқаевқа арғымақ аттарын көрсетті

139
(Жаңартылды 21:03 24.10.2021)
Бүгін Қасым-Жомарт Тоқаев Гурбангулы Бердімұхамедовтің шақыруы бойынша мемлекеттік сапармен Ашхабадқа барды

НҰР-СҰЛТАН, 24 қазан – Sputnik. Түрікменстанға мемлекеттік сапармен келген Қасым-Жомарт Тоқаев Президент Гурбангулы Бердімұхамедовпен бірге Ахалтеке жылқысына арналған кешеннің ипподромын аралап көрді, деп хабарлайды Ақорда.

Түрікменстан президенті Тоқаевқа арғымақ аттарын көрсетті
Іс-шара барысында президенттер шабандоздардың өнерін тамашалады

Мемлекет басшысына Түрікменстан президенті арғымақ аттарын көрсетті. 

Іс-шара барысында олар шабандоздардың өнерін тамашалады.

Түрікменстан президенті Тоқаевқа арғымақ аттарын көрсетті
Мемлекет басшысына Түрікменстан президенті арғымақ аттарын көрсетті

Бүгін Қасым-Жомарт Тоқаев Гурбангулы Бердімұхамедовтің шақыруы бойынша мемлекеттік сапармен Ашхабадқа барды.

Сапар барысында екі ел делегациясының шағын және кеңейтілген құрамдағы келіссөздері өтеді, деп жазды президенттің баспасөз хатшысы Берік Уәли әлеуметтік желідегі парақшасында.

Токаев прибыл в Ашхабад с государственным визитом
Қасым-Жомарт Тоқаев Гурбангулы Бердімұхамедовтің шақыруы бойынша мемлекеттік сапармен Ашхабадқа барды

Тараптар қазақ-түрікмен стратегиялық серіктестігінің жағдайы мен даму перспективаларын, сондай-ақ күн тәртібіндегі өңірлік және халықаралық мәселелерді қарастырады.

139