Тамара Дуйсенова

Жаңа еңбек министрі: Тамара Дүйсеновамен сөйлестім...

1311
(Жаңартылды 16:40 22.02.2018)
Өткен аптаның соңында Мадина Әбілқасымова еңбек және халықты әлеуметтік қорғау министрі болып тағайындалған еді

АСТАНА, 13 ақпан – Sputnik. Жаңа еңбек және халықты әлеуметтік қорғау министрі Мадина Әбілқасымова бұрынғы қызметі де әлеуметтік саламен тығыз байланысты болғанын айтты, деп хабарлайды Sputnik Қазақстан тілшісі.

Журналистер жаңа қызметіне екі-үш күн бұрын ғана тағайындалған министрден бүгінгі отырысқа мұқият дайындалып келуінің сырын сұрады. 

"Мен ұлттық экономика министрлігінде адам капиталын дамыту және әлеуметтік даму мәселелерімен айналыстым. Біз үйлестіруші орган ретінде барлық мемлекеттік бағдарламаны, стратегиялық даму жоспарларын келісетінбіз. Атап айтқанда, мен үкімет жұмысындағы әлеуметтік салаға жетекшілік еттім. 2030 жылға дейін  Қазақстанның әлеуметтік жаңғыруы тұжырымдамасын әзірлеуге де тікелей қатыстым. Сондай-ақ ұлттық экономика министрлігінде экономикалық ынтымақтастық және дамуды ұйымдастыруға қатысты барлық жұмысты  үйлестірдім. Сол кезде бізге әлеуметтік, кадр дайындау, еңбек ресурстарын дайындау сапасы стандарттарын ЭЫДҰ елдерімен сәйкестендіруге қатысты көп ұсыныс түсті. Бұл болашақта Қазақстанның 30 дамыған елдің қатарына кіруі жолында өте маңызды міндет деп санаймын. Осыған байланысты мен жаңа жұмысымда Қазақстанның әртүрлі жүйесіне жетекші халықаралық стандарттарды енгізуге баса ден қойғым келеді. Меніңше, қазір бұл өте өзекті мәселе", — деді министр. 

Әбілқасымова бұған дейін ведомствоны басқарған Тамара Дүйсенова өзіне табыс тілегенін айтты.

"Тамара Дүйсеновамен сөйлестім, қызметіме зор табыс тіледі", — деді ол.

1311
Кілт сөздер:
Еңбек және халықты әлеуметтік қорғау министрлігі, Мадина Әбілқасымова, Тамара Дүйсенова
Микрофон

Әнші Досымжан Таңатаров зейнетке шықты видео

369
(Жаңартылды 18:52 25.01.2021)
2009 жылы Қазақстанның еңбек сіңірген қайраткері атанған Досымжан Таңатаров Жамбыл облысы Тұрар Рысқұлов ауданында туған

АЛМАТЫ, 25 қаңтар – Sputnik. Әнші Досымжан Таңатаров президент оркестрінде 20 жыл қызмет етіп, майор шенімен зейнетке шыққанын хабарлады.

"2000 жылы Тараз қаласынан арнайы шақырумен келдім. Содан бері ешқайда жылжымай оркестрде қызмет істеген екенмін. 2003 жылдан бастап әскери жұмысқа кірістім, оның алдында әнші ретінде қызмет атқардым. Осы оркестрдің артқан сенімін алып шығуға бар күш-жігерімді салып өнер көрсетіп қызмет істегеніме де 20 жылдың көлемі болған екен", – деп жазды Таңатаров Instagram парақшасында.

Айтуынша, осы уақыт ішінде мемлекеттік іс-шараларда, шетелдің мемлекет басшылары мен арнайы қонақтар қатысқан салтанатты жиындарда өнер көрсеткен. 

Посмотреть эту публикацию в Instagram

Публикация от Досымжан Танатаров (@dossymzhan_tanatarov)

"Осы оркестрмен АҚШ, Қытай, Германия, Ресей, Араб елдерінде өнер көрсетіп, өз еліміздің мәдениетін, өнерін танытуға үлес қосқанымды мақтан тұтамын. Өнер биігінде өзімді қалыптастыруға, танымал болуыма, жалпы азамат болуыма осы ортаның берген көмегі көп болды. 20 жылдық ғұмырым оркестрге арналды. Мен де оркестрге аз нәрсе берген жоқпын. Мемлекеттік деңгейдегі марапаттардың бәріне бірден-бір себепші болған да осы оркестр", – деп жазды ол.

Досымжан Таңатаров оркестрдің толық құрамымен бірге 2015 жылы "Қазақстан" орталық концерт залында жеке шығармашылық кешін берген. Бір жылдары оркестрдің көркемдік жетекшісі болды.

"Әскери қызмет болғаннан кейін өткен жылы осы мемлекеттік күзет қызметі президент оркестірінен майор шенімен арнайы зейнетке шықтым. Оркестр басшысы Талғат Айтжанұлы әріптестерім Клара Түленбаева, Ардақ Балажанова үшеумізді осылай құрмет көрсетіп шығарып салды. Осы ұжымға, осында арнайы шақыртқан ағаларға, мені қолдаған басшыларға, халқыма рахмет айтып, басымды иемін", – деді ол.

Оқи отырыңыз: "Мені көргендер қарапайым екенсіз ғой деп таңғалады": Қайрат Байбосыновтан 10 кеңес

Айтуынша, 2000 жылы қызметке кіріскен кезде президент оркестрінің бастығы Арыстанбек Мұхамедиұлы, көркемдік жетекшісі Бекболат Тілеухан, бас әнші Нұрлан Өнербаев, ансамбль жетекшісі Рүстем Күлшебаев болған.

Досымжан Таңатаров 1975 жылы Жамбыл облысы Тұрар Рысқұлов ауданында туған. 2008 жылы Дарын мемлекеттік жастар сыйлығының иегері, 2009 жылы Қазақстанның еңбек сіңірген қайраткері атанды.

369
Кілт сөздер:
әнші, зейнеткер
Тақырып бойынша
Димаш Құдайберген АҚШ-тың жаңа президентін қазақ тілінде құттықтады – видео
Коронавирус жұқтырған Мейрамбек Бесбаев қазақстандықтарға үндеу жасады
"Басқа проблема жоқ па?" Тоқаевтың тойға қатысты ұсынысы кімге жақпай қалды?
Ернар Айдар туралы не білеміз?
"Сантехник болып, трактор айдадым". Әншілер өнерге келмес бұрын не істегенін айтты
Вакцинация

Қатерлі ісікке шалдыққан науқастарға коронавирусқа қарсы вакцина салуға бола ма?

14
(Жаңартылды 18:49 25.01.2021)
Маман екпені қолданудың өз ерекшеліктері бар екенін айтады. Яғни, емделуші мұндай топқа жататын болса, дәрігермен кеңесуі керек

НҰР-СҰЛТАН, 25 қаңтар – Sputnik. Қатерлі ісікке шалдыққан науқастар коронавирусқа қарсы "Спутник V" вакцинасын абайлап қолдануы керек, деп мәлімдеді Гамалея орталығының директоры Александр Гинцбург.

Сондай-ақ, ол "Спутник V" нұсқауында онкологиялық науқастарға вакцинация жасауға тыйым салынбайтынын атап өтті, деп хабарлайды РИА Новости.

Маманның пікірінше, екпені қолданудың өз ерекшеліктері бар. Яғни, емделуші мұндай топқа жататын болса сақтықпен, емдеуші дәрігермен кеңесуі керек.

"Бұл тұжырымдама "Спутник V" вакцинасының қауіпсіздігі мәселесімен байланысты емес. Себебі, онкологиялық науқастар түрлі химиялық терапия курсынан, соның ішінде қуатты цитостатикадан өткен болуы мүмкін (ісікке қарсы дәрі-дәрмектер тобы – Sputnik). Мұның бәрі иммундық функцияны төмендететіні анық", – дейді Александр Гинцбург.

Бұған дейін қатерлі ісікке шалдыққан науқастар "Спутник V" вакцинасын абайлап қолдану керектігі хабарланған болатын. Өйткені оның мұндай науқастарға әсері туралы ақпарат әлі де жеткіліксіз. Сондықтан да медициналық преапаратты қолдану жөніндегі жаңа нұсқаулықтың шыққанын күтуге тура келеді.

Орталық басшысының айтуынша, мұндай жағдайларда вакцинация туралы шешім емдеуші дәрігермен кеңескеннен кейін қабылдануы тиіс. Алайда бұл "Спутник V" вакцинасының қауіпсіздігіне ешқандай қатысы жоқтығын немесе пациенттердің бұл тобын иммундауға тыйым салуды білдірмейді.

Оқи отырыңыз: "Үкімет күшіне сенбей ме?": Бекболат Тілеухан екпе туралы заңға қарсы шықты

Сонымен қатар, Гинцбург "Спутник V" рак ауруын тудыруы мүмкін емес деп санайды. Өйткені, ол адамның аденовирусының дәлелденген және шимпанзе аденовирусы мен РНҚ платформасына негізделген бірқатар басқа дәрілерден айырмашылығы жақсы зерттелген. Бірақ оның ұзақ мерзімді әсерлеріне зерттеу жүргізілмеген.

14
Кілт сөздер:
коронавирус, онкология, вакцина
Тақырып бойынша
Қазақстандағы екпе салу туралы шындық - денсаулық министрі жазба жариялады
Төрт ай бұрын коронавирусқа қарсы екпе салдырған қазақстандық сұқбат берді
Тұмауға қарсы вакцинация: министр Цой өзіне екпе салдыруды жоспарлап отыр
Үкіметте вакцинация мен маска тағудың нәтижесі жарияланды 
Қазақстанда COVID-19-ға қарсы жаппай вакцинация 2021 жылдың ақпан айында басталады