Қылмыстық іс

2016 жылғы терактіге қатысты Алмалы ІІБ басшысына қандай айып тағылды?

210
(Жаңартылды 13:51 19.02.2018)
Тергеу мәліметі бойынша, полиция басқармасының бұрынғы басшысы 2016 жылы террорист Күлекбаевтың шабуылына қарсы салғырттық танытқан

АСТАНА, 16 ақпан — Sputnik. Алматы қаласы Алмалы ауданында ішкі істер басқармасының бұрынғы басшысы Асқар Болатовтың ісіне қатысты сот тыңдауы басталды, деп хабарлайды Sputnik Қазақстан тілшісі.

Асқар Болатов пен оның қол астындағы екі қызметкер – Қайрат Аманжолов пен Сырым Баймендиевке қатысты қылмыстық іс Алматыда 2016 жылдың 18 шілдесінде болған теракт кезінде салғырттық танытып, дер кезінде қимылдамағаны үшін қозғалған.

Адвокат Таир Назханов қорғалушысы Асқар Болатовқа қандай айып тағылғанын түсіндірді.

"Сотқа дейінгі тергеулер мәліметінше, біріншіден, ол Алмалы АІІБ ғимаратын күзету барысында қызметкерлердің жүріп-тұру тәртібін бұзған әрі, екіншіден, үшінші қабаттан төртінші қабатқа көтерілген. Неге қимылсыздық танытты деп отыр? Өйткені ол осы әрекетімен террорист Күлекбаевтың ғимаратқа жасаған шабуылына белсенді қарсылық көрсеткен жоқ, сондай-ақ тойтарысты ұйымдастыра алмады", — деді ол.

Адвокат қызметі бойынша қимылсыздық танытудың жемқорлық әрекет екенін әрі пайда түсіруді көздейтінін алға тартып, қорғалушысына мұндай күдік келтірудің қисынсыз екенін айтты.

"Күлекбаев пен Болатовтың таныс емес екені белгілі  — бұл террорист Күлекбаевтың күтпеген жерден жасаған шабуылы. Алмалы АІІБ басшысы сол күні қызметтік міндетін орындаған, таңертең селекторлық жиналыс шақырып, қоғамдық тәртіпті қорғау бойынша қызметті күшейту керектігін айтты, өйткені мұның алдында Ақтөбеде шабуыл болған еді", — деді Таир Назханов Ақтөбедегі тура осындай істің тоқтатылып, ал бұл істің әлі жалғасып жатқанына таңғалып. 

"Болатов шабуыл кезінде үшінші қабатта өз бөлмесінде қарусыз болған. Қаруы болмаған соң төртінші қабатқа көтерілді, ол жерде қаруланған жедел тергеу тобы болды. Шабуылға тойтарыс беру үшін сонда көтерілген. Кабинетіне кіріп, ішкі істер департаменті басшылығына, прокуратураға, әкімдікке шабуыл туралы хабарлады. Гарнизонға шабуыл жасалғаны туралы ең бірінші хабар берген сол", — деп адвокат болған оқиғаның мән-жайын баяндады.

Болатов пен Байнмендиевтің адвокаттары істің прокуратураға қайтарылып немесе қылмыстық істің мүлде тоқтатылуын сұрады.

Судья Маратәлі Бекназаров берілген өтініштерді қарау үшін жиналыс бөлмесіне кетіп қалды.  

Естеріңізге сала кетсек, 2016 жылдың 18 шілдесінде Алматыда полицейлерге шабуыл жасалды. Салдарынан 10 адам қаза тапқан. Теракт ұйымдастырушы — Қызылорда облысының 26 жастағы тумасы Руслан Күлекбаев. Ол өлім жазасына кесілгенімен, Қазақстандағы мораторийға байланысты түрмеде отыр.

210
Кілт сөздер:
Алматыдағы теракт, қылмыстық іс, Руслан Күлекбаев
Жайық өзені, архивтегі фото

Қазақстан мен Ресей трансшекаралық өзендерде зерттеу жүргізіп жатыр

9
Бұл жұмыс гидрологиялық режимді және трансшекаралық өзендердің экологиялық жағдайын жақсартуға мүмкіндік береді

АЛМАТЫ, 28 қыркүйек – Sputnik. Қазақстан мен Ресейде өзен су тасқыны параметрлерін және ағынның өзгеру тенденциясын анықтау үшін трансшекаралық өзендер бойынша гидрологиялық және гидрохимиялық мәліметтерді жинау басталды.

Экология министрлігінің трансшекаралық өзендер департаментінің директоры Арсен Жақанбаевтың айтуынша, 2020 жылдың қазанында бекітілген ірі өзендердің бассейндерінде зерттеу жүргізу бойынша ынтымақтастықты кеңейту жол картасы аясында су объектілері зерттеліп жатыр.

"Экология және жасыл даму саласындағы ынтымақтастық" деген тақырыпта өткен Қазақстан мен Ресейдің XVII аймақаралық ынтымақтастық форумы аясындағы "Трансшекаралық су объектілері" панельдік сессиясында Жақанбаев Қазақстан мен Ресей арасындағы ынтымақтастықтың 29 жылдық тәжірибесі   мемлекетаралық су бөлу мен су қоры ресурстарының күрделі мәселелерін табысты шешуге мүмкіндік бергенін айтты.  

Оның пікірінше, Жайық өзені суының азаю мәселесін бірлесіп шешу жемісті ынтымақтастықтың дәлелі болмақ. Соңғы жылдары Жайық трансшекаралық өзені ағынының азаюы мен су ресурстары және экожүйелер жай-күйінің нашарлау тенденциясы алаңдаушылық туғызып отыр, деп толықтырды спикер.

"Ірі өзендердің бассейндеріндегі бірлескен зерттеулер нәтижесінде трансшекаралық өзендердің гидрологиялық режимі мен экологиялық жағдайын жақсартуға бағытталған мақсаттар мен міндеттерге қол жеткізілетініне сенімдімін", - деп атап өтті спикер.

Қазақстан Ресей Федерациясымен алты негізгі трансшекаралық бассейн бойынша ынтымақтасады: Жайық, Ертіс, Есіл, Тобыл, Қараөзен мен Сарыөзен, Қиғаш, деп нақтылады Жақанбаев.

Тараптар 2000-2015 жылдар аралығында бұрынғы Павлодар қаласының солтүстік өнеркәсіптік аумағындағы сынаппен ластану ошағындағы жер асты және жер үсті суларына бірлескен мониторинг жүргізді. Орындалған жұмыстардың нәтижесінде "топырақтағы қабырға" әдісімен жылыстауға қарсы перденің құрылысы аяқталды, ластану ошағынан Ертіс өзенінің шетіне дейін 30 бақылау ұңғымасы бұрғыланды.

Аймақаралық ынтымақтастық форумы 28-30 қыркүйекте онлайн режимінде өтеді.  

9
Мотоциклші, архивтегі сурет

Алматыда мотоциклдердің жүруіне тыйым салынуы мүмкін

22
(Жаңартылды 17:53 28.09.2021)
Қаулы жобасы Алматының шекарасы шегінде жол қозғалысын арнайы ұйымдастыру аймағын құруды көздейді

НҰР-СҰЛТАН, 28 қыркүйек – Sputnik. Алматы қаласында кешкі сағат оннан  таңғы тоғызға дейінгі аралықта мотоциклдердің жүруіне тыйым салу жоспарланып отыр.

Қала әкімдігі Алматыда жол жүрісін арнайы ұйымдастыру аймағын белгілеу туралы қаулы жобасын әзірледі.

"Алматы қаласының шекарасы шегінде жол қозғалысын арнайы ұйымдастыру аймағы құрылсын. Жол жүрісін арнайы ұйымдастыру аймағында сағат 22.00-ден 09.00-ге дейін мотоциклдердің жүруіне тыйым салынсын", - делінген "Ашық НҚА" порталында жарияланған құжатта.

Алайда бұл тыйымның мына көліктерге қатысы жоқ:

  • электр қозғалтқышпен қозғалысқа келтірілетін мотоциклдер;
  • түсті графикалық схемалар, тану белгілері, жазулар, арнайы жарық және дыбыс сигналдары бар жедел және арнайы қызмет көліктері.

Заңға сәйкес, мотоцикл деп уәкілетті органда мемлекеттік тіркелуге жататын, мемлекеттік тіркеу нөмірі белгілері бар, ең жоғары конструктивтік жылдамдығы сағатына елу шақырымнан асатын мотоциклдерді атайды.

"Қаулы жобасы түнгі уақытта қала тұрғындарына шу жүктемесін азайту мақсатында әзірленді. Мотоциклдер қозғалысын ұйымдастыру мәселесін шешудің қажеттілігі мен тиімділігі Көлік және коммуникация ғылыми-зерттеу институтының зерттеулерімен негізделген және халықтың шағымдарымен расталады", - делінген түсіндірме жазбада.

Құжатты қоғамдық талқылау мерзімі 12 қазанға дейін созылады.

Оқи отырыңыз: 

22
Кілт сөздер:
мотоцикл, Алматы, шектеу, жол
Тоқаев Есеп комитетінің төрағасы Наталья Годунованы қабылдады

Есеп комитетінің басшысы 2022 жылы шығындарды төрттен бірге қысқартуды ұсынды

0
Келесі жылдың бюджет жобасында басым бағыттар бойынша 1,2 триллион теңге көлемінде қаржы қарастырылған

НҰР-СҰЛТАН, 28 қыркүйек – Sputnik. Президент Қасым-Жомарт Тоқаев Есеп комитетінің төрағасы Наталья Годунованы қабылдады.

Мемлекет басшысына 2022-2024 жылдарға арналған республикалық бюджеттің жобасына жүргізілген алдын ала бағалаудың негізгі нәтижелері жөнінде баяндалды, деп хабарлады Ақорданың баспасөз қызметі.  

Наталья Годунованың мәліметіне сәйкес 9 басым бағыт бойынша үш жылда жұмсалатын 3,2 триллион, оның ішінде 2022 жылға жоспарланған 1,2 триллион теңге көлеміндегі қаржыға бағалау жүргізілді. Оның қорытындысы бойынша Есеп комитеті жұмсалатын 1,16 триллион теңгені, оның ішінде 2022 жылға жоспарланған 306,3 миллиард теңгені оңтайландыруды ұсынды. Бюджетті жоспарлау кезінде жіберілген бірқатар кемшілік айтылды. Тиісті органдарға оларды жою жөнінде нақты ұсыныстар берілді.

Сонымен қатар Есеп комитетінің төрағасы жекелеген аудиторлық іс-шаралардың алдын ала қорытындылары туралы айтты.

Кездесу қорытындысы бойынша Қасым-Жомарт Тоқаев мемлекеттік аудит және қаржылық бақылау органдарының қызметін жетілдіру жөнінде бірқатар нақты тапсырма берді.

Оқи отырыңыз:

0