намаз

Қазақстандықтардың қанша пайызы дін саласындағы саясатты қолдайды?

104
(Жаңартылды 13:40 22.02.2018)
Астанада ҚР дін істері және азаматтық қоғам министрлігінің кеңейтілген алқа отырысы өтіп жатыр

АСТАНА, 21 ақпан – Sputnik. Қазақстандықтардың 90 пайызы дін істері және азаматтық қоғам министрлігінің дін саласында жүргізіп жатқан мемлекеттік саясатын қолдайды. Бұл туралы бүгін аталған ведомствоның басшысы Нұрлан Ермекбаев мәлім етті, деп хабарлайды Sputnik Қазақстан тілшісі.

"Бүгінде адамдардың дені дәстүрлі дінді радикалды идеологиядан айыра біледі. Сауалнама нәтижесі көрсеткендей, қазақстандықтардың 90 пайызы дін саласындағы мемлекеттік саясатты қолдап отыр, деструктивті діни ағымдарға қарсы", — деді министр.

Ермекбаев бір жыл ішінде атқарылған жұмыс дін саласындағы жағдайды жақсартуға, сарапшылармен және дін басылармен өзекті мәселелер бойынша диалог орнатуға мүмкіндік бергенін атап өтті.

"Биыл бұл потенциалды бірлесіп дамыту өте маңызды. Ең әуелі біз ұсынған заң жобасының жұмысын аяқтау қажет. Ол министрлікке емес, қазақстандықтардың қауіпсіз жарқын болашағы үшін қажет. Алқаға қатысып отырған депутаттар да бұл позицияны қолдайды деген үміттеміз", — деді ведомство басшысы. 

Сонымен қатар министр ақпарат топтарының жұмысын жаңа деңгейге көтеруге керек екенін айтты. Ол үшін ақпараттық-насихат жұмысын дамытудың жол картасын әзірлеу қажет. 

"Ақпарат топтары адамдармен тығыз қарым-қатынаста, түрлі аудиориямен жұмыс істейді. Ал жұмыс кей кезде қатып қалған шаблон бойынша, ескі әдіспен жүргізіледі. Барлық аудиторияға бір дәріс оқылып, ресми кездесулер өткізіледі де, жұмыс жүргізіліп отырған өңірдің ерекшелігіне ескерілмейді. Сондықтан дәріс оқитындар лекторлардың ақпараттық және коммуникативті технологиялары болуы керек, аудиторияға қарапайым түсінікті тілмен ұғындыруы тиіс. Ол үшін біз ақпараттық-насихат жұмысын дамытудың жол картасын әзірлеуіміз керек",- деді ол. 

Картаның негізгі тармақтарының бірі лекторларды дайындау мен қайта даярлау орталығын құру болмақ. Орталық лекторлар құрамын даярлап қана қоймай, олардың жұмысын бақылайды, аттестация жүргізіп, рейтинг жасайды. 

"Лекторлар рейтингке сәйкес еңбегіне қарай ақы алуы керек. Орталық жергілікті спефиканы есепке алып, профилактикалық жұмыстың алгоритмін әзірлеуі тиіс", — деді министр.

104
Кілт сөздер:
дін, ҚР Дін істері және азаматтық қоғам министрлігі, Нұрлан Ермекбаев
Жұмыс, қызмет

Президент мемлекеттік қызметшілерді қысқартуға қатысты тапсырма берді

23
Өткен жылы агенттіктің штаты 10 процентке қысқарған, биыл ақпан айының соңына дейін тағы да 15 процентке оңтайландырылмақ

НҰР-СҰЛТАН, 19 қаңтар — Sputnik. Қазақстан президенті мемлекеттік қызмет істері агенттігінің төрағасы Анар Жайылғанованы қабылдады, деп хабарлайды Ақорда.

Кездесуде мемлекет басшысына агенттіктің 2020 жылы атқарған жұмыстарының негізгі қорытындылары туралы егжей-тегжейлі есеп берілді.

Анар Жайылғанова ведомствоның мемлекеттік қызметке орналасу рәсімдерін жетілдіруге, саяси қызметті кәсібилендіруге, қызметкерлерді ынталандыруға және дамытуға бағытталған жұмыстар туралы айтты. Президенттік жастар кадрлық резерві, сондай-ақ, мемлекеттік қызметтің ұйымдастыру мәдениетін өзгертуге қатысты атқарылған шара жайлы ақпарат берді.

Агенттік төрағасы мемлекеттік қызметті цифрландыру, оның ішінде, "Е-қызмет" жүйесінің интеграция аясын кеңейту және i-Qyzmet жүйесін әзірлеу барысына да тоқталды.

Жайылғанованың айтуынша, өткен жылы агенттіктің штаты 10 процентке қысқарған, ал биыл ақпан айының соңына дейін тағы да 15 процентке оңтайландырылмақ.

Қасым-Жомарт Тоқаев агенттік төрағасына орталық және жергілікті деңгейдегі мемлекеттік қызметшілерді қысқарту үдерісінің ашықтығы мен тиімділігін бақылауды қамтамасыз етуді тапсырды. Сонымен қатар президент мемлекеттік басқару тұжырымдамасын әзірлеу және жүзеге асыру аясында ведомствоның жұмысын жандандыруға нұсқау берді. 

23
Кілт сөздер:
мемлекеттік қызметші, президент
Тақырып бойынша
Тоқаев биыл кімдердің жалақысы өсетінін айтты
Мамин екі министрді не себепті ауыстырды – сарапшылар пікірі
2021 жылы мемлекеттік қызметшілер қандай декларация тапсырады
Президенттің төрағалығымен үкіметтің кеңейтілген отырысы қашан өтеді
Мемлекет басшысы Ахметжан Есімовті қабылдады
Темір тор мен кісен, архивтегі сурет

Тоңазытқыштағы нәресте өлімі: сот залында шу шықты видео

876
(Жаңартылды 19:33 19.01.2021)
Бұрынғы бас дәрігердің жұбайы сот үкімін естігеннен кейін судьяға дөрекі сөйлеп, "олардың бәрін антикор басқарып отыр" деп шықты

НҰР-СҰЛТАН, 19 қаңтар – Sputnik. Ұзақ уақытқа бас бостандығынан айырылған дәрігерлер өз эмоциясын ұстай алмады. "Ақ Жайық" порталында сот залында түсірілген видео да жарияланды.

Айта кетейік, дүйсенбі күні Атырауда жаңа туған баланы алдын ала сөз байласу арқылы өлтіргені үшін айыпталған облыстық перинаталдық орталықтың дәрігерлеріне қатысты үкім шыққан болатын. Сот оларды кінәлі деп танып, перинаталдық орталықтың бұрынғы бас дәрігері Қуаныш Нысанбаевты 18 жылға, акушер-гинеколог Асқар Қайыржанды 16 жылға, акушер Жәмилә Құлбатырованы 15 жылға бас бостандығынан айыруға шешім қабылдады. Ал неонатолог-дәрігер Руслан Нұрмұхамбетов пен Дариға Жұмабаева қылмыс туралы хабарламағаны үш жылға бас бостандығын шектеу жазасына кесілді.

Судья үкімді жариялағанда дәрігерлер өз эмоциясын ұстай алмады. Акушер-гинеколог Асқар Қайыржан "үкіммен келіспеймін!" деп, сотталушыларға арналған кабинаның терезесін ұра бастады. Осыдан кейін қарауыл оны сот залынан алып кетті.

Бұрынғы бас дәрігердің жұбайы сот үкімін естігеннен кейін судьяға дөрекі сөйлеп, "олардың бәрін антикор басқарып отыр" деп шықты. Ал Қуаныш Нысанбаевтың өзі ештеңе түсінбегенін жеткізді. Содан кейін әділ сот болмады деп айқайлады.

"Неге бұл жерде Әлімбаева (кезекші неонатолог-дәрігер) жоқ. Ол бірінші болып баланы қараған", – деді ол. Оны да сот залынан алып кетуге тура келді.

Акушер Жәмилә Құлбатырова да сот үкімімен келіспейтінін мәлімдеді.

"Мен дәрігерлердің айтқанын ғана істедім. Басқа еш кінәм жоқ!", – деп айқайлады Құлбатырова.

Судья Гүлмира Дәулетова үкімді аяғына дейін оқып, 15 күннің ішінде қарсы шағым түсіруге болатынын айтты.

Жаңа туған нәрестенің өлімі

2019 жылдың 29 қыркүйегінде Атырау перинаталдық орталығында дүниеге келген нәресте қимылсыз жатқаннан кейін дәрігерлер оны өлі туды деп тіркеген. Алайда сәбиді тоңазытқыш камераға апарған кезде аяғы қимылдай бастаған.

Сыбайлас жемқорлыққа қарсы қызметтің хабарлауынша, дәрігерлер құжатты түзетпеу үшін оны тоңазытқышта қалдыруға шешім қабылдаған. Сотта тергеуші Асқарбек Ермұқашев дәрігерлердің телефон арқылы сөйлескен стенограммасы бар екенін айтқан.

Оқи отырыңыз: Сегіз сағат жер астында жатқан нәресте тіріліп кетті - видео

Филологиялық сараптаманың қорытындысы да жасалды. Сонда дәрігерлердің бір-бірімен кеңесіп, баланың тағдырын шешкені анық байқалады. Әңгіменің стенограммасында "Құдай бізді кешірсін" деген сөздер бар.

876
Кілт сөздер:
Атырау, бала өлімі
Тақырып бойынша
Атырауда 108 нәресте шетінеді: дәрігерлер жас босанған әйелдердің өзін кінәлайды
Нәресте тоңазытқыштан табылды: атыраулық дәрігерлердің ауыр қылмысы ашылды
Алматыда он жыл күткен нәресте он күнде шетінеп кетті: оқиғаның мән-жайы
Қызыл қаласында анасы көшеде ұмытып кеткен нәресте үсіп өлді
"Алты айлық нәресте бар": үш облыста коронавирус жұқтырған 14 адам анықталды