Аман Тулеев

Губернатор Кемероводағы жойқын өрттің неден шыққанын айтты

1994
(Жаңартылды 16:37 28.03.2018)
Аман Тулеев өрттің бастапқы себебін түсіндірді

АСТАНА, 27 наурыз — Sputnik. Кемерово облысының губернаторы Аман Тулеев Ресей президенті Владимир Путинге айтқандай, Кемероводағы өртке ертеңгілікте болған отшашу себеп болуы мүмкін.

Путин Кемерово қаласында өрттің салдарын жою бойынша жиналыс өткізді.

"Өзім кездескен адамдардың айтуынша, ертеңгілікте отшашу болған. Бастапқы деректер бойынша, куәгерлер осылай депті. Бәрі содан басталған екен. Әрі қарай өздеріңіз білесіздер: есіктер жабық, қосалқы есіктер де жабық, желдеткіш бар қуатымен жұмыс істеп тұр, ал түтін шығатын жер жоқ", — деді Тулеев жиналыс кезінде, деп жазады Кремльдің ресми сайты.

Өңір басшысы атап өткендей, "Адам қайғысын пайдаланып, оппозициялық күштер көтеріліп отыр: үй-үйлерге, жақын орналасқан кәсіпорындар мен жеке секторға барып жүр".  

"Қазір 200-дей адам жиналды. Бұлар тіпті қаза тапқандардың туысы да емес. Олармен сөйлесіп, түсіндіріп жатырмыз: "Бұлай болмайды, қайғыдан қан жұтып отырғанда, өз мүддеңді ойлап, проблемаңды шешуге тырысу дұрыс емес" дейміз(…) Менің мақсатым —  біреудің қайғысын пайдаланып, өздерінің түсініксіз бір ойларын іске асырғысы келетіндерге жол бермеу", — деп жалғастырды Тулеев.

Оның сөзіне сүйенсек, әр отбасыға материалдық көмек көрсетілді. 

"18 жасқа дейінгі балалары аман қалғандарға біз өзіміз көмектесеміз. Мен өзім әрбір отбасыны қабылдаймын. Бәрімен бірдей кездесемін. Қазір қарыздар мен несиелер бойынша мәселелер шешіліп жатыр. Бұл олар көтеріп отырған, тұрмыстық проблемалар", — дейді губернатор.

Жексенбі күні Кемероводағы "Зимняя вишня" сауда орталығында өрт шықты. Соңғы деректерге сүйенсек, өрт салдарынан 64 адам ажал құшқан. Қайғылы оқиғаға байланысты 28 наурыз жалпыұлттық аза тұту күні болып жарияланды.

1994
Кілт сөздер:
жойқын өрт, құрбандар, Аман Тулеев, Кемерово облысы
солдат

Отставкадағы генерал-лейтенант Құрбан Қаражанов өмірден озды

96
Қорғаныс министрлігінің басшылығы мен қарулы күштердің жеке құрамы Құрбан Сәкенұлының мезгілсіз қайтыс болуына байланысты туыстарына көңіл айтты

НҰР-СҰЛТАН, 31 шілде – Sputnik. 64 жасына қараған шағында отставкадағы генерал-лейтенант Құрбан Қаражанов коронавирус инфекциясынан қайтыс болды, деп хабарлады қорғаныс министрлігі.

Генерал-лейтенант в отставке Курбан Каражанов
© Photo : министерство обороны Республики Казахстан
Құрбан Қаражанов

Құрбан Қаражановтың 31 шілдеде қайтыс болғаны хабарланды.

"Генерал-лейтенант Құрбан Қаражанов абыройлы, ерік-жігері мықты, нағыз патриот болатын. Ол ұдайы күрделі қызметтерді атқарды. Бүкіл ғұмырын елдің қорғаныс қабілетін нығайтуға арнады", - делінген хабарламада.

Генерал-лейтенант Құрбан Сәкенұлы Конев атындағы Алматы жоғары жалпы әскери командалық училищені бітірген. Әскери мансабын 1979 жылы мотоатқыштар взводының командирі қызметінен бастады.

Қазақстан армиясы құрылған сәттен бастап әр жылдары еліміздің қарулы күштерінде жауапты қызметтер атқарды. ІІ дәрежелі "Данқ" орденімен марапатталған.

Қазақстанның қорғаныс министрлігінің басшылығы мен қарулы күштерінің жеке құрамы Құрбан Сәкенұлының мезгілсіз қайтыс болуына байланысты туыстары мен жақындарына қайғырып көңіл айтады.

96
QazVac вакцинасы

Бас санитар дәрігер QazVac вакцинасына қатысты қаулыға қол қойды

54
(Жаңартылды 20:06 31.07.2021)
Енді QazVac вакцинасының құтысы үш немесе бес адам екпе алуға ниет еткенде ашылады, бұл вакцинаны сақтау талабын орындау үшін қажет

НҰР-СҰЛТАН, 31 шілде – Sputnik. Бас мемлекеттік санитар дәрігер Ерлан Қиясов қаулы шығарып, QazCovid-in (QazVac) вакцинасын шығару формасын өзгертті.

"QazCovid-in вакцинасын шығару формасы: 0,5 мл (бір доза), 1,0 мл (екі доза), 1,5 мл (үш доза), 2,5 мл (бес доза), сыйымдылығы 3 мл, резеңке тығынмен тығындалған және Flip-off типті пластикалық қақпағы бар металл қалпақпен оралған, Ι класты түссіз шыныдан жасалған құтыға құйылады", - делінген бас санитар дәрігердің қаулысында.

Денсаулық министрлігінің ақпаратына сүйенсек, вакцинаның ашық құтысы асептика жағдайының бұзылу қаупіне байланысты ашылғаннан кейін сақталмайды және бірден пайдаланылады. Сондықтан вакцинаның құйылуын барынша азайту үшін 3 немесе 5 адам болғанда ғана көп дозалы құтыны ашу ұсынылып отыр.

Бұған дейін денсаулық сақтау министрлігі вакцинаны сақтау тәртібінің бұзылмауын бақылауды күшейткені хабарланды.

Оқи отырыңыз: Коронавирусқа қарсы екі түрлі вакцина салдыруға бола ма

 

54
Тақырып:
COVID-ке қарсы вакцина