Қоғам

Елімізде азаматтарды тұрғылықты жері бойынша тіркеу жеңілдетілді

© Sputnik / Болат Шайхиновуақытша тіркеу
уақытша тіркеу - Sputnik Қазақстан
Жазылу
Енді мекенжай бойынша онлайн тіркелуге жиырма минут қана жеткілікті

АСТАНА, 3 сәуір – Sputnik. Қазақстанда электрондық үкімет порталында тұрғылықты жері бойынша онлайн тіркелу рәсімі өзгерді. Енді бұл үшін азаматтарға 20 минут жеткілікті, деп хабарлайды "Азаматтарға арналған үкімет" мемлекеттік корпорациясының баспасөз қызметі. 

Уақытша тіркеу - Sputnik Қазақстан
Қоғам
Енді уақытша тіркеу мерзімін телефон арқылы ұзартуға болады

Сондай-ақ салық кодексіне енгізілген өзгерістерге сәйкес биыл қаңтар айынан бастап тіркеуге мемлекеттік баж алынбайды. Естеріңізге сала кетейік, бұрын электрондық үкімет порталы арқылы тіркелгенде 10% АЕК көлемінде мемлекеттік баж төлеу керек болатын. Сосын "Азаматтарға арналған үкімет" мемлекеттік корпорацияның фронт-офисіне келіп, жеке куәлік чипына тіркеу туралы деректер жазбасын енгізу үшін көші-қон қызметкеріне жүгіну қажет еді. Ал биылғы наурыз айынан бастап портал арқылы тұрғылықты жері бойынша тіркелу рәсімі айтарлықтай жеңілдетілді.

Енді жылжымайтын мүлік иесі және тіркелетін азамат egov.kz порталында авторизациядан өткеннен кейін, тіркелетін азамат өтініш беріп, меншік иесі өзінің электрондық-цифрлық қолтаңбасымен растауы тиіс. Өтініш берілгеннен кейін деректер шамамен 10 минутта өңделеді, содан кейін тіркелген мекенжай бойынша анықтама алуға тапсырыс беруге болады.

Бұл қызметке ЭЦҚ-сы бар кез келген азамат Қазақстанның барлық өңірінде қол жеткізе алады.


Жаңалықтар
0