Ардагерлер

Астана әкімдігі соғыс ардагерлеріне ақшалай көмек береді

132
(Жаңартылды 09:55 21.04.2018)
Ұлы Отан соғысы ардагерлері 1 мамырда ақшалай көмек алады

АСТАНА, 20 сәуір — Sputnik. Астана қаласында Ұлы Отан соғысы ардагерлері мен мүгедектері 9 мамыр — Жеңіс күніне орай 511 135 теңге көлемінде ақшалай көмек алады. Қалалық мәслихат депутаттары осы мақсатта жергілікті бюджеттен қосымша 33 млн 250 мың теңге бөлу туралы ұсынысты қабылдады, деп хабарлайды Елорда Инфо.

"Астана қаласы мәслихатының кезектен тыс сессиясының қарауына Астана қаласындағы Ұлы Отан соғысы ардагерлері мен мүгедектеріне Жеңіс күніне орай қосымша әлеуметтік көмек беру мәселесі ұсынылады", — деді Астана қаласының жұмыспен қамту және әлеуметтік қорғау басқармасының басшысы Ермек Оспанов.

Оның айтуынша, елордадағы ҰОС ардагерлері мен мүгедектеріне қосымша әлеуметтік көмек көрсету 2017 жылы бекітілген.

"9 мамыр – Жеңіс күніне орай ҰОС ардагерлері мен мүгедектеріне берілетін әлеуметтік көмек 67 АЕК көлемінде болады. Бұл — 161 135 теңге. Сіздердің ұсыныстарыңыз бойынша біз барлық есепті айлық есептік көрсеткішке келтірдік. Биыл Жеңіс күніне орай жергілікті бюджеттен қосымша 33 млн 250 мың теңге бөлу жоспарланып отыр, яғни 95 ҰОС ардагері мен мүгедектеріне 350 мың теңгеден әлеуметтік көмек көрсету көзделген. Осылайша, ұсынылған жобаны қолдайтын болсаңыздар, Астана қаласындағы ҰОС ардагерлері мен мүгедектері  биыл 9 мамыр мерекесіне 511 135 теңге әлеуметтік көмек алатын болады", — деді Ермек Оспанов.

Бұған қоса басқарма басшысының айтуынша, қаладағы ҰОС ардагерлері мен мүгедектеріне аталған әлеуметтік көмек 1 мамырға дейін аударылады. Мәслихат депутаттары бұл ұсынысты бірауыздан қолдады. 

Айта кетейік, өткен жылы елордада 163 соғыс ардагері мен мүгедегі болған. Бүгінде Астанада Ұлы Отан соғысының 95  ардагері мен мүгедегі тұрады.

132
Кілт сөздер:
ардагерлер, Жеңіс күнін тойлау, Астана
Қорғаныш костюмін киген дәрігерлер

Қазақстанда коронавирус жұқтырғандар көбейіп барады

891
Індетке шалдыққандардың дені Нұр-Сұлтан қаласы, Ақмола, Павлодар және Қостанай облыстарында тіркелді

НҰР-СҰЛТАН, 24 қаңтар – Sputnik. Қазақстанда өткен тәулікте 1 584 адамнан коронавирус инфекциясы табылды, деп хабарлайды COVID-19 таралуына жол бермеу жөніндегі ведомствоаралық комиссия.

23 қаңтарда республика бойынша 1 584 адамда коронавирусқа тапсырған ПТР тест оң нәтиже көрсетті.

Оның ішінде:

  • Нұр-Сұлтан қаласында – 21274 (+229),
  • Алматы қаласында – 21141 (+131),
  • Шығыс Қазақстан облысында – 19804 (+42),
  • Атырау облысында – 15497 (+96),
  • Қарағанды облысында – 13226 (+82),
  • Павлодар облысында – 11695 (+220),
  • Батыс Қазақстан облысында – 10304 (+84),
  • Солтүстік Қазақстан облысында – 10107 (+113),
  • Қостанай облысында – 9350 (+177),
  • Ақмола облысында – 9299 (+237),
  • Алматы облысында – 8712 (+92),
  • Шымкент қаласында – 5787 (+8),
  • Жамбыл облысында – 5408 (+20),
  • Түркістан облысында – 3986 (+16),
  • Маңғыстау облысында – 3960 (+11),
  • Ақтөбе облысында – 3889 (+10),
  • Қызылорда облысында – 3535 (+16).

Пандемия басталғалы коронавирус инфекциясын жұқтырғандар саны 176 974 адамға жетті.

891
Кілт сөздер:
коронавирус
Тақырып:
Коронавирус эпидемиясы
Тақырып бойынша
Полиция үш ай бойы коронавирустан "жасырынған" ер адамды ұстады
Коронавирустан қайтыс болғандардың рекордтық көрсеткіші тіркелді - ДДҰ
Коронавирусқа қарсы жаңа вакцина жайлы не білеміз
Қазақстанда бір аптада 54 адам коронавирустан қайтыс болды
Сауат Мыңбаев

Сауат Мыңбаев жарақат алды жағдайына қатысты ақпарат шықты

1166
(Жаңартылды 13:40 23.01.2021)
Әлеуметтік желі мен бұқаралық ақпарат құралдарында Мыңбаев омыртқа жарақатын алып, ауруханаға түскені туралы хабар шықты

НҰР-СҰЛТАН, 23 қаңтар — Sputnik. "Қазақстан темір жолының" төрағасы Сауат Мыңбаев спортпен шұғылдану кезінде жарақаттанды.

Әлеуметтік желі мен БАҚ-та Мыңбаев омыртқа жарақатын алып, ауруханаға түскені туралы хабар шықты.

Компанияның баспасөз қызметі оның өмірі мен денсаулығына қауіп төніп тұрған жоқ деді.

"Қазақстан темір жолы" ұлттық компаниясының төрағасы Сауат Мыңбаев спортпен шұғылдану кезінде жарақат алды. Қазіргі уақытта емделіп жатыр. Денсаулығына қауіп төніп тұрған жоқ", - делінген хабарламада.

Сауат Мыңбаев 2018 жылдың қараша айынан бері "Қазақстан темір жолы" ұлттық компаниясының төрағасы қызметін атқарып келеді. 

Ол 1962 жылы 19 қарашада бұрынғы Талдықорған облысы Үшарал ауылында дүниеге келген. Түрлі жылдары қаржы министрінің орынбасары, қаржы министрі, ауыл шаруашылығы министрі, премьер-министр орынбасары лауазымында болды.

Мыңбаев индустрия және сауда министрі, энергетика және минералды ресурстар министрі, мұнай және газ министрі қызметтерін де атқарған. 2013-2018 жылдар аралығында "ҚазМұнайГаз" ұлттық компаниясының басқарма төрағасы болды. Қазіргі уақытта "Қазақстан темір жолына" басшылық етеді.

1166
Кілт сөздер:
аурухана, Сауат Мыңбаев
Тақырып бойынша
Назарбаевтың денсаулығына қатысты ақпарат шықты
Тальго жолсеріктері пойызда әйел зорлады: ҚТЖ мәлімдеме жасады
Президент Сауат Мыңбаевты неге шақырды?
"Ауруханаға түсуі мүмкін": маман дәрумен ішетіндерге ескерту жасады
Мейрамбек Бесбаев коронавирус диагнозымен ауруханаға түсті
Жалғас Жұмағұлов

Жалғас Жұмағұлов UFC-дегі екінші жекпе-жегінде жеңіліп қалды видео

0
UFC 257 турнирінің басты оқиғасы – ирландиялық Конор МакГрегор мен америкалық Дастин Порье арасындағы жеңіл салмақтағы реванш

НҰР-СҰЛТАН, 24 қаңтар – Sputnik. Қазақстандық аралас жекпе-жек шебері Жалғас Жұмағұлов Әбу-Дабиде өткен UFC 257 турнирінде швед қарсыласынан жеңіліп қалды.

Ең жеңіл салмақтағы кездесу үш раундқа созылды. Төрешілер жеңісті бірауыздан Амир Альбазиге берді.

"Тартысты жекпе-жекте Жалғас Жұмағұлов Амир Альбазиге есе жіберді", - деп хабарлады UFCRussia Instagram-да.

Осылайша Жалғас аралас жекпе-жекте 13 рет жеңіске жетіп, бес кездесуін жеңіліспен аяқтады. Жұмағұлов UFC-ге алғаш рет өткен жылдың жазында шықты. Ол төрешілер шешімімен бразилиялық Раулиан Пайведен жеңілді, алайда бұл шешім көпшілік арасында дау тудырған еді.

Еске салсақ, UFC 257 турнирінің басты оқиғасы – ирландиялық Конор МакГрегор мен америкалық Дастин Порье арасындағы жеңіл салмақтағы реванш.

0
Кілт сөздер:
видео, аралас жекпе-жек