Қалмұханбет Қасымов

Ішкі істер министрі Сағынтаевқа мұңын шақты

214
(Жаңартылды 18:43 22.05.2018)
Қалмұханбет Қасымов жыл сайын елімізде орман және дала өртінің саны артып бара жатқанын айтты

АСТАНА, 22 мамыр – Sputnik. Ішкі істері министрі Қалмұханбет Қасымов премьер-министрге су тасқынымен күреске қажетті техникаларды сатып алуға бөлінбек болған 2 миллиард теңгені әлі ала алмай жүргенін айтып шағымданды, деп хабарлайды Sputnik Қазақстан тілшісі.

Бүгін үкімет отырысында ішкі істер министрі Қалмұханбет Қасымов орман және дала өртінің алдын алуға даярлық барысы бойынша баяндама жасады. Министр өткен жылдармен салыстырғанда, орманды және далалы жерлерде тілсіз жау саны артқанын мәлімдеді. 

"Орман және дала өрттерi – қазiргi таңда кең таралған проблема. Жыл сайын олардың саны артып барады. Мәселен, 2016 жылмен салыстырсақ, өткен жылы орман қорында өрт 2 есе көп тiркелген. Өртенген аумақ 5 есеге артып, материалдық шығын 7 есеге дейiн өскен. Дала массивiндегi өрттiң де саны артқаны белгiлi. Олардың жалпы аумағы 850 мың гектарға жетiп отыр. Биыл өрт қаупi жоғары. Жыл басынан бері 45 орман және 4 дала өрті тіркелді. Өртенген жердің жалпы аумағы 10 мың гектардан асты. Ал материалдық залал 4,4 млн теңгеге жетіп отыр", — деді Қасымов.

Сонымен қатар, ІІМ басшысының баяндамасына сүйенсек, соңғы бес жылда елдегі орман-дала алқаптарында 20 мыңнан астам табиғи өрт болған. 

"Материалдық залал 600 миллон теңгеден, ал қызыл жалын шарпыған аумақ 1,8 миллон гектардан асты. Бұдан бөлек осы уақыт аралығында орман және дала өртінен 20 адам қаза тапты, 2300 бас мал жанып кетті. Өрт, сондай-ақ,  егіс алқаптарын да жоюда. Былтыр бидай мен арпа егілген 140 га астам алқап өртеніп кетті. Құрметті Бақытжан Әбдірұлы, қабылданып отырған шараларға қарамастан, аймақтар қауіпті өрт кезеңіне толық дайын емес", — деп күйінді министр. 

Қасымов орман және дала өртіне қатысты баяндамасын аяқтаған соң, үкімет басшысы министрден өрттің не себепті көбейіп кеткенін сұрады.

"Негізгі себеп – адамдардың өрт қауіпсізідігін сақтамауынан… Яғни адам факторынан", — деп қинала жауап берді министр қазақша қойылған сұрақты әрең түсініп. 

Сағынтаев су тасқынына қарсы шаралар жүргізу кезінде материалдық-техникалық базаға ақша жетпей отырғаны туралы айтылғанын еске салды.  

"Баяндамаңызда материалдық-техникалық базаға тоқталдыңыз. Өткенде біз су тасқыны мәселесін қараған кезде, кім қаржыландырады деген сөз болған: жергілікті органдар ма әлде орталықтан ба? Ал бұл жерде кім?", — деді премьер-министр.

ІІМ басшысы "ауыл шаруашылығы министрлігі және орман күзеті мекемелері", — деп қысқа қайыра салып, Сағынтаевқа "мұңын шаға" жөнелді.

"Мына сұрағыңызға рақмет! Өткенде сіз 2 миллиард теңге (су тасқынымен күрес үшін техника сатып алуға) ақша береді деп едіңіз. Бірақ біз бүгінге дейін ала алмаймыз жүрміз оны. Дала өрті де болып жатыр, біз тағы ақша сұраймыз, бірақ жыл соңына дейін бәрібір бермейді", — деп шағымданды Қасымов премьерге.

"Бақыт Тұрлыханұлы (Сұлтанов, қаржы министрі – автор ескертп), орман және дала өрттеріне қаржы қайдан бөлінеді? Орталық және жергілікті жерлерден бе?", — деп сұрады Сағынтаев. 

Сұлтановтың айтуынша, қаражат екі бюджеттен де қарастырылған. 

"Орман қорының 22, 9 пайызы, яғни 6,8 миллион гектар бізге тиесілі. Онда норма бойынша 268 техника болу керек, ал қазір 244 техника бар. Техниканың көбі – ескі. Жалпы комитетті қаржыландыру мәселесін шешу керек деп ойлаймын. Өткенде біз 2 млрд теңгеге өтінім бергенде, қарамай тастады. Келесі жолы бюджетті нақтылағанда мұны жақсылап қарап, шешіп алу керек", — деді үкімет басшысының орынбасары – ауыл шаруашылығы министрі Өмірзақ Шөкеев.

214
Кілт сөздер:
орман өрті, Бақытжан Сағынтаев, Қалмұханбет Қасымов
Үркер сыйлығының сертификаты

Sputnik Қазақстанның екі тілшісі "Үркер" ұлттық сыйлығының шорт-парағына енді

1
Байқау 11 номинация бойынша өткізілуде, журналистерден барлығы 340 жұмыс келіп түскен

НҰР-СҰЛТАН, 22 маусым – Sputnik. "URKER-2021" Ұлттық бәйгесі номинанттарының шорт-парағы жарияланды. Оған сәйкес, Sputnik Қазақстанның тілшісі Ксения Воронина "Жылдың үздік репортажы", фототілші Владислав Воднев "Жылдың үздік фотосуреті" номинациясы бойынша тізімге енді.

Байқау 11 номинация бойынша өткізілуде, ал "Тәуелсіздіктің 30 жылдығына арналған үздік материал" номинациясы биылғы байқаудың жаңа номинациясы. Журналистерден барлығы 340 жұмыс келсе, солардың ішінде ең көп өтінім "Жылдың үздік сұхбаты", "Жылдың үздік танымдық материалы" және "Жылдың үздік аналитикалық материалы" номинациялары бойынша келіп түсті. Құрамына беделді журналистер, еліміздің шығармашылық интеллигенциясының өкілдері мене халықаралық медиаэкперттер енген қазылар алқасы үздік жұмыстарды анықтады.

Марапаттау рәсімі қарсаңында қазылар алқасының мүшелері ұлттық бәйге номинанттарын жариялады, шорт-параққа 44 номинант енді:

Жылдың үздік фотосуреті

  • Владислав Воднев Sputnik Қазақстан порталы
  • Мақсат Шағырбаев newsroom.kz порталы
  • Өмірбек Сансызбаев Massaget.kz порталы
  • Алихан Сариев Tengrinews.kz порталы

Жылдың үздік репортажы

  • Дина Литпин Adyrna порталы
  • Зарина Нокрабекова "Казахстанская правда" республикалық газеті
  • Ануар Абдрахманов BaigeNews.kz порталы
  • Ксения Воронина Sputnik Қазақстан порталы

Жылдың үздік аналитикалық материалы

  • Айбар Олжаев Nege.kz порталы
  • Жолдыбай Базаров "Егемен Қазақстан" газеті
  • Дина Имамбаева "Ақиқат" журналы
  • Азамат Галеев "Литер" газеті

Жылдың үздік журналистік зерттеуі

  • Ермекбай Заңғыров "Ана тілі" газеті
  • Рысбек Қыдырбек "Aiqyn" газеті
  • Дархан Нұрұмбетова BaigeNews.kz порталы
  • Юрий Масанов, Александр Воротилов "Курсив" газеті

Жылдың үздік сұхбаты

  • Жасмин Ризабекова STEPPE порталы
  • Тамара Вааль Vlast.kz порталы
  • Әлия Тілеужанқызы "Túrkistan" халықаралық газеті
  • Юлия Тен BaigeNews.kz порталы

Жылдың үздік танымдық материалы

  • Талғатжан Мұхаметбекұлы "ҚазАқпарат" халықаралық агенттігі
  • Өмірбек Сансызбаев Massaget.kz порталы
  • Алтынбек Құмырзақұлы "Қазақстан тарихы" интернет-жобасы
  • Мөлдір Мұқит STEPPE порталы

Радиостанциядағы үздік жоба:

  • "Қайырлы таң, Қазақ елі" "Қазақ" радиосы
  • "Новое утро" "NS" радиосы
  • "Жамбыл жолы" "Шалқар" радиосы
  • "Хроника Победы" "Алау" радиосы

Жылдың үздік жаңалықтар порталы:

  • іnbusiness.kz
  • informburo.kz
  • inform.kz
  • lsm.kz

Жылдың үздік газеті

  • "Курсив"
  • "TÚRKISTAN"
  • "Оңтүстік Қазақстан"
  • "Деловой Казахстан"

Жылдың үздік журналы

  • "Forbes Kazakhstan"
  • "Таң-Шолпан"
  • "Айгөлек"
  • "Ақиқат"

Тәуелсіздіктің 30 жылдығына арналған үздік материал

  • Рыиза Молдашева "Семей таңы" газеті
  • Лэйла Тастанова "Время" газеті
  • Альберт Ахметов zakon.kz
  • Айгүл Бисембинова "Вечерняя Астана" газеті

"URKER-2021" Ұлттық бәйгесінің жеңімпаздары 24 маусымда бұқаралық ақпарат құралдарының кәсіби мерекесі қарсаңында белгілі болады. Лауреаттарды марапаттау рәсімі "Қазмедиа" орталығында өтеді. Көрермендер марапаттау рәсімін urker-awards.kz ресми сайтынан тікелей эфирде тамашалай алады.

Жеңімпаздарға "URKER" естелік мүсіншесі және бір миллион теңге мөлшеріндегі ақшалай сыйлығы  табысталады.

Баспа, радио, интернет-журналистика саласындағы жетістіктері үшін берілетін қазақстандық ұлттық "URKER" сыйлығы талантты журналистер мен шығармашылық ұжымдарды анықтау, олардың кәсіби журналистиканы дамытуға қосқан үлесін мойындау және олардың шығармашылығына қоғамның назарын аудару мақсатында 2017 жылы тағайындалған.

1
Кілт сөздер:
журналистика, журналист, сыйлық
Абылай Балапанов

Мемлекет басшысы алматылық студентті марапаттады

13
Өзгенің өмірі үшін өз басын қатерге тіккен студент Абылай Балапанов құрмет грамотасымен марапатталды

НҰР-СҰЛТАН, 22 маусым – Sputnik. Президент Қасым-Жомарт Тоқаев Алматыдағы субұрқақта тоққа түскен адамдарды құтқарған студент Абылай Балапановты құрмет грамотасымен марапаттады.

"Мемлекет басшысы адамдардың өміріне қатер төнгенде көрсеткен асқан ержүректігі мен батылдығы үшін Қ.Сәтбаев атындағы Қазақ ұлттық техникалық зерттеу университетінің 2-курс студенті Абылай Балапановты Құрмет грамотасымен марапаттады", - деп хабарлады президенттің баспасөз хатшысы Берік Уәли өзінің Facebook парақшасында.

Абылай Балапанов өткен демалыс күндері Алматы қаласындағы субұрқақтардың бірінде тоқ соғып, зардап шеккен әйел мен екі баланы құтқарып қалған.

Оқи отырыңыз: Тоқаев кішкентай қазақстандықты құтқарған түрік дәрігерін марапаттады

Естеріңізге салсақ, Алматыда 19 маусымда субұрқақтардың бірінде екі қыз бен бір ересек адамды тоқ соқты. Оларды құтқарғандардың бірі – алматылық 19 жастағы Абылай Балапанов. Ол Сәтбаев атындағы қазақ ұлттық техникалық зерттеу университетінің 2-курс студенті. 

"Орындықта кітап оқып отырған едім. Бір кезде "помогите" деген дауыс шықты, көмекке шақырды. Артыма қарасам, сол маңға он шақты адам жиналып қалыпты. "Не болды?" деп жүгіріп бардым. Барсам, субұрқақтың ішінде адам бетімен жатыр. Екі кішкентай қыз бен бір әйел кісі етбетімен суға жабысып қалған екен", - дейді Абылай.

Айтуынша, ол бірінші қыздың анасын судан шығарған. Өзін тоқ соққанына қарамастан екінші рет жасөспірімді шығаруға ұмтылған.

"Анасын қалай құтқарғаным есімде. Суға түстім, бірден аяқтан жамбасқа дейін тоқ ұрды. Бірақ қатты ұрған жоқ. Содан анасының қолынан ұстап, шығарып алдым. Қызын құтқаруға барған кезде тоқ біріншіге қарағанда қатты ұрды. Тоқ ұрды да, суға құлап түстім. Денемді толық тоқ ұрып жатты. Субұрқақ тоқтаған кезде жиегіне барып отырдым. Сол кезде қасыма 40-50 жастағы үлкен аға келді де, "тоқ ұра ма?" деп сұрады. "Иә" дедім. Сол кісі ақырындап суға түсті де қызды аяғынан тартып шығарып алды", - деді Абылай оқиғаның қалай болғаны жайлы.

Абылай тоқ соққан әйелдің қызын құтқарған ер адам туралы ештеңе білмейтінін айтты.

"Екінші қыз есін біліп, жылап тұрды. Ол қыздың қолын тоқ соққан", - деді Абылай.

Субұрқақтағы келеңсіз жағдай

Алматыда сенбіде әйел мен екі қызды субұрқақ ішінде тоқ соқты. Субұрқақ жанында балаларымен бірге отырған Үкілай Бестай есімді алматылық оқиға орнынан кадрларды жариялады. Оның айтуынша, екі қызды электр тогы ұрған. Оларды шығарамын деп барған қыздардың біреуінің анасы да темірге жабысып қалған.

"Мен сияқты суға түсуге көп адамның жүрегі дауаламады. Сол кезде осы Абылай деген жігіт өзін тоқ соғып жатса да, кезек-кезек оларды судан шығарды", - дейді видео авторы.

Оның сөзінше, аман қалған қыздардың бірі Талдықорғаннан келген, анасының құрбысы лагерьден алып 4 баланы қыдыртып жүрген екен.

Кейіннен Алматы қалалық денсаулық сақтау басқармасы қыздардың жағдайы жақсы екенін, ал әйелдің жансақтау бөлімінде жатқанын, жағдайының ауыр екенін мәлімдеді.

13