Жас жұбайлар

Венера Назарбаева келін болып түскен Шайжүнісовтер әулеті жайлы не білеміз?

10604
(Жаңартылды 10:46 26.06.2018)
Венера Назарбаеваның қайын жұрты туралы Sputnik материалында

АСТАНА, 25 маусым — Sputnik. Назарбаевтар отбасымен құдаласқан Шайжүнісовтер әулеті туралы Sputnik материалынан біле аласыз.

Венера Назарбаева мен Дәлен Шайжүнісовтің үйлену тойы сенбі күні өтті. Қазақстан президентінің жиенін өмірлік жары еткен азаматтың кім екені барша жұртқа қызық. Назарбаевтардың фамилиясы елімізден тысқары аймаққа да танымал болса, Дариға Назарбаеваның қызының жары қазақстандықтарды бір елең еткізді.

22 жастағы Дәлен Шайжүнісов туралы Желіде көп ақпарат жоқ. Кей деректерге сүйенсек, 1995 жылы 24 қыркүйекте дүниеге келген. Әл-Фараби атындағы университетті "Заңгерлік" мамандығы бойынша тәмамдапты. Астана тұрады екен. Венера мен Дәлен екі жыл бұрын танысқан.

Шайжүнісовтер әулеті

Жалпы айтқанда, Шайжүнісовтер әулетін көпшілік біледі. Әулеттің түп-тамыры – Шығыс Қазақстаннан. Арғы атасы – социалистік еңбек ері, танымал ұстаз Жақия Шайжүнісов (1914–1983). Семейдегі орталық көшелердің бірі мен қаржы колледжі осы кісінің құрметіне аталған.

Шайжүнісовтер әулетінен шыққан тағы бір белгілі тұлға – Маркен Шайжүнісов – Семейдің құрметті тұрғыны. Әр жылдары жоғары лауазымды иеленген: Семей облысының әкімі, Семей қаласының әкімі болып істеген, Қазақ ССР-нің Жоғары Кеңесіне сайланған, Қазақстан парламентінде депутат болған, Қазақстан президенті әкімшілігінің мемлекеттік инспекторы қызметін атқарған.

1944 жылы туған Тоқан Шайжүнісов Венера Назарбаеваның қайын атасы атанды, "Востокказколхозстрой" трестінде басқарушы, Өскемендегі "Казгипроцветмет" ЖШС президенті болған. Үлкен ұлы – Сергей Шайжүнісов —"Қазқұбырөнеркәсіп" АҚ, "КазПетроМашКоммерц" ЖШС басқарады.

Дариға Назарбаеваның күйеу баласының ағасы Аллен Шайжүнісов "Астана ЭКСПО-2017" ҰК басқарма төрағасының орынбасары қызметін атқарады.

10604
Кілт сөздер:
Шайжүнісовтер әулеті, үйлену тойы, Дәлен Шайжүнісов, Венера Назарбаева, Дариға Назарбаева, Назарбаев
Спрей

Алматыда зейнеткер полиция қызметкерлеріне шабуылдады видео

813
Ер адам тәртіп сақшыларының сабырға шақырғанына көнбей, тіпті жиналғандардың бәрін бүріккішпен қорқытып, қуа бастайды

НҰР-СҰЛТАН, 16 қаңтар – Sputnik. Әлеуметтік желіде егде жастағы ер  адамның полицейлермен ашулы кейіпте тілдесіп, бұрышты баллон спрейін шашып, шабуыл жасаған видеосы тарады.

Видеода ол тәртіп сақшыларының сабырға шақырғанына көнбей, тіпті жиналғандардың бәрін бүріккішпен қорқытып, қуа бастайды. Нәтижесінде, бірнеше полиция қызметкері зардап шеккен. 

Әлеуметтік желідегі жазбаларда екі жыл бойы анасын көрмеген төрт жасар қызға қатысты қақтығыс туындағаны айтылады. Ал шабуылдаушы зейнеткер – қыздың атасы. Полицейлер бала мен анасын табыстыру үшін келгенімен, жағдай мүлдем басқаша сипат алған.

Алматы полициясы бұл видео Наурызбай ауданында 2020 жылдың 7 желтоқсанында түсірілгенін мәлімдеді.

"Учаскелік инспектор мен ювеналды полиция, жеке сот орындаушысы және қамқоршылық органның өкілі 2016 жылы туған қызды анасына тапсыру үшін зейнеткердің үйіне келген. Осы кезде бүлдіршіннің атасы – 1954 жылы туған ер адам өзін ашулы кейіпте көрсетіп, полиция қызметкерлері мен сот орындаушысына бұрышты спрей қолданды", – делінген полиция департаментінің хабарламасында.

Қазіргі кезгде зейнеткердің ісі "билік өкіліне күш қолдану" бабы бойынша қаралуда. Оған 3 000 айлық есептік көрсеткіш көлемінде айыппұл (8 751 000 теңге шамасында) салынып, үш жылға дейін бас бостандығын шектеу немесе сол мерзімге бас бостандығынан айыру жазасы тағайындалуы мүмкін.

Оқи отырыңыз: Зейнеткер қауіпсіздік жабдықтарынсыз тік жартастарға шығады – экстремалды видео

813
Кілт сөздер:
полицейлер, зейнеткер
Тақырып бойынша
Шыбын өлтірмек болған зейнеткер үйін жарып жіберді
Зейнеткер үйде күтіп отырған 101 жастағы анасы үшін COVID-тен жазылып шықты
Қазақстанда 216 мың зейнеткер бір реттік төлем алады
Нұр-Сұлтанда із-түзсіз жоғалып кеткен зейнеткер іздестіріліп жатыр
Оралда зейнеткер мен мүгедек ұлын өлтірген қылмыскерлерге үкім шықты
WhatsApp қосымшасы

Қолданушылар сынынан кейін WhatsApp жаңартуды кейінге қалдырды

42
(Жаңартылды 11:04 16.01.2021)
8 ақпанға дейін де, одан кейін желі қолданушылары ешқандай қиындық, кедергіге ұшырамайды. Ал жаңарту процесі 15 мамырда басталады деп жоспарланған

НҰР-СҰЛТАН, 16 қаңтар – Sputnik. WhatsApp қосымшасының қолданушылары арасында резонанс тудырған қолданушы келісімінің орындалуын кейінге қалдыру туралы шешімін жариялады, деп жазады РИА Новости.

"Біз қолданушы келісімін жаңарту шарттарын жүзеге асыратын күнді кейінге қалдырамыз", – делінген компания хабарламасында.

Сонымен қатар, 8 ақпанға дейін де, одан кейін желі қолданушылары ешқандай қиындық, кедергіге ұшырамайды. Ал жаңарту процесі 15 мамырда басталады деп жоспарланған.

Компания осы уақыт ішінде енгізілген жаңашылдықтарға адамдар тез бейімделіп, оларды қарқынды қолданатын болады деп болжайды.

Сондай-ақ, желідегі жеке әңгімелердің барлығы да өтпелі шифрлаудан қорғалатын болады және WhatsApp та, Facebook те жеке хабарламаларды көре алмайды.

Жаңарту енгізу нәтижесінде пайдаланушының орналасқан жері де қорғалады. Оған қоса, бұл деректер Facebook-ке берілмейді. WhatsApp мұндай әрекеттерді "жалған ақпаратпен күресу" мақсатында жасап жатқанын мәлімдеді.

Оқи отырыңыз: Мәтінді латын әліпбиіне аударудың ІТ қосымшасы әзірленеді

Айта кетейік, бұған дейін WhatsApp әкімшілігі қолданушы келісімін жаңартып, жеке ақпаратты Facebook-ке беретін болып келіскен. Осыған орай, WhatsApp бүкіл Facebook-тегі "қосымшалар отбасына" қолданушылардың талғамын талдау үшін пайдаланушылар туралы қажетті деректерді бөлісуі тиіс еді.

42
Кілт сөздер:
мобильдік қосымша, қосымша
Тақырып бойынша
Қазақстанда банк қосымшасы арқылы қылмыс жасаған полковник ұсталды - видео
"Ұлы дала елі" қосымшасы әзірленді
Ақтөбе тұрғыны қонаққа келіп, Kaspi қосымшасы арқылы үй иесін тонап кеткен
Алматыда iAzamat интерактивті қосымшасы іске қосылды
Миллионнан астам адам жүктеген WhatsApp қосымшасы жалған болып шықты
Дәрігер, архивтегі фото

Талғар аудандық ауруханасының бас дәрігері коронавирустан қайтыс болды

0
Нұрлан Құлсейітов сенбі, 16 қаңтарда өмірден өтті. Ол коронавирус инфекциясынан қайтыс болғаны хабарланды

АЛМАТЫ, 16 қаңтар – Sputnik. Талғар аудандық ауруханасының бас дәрігері Нұрлан Құлсейітов коронавирустан қайтыс болды, оның өкпесі 90-95 процентке зақымданды, деп хабарлады аудан әкімдігінің баспасөз қызметі.

"Жұмыс барысында ол өзін жауапты басшы ретінде танытты. Оның бай тәжірибесі мен кең теориялық және практикалық білімі болды. Отбасы мен жақындарына көңіл айтамыз", - делінген әкімдіктің хабарламасында.

Онда сондай-ақ шамамен тоғыз жыл бұрын Құлсейітов жол апатына ұшырап, бір ажалдан аман қалғаны айтылған. Бұл жағдай оның денсаулығына әсер еткен. Ол инфекциямен 2020 жылдың 30 желтоқсанынан бері күресіп келген.  

Нұрлан Құлсейітов желіде тараған видеодан кейін қайтыс болардан біраз уақыт бұрын тәртіптік жауапкершілікке тартылды.

Роликтен кездесуге қатысушылардың бірі дәрі-дәрмек жетіспеушілігі туралы сұраққа жауап алуға тырысып жатқанын көруге болады.

Бірақ оның сөзі медициналық мекеме басшысының ашуын келтіреді, ол айқайлап, үстелді жұдырығымен бір ұрған. Содан кейін ол жиналыстан кетіп қалады. Осыдан кейін оған тәртіптік жаза тағайындалды.   

0
Кілт сөздер:
коронавирус, бас дәрігер
Тақырып бойынша
Олжас Сүлейменов әйелімен бірге Алматыда ауруханада жатыр
Теңізде коронавирустан емделіп жатқандар саны 700-ден асты
Ер адам коронавирустан емделемін деп өліп кете жаздады
Алматының бас дәрігері тұрғындарға үйден көп шықпауға кеңес берді   
Министрлік коронавирус пен пневмониядан неше адам қайтыс болғанын жариялады