Тұрғын үй құрылыс жинақ банкі

"7-20-25": Астана тұрғындары банкте сағаттап кезекте тұр

836
(Жаңартылды 14:53 17.07.2018)
"7-20-25" тұрғын үй бағдарламасы іске қосылғалы банктерде кезекте тұрғандардың қарасы қалың

АСТАНА, 12 шілде — Sputnik. Астана тұрғындары "7-20-25" тұрғын үй бағдарламасы бойынша кредит алуға құжаттар тапсыру үшін сағаттап кезекте тұруға мәжбүр, деп хабарлайды Sputnik Қазақстан

Бағдарлама бойынша кредит беретін банктердің бірінің бөлімшесінде тұрғындар Sputnik тілшісіне кейбір адамдардың менеджерге таңертеңнен бері кіре алмай отырғанын айтып шағымданды. 

"Адамдар жылап жүр! Күтіп отырғанымызға алты сағат болды, бір жарым сағат бұрын әйелдердің бірі банк басшылығына барып, сағат тоғыздан отырғанына шағымданды. Түс кезінде екі-үш адам ғана жұмыс істеді. Төрт-бес адам тамақ ішуге кетті! Ал банкке келген адамдар көп", — деді Тұрғын үй құрылыс жинақ банкінің клиенті. 

Жиналғандардың жартысы дерлік 1 шілдеден іске қосылған "7-20-25" бағдарламасы бойынша құжат тапсыруға келгендер. 

"Бағдарлама жақында ғана іске қосылды, сондықтан кемшіліктер бар. 7 әріптес банктің тек екеуі ғана құжат қабылдап жатыр", — деді Астана тұрғыны. 

Тағы оқыңыз: 7-20-25: кім, қалай және қандай бағамен пәтер алады? 

Жанерке және Адель есімді банктің бұрынғы клиенттері басқа қызмет алу үшін келген, бірақ олар да бүгінгі кезекке наразы. 

"Мен талонды сағат 12-де алдым, ал қазір сағат 16.30 болды. Бұл дұрыс емес. Желдеткіш жоқ, орындықтар аз. Баламен бұл жерге келу мүлдем мүмкін емес. Тіпті біз үйге барып, тамақ ішіп келуге үлгердік", — дейді олар. 

Банк "7-20-25" бағдарламасының іске қосылуына байланысты туындаған жағдай бойынша түсініктеме беруден бас тартып, ресми сауал жіберуді өтінді. 

"7-20-25" бағдарламасы: 52 миллион теңгеге 63 кредит мақұлданды

836
Кілт сөздер:
"7-20-25" бағдарламасы., ипотека, Тұрғын үй құрылыс жинақ банкі, Астана
Тақырып:
Астана жаңалықтары (90)
Құлаққап, телефон

Құлаққап денсаулыққа зиян келтірмеуі үшін қалай қолдану қажет дәрігер кеңесі

74
(Жаңартылды 10:36 30.11.2020)
Дамыған елдер халқының 25%-інде 50 жасқа дейінгі азаматтардың есту қабілеті нашарлаған. Дәрігер құлаққап таққан кезде дыбыс деңгейінің қандай болуы қажет екенін айтты

АЛМАТЫ, 30 қараша – Sputnik. Дәрігер әрі тележүргізуші Александр Мясников құлаққаптың адам денсаулығына қандай зиян келтіретінін айтты, деп хабарлайды РИА Новости.

"Қауіпсіз құлаққап болмайды. Қауіпсіз – бұл 80 децибел, ал құлаққаптарда 100 және 120 децибел болуы мүмкін", - дейді Мясников "Россия 1" телеарнасының эфирінде.

Дәрігердің айтуынша, адам құлаққапты үш-төрт жыл қолданғаннан кейін есту қабілеті нашарлай бастайды.

Осыған байланысты дамыған елдер халқының 25%-інде 50 жасқа дейінгі азаматтардың есту қабілеті нашарлаған.

Ал құлаққап тағып жүрген кезде адам өз даусы мен жанындағы адамның сөзін еститіндей болса, бұл қалыпты болып саналады. Ал басқа жағдайда дыбысты бәсеңдету керек. Сондай жағдайда құлаққаптар аз зиян келтіреді.

74
Кілт сөздер:
пайдалы кеңес, дәрігер, есту қабілеті
Тақырып бойынша
Ай сайын смартфоннан нені өшіріп тұру қажет - маман кеңесі
Мамандар телефонда қандай смс сақтауға болмайтынын ескертті
Дәрігер телефонның жарығы орны толмас өкінішке әкелуі мүмкін екенін айтты
Ғалымдар ұялы телефонның қауіпті функциясын анықтады
Шымкенттікті телефонның "зарядкасынан" тоқ соқты: жігіт тіл тартпай кетті   
Коронавирус сынама

Қазақстанда бір тәулікте коронавирустан жеті адам көз жұмды

13
(Жаңартылды 10:03 30.11.2020)
Өткен тәулікте 794 адам инфекция жұқтырды, 43 адам пневмонияға шалдықты. Пандемия басталғалы 131 659 адамда коронавирус расталды

АЛМАТЫ, 30 қараша – Sputnik. Қазақстанда өткен тәулікте коронавирустан жеті адам қайтыс болды, деп хабарлады денсаулық сақтау министрлігі.

Ал коронавирус белгілері бар пневмониядан көз жұмғандар тіркелген жоқ.

Қазір коронавирус инфекциясынан 13 164 адам ем қабылдап жатыр, оның арасында 905 бала бар. 
Стационарларда 3 516 науқас жатыр. 9 648 адам амбулаториялық жағдайда емделуде.

Жалпы науқастардың арасында 222 адамның жағдайы ауыр, ішінде 31 науқастың жағдайы аса ауыр деп бағаланып отыр. 33 науқас жасанды тыныс алу аппаратына қосылған.

Сонымен қатар бір тәулікте 794 адам инфекция жұқтырды, 43 адам пневмонияға шалдықты.
Пандемия басталғалы 131 659 адам коронавирус инфекциясын жұқтырды, 2 034 адам қайтыс болды.

Бірінші тамыздан бастап 42 147 адам пневмонияға шалдықты, 443 адам қайтыс болды.

 

13
Тақырып:
Коронавирус эпидемиясы
Тақырып бойынша
Коронавирустың жаңа штаммы таралып жатыр – ғалымдар дабыл қақты
Ғалымдар коронавирусқа қарсы иммунитет қанша уақыт сақталатынын анықтады
ДДҰ коронавирустың үшінші толқыны туралы ескертті
Ғалымдар қай халықтың коронавирусқа көп жылдан бері бейім екенін айтты
Қанша облыс коронавирустың "қызыл" аймағында тұр
Медицина қызметкерлері

Белгілі дәрігер өлім-жітім көп болатын жаңа эпидемияға дайындалу керектігін айтты

0
Александр Мясников өлім деңгейі жоғары болатын вирус пайда болса, қажетті вакцина пайда болғанша ондаған миллион адам қайтыс болады деп отыр

АЛМАТЫ, 30 қараша – Sputnik. Ресейлік дәрігер әрі тележүргізуші Александр Мясников өлім-жітім көп болатын індетке алдын ала дайындалу қажет екенін айтты.

"Өлім-жітім деңгейі жоғары ауыр індеттердің алдын алу үшін (COVID-19 ондай инфекция түріне жатпайды) тиімді қорғаныс шараларын әзірлеу қажет. Мысалы, тұмауға қарсы "әмбебап" вакцина қажет, "құс" немесе "шошқа" тұмауы күндердің бір күні тарап кетуі мүмкін. Вирусологтардың айтуынша, ауыр індет мутацияға ұшырап жатыр. Алғашқысы – жануардан адамға, екіншісі адамдан адамға жұғады", - деп жазды ол Telegram каналында.

Мясниковтың айтуынша, Қытайда бұл екі мутацияның алғашқысы үнемі тіркеліп отырады. Коронавирус адамдардың індетке дайын емес екенін көрсетті, деді ол.

"Біз қазір вакцинаны жасау үшін қанша уақыт қажет екенін көріп отырмыз. Оған бүкіл әлем ғалымдары күш-жігер салып отыр. Егер вирус 35-40% өлім алып келетін болса, мұндай вакцина пайда болғанша ондаған миллион адам қайтыс болады", - дейді дәрігер.

Ол қазір барлық ғалымдардың күшін дәл осы әмбебап вакцина жасауға жұмылдыру қажет екенін атап өтті. Мясников зерттеушілерді кез келген қажетті құралмен қамтамасыз ету керек деп санайды.

 

0
Кілт сөздер:
эпидемия, дәрігер
Тақырып бойынша
ДДҰ коронавирус туралы: бұл соңғы пандемия емес
Құлаққап денсаулыққа зиян келтірмеуі үшін қалай қолдану қажет – дәрігер кеңесі
Қазақстанда бір тәулікте коронавирустан жеті адам көз жұмды
Судың ағза үшін қауіпті екенін қалай білуге болады
Энергетика министрі эпидемия мұнай саласына қалай әсер еткенін айтты