Қоғам

ҰБТ-да 140 балл жинаған түлек қай оқу орнына түсті?

© Photo : из личного архиваШиара Құдайбергенова
Шиара Құдайбергенова - Sputnik Қазақстан
Жазылу
Мемлекеттік білім гранттары иегерлерінің тізімі бүгін жарияланды

АСТАНА, 6 тамыз — Sputnik. ҰБТ-да ең жоғары балды жинаған түлек Шиара Құдайбергенова Алматыдағы Сүлеймен Демирел атындағы университетке грантқа түсті. 

Назарбаев университет - Sputnik Қазақстан
Қоғам
ҰБТ-дағы 140 балл: Назарбаев университеті түлекті неге қабылдамайтынын түсіндірді

Шиара Құдайбергенова биылғы Ұлттық бірыңғай тестілеу кезінде жалғыз өзі 140 балл жинаған болатын.  

"Логистке түскім келіп еді, алайда қазірга таңда бұл мамандық онлайн түрінде көбірек дамып жатыр, сондықтан "Қаржыны" таңдадым. Сүлеймен Демирел атындағы университетте осы салада ауадай қажет 14 халықаралық сертификаттың 9-ын алуға болады. Оқу орнында сабақ ағылшын тілінде өтеді, болашақта осы оқу орнының дипломымен логист бола аламын", — деді Шиара Құдайбергенова Sputnik-ке берген сұхбатында.

 2018 жылғы білім гранттарына кімдер ие болғаны белгілі болды

Болашақ студент Назарбаев Университетіне түсуді армандаған, алайда бұл оқу орнына құжат қабылдау уақыты өтіп кетіпті. Оның үстіне, ҰБТ нәтижесі Назарбаев Университетіне іріктеуде ешқандай артықшылық бермейді.  

"Біз оқу орнына өтініш жазбақшы едік, алайда Instagram арқылы оқуға түсе алмайтынымды хабарлады. Мүмкін магистратурасына түсіп қалармын", — деп толықтырды Құдайбергенова.

Шиара бұған дейін Sputnik-ке ҰБТ-ға дайындық кезінде таңғы 4-те тұрып, кітап "кеміргенін" әңгімелеп берген болатын. Үздік нәтиже көрсеткені үшін ол Ұлттық тестілеу орталығының директоры Рамазан Әлімқұловтан iPhone сыйға алды. Өзінің айтуынша, телефон ұнаған.  

© Photo : жеке архивтенШиара Құдайбергенова
Шиара Құдайбергенова  - Sputnik Қазақстан
Шиара Құдайбергенова

Сүлеймен Демирел атындағы университет – 1996 жылы ашылған жекеменшік жоғарғы оқу орны. Университетті Қазақстан президенті Нұрсұлтан Назарбаев пен Түркия мемлекетінің сол кездегі басшысы Сүлеймен Демирел ашты.


Жаңалықтар
0