Автобус

Жолақы 1 теңге: Астанада автобуспен жүру ақысын SMS арқылы төлеуге болады

313
SMS арқылы жолақыны төлеу үшін жолаушыға балансында қаражаты бар ұялы телефон қажет

АСТАНА, 20 тамыз — Sputnik. Астана қаласының мәслихат депутаттары автобустарда жолақыны SMS және мобильді қосымша арқылы төлеу әдісін енгізуді мақұлдады.

Бұл әдіс қыркүйектен бастап іске қосылады деп жоспарланған, нақты күнін қосымша хабарлайды.

SMS арқылы төлегенде жолақы қанша тұрады?

SMS арқылы төлегенде жолақы 90 теңге тұрады. Естеріңізге сала кетсек, қалада дифференцияланған тариф жүйесі қызмет етеді. Қолма-қол ақшамен төлегенде, жолақы – 180 теңге, ал AstraPlat картасымен – 90 теңге.

Астанада автобус жүргізушілері 400 мың теңге жалақы алуы мүмкін

Жолақыны ұялы телефонның балансы арқылы қалай төлейміз?

SMS арқылы төлеу үшін жолаушыға балансында қаражаты бар ұялы телефон қажет. Қандай телефон болса да бәрі бір, ең бастысы, SMS хабарлама жіберу мүмкіндігі болса болғаны.

Бүкіл автобустарда ілінген қысқа нөмірге автобус туралы жеке мәліметті жіберсеңіз, телефон балансынан қажетті сома алынады.

Оқушылардың көлік картасы қанша тұрады?

Смартфонмен жолақы төлеу – SMS-тен басқа қандай жолы бар?

Смартфон иелері SMS-тен бөлек, арнайы қосымшаға автобус туралы жеке мәлімет енгізу, көліктің геолокациясын көрсету немесе автобустағы QR-кодты сканерлеу арқылы жолақыны төлей алады.

Android операциялық жүйесі орнатылған телефон иелері арнайы NFC белгісі арқылы да жол жүру ақысын төлеу мүмкіндігіне ие.

SMS арқылы және мобильдік қосымшамен төлеген кезде, электронды билет телефонға жіберіледі.

Төлеу кезінде басқа комиссия алынбайды – тек жолақы құны. Мобильді қосымшамен төлегенде, бірнеше әдістің біреуін таңдауға болады: телефон балансынан, банк карточкасымен немесе электронды ақша арқылы.

Электронды қызмет көрсетулер арқылы жолақыны төлегенде автобусты тегін ауыстыру мүмкіндігі берілмейді.

SMS арқылы неше билет сатып алуға болады?

SMS пен мобильді қосымша арқылы өзің үшін ғана емес, басқа жолаушы үшін де жолақыны төлеуге болады.

Автобус жолақысы – 1 теңге, қалайша?

Beeline операторы жолаушыларға акция ұсынып отыр. Бұл оператордың абоненттер SMS арқылы 1 теңгеге билет сатып алады, ал қалған 89 теңгесін оператордың өзі өтейді.

Астанада көлік картасын енгізу — алғашқы нәтижелер

Акция қыркүйекте басталып, ай соңына дейін жалғасады. Кейін 2018 жылдың соңына дейін әр дүйсенбі сайын 1 теңге жолақымен жүруге мүмкіндік болады.

Астана LRT жаңа карта шығарады

"Астана LRT" ЖШС басшысы Бекмырза Игенбердинов хабарлағандай, алдағы уақытта біріктірілген карталар шығарылмақ.

Яғни жолаушы екі карта емес, бір ғана картаны қолданатын болады. Осы қанатқақты жобаның аясында алғашқы 3-5 мың карта Еуразиялық банкпен серіктесе отырып қолданысқа беріледі. Болашақта басқа да банктермен бірлесе карта шығару қолға алынбақ.

Ұялы телефон арқылы көлік картасын толтыру

AstraPlat картасының иелері көп ұзамай ұялы телефон немесе ұялы операторлардың сайты арқылы да көліктік әмияндарын толтыра алатын болады. Бұл мүмкіндік Beeline, Kcell, Аctiv операторларының клиенттеріне ұсынылмақ. Олар қысқа нөмірге SMS арқылы көліктік картаның нөмірі мен сома көлемін жіберу арқылы көліктік картаның балансын толтыра алады. Ұялы телефон балансындағы қаражаттан көрсетілген сома көліктік карта балансына жіберіледі. Beeline, Kcell, Аctiv сайттары арқылы да осы қызметті орындау мүмкін болмақ.

Сонымен бірге, "Еуразиялық банк" АҚ интернет-банкингі мен терминалдары және "KapitalBank Kazakhstan" АҚ интернет-банкингі арқылы баланс толтыру мүмкіндігін енгізу жоспарда бар.

313
Кілт сөздер:
жолақы, көлік картасы, ұялы телефон, автобус, Астана
Тақырып:
Астана жаңалықтары (90)
Тақырып бойынша
Астананың автобустары кондукторсыз жүретін болады
Жолақы 200 теңгеге дейін көтеріле ме? Исекешев жауап берді
Қазақстан президенті Қасым-Жомарт Тоқаев Birgemiz еріктілер фронт кеңсесінің ашылуында

Тоқаев қазақстандық еріктілерге алғыс айтты

4
Мемлекет басшысы 2020 жыл Қазақстанда Волонтерлар жылы деп жарияланғанын еске салып, волонтерлік нағыз патриотизмнің көрінісі екенін айтты

НҰР-СҰЛТАН, 5 желтоқсан – Sputnik. Қазақстан президенті Қасым-Жомарт Тоқаев Twitter-де еріктілерді Халықаралық волонтерлар күнімен құттықтады.

Мемлекет басшысы осы жылды Қазақстанда Волонтерлар жылы деп жариялағанын еске салды.

"Еріктілерімізді мақтан тұтамын және олардың орасан зор әрі пайдалы жұмыстарына, әсіресе, пандемия кезіндегі еңбектері үшін ризашылығымды білдіремін. Волонтерлік уақытша науқан емес, ол он мыңдаған азаматтарымыздың жан тебіренісі. Біз әрқашанда біргеміз!", - деп жазды президент.

Тағы оқыңыз: Қазақстанда "Жыл волонтері" халықаралық сыйлығы бекітілді

Тоқаев еріктілер, шын мәнінде, қарапайым адамдардың мүдделері үшін қайырымдылықтың, шынайылықтың, имандылықтың символына айналғанын атап өтті.

Президент волонтерлік нағыз патриотизмнің көрінісі екенін айтты.

4
Кілт сөздер:
еріктілер, Қасым-Жомарт Тоқаев
Тақырып бойынша
Мемлекеттік қызметшілердің бойында уайымдау сезімі болуы керек – Тоқаев
Жәрдемақыны оңды-солды таратуды доғару қажет – Тоқаев
Сарымсақ, архивтегі сурет

Сарымсақ қандай жағдайда ағзаға қауіпті болады

894
(Жаңартылды 12:12 05.12.2020)
Дәрігер-диетолог түрлі дерттерден сақтану үшін сарымсақты қалай жеу керек екенін айтты. Тиісті мөлшерде ғана пайдалану панкреатит, асқазан жарасы сияқты аурулардан сақтануға мүмкіндік береді

НҰР-СҰЛТАН, 5 желтоқсан – Sputnik. Сарымсақ пайдалы, алайда оны көп мөлшерде жеуге болмайды. Асқазан жарасы, панкреатит, өттегі тас сынды ауруларға әкеліп соғуы мүмкін, деп жазады РИА Новости.

Дәрігер-диетолог Инна Заикина сарымсақты мөлшерден артық жеу салдарынан асқазан сөлі бөлінетінін айтты. Бұл өз кезегінде түрлі дерттердің белгілерін ушықтырады. 

Алайда бұл оны жемеу керек деген сөз емес. Бастысы, тиісті мөлшерден асып кетпеу қажет.

Сарымсақтың құрамында аллил сульфидтер деп аталатын қосылыс бар. Соның арқасында тамаққа сарымсақты пайдалану адамның ішек микрофлорасын сақтауға және қарт адамдардың ойлау қабілетін жақсартуға септігін тигізеді.

Тағы оқыңыз: Сүзбенің ешкім күтпеген пайдасы анықталды

894
Кілт сөздер:
адам ағзасы
Тақырып бойынша
Таптырмас ем: құйрық майдың біз білмейтін қандай пайдасы бар?
Ғалым сарысудың адам денсаулығына қандай пайдасы бар екенін айтты
Судың ағза үшін қауіпті екенін қалай білуге болады
Автокөлік орындығын қыздыру неге қауіпті - видео
Малышева балалардың маска тағуы неге қауіпті екенін айтты
Илья Ильин Sputnik студиясында өткен баспасөз мәслихатында

Илья Ильин сүйінші жаңалығын бөлісті

0
Әлемнің төрт дүркін чемпионы Илья Ильин жаңа қызметке тағайындалды. Бұл туралы спортшы әлеуметтік желіде жазды

НҰР-СҰЛТАН, 5 желтоқсан – Sputnik. Танымал қазақстандық спортшы Илья Ильин Ұлттық ғылыми-практикалық дене тәрбиесі орталығының дене шынықтыру саласындағы ғылыми зерттеу жұмыстары зертханасының бас ғылыми қызметкері болып тағайындалды.

Ауыр атлет сүйінші жаңалығын Instagram-дағы парақшасында бөлісті.

"Тағайындау! Ильин Илья Александрович ҚР БҒМ "Ұлттық ғылыми-практикалық дене тәрбиесі орталығы" РМҚК дене шынықтыру саласындағы ғылыми зерттеу жұмыстары зертханасының бас ғылыми қызметкері лауазымына тағайындалды", - делінген жазбада.

Посмотреть эту публикацию в Instagram

Публикация от Илья Ильин (@ilyailyinforever)

Биыл 10 қыркүйекте Ильин Қазақстандық спортшылар одағының Қызылорда облысы бойынша филиалын басқаратынын мәлімдеген еді. Танымал спортшы туған жерінде спортты дамытуға қатысты үлкен жоспарларының бар екенін жеткізді.

Ал 8 қазанда ауыр атлет "Халық алғысы" медалімен марапатталды.

0
Кілт сөздер:
жаңа қызмет, спортшы, Илья Ильин
Тақырып бойынша
Ауруханаға түсіп қалған Илья Ильин видео жариялады
Илья Ильин алтын медаль ұтып алды - видео
Илья Ильин "Халық алғысы" медалімен марапатталды
Илья Ильин жаңа қызметке тағайындалды