Пәтер

"3 мың пәтер беріледі". Астана әкімі ұстаздарды баспанамен қалай қамтамасыз етпек?

494
(Жаңартылды 14:25 24.08.2018)
Соңғы он жылда астаналық ұстаздарға 2,5 мың пәтер берілген

АСТАНА, 23 тамыз — Sputnik. Астана ұстаздарына 3 мың пәтер беріледі. Бұл туралы қала әкімі Әсет Исекешев "Төртінші өнеркәсіптік революция жағдайындағы адами капитал: білім беруге арналған шешімдер" атты педагогикалық қызметкерлердің дәстүрлі тамыз кеңесінде айтты, деп хабарлады Sputnik Қазақстан тілшісі.

"Мұғалімдерді әлеуметтік қамсыздандыру мәселесіне тоқталсақ, соңғы 10 жыл ішінде мемлекеттік бағдарлама аясында ұстаздарға 2,5 мың пәтер берілді. Өздеріңіз білетіндей, қала көркейіп келе жатыр. Полицейлер, ұстаздар, өрт сөндірушілер, дәрігерлер және тағы басқаларын арнайы корпустармен қамтығымыз келеді. Елбасының бастамасымен "Бес әлеуметтік бастама" бағдарламасы жүзеге асып жатыр. Осыны ескере отырып мамандарға арналған корпусты салу үшін Тұрғын үй құрылыс жинақ банкімен бірге 10 мың пәтер мемлекеттік қызметкерлерге беріледі. Осы пәтердің 3 мыңы ұстаздарымызға арналады деп жоспарладық", — деді Әсет Исекешев.

"7-20-25" тұрғын үй бағдарламасы туралы толық ақпарат

Әрі қарай қала әкімі бүлдіршіндердің мектепке дайындығы мәселесіне тоқталды. Қазіргі таңда елордамызда 336 мектепке дейінгі мекеме қызмет жасауда. Қала бойынша 3-6 жас аралығындағы балалар мектепке дейінгі дайындықпен 81 пайызға қамтамасыз етілген. Қалада мемлекеттік-жекеменшік әріптестік шеңберінде 1200 орынға арналған 4 балабақша салынып жатыр. Олардың іске қосылуы 2019 жылдың соңына жоспарланған. 2018 жылы қаласы мектепке дейінгі білім беруде жан басына қаржыландырудың жаңа әдісіне көшіп отыр. Соның аясында мемлекеттік тапсырыс 23 мың теңгеден 27 мың теңгеге дейін артты. Өз кезегінде қосымша қаржыландыру сомасы білім беру үдерісін жақсартып, қажетті жабдықтауды қамтамасыз етуге жұмсалмақ.

Мұғалімдердің жалақысы өсе ме және директорлар қанша жылға сайланады?

Сондай-ақ, елордалық орта білім мекемелерінің бүгінгі жағдайына тоқталды. 

"Астанада білім беруге арналған 105 мекеме бар. Ол — 85 мемлекеттік, 15 жекеменшік және тағы 4-еуі республикалық мектептер. Жаңа оқу жылында астаналық мектептерде 155 мыңға жуық бала оқиды деп жоспарлануда. Оның 17-18 мың оқушысы — бірінші сынып оқушылары. Мектепке қабылдау электронды және қағаз жүзінде жүріп жатыр. Бүгінгі таңда e-astana.kz жүйесі арқылы 14 мыңнан астам өтініш тіркелген", — деді әкім.

Мұғалімдердің үстемақысы қашан және қалай төленеді?

494
Кілт сөздер:
ұстаздар, баспана, көмек, мұғалімдер, пәтер, мектеп, Әсет Исекешев, Астана
Тақырып:
Астана жаңалықтары (90)
Тақырып бойынша
Назарбаева мұғалімдер мен дәрігерлер үшін тұрғын үй бағдарламасын әзірлеуді ұсынды
Еңбек өтілі көп мұғалімдер зейнетке ерте шыға ала ма?
Депутат мұғалімдерге пайызсыз несие беруді ұсынды
Қағазбастылықпен күрес. Енді мұғалімдер 5 құжат қана толтырады
"7-20-25": пәтер алғандардың айлық табысы 200 мың теңге екені анықталды
Қазақстан халқы 23 мұқтаж отбасыға баспана әперді
"7-20-25": Мыңнан астам халық тұрғын үй бағдарламасымен баспана алады
Жалақыны өсіру үшін тестен өтпей қалған мұғалімдерге қандай шара қолданылады?
Сенат депутаты

Ағылшын саяхатшысын таңғалдырған жер: депутат Қапал ауылының жағдайына алаңдады

0
Жұмағұлов жуырда Қапал, Ақсу елді мекендерінде болып қайтқанын айтты. Тұрғындармен кездесуде халық қасиетті Қапалдың жағдайын үкіметке жеткізуді өтінген

НҰР-СҰЛТАН, 26 қараша – Sputnik. Сенат депутаттары Ұлы Жібек жолының бойында орналасқан өшпес тарихы бар Қапал ауылының қазіргі жағдайына алаңдап, оны үкіметтің қорғауындағы нысандар қатарына қосуды ұсынды, деп хабарлайды Sputnik Қазақстан тілшісі.

Сенатор Бақытжан Жұмағұловтың айтуынша, 1847 жылы бекініс ретінде, Ресей империясының мүддесіне сай бой көтерген елді мекеннің тарихын тану, оны ХІХ ғасырдағы сәулет өнерінің мәдени  ескерткіші ретінде ұрпақтан ұрпаққа қалдырудың рухани мәні зор.

"Бұл өлке сонау Түркі дәуірінен, Қимақ мемлекеті тұсынан бері танымал, белгілі тарихи жер. Қапал – ұлтымыздың ұлы тұлғасы Шоқан Уәлихановтың, Петр Семенов-Тяньшанскийдің ізі қалған жер. Қапал – ағылшын саяхатшысы Томас Аткинсонды таңғалдырған жер. Қапал – жоңғар шапқыншыларымен шайқаста ту көтерген Қапал батыр жатқан жер. Бұл туралы Уәлихановтың "Жоңғария очерктерінде" жазылған", - деді ол үкімет басшысына жолдаған депутаттық сауалында. 

Жұмағұлов жуырда Қапал, Ақсу елді мекендерінде болып қайтқанын айтты. Тұрғындармен кездесуде халық қасиетті Қапалдың жағдайын үкіметке жеткізуді өтінген. 

"Сан ғасырлық тарихы бар Қапал ауылының бүгінгі жағдайы кімді болса да алаңдатпай қоймайды. XIX ғасырдың ескерткіші болып саналатын қос қабатты үйлердің бет жағы ғана аман қалған. Ескі екі мешіт үйі де қараусыз қалып, құлаған. Көп үйлердің ағаштарын жергілікті тұрғындар бұзып алып, қора-қопсы салып алғаны да жасырын емес. Ауылдың рухани орталығы болған Қапалдағы ақын Сара мен Фатима Ғабитованың музей үйлерінің де ізі жоқ. Ондағы құнды экспонаттар да жоғалған", - деп қапаланды сенатор.

Депутаттың пікірінше, атақты Жібек жолының бір бекеті, Қапал ауылы қай жағынан алсаң да Жетісудың туристік мекеніне айнала алады. Ол Қапалдағы тарихи ескерткіштердің қорғалмай, ескерусіз қалатынына алаңдады. 
Осыған байланысты сенат депутаттары сәулетшілер, тарихшылар, әдебиетшілер, этнографтардан тұратын арнайы комиссия құрып, Қапал ауылының мәдени-тарихи ескерткіштерін қорғау үшін тиісті шаралар қабылдауды, оларды үкіметтің қорғауындағы объектілер қатарына қосуды ұсынды.

 

0
Кілт сөздер:
ауыл, депутат
Алматыдағы дезинфекторлар

Алматыда дезинфекция жасаушыларға жарты айдан бері жалақы төленбей жатыр

69
Жауаптылар атқарылған жұмыс үшін ақша екі күн бұрын аударылғанын айтты. Мердігерлер дезинфекция туралы барлық есепті ұсынғаннан кейін тағы да қаржы аудару жоспарланған

АЛМАТЫ, 26 қараша – Sputnik. Алматыда үйлердің кіреберісін зарарсыздандыратын мамандар екі аптадан бері атқарылған жұмыстың ақысын алмағанын айтып шағымданды. Олардың айтуынша, басшылық әрбір адамға кемінде 50 мың теңгеден қарыз. Пәтер иелерінің кооперативі атқарылған жұмыс туралы актілерді қабылдамаған.

Бұған дейін олар күн сайын бес мың теңгеден алып жүрген. Ал қазір қаланың коммуналдық қызметі атқарылған жұмыс туралы актілерді қабылдауды тоқтатқан, деп хабарлады КТК телеарнасы.

"Қазірдің өзінде біз инфекция ошағын дезинфекциялауды тоқтатқан жоқпыз. Өйткені жауапкершілік бар екенін түсінеміз. Бізде шамамен 100 үй бар. Қызметкерлер орта есеппен жұмысты кешкі сағат 10-да аяқтайды. Тұрғын үй-коммуналдық қызмет біздің жағдайымызды түсініп отырған жоқ. Қызметкерлер актілерді алып аязда жүреді, қағазды басып шығарады. Ал олар бізге актілерді қайтарып жібереді. "Жұмысты аяғына дейін істеу керек" деп айтады", - дейді дезинфекция жөніндегі менеджер Бабек Жұмақаев.

Жұмыс тобын әртүрлі нысанға тасымалдайтын жүргізушілер дизель отынын сатып алуға ақша жоқ екенін айтты. Оны мердігер ұйым төлеуі қажет. Алайда 10 күннен бері ер адам өз ақшасына жанармай құйып келеді. Айтуынша, оған шамамен 200 мың теңге қарыз.

"Күніне жанармайға шамамен алты мың теңге кетеді, тамақ бар, күніне маған 10 мың теңге керек. Бұл фирма. Оларға әкімдік ақша бермей отыр. Жазда бұлай қиын болған жоқ, себебі көліктің басым бөлігі дизель отынымен жүреді. Қазір ол қатып қалады. Таңертең көлік оталуы үшін оған түрлі қоспа қосамыз. Қыста шығын көп болады", - деді жүргізуші Сабыр Нұрматов.

Сонымен қатар мердігер ұйым дезинфекция жасаушылардың қаладағы сегіз ауданның бесеуінде жұмыс істейтінін айтты. Ал жұмыстың сапасын коммуналдық қызмет тексереді. Есеп әкімдікке жіберіледі. Сол себепті шенеуніктер тексергеннен кейін ғана ақша шотқа жіберіледі.

"Шамамен өткен екі аптада ақша төлеген жоқпыз. Қомақты сомаға толтырылған актілер жатыр. Бұл шамамен 200 миллион теңге. Біз төлем жасауға актілерді тапсырдық. Ішкі процестерге байланысты төлем жасалмады", - деді "Қала жарығы" ЖШС директоры Мейіржан Тоқтарақын.

Ал әкімдіктің айтуынша, бұл актілер тез тексеріледі, ақшаны да уақытында төлеуге дайын. Алайда тек сапалы атқарылған жұмыс үшін төлейтінін айтты. Көптеген қала тұрғыны кіреберіс пен көшелердегі тазарту жұмыстарына көңілі толмайды.

"Тұрғындар пәтер иелері коперативіне хабарласып, жұмыстың сапасыз жүргізілгенін айтатын жағдайлар кездеседі. Мұндай сәтте біз оларда қайтадан жібереміз. Біздің тарапымыздан орындалған жұмыстардың актілеріне қатысты мәселе жоқ, тексереміз, әрі қарай жұмысқа кетеді. Мердігер ұйым кешіктіретін сәттер де кездеседі. Яғни, олар бізге орындалған жұмыстардың актісін кеш әкеледі", - деп атап өтті Тұрғын үй инспекциясы бөлімінің басшысы Жандос Қайырханов.

Оның айтуынша, атқарылған жұмыстар үшін ақша екі күн бұрын аударылған. Мердігерлер дезинфекция туралы барлық есепті ұсынғаннан кейін тағы да ақша жіберіледі. Егер мәселе шешілмесе, дезинфекция жасаушылар еңбек инспекциясына жүгінеді.

 

69
Кілт сөздер:
жалақы, Алматы
Тақырып бойынша
Полиция Қуат "Найман" Хамитов ұсталғанын хабарлады
"Қара су сеуіп жүр": Министрлік дезинфекцияға қатысты шулы видеоға түсініктеме берді
Қуат Хамитов дау тудырған видеосына қатысты мәлімдеме жасады
Тоқаев дезинфекция жасап жүрген жігітті таныды - видео
Елордада дезинфекция шаралары қалай жасалды – видео