Бала

Абай ауылында зорланған баланың отбасы халықтың көмегіне зәру

451
(Жаңартылды 09:12 25.08.2018)
Жуырда жәбірленген баланың анасы мен тәтесі Алматыға көшкелі отыр

АСТАНА, 24 тамыз — Sputnik. Түркістан облысы Абай ауылында зорланған баланың отбасы Алматыға көшкелі отыр. Алайда ең әуелі баспана мәселесін шешу керек, деп хабарлады Аружан Сайын Facebook парақшасында.

Қоғам белсендісі Аружан Сайын жазғандай, бала басынан өткен қорқынышты жайттарды тезірек ұмытуы үшін басқа өңірге қоныс аударғаны жөн. Сол үшін жеті жасар жеткіншектің анасы мен тәтесі Абай ауылындағы төрт бөлмелі үйлерін 5 миллион теңгеге сатпақшы.

"Бұл пәтерге баланың анасы мен оның әпкесі сегіз жыл бойы ақша жинап, сатып алған", — дейді Аружан Сайын.

Пәтерді сатудан түскен ақшаны әйелдер Алматыдан баспана алу үшін ипотека ресімдеуге жұмсамақ.

Үйді сату туралы хабарландыруды жан-жаққа жарияласа да, әлі сатылмай жатқан көрінеді, қоғам белсенділері отбасыға көмектесуге шақырады.

постында атап өткендей, бұл жерде баспанаға қаражат жинау туралы сөз болып отырған жоқ. Материалдық емес, таза практикалық жәрдем керек. 

Ол шұғыл көшуге мәжбүр болып отырған тағы бір отбасы туралы айтты.

"Сол ауданда жоғары сынып оқушыларынан жәбір көрген тағы бір баланың отбасы бар. Оларға үлкен қысым жасалып отыр, баланың өміріне қауіп төніп тұрғандықтан, тезірек көшу керек. Бұл тез арада шешілуі тиіс тағы бір баспана мәселесі!" — деп түсіндіреді Аружан Сайын.

Оның айтуынша, бала мен ата-анасы – мүмкіндігі шектеулі жандар, қазір отағасының ата-анасымен бірге тұрады. 11 жыл бұрын баспана алу үшін кезекке тұрған, содан бері 40 орынға ғана жылжыпты (151-ші орыннан 111-ші орынға).

Қазір, қоғам белсендісінің пікірінше, Қазақстанның оңтүстігінде зорлық-зомбылыққа ұшыраған балаларға жәрдемдесіп жүргендердің басты мақсаты – жәбірленушілерге заңға қатысты мәселелерді шешуге көмектесу, әлі күнге дейін сезілетін қысымнан оқшаулау, сол себепті барша жаны ашыған жандардан мүмкіндігінше көмек көрсетуді сұрайды.

Абай ауылында жоғары сынып оқушылары зорлаған баланың оқиғасы БАҚ көздерінде биыл наурыз айында жарияланғаннан кейін қоғам назарына ілінді.

Деректерді тексеру кезінде жазылғандардың бәрі шындық болып шықты. Оның үстіне мектеп әкімшілігі мен бірқатар аудандық құқық қорғау органдарының қызметкері болған іске біле тұра көз жұма қараған, баланы зорлау ісін жасыруға тырысыпты.

Тергеу барысында ұзақ уақыт бойы балаға тиісіп келген төрт оқушы ұсталды. Алайда кейінірек 14 жасқа толмаған үшеуі қылмыстық жауапкершіліктен босатылған. Іс сотқа жіберілді. Сотталушы – бір ғана жасөспірім.

451
Кілт сөздер:
отбасы, зорланған бала, Аружан Сайын, Абай ауылы, Түркістан облысы, Сарыағаш
Тақырып:
Абай ауылында "зорланған" бала ісі (18)
Тақырып бойынша
Абай ауылында зорланған жігіт оқиғасы – адвокат не дейді?
Президент ОҚО-да зорланған баланың ісі неге ұзаққа созылып кеткенін айтты
Зорланды деген баланың ісіне қатысты тергеу аяқталды
Архивтегі фото

6 жарым мыңнан астам адамнан вирус табылды: эпидемиологиялық жағдай ушығып тұр

69
Нұр-Сұлтанда 1 522, Алматыда 1080, Қарағанды ​​облысында 750 адам коронавирус инфекциясын жұқтырған

НҰР-СҰЛТАН, 24 шілде – Sputnik. Қазақстанда өткен тәулікте 6521 адамнан коронавирус инфекциясы табылды, деп хабарлады COVID-19 таралуына жол бермеу жөніндегі ведомствоаралық комиссия.

Бұл пандемия басталғаннан бергі рекордтық көрсеткіш. Бір күн бұрын 6119 науқас тіркелген болатын.

Өткен тәуліктің статистикасы:

  • Нұр-Сұлтан қаласы - 1522,
  • Алматы қаласы - 1080,
  • Шымкент қаласы - 507,
  • Ақмола облысы - 193,
  • Ақтөбе облысы - 250,
  • Алматы облысы - 220,
  • Атырау облысы - 446,
  • Шығыс Қазақстан облысы - 101,
  • Жамбыл облысы - 108,
  • Батыс Қазақстан облысы - 309,
  • Қарағанды облысы - 750,
  • Қостанай облысы - 167,
  • Қызылорда облысы - 170,
  • Маңғыстау облысы - 255,
  • Павлодар облысы - 211,
  • Солтүстік Қазақстан облысы - 123,
  • Түркістан облысы - 109.

Жалпы ел бойынша ауырғандар саны – 522 638.
 

69
Кілт сөздер:
Қазақстан, коронавирус
Тақырып:
Коронавирус эпидемиясы
Қала тұрғындары

Төтенше жағдайлар министрлігі қазақстандықтарға ескерту жасады

9586
Министрлік аптап ыстықта балаларды ерекше бақылауда ұстау қажеттігін ескертті. Өрт қауіпсіздігі ережелерін де сақтау қажет

НҰР-СҰЛТАН, 23 шілде – Sputnik. Төтенше жағдайлар министрлігі қажеттілік болмаған жағдайда далаға шықпауға кеңес берді. Себебі ертеңнен бастап қатты ыстық болады, деп хабарлайды Sputnik Қазақстан

Сондай-ақ, министрлік аптап ыстықта балаларды ерекше бақылауда ұстау қажеттігін ескертті. Өрт қауіпсіздігі ережелерін де сақтау қажет. Себебі қатты ыстықта өрт шығу қаупі жоғарылайды. 

"Азаматтарды дала және орман алқаптарында болған кезде қауіпсіздік ережелерін сақтауға шақырамыз. Табиғи өрттің негізгі себептері: халықтың отты абайсыз пайдалануы, сөндірілмеген темекі, алау, жанған сіріңке, майлы немесе тозығы жеткен шүберек, шыны бөтелке, көлік сөндіргішінің ұшқыны, құрғақ шөпті жағу және найзағай", - делінген ресми хабарламада. 

Төтенше жағдайлар министрлігі ыстықтан сақтану үшін азаматтарды аса қажеттілік болмаған жағдайда далаға шықпауға кеңес берді. Негізгі сақтық шараларын да ұмытпау қажет. Олар: 

  • күніне кемінде 1,5-3 литр сұйықтық ішу; 
  • аптап ыстықта кез-келген физикалық белсенділіктен бас тарту;
  • күндіз күн сәулесі бөлмеге кірмеуі үшін терезелерді ашық реңкті перделермен жабу;
  • күн өтпес үшін баскиім, ашық, ауа өткізетін киім (мақтадан жасалған) кию;

Қазгидрометтің мәліметі бойынша еліміздің бірқатар өңірлерінде қатты ыстық болады.

24 шілде күні күндіз Нұр-Сұлтан қаласында 35 градус, ал Ақмола облысында 35-37 градус қатты ыстық болады деген болжам бар. Ал облыстың батысында термометр бағанасы 40 градусқа дейін көтеріледі. 

24-25 шілде күндері Қарағанды облысының оңтүстігінде 40 градус. Кей жерлерде төтенше өрт қаупі сақталады.

24-26 шілдеде Жамбыл облысының кей жерлерінде плюс 44 градус. 

Алматы, Павлодар, Шығыс Қазақстан облыстарының кей жерлерінде 25 шілде күні 40-42 градус қатты ыстық болады. Ал Түркістан мен Қызылорда облыстарының кей жерлерінде 46 градус, ал Маңғыстау облысында 25-27 шілдеде күндіз +44 градус.

Оқи отырыңыз: Қазақстанда +46 градусқа дейін ыстық болады

 

9586