Шымкент

"7-20-25": Депутаттар Шымкент үшін ипотека мөлшерін көтеруді сұрады

448
(Жаңартылды 17:55 05.09.2018)
Берік Дүйсенбиновтің айтуынша, "7-20-25" бағдарламасының шарты бойынша Шымкентте үйдің бағасы 15 миллион теңгемен шектелген. Ал бұл бағаға тек екі бөлмелі пәтер ғана сәйкес келеді

АСТАНА, 5 қыркүйек – Sputnik. "Ақжол" фракциясының депутаттары жақында республикалық маңыздағы қала мәртебесіне ие болған Шымкентте ипотекалық қарызды 15 миллионнан 25 миллион теңгеге дейін көтеруді сұрады, деп хабарлайды Sputnik Қазақстан тілшісі. 

Мәжілістің жалпы отырысында депутат Берік Дүйсенбинов Ұлттық банктің төрағасына "7-20-25" бағдарламасына қатысты сауал жолдады. Халық қалаулысының айтуынша, кейбір аймақтарда бағдарлама шарттары жергілікті ерекшеліктерге сай келмейді. 

"Мәселен,  еліміздің ең халқы көп, орташа жалақысы ең төмен аймақтардың бірі – Түркістан облысы мен Шымкент қаласы. Бұл жерде отбасылардың дені  көп балалы болғандықтан, бір-екі бөлмелі пәтер оларға таршылық етеді. Ал бағдарлама шарты бойынша үйдің бағасы 15 миллион теңгемен шектелген. Шымкентте бұл сомаға тек екі бөлмелі пәтер ғана сәйкес келеді. Осы аядай үйге 4-5 баламен қалай сыясыз? Жақында ғана Шмкент қаласын Астана, Алматымен теңеп, мегаполис деп жарияласақ, неліктен үйдің бағасын екі есеге төмендетіп отырмыз?", — деді Дүйсенбинов. 

Ол  бағдарламаны дайындау барысында Ұлттық банк нақты жағдайды толық ескермегенін атап өтті. 

"Озық ойлы, жанашыр әкімдер шамасы келгенше бағдарламаның шарттарындағы кемшіліктердің орнын толтыруға тырысып жатыр. Мысалы, дәл сол Шымкент қалалық әкімшілігі кейбір әлеуметтік топтарға көмек қолын созып, алғашқы жарнаның жартысын өз мойындарына алуда", — деді депутат. 

Сондай-ақ, "Ақжол" партиясы фракциясының депутаты құрылыс материалдарының қымбаттауы құрылысшы кәсіпкерлердің бизнесті тастауына себепші болып отырғанын айтты. 

"Кеше Үкімет отырысында, Данияр Талғатұлы, "Инфляция әрі қарай өсе береді" деген болжам жасадыңыз. Осыған қосымша дәлел, Қазақстан құрылысшылар одағаның ақпаратына сүйенсек, көп кәсіпкер құрылыс саласынан шығып, саудаға көшті немесе мүлдем бизнеспен айналысудан бас тартуда", — деді ол.

Өзі айтқан уәждерден кейін Дүйсенбинов Шымкентте "7-20-25" бағдарламасы аясында берілетін ипотекалық несие мөлшерін 25 миллион теңгеге дейін өсіруді сұрады.

"Жоғарыда айтылғандарды қорытындылай келе, "Ақжол" фракциясының депутаттары сізден бірінші, Шымкент қаласының республикалық статусын ескере отырып, "7-20-25" бағдарламасы бойынша ипотекалық қарыздың жоғары шектеуін 15 миллионнан 25 миллионға дейін көтеруді; екінші, алғашқы жарнаның жартысын, субсидиялау тәжірибесін бүкіл елімізге таратуды қарастыру; үшіншісі, бағдарламаға қатысатын құрылыс компанияларын инфляция мен құрылыс материалдары бағасының өсуінен қорғау механизмдерін әзірлеу немесе құрылыстың өзіндік құнын қайта есептеуді сұраймыз", — деп түйіндеді Дүйсенбинов.

448
Кілт сөздер:
тұрғын үй, баспана, "7-20-25" бағдарламасы., депутат, Шымкент
Тақырып:
Шымкент жаңалықтары (57)
Тақырып бойынша
Назарбаева мұғалімдер мен дәрігерлер үшін тұрғын үй бағдарламасын әзірлеуді ұсынды
Назарбаев Шымкенттегі тойлар туралы: бұл ақшаны жастарға баспана алуға беру керек
Баспана алу үшін зейнетақы қаржысын пайдалануға бола ма? Ақышев жауап берді
Мемлекеттік мекемелер өз қызметшілеріне баспана алуға пайызсыз қарыз береді
Білім министрі әкімдікпен бірлесіп мұғалімдердің баспана мәселесін шешпек
Астана әкімі баспана бағасы қанша екенін айтты
ADAM BOL Аwards жүлдесі

Дәрігерден ұялған: үйінде босанған келіншекке көмектескен ақтөбелік әйелдің әңгімесі

18
(Жаңартылды 19:04 04.03.2021)
Ақбота Аманғалиева 8 жыл бұрын үйінде босанған көрші келіншекке көмектесіп, нәрестені аман алып қалған. Бастапқыда дауыс шығарып жыламаған сәбидің бет-аузын сүрткен ол, табанынан ұрып, жедел жәрдем келгенше бала мен ананың жағдайын жасаған

АЛМАТЫ, 4 наурыз – Sputnik. Қазақстанда биыл алғаш рет қиын сәтте батыл қадам жасаған азаматтар марапатталды. Әлия Назарбаеваның бастамасымен ADAM BOL сыйлығы табысталды. Халықтың дауыс беруі арқылы лауреат атанған 12 азаматқа 1 миллион теңгеден берілді. Әр батырдың оқиғасы әртүрлі. Бірі өрттен бір топ адамды аман алып қалса, енді бірі зорлық әрекеттің алдын алып, балаларға көмектескен. Соның бірі – ақтөбелік кәсіпкер Ақбота Аманғалиева. Ол 8 жыл бұрын үй ішінде әйел босандырып, жыламай туған нәрестенің бетін бері қаратқан.

Қазір сол баланың денсаулығы жақсы, екінші сыныпта оқып жүр.

Sputnik Қазақстан тілшісі Ақбота Аманғалиевамен және 2013 жылы үй ішінде босанған әйелмен әңгімелесті.

Дәрігерге бармаған...

Ақбота Аманғалиеваның бір ұл, бір қызы бар. Кенжесі мектеп жасына жеткен жылы отбасымен бірге Ақтөбеден 25 шақырым жерге көшкен. Қаладағы үйін бос қалдырып, жанындағы уақытша тұруға арналған үйді жалға берген.

2013 жылдың 3 наурызында әйел бос тұрған үйін жинау үшін қалаға келеді. Сол сәтте үйін жалдап тұрып жатқан Гүлбаршын Оразғалиеваның толғағы қысқан.

"2013 жылы 3 наурызда боран соғып, қар жауып тұрды. Үйде қызымыз екеуміз ғана едік. 43 жаста болған соң дәрігерге баруға ұялдым. Ауруханаға бармай, үйде босанып қалдым. Ақбота көршім ғой, бір аулада тұрдық. Үйін жалдап тұрдым. Кешкі сағат 7-8 шамасында толғағым келді. Жедел жәрдем жоқ. Күн суық. Хабарластық, келмей жатыр. Қызым жалаңаяқ жүгіріп барып, Ақботаны шақырды", – дейді Гүлбаршын Оразғалиева.

Бұл күнді Ақбота Аманғалиева да ұмытпаған. Оқиға күні кеше болғандай, бәрі де көз алдында.

"Ол күн әлі есімде. Бала жыламай туды. Сол оқиға болардан бір ай бұрын келінім босанған кезде жанына серіктес болып кірдім... Менің сол жерге барғаным да, көршілердің дәл біздің үйге көмек сұрап келгені – бәрі-бәрі баланың көрейін деп тұрған жарығы болар... Бала көкпеңбек болып туған соң перзентханада көргенімді істеп, екі аяғынан ұстап, табанынан шапалақпен ұрдым", – дейді ол. 

Посмотреть эту публикацию в Instagram

Публикация от @adambolawards

Алайда ол кездегі жағдай оңай болмаған. Ақботаның айтуынша, келіншек қатты толғатып жатқанда қорыққан. Жедел жәрдем келгенше шыдайды деп үміттенген.

"Әйелдің ыңғайланып жатқанын байқаған соң босануға көмектесуден басқа амал жоқ екенін түсіндім. Өзімді қолға алдым. Оған оның алдында серіктес болып кіргенімнің көмегі тиді", – дейді Ақбота Аманғалиева.

"Баланың жыламағанын көріп, қатты уайымдадым. Қызым ол кезде кішкентай еді, ол да өліп қалған екен деп қорқып кетті. Ақбота сәбидің аузы-мұрнын сүртіп, екі аяғын аспанға көтерді де, табанынан ұрып, баланы жылатты. Сол сәтте "уф" дедім", – дейді келіншек.

Үйде босанған әйел бала дүниеге келген соң әлсірей бастаған. Ұйқы қысып, демалғысы келген. Алайда Ақбота Аманғалиева дәрігерлер келгенше ояу болуын қадағалаған.

"Менің ұйықтап қалмасын деп шапалақпен ұрып отырды. Содан жарты сағат өткен соң жедел жәрдем келіп, мені мен баламды алып кетті. Оны осы күндері "борандатып туған балам" деп айтамын", – дейді Гүлбаршын.

Боранда туған бала

Бала қазір 8 жаста. Ақтөбеде екінші сыныпта оқып жатыр. Аты – Ербол. Бір кездері пәтер жалдап тұрған отбасы 2 қабатты үй салып, көшіп кеткен. Алайда баласының өмірін сақтап қалған әйелмен байланыс үзілмеген.

Гүлбаршын Оразғалиева мен ұлы Ербол
© Photo : Гүлбаршын Оразғалиеваның жеке архивінен
Гүлбаршын Оразғалиева мен ұлы Ербол

"Анда-санда Наурыз секілді мейрамдарда рақмет айтып, хабарласып тұрамыз. Әр туған күн сайын Ерболдың фотосын жібереміз. Көшеде көріп қалса, "менің балам қалай?" деп сұрайды. Ақботаның үйінде 2016 жылға дейін тұрдық", – дейді ақтөбелік әйел.

Ақботаның айтуынша, екі отбасы телефон арқылы сөйлескенімен, бір-бірінің үйіне бармаған. Алайда кәсіпкер жақында баланы көріп қайтатынын айтты.

"Біз ол жерден көшіп кеттік. Олар да басқа жерде тұрады. Қаланың екі жағында тұрамыз, бірақ әлі күнге дейін хабарламыз. Басында 2-3 жыл баланың туған күніне шақырып, келіншегі хабарласып жүрді. Баруға бір реті келмепті", – дейді Ақбота Аманғалиева.

Ол баланы әлі көрмесе де, жыл сайын туған күнімен құттықтап тұрады.

ADAM BOL AWARDS

Айта кетейік, бірінші наурызда Алматыда ADAM BOL жүлдесінің жеңімпаздары марапатталды. Сыйлық ерлік жасаған, басқа адамдардың өмірін құтқарған адамдарға берілді.

ADAM BOL AWARDS жүлдесінің құрылтайшысы – Қоғамдық маңызды бастамалар қорының жетекшісі, әдебиет пен өнер саласындағы мемлекеттік сыйлықтың лауреаты Әлия Назарбаева.

Жеңімпаздар тізімін мына сілтемеден оқуға болады.

18
Кілт сөздер:
сыйлық, ерлік
Тақырып бойынша
"Ондай сәтте ештеңе ойламайсың". Үш мәрте ерлік жасаған жас полицей нені армандайды?
Нұр-Сұлтандағы апат: автобус жүргізушісі ерлік жасағаны белгілі болды
Соғыста ерлік көрсеткен қазақ қыздары туралы не білеміз?
Ресейлік дипломат Тоқаев қытай тілінің арқасында қандай ерлік жасағанын айтты
Корея тұрғындары ерлік жасаған қазақ жігітін мемлекеттік марапатқа ұсынды
Кісен, архивтегі сурет

Солтүстік Қазақстанда ер адам бастығынан тірі анасын "жерлеуге" ақша сұраған

90
Аудан полицейлері тонау қылмысын ашу кезінде күдіктінің тұрғындарды алдап, алаяқтық жасағанын анықтады

НҰР-СҰЛТАН, 4 наурыз – Sputnik. Солтүстік Қазақстан облысында тірі туыстарын "жерлеу" үшін тұрғындардан ақша алған алаяқ ұсталды, деп хабарлайды Polisia.kz.

Шал ақын ауданының полицейлері тонау қылмысын ашу кезінде екі алаяқтық фактісін анықтады.

15 ақпанда Сергеевканың 29 жастағы тұрғыны дүкен тонады деген күдікпен тергеу изоляторына қамалды. Ер адам бұған дейін істі болған.  

"Тергеу барысында күдіктінің былтыр желтоқсанда жергілікті тұрғындардың бірінен апасын "жерлеуге" 50 мың теңге алғаны анықталды. Алайда оның  ешқашан апасы болмаған", - делінген хабарламада.

Қаңтар айында күдікті аудандағы шаруа қожалығына қара жұмысшы болып кіреді. Екі апта жұмыс істегеннен кейін бастығынан материалдық көмек сұрайды. Бұл жолы ақша анасын "жерлеуге" қажет болған.

Тағы оқыңыз: Дәретханаға сұранған: Алматыда ер адам тергеу изоляторынан қалай қашып кетті

Әйелдің тірі және аман-сау екенінен хабарсыз кәсіпкер қарамағындағы қызметкеріне 62 мың теңге берген. Осыдан кейін ер адам жұмысқа шықпаған.

Екі факті де Қылмыстық кодекстің 190-бабы "Алаяқтық" бойынша сотқа дейінгі тергеулердің бірыңғай реестріне енгізілді.

90
Кілт сөздер:
алаяқ, Солтүстік Қазақстан облысы