Вакцина

Сенат Байқоңыр тұрғындарына медициналық көмек көрсету туралы келісімді қабылдады

71
(Жаңартылды 15:50 10.09.2018)
Қазақстан мен Ресей үкіметтері арасындағы келісімге сәйкес, Байқоңыр тұрғындарына тек ресейлік медициналық ұйымдар қызмет көрсетіп келген

АСТАНА, 6 қыркүйек — Sputnik. Бүгін сенаторлар жалпы отырыста "2009 жылғы 17 қарашадағы Қазақстан үкіметі мен Ресей үкіметі арасындағы РФ-тың "Байқоңыр" кешенін жалға алу жағдайында Байқоңыр ғарыш айлағының персоналына, Байқоңыр қаласының, Төретам және Ақай кенттерінің тұрғындарына медициналық қызмет көрсету тәртібі туралы келісімге өзгерістер енгізу туралы хаттаманы ратификациялау туралы" заң жобасы қабылданды, деп хабарлайды Sputnik Қазақстан тілшісі. 

Денсаулық сақтау министрі Елжан Біртанов баяндағандай, Қазақстан мен Ресей үкіметтері арасындағы қолданыстағы келісімге сәйкес, Байқоңыр тұрғындарына тек ресейлік медициналық ұйымдар қызмет көрсетіп келген.

"Ресей медицинасының елімізде көрсетілген медициналық көмектен едәуір айырмашылықтары болғандықтан, қазақстандықтар республика заңнамасына сәйкес, тегін медициналық көмек, дәрілік заттар мен медициналық мақсаттағы бұйымдарды тегін алу, профилактикалық медициналық тексерістен өту құқығымен қамтамасыз етілмеген. Сонымен қатар, Байқоңыр тұрғындарының қолжетімді жоғары мамандандырылған медициналық көмек алуға мүмкіндігі жоқ. Бұл мүгедектердің жағдайын айтарлықтай қиындатады және жалпы өмір сүру сапасын төмендету қаупін ұлғайтады", — деді министр Сенаттың жалпы отырысында.

Біртанов хаттама жобасы Байқоңыр қаласында, Төретам және Ақай кенттерінде тұратын азаматтарға ұлттық заңнамаға сәйкес медициналық көмек алуға мүмкіндік беретінін атап өтті.

"2016 жылы Байқоңыр қаласында Қызылорда облысы денсаулық сақтау басқармасы медициналық орталығының филиалы пайдалануға берілді. Аталған филиал өңір тұрғындарына стационарды алмастыратын қызмет көрсетуде. Ол үшін тәуліктік 60 төсек және күндізгі 20 төсек ұйымдастырылған", — деді Біртанов.

Сағынтаев Қазақстандағы медицинаны сынады

Сондай-ақ, оның айтуынша, осы жылдың 1 қаңтарынан бастап Байқоңыр қаласында болжам бойынша 30 мың адамға қызмет көрсететін емхана ашылған. Қазір бұл емханада 19 мыңнан астам адам тіркелген.

"Дәрігерлер мен орта буын мамандарымен жасақталған он бір жалпы практика дәрігері бөлімшесі ашылды. 2019 жылы емханада хирургия және реанимация бөлімшелерін ашу жоспарланып отыр", — деп түйіндеді министр.

71
Кілт сөздер:
келісім, тұрғындар, көмек, медицина, бала, Байқоңыр
Тақырып бойынша
Байқоңыр төңірегінде демалыс орны қашан салынбақ?
Депутаттар сот-медицина сарапшыларына қосымша ақы төлеуді талап етті
Алматы түбіндегі әуе апатында екі медицина профессоры қаза тапты
Назарбаев Сағынтаевқа: медициналық қызмет нашарлап, білім алу қымбаттап барады
Министр: хиджама медициналық қызметке жатпайды
Медициналық сақтандыру қорындағы ақша кімдерге қайтарылады?
Міндетті медициналық сақтандыру жүйесін енгізу 2020 жылға шегеріледі
Қазақстанда медициналық университет студенттері жаппай шығарылмақ
Атырауда бас сот-медициналық сарапшысы үй қамаққа алынды
Қажылыққа бару кезінде 500 қазақстандық медициналық көмекке жүгінді
Қасым-Жомарт Тоқаев

Тоқаев қазақстандықтарға үндеу жолдады

344
(Жаңартылды 09:47 21.10.2020)
Жаңа сайлау науқанына дейін саяси жаңғыру, көппартиялықты дамыту және еліміздің қоғамдық-саяси өміріне азаматтардың қатысу аясын кеңейту жөнінде шаралар қабылданады

НҰР-СҰЛТАН, 21 қазан – Sputnik. Мемлекет басшысы Қасым-Жомарт Тоқаевтың қазақстандықтарға жолдаған үндеуінің толық мәтіні Ақорда сайтында жарияланды.

Құрметті отандастар!

Бүгін мен Парламент Мәжілісі депутаттарының сайлауын тағайындау туралы Жарлыққа қол қойдым. Орталық сайлау комиссиясының қаулысымен барлық деңгейдегі мәслихат депутаттарының сайлауы тағайындалды.

Алдағы сайлау конституциялық мерзімге сәйкес, 2021 жылдың 10 қаңтарында өтеді. Барлық саяси партиялардың бұл сайлау науқанына қатысуға дайындалуына, сайлау алдындағы платформасын әзірлеуіне, партиялық инфрақұрылымдарды жетілдіруіне уақыты жеткілікті болды.

Орталық сайлау комиссиясы мен Бас прокуратура сайлаудың заңдылығын, ашықтығын және әділдігін сақтау үшін тұрақты бақылау жүргізіп отырады.

Жаңа сайлау науқанына дейін саяси жаңғыру, көппартиялықты дамыту және еліміздің қоғамдық-саяси өміріне азаматтардың қатысу аясын кеңейту жөнінде шаралар қабылданды.

Бірінші. "Қазақстан Республикасының Парламенті және оның депутаттарының мәртебесі туралы" конституциялық заңға және "Қазақстан Республикасы Парламентінің комитеттері мен комиссиялары туралы" заңға түзетулер енгізу арқылы парламенттік оппозиция институтын құру мәселесін қарастыратын және оның қызметін регламенттейтін өзгерістер мен толықтырулар жасалды.

Енді Парламент Мәжілісі тұрақты комитеттерінің бір төрағасы мен екі хатшысы парламенттік оппозиция депутаттары арасынан сайланады.

Сонымен қатар, парламенттік оппозиция бір сессия кезінде кемінде бір рет парламенттік тыңдау өткізу жөнінде бастама көтеру құқығын иеленеді. Сондай-ақ бір сессия кезінде кемінде екі рет үкімет сағатының күн тәртібін айқындайтын болады.

Бұдан бөлек, саяси партиялар фракцияларының жетекшілеріне Парламент палаталарының бірлескен отырыстарында, Парламент Мәжілісінің пленарлық отырыстарында, тұрақты комитеттердің, жұмыс топтарының отырыстарында, парламенттік тыңдауларда және басқа іс-шараларда сөз сөйлеуге кепілді құқық беріледі.

Екінші. "Қазақстан Республикасындағы сайлау туралы" конституциялық заңда және "Саяси партиялар туралы" заңда қарастырылған ережелер бойынша парламенттік тәжірибемізде алғаш рет партиялық тізімге әйелдер мен жастар үшін 30 пайыздық квота енгізілді. Бұл норма Парламентке және жергілікті өкілді органдарға әйелдер мен жастарды тартудың тиімді жолы ретінде олардың еліміздегі қоғамдық-саяси үдерістерге белсенді қатысуына септігін тигізеді.

Үшінші. Алдағы мәслихаттар сайлауы алғаш рет партиялық тізім бойынша өтеді. Пропорционалды модель әлемдік демократиялық тәжірибеге толық сай келеді, саяси жүйені нығайтуға, демократияны дамытуға ықпал етеді, саяси партиялардың жұмысын жандандырады.

Бұл жаңа бастамалар партияларға еліміздің саяси жүйесіндегі ұстанымын нығайту үшін қосымша мүмкіндіктер береді.

***

Коронавирус пандемиясы салдарынан туындаған күрделі экономикалық дағдарыс көптеген елді қамтыды, сондай-ақ, бүкіл әлемдік экономикаға кері әсер етті.

Қазіргі күрделі кезеңде Қазақстанның алдында дағдарысқа қарсы тиімді шаралар қабылдау, орнықты экономикалық дамуды және азаматтарымыздың әлеуметтік игілігін қамтамасыз ету, халықтың әл-ауқатын арттыру міндеті тұр.

Осы басымдықтар жөнінде менің Қазақстан халқына арнаған Жолдауымда айтылды.

Парламенттің және жергілікті өкілді органдардың жаңартылған құрамы еліміздегі әлеуметтік-экономикалық реформаларды сапалы әрі заңнамалық тұрғыдан қамтамасыз етуге баса мән береді.

Алдағы сайлау еліміздің саяси жүйесін жаңартуды қамтамасыз ететін саяси институттарды дәйекті түрде демократияландыруға және жаңғыртуға Қазақстанның аса ықыласты екенін тағы да бір дәлелдейтін болады.

Біздің ортақ миссиямыз – Қазақстанды өркендету, азаматтарымыздың игілігі үшін қызмет ету. Қазақстан халқы аса маңызды тарихи сындарлы сәттерде бір жеңнен қол, бір жағадан бас шығара білді. Халқымыз осы жолы да елімізді жан-жақты жаңғырту бағытындағы жаңа тарихи миссиясын лайықты атқарады деп сенемін. Тәуелсіздіктің 30 жылдығы қарсаңында еліміз кемелдене түсіп, дамудың жаңа кезеңіне шығатынымыз анық.

Мемлекетіміздің барлық азаматтарын белсенді азаматтық ұстанымын танытуға, Парламент Мәжілісінің және мәслихаттардың алдағы сайлауына ұйымшылдықпен қатысуға шақырамын.

344
Кілт сөздер:
сайлау, депутат, парламент
Тақырып бойынша
Сарапшылар ауыл әкімін сайлау кезінде қандай қиындықтар болуы мүмкін екенін айтты
Тоқаев Орталық сайлау комиссиясының төрағасына тапсырма берді
Мәжіліс сайлауы: Назарбаев дайындықты бастауды тапсырды
Мәжіліс сайлауы өтетін күнді кім және қалай белгілейді
Мәжіліс сайлауы қашан өтеді
Зертхана қызметкері

Өткен тәулікте Қазақстанда коронавирус жұқтырғандардың саны артты

37
(Жаңартылды 08:10 21.10.2020)
Бүгінгі күнге дейін республика бойынша коронавируспен ауырған науқастардың саны 109 766 адамға жетті

НҰР-СҰЛТАН, 21 қазан – Sputnik. Қазақстанда өткен тәулікте 143 адамда коронавирус індеті ПТР арқылы расталып, ауырғаны белгілі болды, деп хабарлайды ведомствоаралық комиссия.

"Коронавирус жұқтырғандардың ең көбі Нұр-Сұлтан қаласында (29) анықталды. Одан кейін Шығыс Қазақстан облысы (19) мен Алматы қаласында (13) тіркелді", – делінген хабарламада.  

Қалалар мен өңірлер бойынша:

  • Нұр-Сұлтан қаласы - 29
  • Алматы қаласы - 13
  • Ақмола облысы - 6
  • Ақтөбе облысы - 3
  • Алматы облысы - 14
  • Атырау облысы - 11
  • Шығыс Қазақстан облысы - 19
  • Жамбыл облысы - 3
  • Батыс Қазақстан облысы - 5
  • Қарағанды облысы - 16
  • Қостанай облысы - 5
  • Маңғыстау облысы - 1
  • Павлодар облысы - 10
  • Солтүстік Қазақстан облысы - 8.

Айта кетейік, бүгінге дейін республика бойынша індет жұқтырған адамдар саны 109 766-ға жетті.

37
Кілт сөздер:
індет, коронавирус
Тақырып:
Коронавирус эпидемиясы
Тақырып бойынша
Ғалымдар шілдеде коронавирустың неліктен күшейіп кеткенін анықтады
Қара бұрыш коронавирустан қалай қорғайды – ғалымдар жауабын айтты
Ғалымдар мезгілсіз өлімнің белгілерін атады
Коронавирус ақша мен телефон экранында қанша уақыт сақталады – ғалымдар зерттеу жасады
COVID-19-бен байланысты қауіпті синдром байқала бастады: ғалымдар дабыл қақты
Блок бекет

Қарағанды облысының бір ауылы карантинге жабылды

0
Карантиннің енгізілуіне ауылға инфекция жұқтырған адамның келуі себеп болды. Енді тұрғындарға себепсіз көшеге шығуға болмайды

АЛМАТЫ, 21 қазан – Sputnik. Қарағанды облысының Центральный ауылы карантинге жабылды. Облыс әкімдігі санитарлық шараның қатаңдатылуын ауылға коронавирус инфекциясын жұқтырған адамның келуімен байланыстырды, деп хабарлайды Sputnik Қазақстан.

"Омбыдан келген қонақ коронавирустың бар-жоғын анықтайтын тест тапсырды. Нәтижесінде инфекцияның бар екені анықталды. Ол кісімен байланыста болғандар да ауырып қалған. Бұхар Жырау ауданының бас санитар дәрігерінің қаулысына сәйкес, карантинге алынған аймақтың шыға берісіне блок бекеттер қойылды. Енді бұл аймаққа кіріп-шығуға тыйым салынды", - делінген облыс әкімдігі таратқан ақпаратта.

Санитар дәрігердің қаулысына сәйкес, ауыл тұрғындары карантин шараларын сақтауға міндетті. Үйден тек жұмысқа, жақын маңдағы дүкен немесе дәріханаға баруына болады.

Әкімдіктің хабарлауынша, карантин инфекция жұқтырған науқастардың барлығы жазылғанша жалғасады. Шектеулерді алып тастау бойынша ақпарат қосымша хабарланады.

Айта кетейік, бұған дейін Нұр-Сұлтан, Алматы қалаларында, Батыс Қазақстан, Павлодар, Маңғыстау, Атырау, Солтүстік Қазақстан, Шығыс Қазақстан, Қарағанды, Алматы және Жамбыл облыстарында карантиндік шектеулер енгізілген болатын.

0
Кілт сөздер:
карантин
Тақырып:
Коронавирус эпидемиясы