Медбике

Қазақстанда балаға екпе салдырудан бас тартқан ата-аналарға айыппұл салынуы мүмкін

326
(Жаңартылды 10:54 13.09.2018)
Жыл басынан бері 500-ден астам қазақстандық балаларына екпе салдырудан бас тартқан. Денсаулық сақтау министрлігі батыл шаралар қабылдамақ

АСТАНА, 12 қыркүйек — Sputnik. Қазақстан  Денсаулық сақтау министрлігі балаға екпе алудан бас тартқандарға айыппұл салуды ұсынды.

Министр Елжан Бiртанов Денсаулық кодексіне енгізілуі мүмкін түзетулер туралы айтты.  

"Өкінішке қарай, елімізде екпеден бас тартатын жағдайлар кездеседі. Кейбір елдерде мұндай азаматтарға арнайы шара қолданылады. Германияда, мысалы, мұндай балалар мектепке кіргізілмейді. Бізде ондай жоқ. Әрине, сарапшылармен, қоғамдық ұйымдармен бірге талқылаймыз", — деп жауап берді Біртанов.

Денсаулық сақтау министрі шешім әлі қабылданбағанын атап өтті. 

Қазақстанда жыл басынан бері кем дегенде бес жүз балаға екпе салынбаған, олардың жартысы діни ұстанымына байланысты бас тартқан. 

 

Бәрінен жеке пікіріне сүйеніп бас тартатындар көп, олардың саны 50 процентке жуық.    

Қазақстанда жыл сайын бес миллионға жуық адам инфекциялық ауруларға қарсы егіледі, оның ішінде 1,3 миллион бала бар.   


326
Кілт сөздер:
айыппұл, екпе, Денсаулық сақтау министрлігі, Елжан Біртанов, Қазақстан
Тақырып бойынша
Премьер-министр: менингитке қарсы екпе бағасы тым қымбат
Екпеден бас тартқан қазақстандықтар емделу ақысын қалтасынан төлейді
Менингитке қарсы екпені кімге салуға болмайды?
Астанада әл-ауқаты төмен отбасылар менингитке қарсы екпені тегін ала ма?
Жақсылық Үшкемпіров

"Арман жоқ еді-ау": елордада жекпе-жек сарайына Үшкемпіров есімі берілді

6
(Жаңартылды 12:37 02.12.2020)
Осыдан бірнеше жыл бұрын осы жекпе-жек орталығының іргетасы қаланып жатқанда Жақсылық Үшкемпіров ұлымен бірге құрылыс басталғалы жатқан жердің жанынан өткен. Сол кезде өзінің арманын айтыпты

НҰР-СҰЛТАН, 2 желтоқсан – Sputnik. Мемлекет басшысы Қасым-Жомарт Тоқаевтың тікелей бастамасымен астанадағы жекпе-жек сарайы ресми түрде Олимпиада чемпионы Жақсылық Үшкемпіров есімімен аталады, деп хабарлады президенттің баспасөз хатшысы Берік Уәли.

Осыдан бірнеше жыл бұрын осы жекпе-жек орталығының іргетасы қаланып жатқанда Жақсылық Үшкемпіров ұлы Жандоспен бірге құрылыс басталғалы жатқан жердің жанынан өткен. Уәли даңқты балуан енді ғана қазығы қағылып жатқан жерге қарап не дегенін жазды.

"Осы қазаққа, қазақтың спортына, қазақтың күресіне бір кісідей-ақ еңбек сіңірдім деп ойлаймын. Әсіресе, Одақтың даңқы дәуірлеп, біздің ұлт бәйге алмақ түгіл, өзгемен тең тұруының өзі мұң болған шақта Олимпиада жүлдесін жұлып алдым. Мұны бүгінгі қазаққа міндет қылмаймын, әрине. Ол кезде жастықтың буымен білінбеген де екен. Қазір ойлаймын, әлі күнге өзімнің ізімді басатын жігіттердің шықпағанына қарағанда, сол 80-ші жылдағы Олимпиада маған да оңайға соқпаған екен-ау деп. Енді бір арманым бар, шіркін осы жекпе-жек орталығының құрылысы бітіп, менің атымды берсе ғой, арман жоқ еді-ау", - деген екен.

Ұлы Жандос: "Бұл қай уақытта салынып бітеді дейсіз? Оған дейін кім бар, кім жоқ? Қандай шешім қабылданады? Білмейміз ғой..." деп жауап берген.

Берік Уәлидің айтуынша, Олимпиада чемпионы бақилық болып кеткеннен кейін осы әңгімені мемлекет басшысы естіген. Президент бірден қолдап, тиісті орындарға тапсырма берген.

Үкіметтің ресми қаулысы шықты. Жекпе-жек сарайы ресми түрде Жақсылық Үшкемпіров атымен аталатын болды.

Ал Үшкемпіров Жандос Жақсылықұлы қазір осы жекпе-жек сарайының директоры.

6
Кілт сөздер:
Жақсылық Үшкемпіров
Тақырып бойынша
Тоқаев Жақсылық Үшкемпіровтің отбасына көңіл айтты
Олимпиада чемпионы Жақсылық Үшкемпіров туралы не білеміз?
Жақсылық Үшкемпіров дүниеден озды
"Он мың қазақ отырғандай көрінді": Үшкемпіров ең тартысты жекпе-жегі туралы айтты
Қырық жыл бұрын Жақсылық Үшкемпіров Олимпиада алтынын қалай жеңіп алды
Коронавирус, зерттеу

Биолог коронавирустың күтпеген салдарын атады

341
Қарашада коронавирус инфекциясының жеңіл әрі ауыр түріне шалдыққан науқастарды тексерген дәрігерлер қорытынды жариялады

АЛМАТЫ, 2 желтоқсан – Sputnik. Коронавируспен ауырған адамның ағзасы ерте қартаюы мүмкін. Мұндай жағдайда адамның аурудың жеңіл не ауыр түрімен ауырғанына қарамайды, деді Джордж Мейсон университетінің жүйелік биология мектебінің профессоры Анча Баранова РИА Новости ақпарат агенттігіне.

Оның айтуынша, қарашада коронавирус инфекциясының жеңіл әрі ауыр түріне шалдыққан науқастарды тексерген дәрігерлер қорытынды жариялады.

"Науқастардың барлығы емді амбулаториялық жағдайда қабылдады. Бірақ арасында ауруханаға жатқызылғандар да болды. Ең әлсіз түрімен ауырып шыққан науқастардың 70%-інде кейбір ішкі ағзалардың патологиясы байқалды. Алайда бұл жүрек патологиясы емес, негізінен, майлы гепатоз (бауыр зардап шегеді) және ұйқы безі тінінің майлы дегенерациясы болды", - деді ол.

Оның айтуынша, әдетте мұндай диагноз 60 жаста қойылады. Ал коронавируспен ауырған адамдарда 40 жаста байқалады.

Баранова коронавирус адамдардың қартаюын тездетеді деп отыр. Сонымен қатар маман мұндай зерттеулер көп жасалуы керек деп санайды.

341
Кілт сөздер:
коронавирус
Тақырып:
Коронавирус эпидемиясы
Тақырып бойынша
5G мен COVID-19-ға қатысты тағы бір видео жалған болып шықты 
"Инфекция жұқтыру қаупі жоғары": COVID-19 қай кезде жылдам тарайды
COVID-19: Тоқаевтан соңғы рет ескерту алған әкім өңірдегі жағдайды баяндады
COVID-19 жұқтырған қазақстандықтар саны 133 мыңнан асып кетті
COVID-19: жағдайы ауыр науқасты емдеуге 900 мың теңге жұмсалады
Ресейлік әскерилер Степанакертте госпиталь ашты

Ресейлік әскерилер Степанакертте госпиталь ашты

0
Ресей, Әзербайжан мен Армения көшбасшылары қол қойған келісімге сәйкес ресейлік бітімгерлер Таулы Қарабақта жұмыс істеп жатыр

НҰР-СҰЛТАН, 2 желтоқсан – Sputnik. Ресейдің қорғаныс министрлігі Таулы Қарабақта дала госпиталін орналастырды. Бұл жөнінде Риа Новости хабарлады.

"Пневмокаркасты модульдерді орналастыру аяқталды. Біз бірінші кезекте бітімгерлер контингентін медициналық қамсыздандыруға бейімделіп отырмыз. Әрине, бейбіт тұрғындарға да көмек көрсетуге дайынбыз. 40-қа дейін адам орналастыра аламыз", - деді медициналық жасақтың басшысы Ярослав Иванов.

Оның айтуынша, госпитальде жансақтау, функционалды диагностика, зертханалық диагностика, ота жасау бөлімшелері және стоматологиялық кабинет пен офтальмолог кабинеті бар. Сондай-ақ, жасанды тыныс алдыру, ульрадыбыстық зерттеу аппараттары мен рентген бар.

10 қараша күні Ресей, Әзербайжан мен Армения көшбасшылары қол қойған келісімге сәйкес ресейлік бітімгерлер Таулы Қарабақта жұмыс істеп жатыр. Құжат 27 қыркүйекте басталған соғыстың толық тоқтатылуын, тұтқындар және қаза тапқандардың мәйітімен алмасуды қарастырады. Сондай-ақ, Армения Әзербайжанға Кельбаджар, Лачин және Агдам аудандарын қайтаруы керек.

Бакуде бұл келісімді Ереванның капитуляциясы деп атады. Президент Ильхам Әлиев құжат Әзербайжан үшін мейлінше тиімді екенін атап көрсетті: оның айтуына қарағанда, қазір соғыс кезеңі аяқталды және ендігі кезекте саяси мәселелерге көшуге болады.

Арменияның премьер-министрі Никол Пашинян бейбітшілік туралы келісім оған ауыр тигенін, бірақ, бұл Қарабақтағы орны толмас шығындардың алдын алуға мүмкіндік бергенін айтты. Осыдан кейін Ереванда премьердің қызметтен кетуін талап еткен наразылық акциялары басталды.

0