10 мың теңге

Пәтерін заңсыз жалға бергендер 2 миллион айыппұл төледі

250
(Жаңартылды 16:17 18.09.2018)
Осы күнге дейін пәтерін заңсыз жалға беріп отырған 700 адам әкімшілік жауапкершілікке тартылды

АСТАНА, 13 қыркүйек — Sputnik. Бүгінде Қазақстан бойынша салықтан жалтарып отырған азаматтарға жалпы 2 миллион теңге көлемінде айыппұл салынғаны белгілі болды. Ал заң бұзу жағынан Алматы қаласы бірінші орында келеді. Бұл туралы толығырақ ҚР ҚММ МКК салықтық әкімшілендіру департаменті камералдық мониторинг басқармасының бас сарапшысы Күләш Искакова Қазақстан Республикасы қаржы министрлігінің мемлекеттік кірістер комитетінде "Тұрғын үйді заңсыз жалға беру" тақырыбында өткен брифинг барысында айтты, деп хабарлады Sputnik Қазақстан тілшісі.

Маман, алдымен, елімізде осы мәселеге қатысты қанша азаматтың әкімшілік жауапкершілікке тартылғанына тоқталды.

"Бүгінгі таңда пәтерін заңсыз жалға беріп отырған 700 адам әкімшілік жауапкершілікке тартылды. Алғашында ауызша ескерту айтылды, кейін белгілі бір мөлшерде айыппұл салынды. Соңғы жүргізген есеп бойынша, Қазақстандағы пәтер иелеріне 2 миллион теңге көлемінде айыппұл салынған екен", — деді Күләш Искакова.

Аймақтар бойынша, Алматы мен Астана қалалары пәтерді жалға беру мен салықтан жалтару мәселесінде көш бастап тұр. Бұдан кейінгі орындарға рейтинг бойынша, Ақмола және Ақтөбе облыстары жайғасқан.

"Бұл мәліметтердің барлығы фактіге сәйкес айтылып жатыр. Заң бұзу жағынан бірінші орында Алматы қаласы тұр. Аталған аймақта 1 127 азаматтың пәтерлерін заңсыз жалға беріп отырғандарын анықтадық. Сондай-ақ, Астана қаласында 1 149 азаматтың дәл осылай салықтан жалтарып отырғаны белгілі болды. Әрине, заңды бұзбауға тырысатын азаматтарымыздың да жетерлік екенін атап өтуіміз қажет", — деді сарапшы.

Сондай-ақ, Күләш Искакова бір азаматтың жүзден аса пәтерді жалға беруіне құқығы бар екенін айтып өтті. Тек тиісті салықты төлеп отырса болғаны.

"Заң бойынша бірнеше пәтерді жалға беруге тыйым салынбаған. Мысалы, жеке кәсіпкердің бір басында 30-40 дүкені бар болуы мүмкін. Тіпті, басыңызда 200 пәтер болса да, оның барлығын жалға бере аласыз. Бастысы салық кодексіне қарама-қайшы әрекеттер жасамасаңыз жеткілікті", — деп қорытты маман.

Сондай-ақ, ол пәтерін заңсыз жалға беріп отырған азаматтарға 15 АЕК мөлшерінде айыппұл салынатынын айтып өтті. Бұл дегеніңіз — 36 075 теңге.

250
Кілт сөздер:
теңге, пәтер, салық, заң бұзу, айыппұл, Қазақстан
Тақырып бойынша
Қазақстанда балаға екпе салдырудан бас тартқан ата-аналарға айыппұл салынуы мүмкін
Құрбан айтқа мол дастархан жайғандарға айыппұл салынады
Заң бұзған банктер бір ай ішінде 67 миллион теңге айыппұл төледі
Айыппұл төлеуден жалтарған жігіт өз тойына қатыса алмады
ҚР мектептерінде қыздарына орамал шешкізбеген ата-аналар айыппұл төлейді
Теміртауда көлікті қағып кеткен полицей айыппұл төлеп құтылуы мүмкін
Заңсыз сотталған Алматы тұрғыны мемлекеттен 5,7 миллион теңге өндіріп алды
Архивтегі фото

6 жарым мыңнан астам адамнан вирус табылды: эпидемиологиялық жағдай ушығып тұр

371
Нұр-Сұлтанда 1 522, Алматыда 1080, Қарағанды ​​облысында 750 адам коронавирус инфекциясын жұқтырған

НҰР-СҰЛТАН, 24 шілде – Sputnik. Қазақстанда өткен тәулікте 6521 адамнан коронавирус инфекциясы табылды, деп хабарлады COVID-19 таралуына жол бермеу жөніндегі ведомствоаралық комиссия.

Бұл пандемия басталғаннан бергі рекордтық көрсеткіш. Бір күн бұрын 6119 науқас тіркелген болатын.

Өткен тәуліктің статистикасы:

  • Нұр-Сұлтан қаласы - 1522,
  • Алматы қаласы - 1080,
  • Шымкент қаласы - 507,
  • Ақмола облысы - 193,
  • Ақтөбе облысы - 250,
  • Алматы облысы - 220,
  • Атырау облысы - 446,
  • Шығыс Қазақстан облысы - 101,
  • Жамбыл облысы - 108,
  • Батыс Қазақстан облысы - 309,
  • Қарағанды облысы - 750,
  • Қостанай облысы - 167,
  • Қызылорда облысы - 170,
  • Маңғыстау облысы - 255,
  • Павлодар облысы - 211,
  • Солтүстік Қазақстан облысы - 123,
  • Түркістан облысы - 109.

Жалпы ел бойынша ауырғандар саны – 522 638.
 

371
Кілт сөздер:
Қазақстан, коронавирус
Тақырып:
Коронавирус эпидемиясы
Қала тұрғындары

Төтенше жағдайлар министрлігі қазақстандықтарға ескерту жасады

10438
Министрлік аптап ыстықта балаларды ерекше бақылауда ұстау қажеттігін ескертті. Өрт қауіпсіздігі ережелерін де сақтау қажет

НҰР-СҰЛТАН, 23 шілде – Sputnik. Төтенше жағдайлар министрлігі қажеттілік болмаған жағдайда далаға шықпауға кеңес берді. Себебі ертеңнен бастап қатты ыстық болады, деп хабарлайды Sputnik Қазақстан

Сондай-ақ, министрлік аптап ыстықта балаларды ерекше бақылауда ұстау қажеттігін ескертті. Өрт қауіпсіздігі ережелерін де сақтау қажет. Себебі қатты ыстықта өрт шығу қаупі жоғарылайды. 

"Азаматтарды дала және орман алқаптарында болған кезде қауіпсіздік ережелерін сақтауға шақырамыз. Табиғи өрттің негізгі себептері: халықтың отты абайсыз пайдалануы, сөндірілмеген темекі, алау, жанған сіріңке, майлы немесе тозығы жеткен шүберек, шыны бөтелке, көлік сөндіргішінің ұшқыны, құрғақ шөпті жағу және найзағай", - делінген ресми хабарламада. 

Төтенше жағдайлар министрлігі ыстықтан сақтану үшін азаматтарды аса қажеттілік болмаған жағдайда далаға шықпауға кеңес берді. Негізгі сақтық шараларын да ұмытпау қажет. Олар: 

  • күніне кемінде 1,5-3 литр сұйықтық ішу; 
  • аптап ыстықта кез-келген физикалық белсенділіктен бас тарту;
  • күндіз күн сәулесі бөлмеге кірмеуі үшін терезелерді ашық реңкті перделермен жабу;
  • күн өтпес үшін баскиім, ашық, ауа өткізетін киім (мақтадан жасалған) кию;

Қазгидрометтің мәліметі бойынша еліміздің бірқатар өңірлерінде қатты ыстық болады.

24 шілде күні күндіз Нұр-Сұлтан қаласында 35 градус, ал Ақмола облысында 35-37 градус қатты ыстық болады деген болжам бар. Ал облыстың батысында термометр бағанасы 40 градусқа дейін көтеріледі. 

24-25 шілде күндері Қарағанды облысының оңтүстігінде 40 градус. Кей жерлерде төтенше өрт қаупі сақталады.

24-26 шілдеде Жамбыл облысының кей жерлерінде плюс 44 градус. 

Алматы, Павлодар, Шығыс Қазақстан облыстарының кей жерлерінде 25 шілде күні 40-42 градус қатты ыстық болады. Ал Түркістан мен Қызылорда облыстарының кей жерлерінде 46 градус, ал Маңғыстау облысында 25-27 шілдеде күндіз +44 градус.

Оқи отырыңыз: Қазақстанда +46 градусқа дейін ыстық болады

 

10438
Елдос Сметов түрік Мирхадж Аккушты жеңді

Токио Олимпиадасы: Елдос Сметов жартылай финалға шықты

32
Қазақстандық дзюдошы түрік палуаны Мирхадж Аккуш пен Корея спортшысы Ким Вон Джинді жеңді

НҰР-СҰЛТАН, 24 шілде – Sputnik. Токио Олимпиадасында қазақстандық дзюдошылар Елдос Сметов пен Отгонцэцэг Галбадрах алғашқы жекпе-жегін өткізді, деп хабарлайды Sputnik Қазақстан тілшісі.

Татамиге бірінші болып шыққан Отгонцэцэг Галбадрах қытайлық Янань Лиден иппонмен ұтылды. Ал Елдос Сметов түрік палуаны Мирхадж Аккуштан басым түсті. Қазақстандық дзюдошы өз қарсыласын иппонмен жеңді.

Осыдан кейін Сметов Оңтүстік Кореяның спортшысы Ким Вон Джинді жеңіп, жартылай финалға шықты. Оның келесі қарсыласы – жапондық Наохиса Такато.

Оқи отырыңыз: Қазақстандық боксшы Олимпиаданы жеңіспен бастады 

Айта кетейік, Токио Олимпиадасына алты қазақстандық дзюдошы аттанды. Олар: Елдос Сметов, Ерлан Серікжанов, Жансай Смағұлов, Дидар Хамза, Ислам Бозбаев және Отгонцэцэг Галбадрах.

Бас бапкер Ғалымжан Жылгелдиевтің айтуынша, кейбір салмақтарда жеребе ауыр түсті. Әсіресе команда көшбасшысы Елдос Сметовтың тобы мықты. Оған Жапония мен Грузияның мықты балуандарына қарсы шығуға тура келеді.

2016 жылы Рио Олимпиадасында Елдос Сметов күміс жүлдені иеленген болатын. Ал Отгонцэцэг Галбадрах "қола" ұтып алған.

32
Кілт сөздер:
дзюдо, Елдос Сметов
Тақырып:
Токио Олимпиадасы