Руслан Күлекбаев сот залында

"Ол түзелмейді" Министр Күлекбаев түрмеде жазасын қалай өтеп жатқанын айтты

1278
(Жаңартылды 21:18 17.09.2018)
Руслан Күлекбаев осыдан екі жыл бұрын Алматыда теракт жасап, он адамды өлтірген еді

АСТАНА, 14 қыркүйек – Sputnik. ҚР Ішкі істер министрі Қалмұханбет Қасымов "алматылық мерген" Руслан Күлекбаевтың суицид жасамақ болғанына қатысты түсініктеме берді, деп хабарлайды Sputnik Қазақстан тілшісі. 

Жуырда БАҚ бетінде Қостанай облысы УК-161/12 мекемесінде жазасын өтеп жатқан террорист Руслан Күлекбаевтың екі рет өзіне қол салмақ болғаны туралы ақпарат тараған еді. Министрдің айтуынша, Күлекбаев қатаң режимді түрмеде, бейнебақылауда. 

"Ол екі рет өзіне қол салмақ болды. Қарауыл оның төсек жаймасын байлап жатқанын көрген. Қызметкерлер оған кедергі жасап, суицидке жол бермеді", — деді Қасымов. 

Министр жүргізіліп жатқан жұмыстарға қарамастан, оның наным-сенімі өзгермеген айтты. 

"Ашығын айтқанда, ол түзелмейді. Сондықтан оны қатаң бақылауда ұстаймыз",  —деген пікірін білдірді министр. 

Еске сала кетсе, 2016 жылдың 18 шілдесінде Алматыда Руслан Кулекбаев полицейлерге шабуыл жасады. Атыс салдарынан он адам қаза тапқан еді. Қазақстан президенті Нұрсұлтан Назарбаев болған оқиғаны теракт деп атады. 2 қараша күні Руслан Күлекбаев сот үкімімен өлім жазасына кесілді.


1278
Кілт сөздер:
қанды қырғын, өлім жазасы, қылмыс, Руслан Күлекбаев, Қалмұханбет Қасымов, Алматы
Тақырып бойынша
Ақтөбеде "Алтын белгі" иегері өмір бойына сотталуы мүмкін
Қостанайда қызын пышақтап өлтірген ер адам өмір бойына сотталды
Қытайдан келген қандасымыздың отбасын ойрандағандар өмір бойына сотталды
Судьяны өлтірген қаныпезер неліктен өмір бойына сотталды?
Күлекбаев өлім жазасы үкіміне шағым түсірмейді
Индонезиядағы жер сілкінісі

Мемлекет басшысы Индонезия президентіне көңіл айтты

9
(Жаңартылды 19:49 15.01.2021)
Индонезияда соңғы тәулікте бірнеше рет жерасты дүмпуі болды. Салдарынан отыздан астам адам көз жұмып, 600-ден астам тұрғын зардап шекті

НҰР-СҰЛТАН, 15 қаңтар – Sputnik. Қазақстан президенті Қасым-Жомарт Тоқаев Индонезия президенті Джоко Видодоға көңіл айтты, деп хабарлайды Ақорда.

Мемлекет басшысы Сулавеси аралындағы күшті жер сілкінісі салдарынан көптеген адамның қаза болуына байланысты Индонезия Президенті Джоко Видодоға көңіл айту жеделхатын жолдады.

"Қазақстан халқының және жеке өзімнің атымнан қаза болған адамдардың жақындары мен туыстарына көңіл айтамын. Осындай қиын жағдайда біз индонезиялық достарымыздың қайғыларына ортақтасып, олармен бірге екенімізді жеткіземін. Сонымен қатар табиғат апатынан зардап шеккендердің тезірек сауығып, үйлеріне оралуына тілектестік білдіремін", – делінген жеделхатта.

Индонезиядағы жер сілкінісі

Индонезияда соңғы тәулікте бірнеше рет 5,7 және 6,2 магнитудалы жойқын жер сілкінісі болды. Салдарынан отыздан астам адам көз жұмып, 600-ден астам тұрғын зардап шекті.

Жер сілкінісі салдарынан жергілікті аурухана ғимараты құлап, медицина қызметкерлері мен емделушілер үйінді астында қалғаны белгілі болды.

Билік 15 мыңнан астам тұрғынды қауіпсіз жерге көшірді.

9
Тақырып бойынша
Тоқаев парламент отырысында қандай уәде берді – толық ақпарат
"Әділ болуы керек": Тоқаев зейнетақы жинағын пайдалану туралы айтты
Президент мәжіліске өтпеген саяси күштер туралы пікір білдірді
Бірнеше депутат премьер-министр кандидатурасын қолдамады – Тоқаев не деді
Ауылға баратын әрбір жол толығымен жөнделеді – Тоқаев
Құс пен қыс

Демалыс күндері ауа райы қандай болады

251
Қостанай облысының кей жерінде бұрқасын болып, тұман түседі. Оңтүстік-шығыс пен оңтүстіктен секундына 15-20 м/с жел соғады

АЛМАТЫ, 15 қаңтар – Sputnik. Қазгидромет синоптиктері 2021 жылдың 16-18 қаңтарында ауа райы қандай болатынын жариялады.

Сенбі, жексенбі күндері республиканың батысы мен солтүстігінде Жерорта теңізі циклонының әсерінен ауа райы тұрақсыз болады.

Кей жерлерде жауын-шашын түседі, батыста қар мен жаңбыр араласып, солтүстікте қар жауады.

Сондай-ақ кей жерлерде жел күшейіп, боран соғады, ауа температурасы көтеріледі. Қазақстанның қалған аумағында жауын-шашынсыз ауа райы сақталады. Республика бойынша кей жерлерде тұман түседі.

Мегаполистерде ауа райы қандай болады

Нұр-Сұлтанда түнде минус 13-15 градус, күндіз 4-6 градус аяз болады.

Алматыда түнде минус 8-10, күндіз плюс 5-7 градус.

Шымкентте түнде плюс 1-3, күндіз 15-17 градус жылы болады.

Дабылды ескерту жарияланды

Ақмола облысының кей жерлерінде бұрқасын болады. Оңтүстік-шығыстан, оңтүстіктен секундына 15-20 метр жел соғады.

"Ақтөбе облысының кей жерінде тұман, көктайғақ болады. Оңтүстік-шығыстан соққан жел оңтүстік-батысқа ауысып, секундына 18 метр жылдамдықпен жел соғады. Мұғалжар ауданында түнде желдің екпіні секундына 23 метрге дейін жетеді", – делінген хабарламада.

Батыс Қазақстан облысының кей жерінде тұман, көктайғақ, бұрқасын болады. Оңтүстік-батыстан соққан желдің жылдамдығы – 15-20 м/с, күндіз екпіні секундына 25 м/с жетеді.

16 қаңтарда Қызылорда облысының кей жерінде желдің жылдамдығы секундына 15-20 м/с-ке жетеді.

Қостанай облысының кей жерінде бұрқасын болып, тұман түседі. Күндіз кей жерлерде көктайғақ болады. Оңтүстік-шығыстан, оңтүстіктен секундына 15-20 м/с жел соғады.

Солтүстік Қазақстан облысының кей жерлерінде тұман түсіп, күндіз бұрқасын болады. Жел оңтүстік, оңтүстік-шығыстан секундына 15-20 метр жылдамдықпен соғады.

Петропавлда түнде оңтүстіктен, оңтүстік-шығыстан секундына 15-20 метр жылдамдықпен жел соғады.

251
Кілт сөздер:
табиғат, ауа райы