ҚР ішкі істер министрі Қалмұханбет Қасымов

Қасымов Теннің өлімінен кейінгі үш күнді қалай өткізгенін айтып берді

276
(Жаңартылды 15:29 15.09.2018)
Қазақстандық мәнерлеп сырғанаушы осы жылдың шілдесінде автокөлік ұрыларының қолынан мерт болған еді

АСТАНА, 14 қыркүйек – Sputnik. ҚР ішкі істер министрі Қалмұханбет Қасымов Денис Теннің өлімінен кейін үш күн бойы ұйықтамағанын мәлімдеді, деп хабарлайды тілшісі. 

Министр қылмыс жасалған күні ТМД елдеріндегі әріптестерімен бірге Ақтауда болғанын айтты.

"Теннің өлімі туралы телефонмен хабар бергеннен кейін, бұл іс тұрақты бақылауымда болды. Қылмыскерлерді анықтап, біріншісін ұстағанда, оқиғаның қалай болғанын шамаладық. Екінші қылмыскерді ұстау сәл қиынға соқты. Өйткені нақты мекенжайы болған жоқ, сондықтан қосымша күш тартып, тұтас шағын ауданды қоршауға алдық. Оны таңертең бір үйден шығып, екіншісіне бара жатқан жерден ұстадық. Ал әйел телефонмен байланысқа шыққаннан кейін қолға түсті. Үш түнді ұйқысыз өткіздік. Осы оқиға туралы президентке екі рет баяндадым. Бұл қылмыс қоғамда үлкен резонанс тудырды, трагедия бәрінің қабырғасын қайыстырды. Полиция қылмысты әшекерелеу үшін барын салды", — деді министр ОКҚ-де өткен брифингте. 

Айта кетсек, Денис Теннің өлімінен кейін қазақстандықтар ішкі істер министрінің отставкаға кетуін талап еткен еді. Бүгін Қалмұханбет Қасымов отставкаға кету ойында жоқ екенін білдірді, айтуынша, мұндай шешімді президент қана қабылдайды. 

Қазақстандық спортшы осы жылдың 19 шілдесінде Алматыда автокөлік ұрыларының қолынан қаза тапты. 

Аталған факті бойынша үш адам ұсталды. Олар Жамбыл облысының тумасы 24 жастағы Нұралы Қиясов, Қызылорда облысының 1994 жылғы тумасы Арман Құдайбергенов және Жанар Толыбаева. Алғашқы екеуі ұрлық, қарақшылық және адам өлімі бойынша, ал әйел қылмыс жасалғанын хабарламағаны үшін айыпталып отыр.


276
Кілт сөздер:
қанды оқиға, Денис Тен, Қалмұханбет Қасымов
Тақырып бойынша
Денис Тенді өлтіргендерді жақтаған мұғалімнің ісіне қатысты жаңа дерек шықты
Психоаналитиктер Денис Теннің әндері кімге арналғанын айтты
Денис Теннің балалық шағынан жан тебірентерлік видео жарияланды
Қасымов: Денис Теннің отбасына барып, көңіл айттым
Чемпион болған қазақстандық боксшы жеңісін Денис Тенге арнады
Денис Теннің өліміне қатысы бар үшінші күдіктінің аты-жөні белгілі болды
Зертхана қызметкері

Пандемияның екінші жылы адам өлімі әлдеқайда көп болуы мүмкін - ДДСҰ 

41
Адам өмірін сақтап қалудың жалғыз жолы – вакциналау мен қоғамдық денсаулық сақтау шараларын біріктіру

НҰР-СҰЛТАН, 15 мамыр - Sputnik. Коронавирус пандемиясының екінші жылы кісі өлімі көп болуы мүмкін, деді дүниежүзілік денсаулық сақтау ұйымының бас директоры Тедрос Адханом Гебресиесус. Бұл туралы РИА Новости хабарлады.

"Қазірдің өзінде COVID-19-дан 3,3 миллион адам көз жұмды. Біз пандемияның екінші жылына аяқ бастық, бірінші жылмен салыстырғанда осы жылы адам көп өлуі мүмкін. Адам өмірін сақтап қалудың жалғыз жолы – вакциналау мен қоғамдық денсаулық сақтау шараларын біріктіру", - деді ДДСҰ бас директоры.

Дүниежүзілік денсаулық сақтау ұйымының басшысы вакцина вирустан 100% қорғамайтынын тағы да атап өтті. Өйткені вакцина алған адамдар вирус жұқтырып алуы мүмкін, алайда олар жеңіл түрімен ауырады. Сондықтан ұйым басшысы "шектеулерді алып тастау шешімі елде вакцина салдырған адам санына қарай емес, коронавирустың таралуы деңгейіне қарай қабылдану керек", дейді.

Оқи отырыңыз: Елорда әуежайында Ashyq қосымшасы іске қосылды – видео

41
Кілт сөздер:
Дүниежүзілік денсаулық сақтау ұйымы, қайтыс болды, вакцина, коронавирус
Тақырып:
Коронавирус эпидемиясы
Тақырып бойынша
Вакцинаның екі дозасынан кейін коронавирус жұқтырғандардың саны жарияланды
Вакцина салдырғандарға маска тақпай жүруге бола ма – министрлік жауабы
Қазақстанда коронавируспен ауырған адамдардың саны күрт көбейді
Өткен тәулікте жиырмадан астам адам коронавирустан қайтыс болды
Министрлік коронавирустан қайтыс болғандардың статистикасын жариялады
Бала, ер адам, архивтегі фото

Нұр-Сұлтан тұрғындары педофилдер туралы хабарлама таратып жатыр

27
Полиция хабарламаны жоққа шығарып, оның Нұр-Сұлтан қаласына еш қатысы жоқ екенін мәлімдеді

НҰР-СҰЛТАН, 15 мамыр - Sputnik. Мессенджерлер мен әлеуметтік желіде елордада "педофилдер тобы" бар екен деген хабарлама таралып жатыр.

Нұр-Сұлтан тұрғындары педофилдер туралы хабарлама алған. Хабарламада үш ер адамның суреті де жүр.

"Елордада мұндай факт анықталған жоқ. Ақпарат шындыққа сәйкес келмейді. Нұр-Сұлтан полиция департаменті жалған ақпарат таратқаны үшін жауапкершілік қарастырылғанын ескертеді", - деп хабарлады полициядағылар.

Педофилдер тобы туралы дәл осындай хабарлама Шығыс Қазақстан тұрғындарын қорқытқан болатын. Өңірлік полиция ақпараттың Шығыс Қазақстан облысына қатысы жоқ екенін айтты.

Оқи отырыңыз: Педофилдер туралы хабарлама Шығыс Қазақстан полициясын әбігерге салды

27
Кілт сөздер:
Нұр-Сұлтан, жалған ақпарат, хабарлама, педофил
Ыстық ауа райы

36 градус ыстық және жел: ертең ауа райы қандай болады

372
(Жаңартылды 21:17 15.05.2021)
Қазақстанның бес облысында дабылды ескерту жарияланды

НҰР-СҰЛТАН, 15 мамыр - Sputnik. Синоптиктер республиканың басым бөлігінде ауа райы ашық болады деп болжайды. Бес облыста дабылды ескерту жарияланды.

Дабылды ескерту

Атырау облысында оңтүстік-шығыстан жел соғады, кей жерлерде секундына 15-20 метрге дейін жетеді. Түстен кейін 36 градусқа дейін қатты ыстық күтіледі.

Солтүстік Қазақстан облысында секундына 25 метрге дейін жел күшейеді.

Павлодар облысында кей жерлерде найзағай ойнап, секундына 20 метрге дейін жел күшейеді.

Қостанай облысында 35 градусқа дейін қатты ыстық болады деп болжануда.

Жексенбіде Қызылорда облысында кей жерлерде шаңды дауыл күтіледі, жел секундына 15-20 метрге жетеді.

Мегаполистегі ауа райы

Нұр-Сұлтанда күн бұлтты, жаңбыр жаууы мүмкін. Ауа температурасы түнде плюс 10-12, күндіз 27-29 градус ыстық. Желдің жылдамдығы секундына 9-14 метрді құрайды.

Алматыда күн бұлтты, жауын-шашын болуы мүмкін. Ауа температурасы түнде 7-9 градус, күндіз 19-21 градус ыстық.

Шымкентте күн ашық. Желдің екпіні секундына 13 метрге дейін жетеді, ауа температурасы түнде плюс 14-16, күндіз 27-29 градус ыстық болады.

372
Кілт сөздер:
Қазгидромет, ауа райы