Теміржол

Астана-Шымкент пойызының маршруты Түркістанға дейін ұзартылды

180
(Жаңартылды 17:31 20.09.2018)
Бұдан былай жолаушылар Астана қаласынан Түркістан облысының орталығына дейін бір пойызбен бара алады

АСТАНА, 19 қыркүйек — Sputnik. "Жолаушылар тасымалы" АҚ хабарлауынша, Астана-1 — Шымкент бағыты бойынша жүретін №176/175 пойызының маршруты ұзартылды. Бұдан былай елордадан жаңа облыс орталығына дейін бір тәуліктен сәл астам уақыт ішінде жетуге болады.

Елорда мен облыс орталығының мұндай келісім жасасуына Түркістанның шетелдік және қазақстандық туристер арасында кеңінен танымал екені себеп болған.

Бірінші пойыз Астана-1 станциясынан 2 қараша күні шығып, ертесінде Түркістан теміржол вокзалына келеді.

"Жолаушылар тасымалы" АҚ хабарлауынша, пойыз 1 646 километр жолды барарда 25 сағат 3 минутта, қайтар кезде 25 сағат 26 минутта жүріп өтеді.

Осы екі аралықта қатынайтын пойызда он вагон болады. Олардың тең жартысы — купе, қалғандары — плацкарт. Маршрут Қарағанды, Ақадыр, Сарышаған, Шығанақ, Шу, Луговая, Тараз, Боранды, Түлкібас, Манкент, Шымкент және Арыс-2 станцияларынан жүріп өтеді.

180
Кілт сөздер:
Жолаушылар тасымалы, вокзал, туристер, теміржол, пойыз, Түлкібас, Түркістан, Шымкент, Астана
Тақырып:
Шымкент жаңалықтары (57)
Тақырып бойынша
Пойыз жолсерігі шетелдік студентке жоғалған әмиянын қайтарып берді
ҚТЖ пойыз апатынан қаза тапқан баланың отбасына өтемақы төлейді
Павлодарда құлаққап киген баланы пойыз қағып кетті
Германияда екі пойыз соқтығысып, 50 адам зардап шекті
Пойыз жолсерігі жолаушыға ұмытып кеткен 2 млн теңгесін қайтарып берді
Астананың жаңа вокзалынан 54 пойыз қатынайтын болады
Үндістанда пойыз рельстен шығып кетіп, 60 адам қаза тапты
Кісен, архивтегі сурет

Солтүстік Қазақстанда ер адам бастығынан тірі анасын "жерлеуге" ақша сұраған

5
Аудан полицейлері тонау қылмысын ашу кезінде күдіктінің тұрғындарды алдап, алаяқтық жасағанын анықтады

НҰР-СҰЛТАН, 4 наурыз – Sputnik. Солтүстік Қазақстан облысында тірі туыстарын "жерлеу" үшін тұрғындардан ақша алған алаяқ ұсталды, деп хабарлайды Polisia.kz.

Шал ақын ауданының полицейлері тонау қылмысын ашу кезінде екі алаяқтық фактісін анықтады.

15 ақпанда Сергеевканың 29 жастағы тұрғыны дүкен тонады деген күдікпен тергеу изоляторына қамалды. Ер адам бұған дейін істі болған.  

"Тергеу барысында күдіктінің былтыр желтоқсанда жергілікті тұрғындардың бірінен апасын "жерлеуге" 50 мың теңге алғаны анықталды. Алайда оның  ешқашан апасы болмаған", - делінген хабарламада.

Қаңтар айында күдікті аудандағы шаруа қожалығына қара жұмысшы болып кіреді. Екі апта жұмыс істегеннен кейін бастығынан материалдық көмек сұрайды. Бұл жолы ақша анасын "жерлеуге" қажет болған.

Тағы оқыңыз: Дәретханаға сұранған: Алматыда ер адам тергеу изоляторынан қалай қашып кетті

Әйелдің тірі және аман-сау екенінен хабарсыз кәсіпкер қарамағындағы қызметкеріне 62 мың теңге берген. Осыдан кейін ер адам жұмысқа шықпаған.

Екі факті де Қылмыстық кодекстің 190-бабы "Алаяқтық" бойынша сотқа дейінгі тергеулердің бірыңғай реестріне енгізілді.

5
Кілт сөздер:
алаяқ, Солтүстік Қазақстан облысы
Жүкті әйел

Алматыда босанған әйел перзентханада көз жұмды

41
Кейбір мәліметтерге сүйенсек, әйел перзентханаға түскеннен кейін туыстарына ауруханадағы сыбайлас жемқорлыққа шағымданған

НҰР-СҰЛТАН, 4 наурыз – Sputnik. Алматыда перзентханалардың бірінде әйел көз жұмды. Бұл фактіні қаланың қоғамдық денсаулық сақтау басқармасы растады.

"Ана өлімі 2 наурызда тіркелді. Қазіргі таңда перзентханада тергеу шаралары жүріп жатыр. Сот-медициналық сараптама аяқталған соң, қорытынды аламыз", - деді қоғамдық денсаулық сақтау басқармасы басшысының орынбасары Лаура Мырзағалиева онлайн брифингте.

Босанған әйелдің өлімі туралы жекелеген БАҚ бейсенбі, 4 наурызда хабарлаған еді. Пациент өлерінің алдында туыстарына ведомстводағы сыбайлас жемқорлыққа шағымданған.

"Жемқорлық фактілері туралы ақпарат түскен жоқ. Бірақ, егер бұған қатысты тергеу жүріп, бәрі дәлелденсе, біз өз тарапымыздан шара қабылдаймыз", - деп мәлімдеді Мырзағалиева.

Денсаулық сақтау басқармасының баспасөз қызметі Sputnik Қазақстанға әйелдің сәбиі аман қалғанын нақтылады.

"Қазір оның жағдайы қанағаттанарлық", - деді ведомстводан.

Мырзағалиева босанған әйелдің өліміне аурухана басшылығы кінәлі екені анықталса, басқарма қатаң шара қабылдайтынын жеткізді.

41
Кілт сөздер:
жас босанған әйел, перзентхана, Алматы
Тақырып бойынша
"Дәрігерлер шарасыз еді": Жезқазғанда жас босанған әйел мен сәбиі көз жұмды
Астанада тағы бір жаңа босанған әйел көз жұмды
Қарағанды облысында жас босанған әйел мен сәбиі көз жұмды
Пойызда босанған әйел тосын шешім қабылдады – видео
Иллюстративті фото

Қостанай облысында екі зейнеткерді өлтіріп кетті

0
(Жаңартылды 17:26 04.03.2021)
Зейнеткерлер пышақ жарақатынан көз жұмды. Қарттарды айуандықпен өлтірді деген күдікпен екі ер адам ұсталды

НҰР-СҰЛТАН, 4 наурыз – Sputnik. Қарттарды өлтірді деген күдікпен екі ер адам ұсталды, олардың бірі марқұмдармен таныс болған.

1 наурыз күні Алтынсарин ауданының Щербаково ауылында жеке үйден зорлықпен өлтірілген 84 жастағы ер адам мен 75 жастағы әйелдің денесі табылды, деп жазды өңірлік "Алау" басылымы.

Полиция қызметкерлері бұл фактіні Қылмыстық кодекстің 99-бабы "Адам өлтіру" және 192-бабы "Қарақшылық" бойынша тіркеді.

Оқиға орнына жедел-тергеу тобы, облыстық полиция департаментінің басшылығы келді.

Полицияның мәліметіне сәйкес, жедел-іздестіру шаралары барысында 31 және 32 жастағы күдіктілер анықталып, ұсталды. Қаскүнемдердің бірі зардап шегушілермен таныс болған, ол бұрын сол ауылда тұрған.

Сарыағаш тұрғыны зейнеткерді өлтіріп, денесін ауласына көміп тастаған

"Күдіктілер облыс орталығынан ауылға зейнеткерлерді тонау мақсатында келген. Ер адамдар ақша талап етіп, зейнеткерлерге пышақ жарақатын салған", - деп жазды басылым полицияға сілтеме жасап.

Қазіргі уақытта сотқа дейінгі тергеу амалдары жалғасып жатыр. Күдіктілер уақытша ұстау изоляторына қамалды.  

0