Балгер

Адамдар бақсы-балгерлерге неге сенеді?

1504
(Жаңартылды 19:37 12.10.2018)
Мамандардың пікірінше, тылсым құбылыстарға сену адам денсаулығына зиянын тигізуі мүмкін

АСТАНА, 11 қазан — Sputnik. Адам алдында не күтіп тұрғаны жайында білуге құмар. Көпшілігіміз өткен өмірімізде жасаған қателіктерімізді ұмыта алмай, кезіккен қиындықтардың бәрін сонымен байланыстырамыз. Түйткілді мәселені шешу үшін адамдар бақсы-балгерлердің көмегіне жүгінуге әуес келеді. Бұған не итермелейді? Неге психологтардың жәрдеміне сенім аз? Осы сұрақтарға Sputnik Қазақстан тілшісі жауап іздеп көрді.

Ықтималдық теориясы қалай іске асады

Әлеуметтік желілерде танымал бақсы Лидия адамға бір қарағаннан, болашағын болжап беремін дейді. Адамның сыртқы келбетіне қарап, келешегін көруге әжелері баулыпты. Бұл қасиетінің арқасында экстрасенс қиын жағдайға тап болған жандарға қол ұшын береді.

"Ер-азаматтар да, әйелдер де көмек сұрап келеді. Әркімнің басына түскен іс бөлек: бірі жұмысқа тұра алмай, екіншісінің махаббатта жолы болмай жүреді. Мен әуелі адамның тағдырын зерттеп, мәселенің қайдан шыққанын анықтауға тырысамын, кейін әдет-ғұрыптар, арнайы рәсімдер, дуа арқылы проблеманы шешуге тырысамыз", — деп әңгімелейді медиум Sputnik Қазақстан тілшісіне.

Лидияның тәжірибесінде қызықты бір жайт болған: 42 жастағы әйел тұрмыс құра алмай жүреді. Себебі әйел адамның тұқымына жарты ғасырдан астам уақыт бойы некесіздік қарғысы әсер етіп келген екен.

"Қарғысты алып тастадым, бұған үш ай уақыт кетті. Клиентім сүйген адамын кезіктіріп, отбасын құрды", — дейді әйел.

Айта кетсек, экстрасенс қызметінің бағасы 15 мың теңгеден басталады, қызмет көрсету құны мәселенің күрделілігіне байланысты болады.

Көріпкелдікті әшкерелеу

Танымал америкалық иллюзионист Джеймс Рэнди алаяқ экстрасенстерге қарсы жан аямай күресіп жүргендердің бірі. Оның айтуынша, табиғатта мұндай тылсым құбылыстар болмайды. Рэнди көріпкелдердің адамдарды психологиялық трюкпен алдайтынына сенімді.

Фокусник бақсы-балгерлерді әшкерелеуге әбден беріліп, 1996 жылы арнайы қор ашты. Ұйым көріпкелдік қабілетін дәлелдей алған адамға 1 миллион 112 мың доллар беруге уәде етеді. Алайда 22 жыл ішінде бұл қаражат иесін әлі тапқан жоқ. Үміткерлердің ешқайсысы ұйымның сынақтарынан өте алмапты.

"Сұрқиялық пен өтірік" атты кітабында Джеймс Рэнди адамдардың көріпкелдерге неге шын жүректен сенетінін түсіндіреді. Оның пікірінше, адамдар жоқ жерден байланыс іздеп, себеп-салдарын қазбалауға бейім келеді. Көріпкелдерге плацебо эффектісі жақсы көмектеседі, дейді Рэнди. Яғни, бақсы түйткілді мәселені қозғап жіберсе, клиент бәрін өзі жайып салып, өзі де біраз жеңілдеп қалады.

Орны толмас салдарлар

Альцгеймер науқасы мен невроздарды емдеу клиникасының басшысы, психотерапевт Жібек Жолдасованың айтуынша, адамдар ақыл-есі кем ретінде тіркеуге алады деп қорқып, мамандарға қаралмауға тырысады. 

"Бәлкім, әдетке айналғандықтан ба, әлде сауатсыздықтан ба, халық маманнан гөрі бақсы-балгерге жүгінгенді жөн көреді", — дейді психотерапевт.

Алайда адам санасымен ойнайтын сиқыршы-көріпкелдердің әрекеті орны толмас салдарға әкеп соқтыруы мүмкін. Жолдасованың сөзіне сүйенсек, науқастарының 80%-ы бақсы-балгерге қаралғандар.

"Бес жыл бойы үрей мен қорқыныштан арыла алмай жүрген науқасым бар. Ол осы уақыт ішінде өзі білетін емшілердің бәріне қаралып, қыруар ақша жұмсады. Алайда үрейінен құтылған жоқ, керісінше, бәрі ушығып, қорқынышты ойлар бойын билей бастады. Үрейі арта түсті. Бұрын адам көп жүретін жерлерден қорқатын болса, қазір тіпті үйден шыға алмайтын дәрежеге жетті", — дейді Жібек Жолдасова.

Маманның айтуынша, көріпкелдер этнотерапияны жиі пайдаланады (халықтық тәжірибе мен әдет-ғұрыптарға негізделген психотерапия — Sputnik).

Жолдасованың пікірінше, кейде оң нәтижеге қол жеткізу үшін мамандардың өзі адамның наным-сеніміне жүгініп, дұға-тілектерді пайдалануға тура келеді.

1504
Кілт сөздер:
экстрасенс, психология, тылсым күш, бақсы
Тақырып бойынша
Қызылордалық әйел дуадан құтылу үшін 9 миллион теңгеcін шығындаған
Әйел адам "пайдаға кенелесің" деп бал ашқан бақсыны тонап кетті
Жүкті әйелді дуалаумен айналысты деп айыптап, үш сағат бойы тергеген
Қала тұрғындары

Төтенше жағдайлар министрлігі қазақстандықтарға ескерту жасады

8871
Министрлік аптап ыстықта балаларды ерекше бақылауда ұстау қажеттігін ескертті. Өрт қауіпсіздігі ережелерін де сақтау қажет

НҰР-СҰЛТАН, 23 шілде – Sputnik. Төтенше жағдайлар министрлігі қажеттілік болмаған жағдайда далаға шықпауға кеңес берді. Себебі ертеңнен бастап қатты ыстық болады, деп хабарлайды Sputnik Қазақстан

Сондай-ақ, министрлік аптап ыстықта балаларды ерекше бақылауда ұстау қажеттігін ескертті. Өрт қауіпсіздігі ережелерін де сақтау қажет. Себебі қатты ыстықта өрт шығу қаупі жоғарылайды. 

"Азаматтарды дала және орман алқаптарында болған кезде қауіпсіздік ережелерін сақтауға шақырамыз. Табиғи өрттің негізгі себептері: халықтың отты абайсыз пайдалануы, сөндірілмеген темекі, алау, жанған сіріңке, майлы немесе тозығы жеткен шүберек, шыны бөтелке, көлік сөндіргішінің ұшқыны, құрғақ шөпті жағу және найзағай", - делінген ресми хабарламада. 

Төтенше жағдайлар министрлігі ыстықтан сақтану үшін азаматтарды аса қажеттілік болмаған жағдайда далаға шықпауға кеңес берді. Негізгі сақтық шараларын да ұмытпау қажет. Олар: 

  • күніне кемінде 1,5-3 литр сұйықтық ішу; 
  • аптап ыстықта кез-келген физикалық белсенділіктен бас тарту;
  • күндіз күн сәулесі бөлмеге кірмеуі үшін терезелерді ашық реңкті перделермен жабу;
  • күн өтпес үшін баскиім, ашық, ауа өткізетін киім (мақтадан жасалған) кию;

Қазгидрометтің мәліметі бойынша еліміздің бірқатар өңірлерінде қатты ыстық болады.

24 шілде күні күндіз Нұр-Сұлтан қаласында 35 градус, ал Ақмола облысында 35-37 градус қатты ыстық болады деген болжам бар. Ал облыстың батысында термометр бағанасы 40 градусқа дейін көтеріледі. 

24-25 шілде күндері Қарағанды облысының оңтүстігінде 40 градус. Кей жерлерде төтенше өрт қаупі сақталады.

24-26 шілдеде Жамбыл облысының кей жерлерінде плюс 44 градус. 

Алматы, Павлодар, Шығыс Қазақстан облыстарының кей жерлерінде 25 шілде күні 40-42 градус қатты ыстық болады. Ал Түркістан мен Қызылорда облыстарының кей жерлерінде 46 градус, ал Маңғыстау облысында 25-27 шілдеде күндіз +44 градус.

Оқи отырыңыз: Қазақстанда +46 градусқа дейін ыстық болады

 

8871
Сот, архив

Алматыда ер адам жауап алудан кейін өз-өзіне қол жұмсады сот кімді жазалады

441
Қаржы мониторингі агенттігі хабарлағандай, хаттама толтырып, жеке тінтуден кейін ер адам өз-өзіне қол жұмсаған. Алайда қайтыс болған азаматтың туыстары оның суицид жасағанына сенбейді

НҰР-СҰЛТАН, 23 шілде — Sputnik. Қаржы мониторингі агенттігінің тергеушісі қылмыстық салғырттыққа жол бергені үшін кінәлі деп танылды. Тергеуші жауап алғаннан кейін ер адам терезеден секіріп кеткен. Алматыда сот тергеушіні кінәлі деп тауып, оған қатысты үкім шығарды, деп хабарлады Сыбайлас жемқорлыққа қарсы іс-қимыл агенттігінің баспасөз қызметі. 

Іс қаладағы Алмалы аудандық сотында қаралды. Алматы бойынша Қаржы мониторингі агенттігінің аса маңызды істер жөніндегі тергеушісі Бек Исаев кінәлі деп танылды.

Қылмыстық кодекстің 371-бабының 2-бөлігі ("Абайсызда ауыр зардаптарға алып келген салғырттық") бойынша екі жылға сотталды. Сот үкімі 9 шілдеде шықты. 

"Ол күдіктінің қауіпсіздігін қамтамасыз етпегені үшін тергеуге алынды. Күдіктінің ментальді сырқаты қозып, өз-өзіне қол салды", - делінген хабарламада.

Қазақстандық БАҚ өткен жылдың қыркүйегінде 44 жастағы Ерлан Қоныспаевтың көз жұмғаны туралы жазды. Ол ғылым саласына бөлген қаражатты жымқыру фактісіне байланысты жауап алуға шақырылған. Жауап алғаннан кейін тергеуші Қоныспаевты уақытша ұстау изоляторына қамау туралы шешім қабылдайды.

Қаржы мониторингі агенттігі хабарлағандай, хаттама толтырып, жеке тінтуден кейін Қоныспаев ыңғайлы сәтті пайдаланып, өз-өзіне қол жұмсаған. Алайда қайтыс болған азаматтың туыстары оның суицид жасағанына сенбейді.

441
Кілт сөздер:
тергеуші, сот, Алматы
Тақырып бойынша
Мәйіттерді өртеп жіберген: Такси жүргізушілерді өлтіргендер өмір бойына сотталды
Атырауда телефон арқылы бопсалауға ұшыраған әйел өз-өзіне қол жұмсады
Алматы облысында судья 9 жылға сотталды
БҚО-да жас қыз нәрестесін әжетханаға тастады: сотта жантүршігерлік жағдай анықталды
"СК-Фармация" ісі: Біртанов сотта өкініш білдірді
Әуежай.  Ashyq

Алматыда коронавирусты қасақана жұқтырмақ болғандар қашып құтыла алмады

0
Коронавирус жұқтырған науқастар ХҚКО мен фитнес залдар, мейрамхана мен әуежай, тіпті ірі сауда үйлеріне кірмек болған. Олар "қызыл" мәртебе анықтала салысымен қашып кетсе де, бүкіл ақпарат жүйеде сақталып қалған

НҰР-СҰЛТАН, 24 шілде – Sputnik. Алматыда коронавирусты өзге азаматтарға қасақана жұқтырмақ болған науқастардың аты-жөні жария болды. Амбулаториялық ем алып жатқан сырқаттар өзін-өзі оқшаулау құжатына қол қойған.

Соған қарамастан жұқпалы дертке шалдыққандар қалада емін-еркін серуендеп, мейрамханаларға да кірмек болыпты. Санитарлар сондай 80 адамның тізімін сайттарында жайып салды. Тізімде аты-жөні толық жазылған, деп хабарлады КТК.

Төңірегіне қауіп төндіргендердің тізімінде банкирлер, ұялы байланыс компаниялары мен Бірыңғай жинақтаушы зейнетақы қорының қызметкерлері бар. Мәліметтерге қарағанда індет жұқтырғандар Халыққа қызмет көрсету орталықтары мен фитнес залдар, мейрамхана мен әуежай, тіпті ірі сауда үйлеріне кірмек болған.

"Алдыңызда екі таңдау тұр": Елорда әкімі астаналықтарға үндеу жасады

Аурудың таралып кетпеуіне "Ашық" көмектескен. СЭС мамандары үйінде оқшауланып ем қабылдап жатқан басқа сырқаттарға осы сабақ болады деп сенеді. Себебі тізімдегілерге өзгелерге қауіп төндіретіндігі туралы ескертілген. Сол үшін арнайы құжатқа қол да қойыпты. Сырқаттардың әрқайсысына 87 510 теңге айыппұл салынды.

Мамандар тізім әлі толық емес дейді. Өйткені бір айдың ішінде талапты 400-дей науқас бұзған "Қызыл" мәртебе екені анықтала салысымен қоғамдық орыннан қашып кетсе де, бүкіл ақпарат жүйеде сақталып қалады. Сондықтан жазадан ешкім құтылып кетпейді.

"Ашық" "қызыл" белгі көрсеткен бойда науқастар қарасын батырған. Ол туралы мәлімет базада сақталып қалды. Сол арқылы тауып, айыппұл салдық. Қазір 80 адам кінәсін мойындады. Қалған жағдайлар бойынша әкімшілік іс жүріп жатыр", - дейді Алматы қаласы санитария-эпидемиология бақылау департаменті директорының орынбасары Сәдуақас Байғабылов.

0
Кілт сөздер:
Алматы, коронавирус