Қалмұханбет Қасымов

Қасымов полицейлерді қандай өзгерістер күтіп тұрғанын айтты

2779
(Жаңартылды 23:29 12.10.2018)
Ішкі істер министрлігі 9 ай ішінде республика бойынша қылмыстың 9% қысқарғанын мәлімдеді

АСТАНА, 12 қазан — Sputnik. ІІМ қазақстандық полицияны қандай өзгерістер күтіп тұрғанын мәлімдеді, деп хабарлайды министрліктің баспасөз қызметіне сілтеме жасап. 

Министр Қалмұханбет Қасымов президенттің Қазақстан халқына жолдауында айтылған тапсырмалар негізінде және 2018 жылдың 9 айының қорытындысы бойынша ІІМ отырыс өткізді.

Ведомство мәліметінше, президент әкімшілігі жетекшілігімен министрлік Қазақстан полициясын модернизациялау бойынша Жол картасын әзірлеу жұмыстарына кірісті. Аталған Жол картасында ІІМ штатының санын оңтайландыру, жетекшілер санын қысқарту, полицияны өзіне тиесілі емес жұмыстардан босату және тәртіп сақшыларын тұрғындардың өздерін қаншалықты қауіпсіз сезінетіндеріне қарап бағалау мәселелері талқыға салынды.

"Қасымов тұрғындармен жұмыс істеуде заманауи форматтар енгізілетінін, ішкі істер органдарының сервистік модельге көшетінін, полицейлерге қатысты жаңа стандарттар бекітілетінін, полицейлерді қызметке алу жүйесінен бастап, олардың карьерасында ілгерілеуіне қатысты өзгерістер болатынын және ведомстволық білім жүйесінің қайта реформаланатынын мәлімдеді", — деп хабарлайды ІІМ баспасөз қызметіндегілер.

Бұдан өзге ІІМ басшысы қазақстандықтардың сынына жауап берді және аймақтардағы құқық бұзушылықтар мен қылмыспен күреске қатысты жоспарларды жүзеге асыруды тапсырды.

Тағы оқыңыз:

"Бұл жолы қылмыстың көп бөлігін құрайтын ұрлықпен күреске баса назар аударылды. Тұрғындардың қауіпсіздігін қамтамасыз ету үшін күш пен қаржыны дұрыс пайдалану керектігі және жедел басқарма орталықтарының, кезекші бөлімдердің жұмысын жақсарту керектігі туралы айтылды", — делінген ІІМ хабарламасында.

Мұнымен қатар, ведомство 9 ай ішінде республика бойынша қылмыстың 9% (20,7 мың) қысқарғанын мәлімдеді. Дәлірек айтсақ, ұрып-соғу, тонау, бұзақылық жасау, бұрын істі болғандардың немесе кәмелеттік жасқа толмағандардың көше мен қоғамдық орындарда қылмыс жасауы сынды қылмыс түрлері азайды.

2779
Кілт сөздер:
сын, басқарма басшысы, жол картасы, министр, полиция, Ішкі істер министрлігі, Қалмұханбет Қасымов
Тақырып бойынша
Халық министрдің отставкаға кетуін талап етуде: Қасымов неге сеніп отыр?
Қостанайда 4 полицей төбелесіп қалды
Шымкентте полицей жұмбақ жағдайда өлді: емханада ем қабылдап жатқан
Полицей әріптесіне оқ атты: қылмыскер мен жәбірленуші туыс болып шықты
Жасөспірім қызбен жыныстық қатынасқа түскен полицей ұсталды
Шымкентте 2 жылға созылған тергеу аяқталды: сот алдына 30 полицей келді
Алматыда 150-ге жуық полицей жұмыстан шығарылды
Архивтегі фото

6 жарым мыңнан астам адамнан вирус табылды: эпидемиологиялық жағдай ушығып тұр

186
Нұр-Сұлтанда 1 522, Алматыда 1080, Қарағанды ​​облысында 750 адам коронавирус инфекциясын жұқтырған

НҰР-СҰЛТАН, 24 шілде – Sputnik. Қазақстанда өткен тәулікте 6521 адамнан коронавирус инфекциясы табылды, деп хабарлады COVID-19 таралуына жол бермеу жөніндегі ведомствоаралық комиссия.

Бұл пандемия басталғаннан бергі рекордтық көрсеткіш. Бір күн бұрын 6119 науқас тіркелген болатын.

Өткен тәуліктің статистикасы:

  • Нұр-Сұлтан қаласы - 1522,
  • Алматы қаласы - 1080,
  • Шымкент қаласы - 507,
  • Ақмола облысы - 193,
  • Ақтөбе облысы - 250,
  • Алматы облысы - 220,
  • Атырау облысы - 446,
  • Шығыс Қазақстан облысы - 101,
  • Жамбыл облысы - 108,
  • Батыс Қазақстан облысы - 309,
  • Қарағанды облысы - 750,
  • Қостанай облысы - 167,
  • Қызылорда облысы - 170,
  • Маңғыстау облысы - 255,
  • Павлодар облысы - 211,
  • Солтүстік Қазақстан облысы - 123,
  • Түркістан облысы - 109.

Жалпы ел бойынша ауырғандар саны – 522 638.
 

186
Кілт сөздер:
Қазақстан, коронавирус
Тақырып:
Коронавирус эпидемиясы
Қала тұрғындары

Төтенше жағдайлар министрлігі қазақстандықтарға ескерту жасады

9799
Министрлік аптап ыстықта балаларды ерекше бақылауда ұстау қажеттігін ескертті. Өрт қауіпсіздігі ережелерін де сақтау қажет

НҰР-СҰЛТАН, 23 шілде – Sputnik. Төтенше жағдайлар министрлігі қажеттілік болмаған жағдайда далаға шықпауға кеңес берді. Себебі ертеңнен бастап қатты ыстық болады, деп хабарлайды Sputnik Қазақстан

Сондай-ақ, министрлік аптап ыстықта балаларды ерекше бақылауда ұстау қажеттігін ескертті. Өрт қауіпсіздігі ережелерін де сақтау қажет. Себебі қатты ыстықта өрт шығу қаупі жоғарылайды. 

"Азаматтарды дала және орман алқаптарында болған кезде қауіпсіздік ережелерін сақтауға шақырамыз. Табиғи өрттің негізгі себептері: халықтың отты абайсыз пайдалануы, сөндірілмеген темекі, алау, жанған сіріңке, майлы немесе тозығы жеткен шүберек, шыны бөтелке, көлік сөндіргішінің ұшқыны, құрғақ шөпті жағу және найзағай", - делінген ресми хабарламада. 

Төтенше жағдайлар министрлігі ыстықтан сақтану үшін азаматтарды аса қажеттілік болмаған жағдайда далаға шықпауға кеңес берді. Негізгі сақтық шараларын да ұмытпау қажет. Олар: 

  • күніне кемінде 1,5-3 литр сұйықтық ішу; 
  • аптап ыстықта кез-келген физикалық белсенділіктен бас тарту;
  • күндіз күн сәулесі бөлмеге кірмеуі үшін терезелерді ашық реңкті перделермен жабу;
  • күн өтпес үшін баскиім, ашық, ауа өткізетін киім (мақтадан жасалған) кию;

Қазгидрометтің мәліметі бойынша еліміздің бірқатар өңірлерінде қатты ыстық болады.

24 шілде күні күндіз Нұр-Сұлтан қаласында 35 градус, ал Ақмола облысында 35-37 градус қатты ыстық болады деген болжам бар. Ал облыстың батысында термометр бағанасы 40 градусқа дейін көтеріледі. 

24-25 шілде күндері Қарағанды облысының оңтүстігінде 40 градус. Кей жерлерде төтенше өрт қаупі сақталады.

24-26 шілдеде Жамбыл облысының кей жерлерінде плюс 44 градус. 

Алматы, Павлодар, Шығыс Қазақстан облыстарының кей жерлерінде 25 шілде күні 40-42 градус қатты ыстық болады. Ал Түркістан мен Қызылорда облыстарының кей жерлерінде 46 градус, ал Маңғыстау облысында 25-27 шілдеде күндіз +44 градус.

Оқи отырыңыз: Қазақстанда +46 градусқа дейін ыстық болады

 

9799
Серік Теміржанов

Қазақстандық боксшы Олимпиаданы жеңіспен бастады

0
Серік Теміржанов қарсыласын екі рет нокдаунға түсіріп, айқын басымдықпен жеңді. Есеп – 5:0

НҰР-СҰЛТАН, 24 шілде – Sputnik. Токио Олимпиадасында қазақстандық боксшылардың жекпе-жектері басталды, деп хабарлайды Sputnik Қазақстан тілшісі.

57 келі салмақ дәрежесінде Серік Теміржанов венгриялық Ролан Галосқа қарсы шықты. Жерлесіміз қарсыласын айқын басымдықпен жеңді. Есеп – 5:0. Оған қоса, венгриялық боксшы екі рет нокдаун алып қалды. Серік Теміржановтың келесі қарсыласы – америкалық Дьюк Раган.

Айта кетейік, Олимпиадада қазақстандық боксшылар барлық салмақ дәрежесінде өнер көрсетеді. Олар: Сәкен Бибосынов (52 келі), Серік Теміржанов (57 келі), Закир Сафиуллин (63 келі), Абылайхан Жүсіпов (69 келі), Әбілхан Аманқұл (75 келі), Бекзат Нұрдәулетов (81 келі), Василий Левит (91 келі) пен Қамшыбек Қоңқабаев (91 келіден жоғары).

0
Кілт сөздер:
боксшы, Токио Олимпиадасы
Тақырып:
Токио Олимпиадасы