Ақша, архивтегі фото

"Жәрдемақы табыс емес". Министр Әбілқасымова әділеттік орнатуға уәде берді

4718
(Жаңартылды 17:06 06.11.2018)
Еңбек және халықты әлеуметтік қорғау министрі депутаттардың ұсынысын қарастыруға дайын

АСТАНА, 5 қараша — Sputnik. Мәжіліс депутаттары мемлекеттен  мүгедектігі бойынша берілетін жәрдемақыны отбасының табысы ретінде есепке алмауды ұсынды, деп хабарлайды тілшісі.

Мәжілісте "жаңа форматтағы атаулы әлеуметтік көмек туралы" үкімет сағатында депутат Жанат Омарбекова мүгедектігі бойынша берілетін жәрдемақыны отбасының жиынтық табысына қосу қаншалықты дұрыс деген сауалға жауап іздеді.  

"Отбасының жиынтық табысын есептеген кезде, мүгедектігі бойынша төленетін әлеуметтік жәрдемақы да есепке алынады. Бұл ҚР еңбек және халықты әлеуметтік қорғау министрінің бұйрығымен бекітілген ережелерде қарастырылған. Мүгедектігі бойынша жәрдемақы сол адамды қолдауға, яғни оның күтіміне қажет дәрі-дәрмек, басқа да заттар алуға бағытталған. Сондықтан оны отбасының ортақ табысына қосу мәселесінде сұрақтар туындайды", — деді Омарбекова. 

Депутат өңірлерге сапармен барғанда, оған төрт бала, оның біреуі мүгедек, тәрбиелеп отырған әйел көмек сұрап жүгінгенін айтты. Төрт баласының үшеуі үшем екенін, оның біреуі ерекше қажеттілігі бар бала. 

"Бұл әйел атаулы әлеуметтік көмекке мұқтаж, алайда отбасының табысы мүгедектік бойынша берілетін жәрдемақыны есептегенде, кедейлік шегінен асып кеткен. Осыған байланысты, мүгедектігі бойынша әлеуметтік жәрдемақыны отбасының табысы ретінде есепке алу қаншалықты дұрыс? Отбасының жиынтық табысын есептеу ережелерін қайта қарастыру қажет деп санамайсыз ба?", — деп сұрады Омарбекова еңбек министрінен. 

Еңбек және халықты әлеуметтік қорғау министрі Мәдина Әбілқасымованың айтуынша, бүгінде Қазақстанда төлемнің 11 түрі отбасының табысы ретінде есептелмейді. Төлемнің көбісі бір жолғы сипатқа ие. 

"Өңірлерге барған кезде, мүгедектігі бойынша жәрдемақыны жиынтық табысқа кіргізбеу туралы мәселе жиі көтеріледі. Бірақ бұл жерде мынадай проблема бар. Бір жағынан, бізде жәрдемақының орташа мөлшері 40 700 теңге шамасында, халықтың басым бөлігінде жұмыстан түсетін табыстың мөлшері осы деңгейде. Яғни, отбасында бір немесе екі мүгедек болса, олардың табысы жаңағы жұмыс істейтін адамның кірісінен асып түсуі мүмкін. Ал олардың табысын біз есепке аламыз. Яғни бұл жалақысы төмен жұмысшыларды "тиімсіз жағдайға" қалдырады", — деді Әбілқасымова.

Осы орайда министр бірде бір адам жұмыс істемейтін отбасыларды да мысалға келтірді. Оның пікірінше, жұмысы жоқ, тек мемлекеттен алатын жәрдемақысына күнелтіп отырған отбасылар үшін осы мәселені қарастыруға болады. 

"Өз басым, ең бірінші кезекте, шартсыз көмек алатын отбасылар үшін мүгедектігі бойынша берілетін жәрдемақыны есепке алмау мәселесін қарастыру керек деп санаймын", — деді Әбілқасымова. 

Мәжіліс спикері Гүлмира Исимбаева осы проблемаға түсіністікпен қарағаны үшін министрге алғыс айтты. 

"Депутаттар көтеріп отырған мәселеге түсіністікпен қарағаныңызға көп рақмет. Мүгедектігі бойынша жәрдемақыны отбасының табысы деп санау, былайша айтқанда, дұрыс емес. Сондықтан, егер сіздер мұны қайта қарастырсаңыздар, әділеттік орнайды. Жәрдемақы бұл табыс емес", — деді ол.


4718
Кілт сөздер:
табыс, мүгедектер, депутаттар, жәрдемақы, Мәдина Әбілқасымова, Қазақстан
Тақырып:
Жәрдемақы қалай төленеді (61)
Тақырып бойынша
Биыл 1 шілдеден бастап 14 мың отбасы жаңа жәрдемақы алады
Енді төрт балалы отбасыларға ай сайынғы жәрдемақы берілмейді
Биыл бір жасқа дейінгі бала күтіміне төленетін жәрдемақы мөлшері белгілі болды
Ресейде тұңғыш балаға ай сайын жәрдемақы төленбек
  Электронды үкімет мобильді қосымшасы

Электронды цифрлық қолтаңбаны заңсыз пайдалану фактілері  жиіледі

21
Электронды цифрлық қолтаңба қолмен қойылған қолтаңбаға теңестірілген және заңдық тұрғыда салдары онымен бірдей болады

НҰР-СҰЛТАН, 26 қараша – Sputnik. Қазақстанда электронды цифрлық қолтаңбаны (ЭЦҚ) заңсыз пайдалану фактілері  жиілеп кетті, деп хабарлады цифрлық даму, инновация және аэроғарыш өнеркәсібі министрлігі.

2015-2018 жылдар аралығында 640-бабы "Қазақстан Республикасының электронды құжаттар және электронды цифрлық қолтаңба туралы заңнамасын бұзу" бойынша 15 әкімшілік құқық бұзушылық тіркелді. 2019 жылы мұндай істердің саны күрт өсті – 52 іс қозғалды.  

Оқи отырыңыз: Енді электронды цифрлық қолтаңбаны компьютерде сақтау қажет емес 

"Осы жылдың 9 айында электронды цифрлық қолтаңбаны заңсыз берудің 30-дан астам фактісі және оны қорғау шараларын сақтамаудың бестен астам жағдайы анықталды. Бұл фактілер бойынша 10-нан 150 АЕК-ке (27 780-нен 416 700 теңгеге дейін – Sputnik) дейін айыппұл салынды", - деп нақтылады ведомство.

Соңғы кездері министрлікке жеке тұлғалардан және лауазымды адамдардан электронды цифрлық қолтаңбаны заңсыз беруге қатысты көптеген шағым түсіп жатыр.

"Электронды цифрлық қолтаңба қолмен қойылған қолтаңбаға теңестірілгенін және заңдық тұрғыда салдары онымен бірдей болатынын ұмытпау керек", - деп атап өтті ақпараттық қауіпсіздік комитетінің төрағасы Руслан Әбдіқалықов.

Өткен кезеңмен салыстырғанда мемлекеттік органдар мен ұйымдардың басшылары өздерінің ЭЦҚ-сын басқа қызметкерлерге беру жағдайлары, сондай-ақ жұмыс берушілер жұмыстан шығып кеткен қызметкерлердің ЭЦҚ-сын қайтарып алмайтын жағдайлар көбейді. Мұндай әрекеттер электронды цифрлық қолтаңбаны заңсыз қолдануға жол ашады, ал ол әкімшілік және тіпті қылмыстық жауапкершілікке әкеп соқтырады.

ЭЦҚ-ны қалай қорғауға болады

Өзіңді қорғау және алаяқтықтың құрбаны немесе керісінше заң бұзушы атанбау үшін министрлік мынадай кеңес береді:

  • ЭЦҚ-ны үшінші тұлғаларға беруге болмайды. Ұйымдарда құжаттарға қол қоюға жауапты қызметкерлерге жеке ЭСҚ беру керек;     
  • ЭСҚ-сы бар қызметкерлерді жұмыстан шығару фактілерін қадағалап, олардың ЭСҚ-сын дер кезінде қайтарып алған жөн;
  • ЭСҚ жоғалған жағдайда бұрынғысынан бас тарту арқылы дереу қайта шығарып, стандартты парольді күрделілеуіне ауыстыру қажет.

Айта кетейік, электронды цифрлық қолтаңбаны үйден шықпай-ақ алуға болады.  

21
Кілт сөздер:
электронды үкімет порталы, қолтаңба
Тақырып бойынша
Қазақстан премьері ЕАЭО үшін маңызды ұсыныс жасады
Электронды цифрлық қолтаңбаның мерзімін қалай ұзартуға болады – министр жауабы
Боран

Бұрқасын соғып, көктайғақ болады синоптиктер жұмаға болжам жасады

1056
Қазақстанның тоғыз өңірінде дабылды ескерту жарияланды, бұрқасын соғып, тұман түседі, көктайғақ болады деп болжанып отыр

НҰР-СҰЛТАН, 26 қараша – Sputnik. Синоптиктер жұмада ауа райы қандай болатынын хабарлады.

Қазгидрометтің мамандары Қазақстан аумағының басым бөлігінде жаңбыр, қар жауады деген болжам жасады, тек шығыста және оңтүстік-шығыста ауа райы жауын-шашынсыз болады. Республиканың кей жерлерінде тұман түсіп, көктайғақ болады, жел күшейеді, Қазақстанның солтүстігінде және орталық бөлігінде жаяу бұрқасын соғады.  

Дабылды ескерту

Ақтөбе облысында кей жерлерде тұман түседі.

Жұма күні Түркістан облысының кей жерлерінде тұман түсіп, секундына 15-20 метр жылдамдықпен жел соғады.

Ақмола облысында кей жерлерде тұман, жаяу бұрқасын соғады, секундына 15-20 метр жылдамдықпен жел соғады.

Жұма күні Маңғыстау, Қызылорда, Атырау, Қостанай облыстарында кей жерлерде тұман түсіп, көктайғақ болады.

Қараша айының жиырма жетісінде Солтүстік Қазақстан облысының кей жерлерінде тұман түсіп, бұрқасындатады.

Оқи отырыңыз: Биылғы қыс қандай болады – синоптиктер болжам жасады 

28 қарашада таңертең және күндіз Жамбыл облысында жауын-шашын қатты жауады (жаңбыр, қар), 27-29 қарашада кей жерлерде тұман түсіп, көктайғақ болады, 28 қарашада кей жерлерде жаяу бұрқасын соғады. 27 қарашада күндіз, 28 қарашада тәулік бойы секундына 15-20 метр жылдамдықпен жел соғады, 28 қарашада екпіні секундына 23-28 метрге жетеді.

Өңірлердегі ауа райы

Қарағанды ​​облысында кей жерлерде тұман түсіп, жаяу бұрқасын соғады.

Батыс Қазақстанда тұман түсіп, көктайғақ болады деп болжануда.

Ақтөбе, Шығыс Қазақстан облыстарында, түнде Павлодар облысында тұман түседі.

Алматы облысында, Жалаңашкөл маңында жел секундына 17-22 метрге күшейеді.

Мегаполистердегі ауа райы

Нұр-Сұлтанда түнде 14-16, күндіз 5-7 градус суық болады.

Алматыда түнде ауа температурасы минус 5-7 градусқа дейін төмендейді, күндіз плюс 4-6 градус болады.

Шымкентте дабылды ескерту жарияланды. 27 қарашада күндіз мұнда жел тұрып, екпіні секундына 15-20 метрге дейін жетеді. Түнде минус 1 - плюс 1, күндіз 7-9 градус жылы болады.

1056
Кілт сөздер:
ауа райы болжамы, көктайғақ, бұрқасын