Малика Мұхитова

Олжас Сүлейменовтің немересінің қазасы: ата-анасы халыққа үндеу жасады

1729
(Жаңартылды 15:34 13.11.2018)
Ескендір Сүлейменовтің ата-анасы қазақстандықтарға жасаған үндеуінде соттың әділ шешім шығаратынына үміт артатынын білдірді

АСТАНА, 12 қараша — Sputnik. Жол апатынан қаза тапқан Ескендір Сүлейменовтің ата-анасы қазақстандықтарға үндеу жасады. Сергей Хан мен Лейла Сүлейменова сотталушының шын өкінгеніне сенбейді.

Сүлейменовтің анасы мен әкесінің айтуынша, күдікті Малика Мұхитова "жасаған ісі үшін жазасын жеңілдету мақсатында" кінәсін мойындады.

Марқұмның әкесі Сергей Хан атап өткендей, қорғаушы тарап сотталушының апат кезінде жылдамдықты асырмағанына ешқандай айғақ ұсынған жоқ.

"Видеокамералардың жазбасында анық көрініп тұр, Ескендір қиылыстан өтіп бара жатқан, жолдың 80%-н жүріп өткенде, аяқ асты сотталушының көлігі атып шығып, кедергі жасады", — деді Хан.

Сонымен бірге, отбасы Франция мен Италияға Ескендір Сүлейменов туралы неліктен сұратулар жіберілгенін түсінбей аң-таң.

Марқұмның әкесі айтқандай, сотталушының қорғаушысы Ескендірдің атасы – атақты ақын Олжас Сүлейменовтің өмірбаянын оқып, тілшілердің назарын әдейі аударды.

"Ешқандай өкініш, жаны ашу, кінәсін жуып-шаю дегенді көрмедік. Сотталушы өзі үшін, ата-анасы үшін қорқады, қатаң жазаға кесіліп, бас бостандығынан айырыла ма деп зәресі ұшып отыр. Заңмен бекітілген жазадан құтылып кетем бе деген үміті де бар. Сот отырысы кезінде қорғаушы тарап сотқа дейінгі тергеулер аясында анықталғанның бәріне күмән келтіруге тырысты, сол себепті Мұхитоваға жанымыз ашып, қайырымдылық жасағымыз келмейді", — деп мәлімдеді марқұмның әкесі.

Оның айтуынша, бітімге келгеннің өзінде, сотталушы жауапкершіліктен құтылмайды, тек жаза тағайындаған кезде ескеріледі.

Ескендірдің анасы Лейла Сүлейменова айтқандай, Әділет министрлігі жанындағы сот сараптамалары орталығының сарапшылары марқұм мінген мотоциклдің жылдамдығын анықтаған — 43 пен 88 км/сағ арасында. Алайда авдокат Омбыдағы бір маманның қорытындысына сүйеніп, Ескендірдің жылдамдықты 116 км/сағаттан асырғанын алға тартты, деп наразылық білдірді әйел.

Еске сала кетсек, белгілі ақын, жазушы Олжас Сүлейменовтің немересі 27 жастағы Ескендір Сүлейменов Астанада жол апатынан көз жұмған еді.  Жол апаты Мәңгілік ел – Керей Жәнібек хандар көшелерінің қиылысында болған. Жас жігіт мотоцикл жүргізіп келе жатқан. Ескендір Сүлейменовті Қызылорда облысы ішкі істер департаментінің бастығы, полиция полковнигі Қайрат Мұхитовтің қызы Малика Мұхитова қағып кеткен. 29 жастағы Малика Мұхитова өткен аптада өткен сот отырысында марқұмның ата-анасынан жылап кешірім сұрады. Өзінің кінәсін толығымен мойындап, зардап шеккен тарапқа материалдық шығынды төлеуге дайын екенін мәлімдеді.

Айтуынша, көлікті 2012 жылдан бері жүргізеді, алты жыл ішінде бірде бір рет жол-көлік оқиғасына ұшырамаған. 

Айыпталушы "Самұрық-Қазына" ұлттық компаниясында жұмыс істейді, тұрмыс құрмаған, бұрын сотталмаған.

24 қазанда өткен сот отырысында зардап шеккен тарап сотталушыдан 14 миллион теңге мөлшерінде материалдық шығын өндіруді талап еткен еді. Алайда бүгін марқұмның отбасы ол талап-арызды қайтарып алды.

1729
Кілт сөздер:
қаза, жаза, үкім, жол апаты, Малика Мұхитова, Ескендір Сүлейменов, Олжас Сүлейменов, Астана
Тақырып:
Ескендір Сүлейменовтің қазасы (24)
Тақырып бойынша
Олжас Сүлейменовтің немересінің қазасы: марқұмның анасы мәлімдеме жасады
Олжас Сүлейменовтің немересінің қазасы: отбасы полковниктің қызынан 14 млн теңге сұрады
Олжас Сүлейменовтің немересінің қазасы: полковниктің қызы жылап кешірім сұрады
Олжас Сүлейменовтің немересін қаққан полковниктің қызы сот алдына келді
Нұрсұлтан Назарбаев Олжас Сүлейменовке көңіл айтты
Олжас Сүлейменовтің немересін қай дөкейдің қызы қаққаны белгілі болды
"Сізбен бірге жүрегім қан жылап тұр". Министр Олжас Сүлейменовке көңіл айтты
Алматыда Олжас Сүлейменовтің немересін ақтық сапарға шығарып салды
Олжас Сүлейменовтің немересі жол апатынан көз жұмды – оқиға орнынан видео
Зертхана қызметкері

Пандемияның екінші жылы адам өлімі әлдеқайда көп болуы мүмкін - ДДСҰ 

34
Адам өмірін сақтап қалудың жалғыз жолы – вакциналау мен қоғамдық денсаулық сақтау шараларын біріктіру

НҰР-СҰЛТАН, 15 мамыр - Sputnik. Коронавирус пандемиясының екінші жылы кісі өлімі көп болуы мүмкін, деді дүниежүзілік денсаулық сақтау ұйымының бас директоры Тедрос Адханом Гебресиесус. Бұл туралы РИА Новости хабарлады.

"Қазірдің өзінде COVID-19-дан 3,3 миллион адам көз жұмды. Біз пандемияның екінші жылына аяқ бастық, бірінші жылмен салыстырғанда осы жылы адам көп өлуі мүмкін. Адам өмірін сақтап қалудың жалғыз жолы – вакциналау мен қоғамдық денсаулық сақтау шараларын біріктіру", - деді ДДСҰ бас директоры.

Дүниежүзілік денсаулық сақтау ұйымының басшысы вакцина вирустан 100% қорғамайтынын тағы да атап өтті. Өйткені вакцина алған адамдар вирус жұқтырып алуы мүмкін, алайда олар жеңіл түрімен ауырады. Сондықтан ұйым басшысы "шектеулерді алып тастау шешімі елде вакцина салдырған адам санына қарай емес, коронавирустың таралуы деңгейіне қарай қабылдану керек", дейді.

Оқи отырыңыз: Елорда әуежайында Ashyq қосымшасы іске қосылды – видео

34
Кілт сөздер:
Дүниежүзілік денсаулық сақтау ұйымы, қайтыс болды, вакцина, коронавирус
Тақырып:
Коронавирус эпидемиясы
Тақырып бойынша
Вакцинаның екі дозасынан кейін коронавирус жұқтырғандардың саны жарияланды
Вакцина салдырғандарға маска тақпай жүруге бола ма – министрлік жауабы
Қазақстанда коронавируспен ауырған адамдардың саны күрт көбейді
Өткен тәулікте жиырмадан астам адам коронавирустан қайтыс болды
Министрлік коронавирустан қайтыс болғандардың статистикасын жариялады
Бала, ер адам, архивтегі фото

Нұр-Сұлтан тұрғындары педофилдер туралы хабарлама таратып жатыр

23
Полиция хабарламаны жоққа шығарып, оның Нұр-Сұлтан қаласына еш қатысы жоқ екенін мәлімдеді

НҰР-СҰЛТАН, 15 мамыр - Sputnik. Мессенджерлер мен әлеуметтік желіде елордада "педофилдер тобы" бар екен деген хабарлама таралып жатыр.

Нұр-Сұлтан тұрғындары педофилдер туралы хабарлама алған. Хабарламада үш ер адамның суреті де жүр.

"Елордада мұндай факт анықталған жоқ. Ақпарат шындыққа сәйкес келмейді. Нұр-Сұлтан полиция департаменті жалған ақпарат таратқаны үшін жауапкершілік қарастырылғанын ескертеді", - деп хабарлады полициядағылар.

Педофилдер тобы туралы дәл осындай хабарлама Шығыс Қазақстан тұрғындарын қорқытқан болатын. Өңірлік полиция ақпараттың Шығыс Қазақстан облысына қатысы жоқ екенін айтты.

Оқи отырыңыз: Педофилдер туралы хабарлама Шығыс Қазақстан полициясын әбігерге салды

23
Кілт сөздер:
Нұр-Сұлтан, жалған ақпарат, хабарлама, педофил
Ыстық ауа райы

36 градус ыстық және жел: ертең ауа райы қандай болады

38
(Жаңартылды 21:17 15.05.2021)
Қазақстанның бес облысында дабылды ескерту жарияланды

НҰР-СҰЛТАН, 15 мамыр - Sputnik. Синоптиктер республиканың басым бөлігінде ауа райы ашық болады деп болжайды. Бес облыста дабылды ескерту жарияланды.

Дабылды ескерту

Атырау облысында оңтүстік-шығыстан жел соғады, кей жерлерде секундына 15-20 метрге дейін жетеді. Түстен кейін 36 градусқа дейін қатты ыстық күтіледі.

Солтүстік Қазақстан облысында секундына 25 метрге дейін жел күшейеді.

Павлодар облысында кей жерлерде найзағай ойнап, секундына 20 метрге дейін жел күшейеді.

Қостанай облысында 35 градусқа дейін қатты ыстық болады деп болжануда.

Жексенбіде Қызылорда облысында кей жерлерде шаңды дауыл күтіледі, жел секундына 15-20 метрге жетеді.

Мегаполистегі ауа райы

Нұр-Сұлтанда күн бұлтты, жаңбыр жаууы мүмкін. Ауа температурасы түнде плюс 10-12, күндіз 27-29 градус ыстық. Желдің жылдамдығы секундына 9-14 метрді құрайды.

Алматыда күн бұлтты, жауын-шашын болуы мүмкін. Ауа температурасы түнде 7-9 градус, күндіз 19-21 градус ыстық.

Шымкентте күн ашық. Желдің екпіні секундына 13 метрге дейін жетеді, ауа температурасы түнде плюс 14-16, күндіз 27-29 градус ыстық болады.

38
Кілт сөздер:
Қазгидромет, ауа райы