Әйел

"Құдай халықтың ақшасына зәру". Қарағандылық қыз өзін арбамақ болғандар туралы айтты

1039
(Жаңартылды 12:32 23.11.2018)
Профессор Байжол Кәріпбай теріс дінді насихаттайтын ұйымдардың қалай жұмыс істейтінін түсіндірді

АСТАНА, 20 қараша — Sputnik, Қарлыға Бүйенбай. Қарағандыдағы университеттердің бірінде білім алып жүрген Найрият Бауыржанқызы теріс дін өкілдерінің ықпалына қалай түсіп қала жаздағанын баяндап берді. Бәрі үйлерінің жанына көшіп келген жаңа көршісімен танысудан басталған. Уақыт өте келе бойжеткен адамдардың санасын улап, дүние-мүлкін тартып алатын ұйымдардың бірімен де етене жақын болған. Яғни теріс діни ағымға кіріп кетпесе де, олардың адамдарды алдап-арбау үшін не істейтінін өз көзімен көрген.

Найрият Бауыржанқызының отбасы дәстүрлі дінді ұстанғанымен, көптеген қазақстандық секілді шариғатта жазылғанның барлығын бірдей орындамаған. Өзі дінге ағасының арқасында бет бұрған. Бірнеше жыл бұрын ағасы намаз оқуды бастап, көп ұзамай өзі де ислам дінін тереңірек білуге әрекет жасайды. "Өмірге не үшін келдім? Оның мәні неде? Ата-анамның ертеңі не болмақ?" деген сауалдар төңірегінде көп ойланып жүреді. Айтуынша, дінге біреудің жетегімен емес, саналы түрде келген.

"Шамамен екі жыл бұрын айналамдағылардың менің оранып, намаз оқып жүргенімді қаламайтынын байқайтынмын. Бірақ уақыт өте келе адамдардың хиджаб киген қыздарға көзқарасы өзгерді. Тіпті, керісінше қызыға қарайтындар қатары көбейді. Жалпы қоғамымызда діндар адамдарға деген көзқарас дұрысталып келеді", — деді Найрият Бауыржанқызы.

Дәмді ас пен фильм

Бұдан өзге бойжеткен теріс діни ағым өкілдерінің арбауына қалай түсіп қала жаздағанын баяндап берді. Яғни өзі жат ағымның жетегіне еріп кетпесе де, олардың адамдардың санасын қалай улайтынын өз көзімен көрген.

Тағы оқыңыз:

"Үш жыл бұрын Қарағандыға басқа қаладан оқуын тастап көшіп келген көршіммен таныстым. Оның неліктен оқуын әрі қарай жалғастырмағанын түсінбедім, десе де бұл туралы сұрамауды жөн көрдім. Бір апта өткеннен кейін ол мені қоныс тойға шақырды. Мені өте жақсы қарсы алды. Бірақ сөзімді бөліп, қыздың ата-анасының әңгімені дін тақырыбына қарай бұра бергені аса ұнамады. Бір уақытта саясат туралы әңгіме қозғап, оны жамандай бастады.

Сол сәтте олардың мемлекеттік құрылымды мойындамайтынын және оны өзгерткісі келетінін білдім. Сайлауға қатыспайды, әнұран айтудан бас тартады дегендей. Кейін маған өздерінің ұйымдарының фильмін көрсетті. Олар — Иегова ағымындағылар екен. Сол күні шыдамай қыздан неліктен оқуын бітірмей көшіп келгені туралы сұрадым. Ол діни оқу мен жоғары білім арасында осылай таңдау жасағанын айтты", — деді Найрият Бауыржанқызы.

Бойжеткен сол сәтте көп нәрсені түсіне алмағанын айтады. Себебі, осы күнге дейін бір нәрсеге өмір сыйлаудың орнына, оның бәрін талқандауды жөн көретін адамдармен бетпе-бет кездесіп көрмеген. Айтуынша, жаңа таныстары отбасылық құндылықтарға, білім мен саясатқа қадір-құрметпен қарамайды.

"Сол күні осы адамдардың үй-үйді аралап, әртүрлі кітапша тарататынын білдім. Бір үйге бірнеше рет баратын әдеттері бар екен. Бастапқыда оларды қуып шыққан адамдар ақырында жақтастарына айналып шығады. Біріншіден, бұл ҚР заңнамасына қайшы, екіншіден, мәдениет тұрғысынан өзгені бір нәрсеге мәжбүрлемеген дұрыс", — деді ол.

"Құдай халықтың ақшасына зәру"

Мұндай жағдай өмірінде бір рет болмаған. "Грейс" ұйымының өкілдерімен де етене таныс болған екен. Естеріңізге сала кетсек, бұл ұйымға қатысты сотқа дейін жеткен істер көп. Жаңалықтардан осы ұйымға тиесілі шіркеулерден психотропты заттардың табылғаны, шіркеуде адамдардың өзіне қол салып, арасында көшедегі адамдарды жөнсіз ұрып-соққаны туралы хабарланған еді. Бір күні Нидаят емханада Лариса есімді әйелмен танысады. Айтуынша, өте мейірімді әйел. Тіпті, ұзақ уақыт "Мұндай тамаша әйел жаман атты шіркеуге не үшін барып жүр? Бәлкім менің ол шіркеу туралы ойым қате шығар" деп ойлаған. Осындай күдікті ойларының барын ашып айтқанда, әйел оны шіркеуге шақырады.

Тағы оқыңыз:

"Жексенбі күні бір жиналысқа келдік, адам өте көп болды. Рәсімдері би билеп, ән айтудан басталады екен. Бұл нәрсе мені қатты таңғалдырды. Бәрінен бұрын келгендерден "Құдай халықтың ақшасына зәру", "Құдайдан ақшаңды аяма", "Бүгін еккеніңнің жемісін ертең көресің" деген сөздермен ақшаларын алып қойып жатқандары қатты таңғалдырды. Көкейімде "Құдайға ақша не үшін керек?" деген сауал туындады. Ұйымның жетекшілері өте қу екен. Бұрын-соңды да мұндай адамдардың мүлікті білдірмей тартып алатындары туралы оқыған едім", — деді ол.

"Адамдар теңселіп жылап жүр"

Нидаят Ларисамен біраз уақыт бойы сөйлесіп жүргенмен, кейін араларында байланыс үзіледі. Араға жарты жыл салып бойжеткен әйелдің қалын білу үшін шіркеуге кіреді. Шіркеуден оны таба алмағанымен, оғаш жағдайдың куәсі болады.

"Мен барған күні адамдар айқайлап, жылап, тізерлеп отырып, теңселіп, "Құдайға бәрін ашылып айта бастады". Мұның барлығы мен үшін жақсы әсер қалдырды деп айта алмаймын. Жылдам сыртқа шығып, мұндай күдікті ұйымдарға ешуақытта бармаймын деп шештім", — деді ол.

Радикалды ұйымдар қалай жұмыс істейді?

Осы орайда Евней Букетов атындағы Қарағанды мемлекеттік университетінің профессоры, философия ғылымдарының докторы Байжол Кәріпбай бүгінде, өкінішке орай, дін мен соғыстың қатар жүретініне тоқталды. Сондай-ақ, "Грейс" секілді ұйымдардың адамдарды қалай алдап-арбайтынын айтып берді.

"Расымен де, дін бүгінгі қоғамның айнымас бір бөлігіне айналды. Бұл — бір аймаққа емес, барша планетаға тән құбылыс. Ол туралы сөз қозғамауға немесе назардан тыс қалдыруға болмайды. Дінге деген көзқарастың әртүрлі болуының салдарынан, бүгінде дін "экстремизм", "соғыс", "терроризм" сынды ұғымдармен қатар қойылып жүр. Бұл жағдайға қалай жеттік? Заманауи дискурс форматтарының бірі — жалған тәуелсіздік. Осы еркіндікке мас болған радикалды ойлайтын адамдар әлемге теріс діни аксиома мен аксиологемалар ұсынып жүр", — деді профессор.

Яғни адамдар бұл әлемді өздерінің экстремистік идеологема және алдын ала дайындалған жоспарларымен өзгертпек. Осындай бағдарламалардың бірі мемлекетті зайырлылықтан бас тартқызу. Ол үшін теріс ағымды насихаттайтын ұйымдар қайырымдылық науқандар ұйымдастырып, кедей азаматтарға көмектеседі, балаларға арналған жазғы лагерьлер мен мектептер ұйымдастырады. Адамдарға діни ұстанымдар мен діни ұйымдарға қарама-қарсы ойдан бөлек, кез келген пікірін бөлісуге мүмкіндік береді. Яғни адам көпшіліктің алдында өзінің қиындықтары мен өмірі туралы айтады, бірақ дінге қатысты шынайы көзқарасын білдіруге құқығы жоқ.

Тағы оқыңыз:

"Өздері туралы ақпарат таратудың кез келген жолын пайдаланады. Мысалы, қарапайым такси жүргізушісі Иегова ағымында жүрген адам болуы мүмкін. Ол көлігіне отырған адамдардың барлығына кітапшалар таратады. Бір сөзбен айтқанда олар мемлекеттік билікке қарсы келсе де, ашық соғыс жүргізбейді. Мұны адамдардың санасын улау арқылы жасайды. Сол себепті бұл мәселені бей-жай қалдырмағанымыз жөн. Әсіресе, жастардың тағдыры таразыға салынғанда", — деді философия ғылымдарының докторы Байжол Кәріпбай.

1039
Кілт сөздер:
Қарағанды, хиджаб, намаз, дін, теріс ағым, діни радикализм
Тақырып бойынша
Қарағанды облысында арнайы операция кезінде радикалдар ұсталды
Ақтөбеде полицейлерге шабуыл жасауға дайындалған 150-ге жуық радикал ұсталды
Қазақстан түрмелерінде 400 радикал жазасын өтеуде
"Әділеттілік, бейбітшілік және қауіпсіздік". Дін көшбасшылары съезінде не айтылды?
Дінтанушы талақ айту туралы: көп әйел алуға қызыққандар дін талаптарын аяқасты етуде
Дін мен балалық шақ: қазақстандық балаларынан намаз оқуды талап еткен
Дін министрлігі: қысқа балақ пен ұзын сақалға тыйым салынбайды
Ақорда ғимараты

Тоқаев екі әкіммен телефон арқылы сөйлесті

94
Президент Алматы әкіміне коронавирус індетінің таралуына жол бермеу бойынша жұмысты күшейтуді және шектеу шараларының сақталуын қатаң бақылауға алу жөнінде тапсырма берді

НҰР-СҰЛТАН, 4 тамыз – Sputnik. Мемлекет басшысы Қасым-Жомарт Тоқаев Алматы облысы мен Алматы қаласы әкімдерінің есебін тыңдады. Бұл туралы президенттің баспасөз хатшысы Берік Уәли Facebook-тегі парақшасында хабарлады.

Президентке Алматы облысының биылғы бірінші жартыжылдықтағы әлеуметтік-экономикалық дамуы жөнінде телефон арқылы баяндалды.

Амандық Баталовтың айтуынша, негізгі салалардың барлығында өсім қамтамасыз етіліп, қысқа мерзімді экономика көрсеткіші 109,4 пайыз болған.

Қасым-Жомарт Тоқаевқа аймақтағы эпидемиологиялық жағдай туралы мәлімет берілді. Облыс әкімі соңғы апта ішінде коронавирус індетін жұқтырғандардың саны 1 пайыздан аспағанын жеткізді. Өңірде 4 мың төсек-орын қарастырылған. Жұқпалы індет стационарының 55,8 пайызында, жансақтау бөлімдеріндегі орындардың 13 пайызында науқастар ем қабылдап жатыр.

Мемлекет басшысы сонымен қатар, тұрғындарды ауыз сумен қамтамасыз ету туралы мәлімет алды. Әкім облыста орталықтанған сумен қамту 98,3 пайыз болғанын және бұл еліміз бойынша ең жоғарғы көрсеткіштердің бірі екенін айтты. Биыл 7 ауылға су құбырын тартып, 11 елді мекенді таза ауыз сумен қамту арқылы көрсеткішті 99,5 пайызға жеткізу жоспарланып отыр. Бұл жобаға 10,9 миллиард теңге қаржы қарастырылған. Алдағы бес жылдың ішінде тағы 33 ауыл ауыз сумен қамтамасыз етіліп, 72 елді мекенде желілерді қайта қалпына келтіру жұмыстары жүргізіледі.

Президентке Амандық Баталов Үшарал қаласындағы әуежайдың ұшып-қону жолағын жөндеу жұмысының, Алакөл жағалауындағы су тазарту құрылғылары құрылысының басталғанын және ауыл әкімдері сайлауының қорытындысы туралы айтты.

Қасым-Жомарт Тоқаев бұқаралық спортты дамытуға және ішкі туризмді ілгерілетуге ерекше көңіл бөлуді тапсырды.

Бұдан кейін мемлекет басшысы Алматы қаласының әкімі Бақытжан Сағынтаевпен шаһардағы коронавирус індетінің таралуына қарсы атқарылып жатқан шаралар мен қаланың инфрақұрылымын дамыту мәселелерін телефон арқылы талқылады.

Бақытжан Сағынтаевтың айтуынша, "дельта" штамының таралуына байланысты Алматы қаласындағы эпидемиологиялық жағдай күрделі болып тұр. Өткен аптада індет жұқтыру 1,4 есе артып, 7 936-дан 10 805-ке жеткен. Бір тәулікте вирус жұқтыру 1,4 пайызға көбейген. Соңғы тәулікте жаңадан 1558 науқас тіркелсе, олардың 1480-інде індеттің белгілері бар.

Науқастар санының артуына байланысты қосымша жұқпалы аурулар ауруханалары ашылуда. Қазір 7625 науқас ем қабылдап жатыр, 2400 орындық төсек-орын қоры жасақталды.

Қаланың дәріхана желісін дәрі-дәрмекпен қамтамасыз ету мақсатында 5 миллиард теңге көлемінде тұрақтандыру қоры құрылды. 68 түрлі дәрі-дәрмектің қажетті мөлшері жасақталды. Қаланың медициналық ұйымдары дәрі-дәрмек пен жеке қорғаныш құралдарының екі айлық қорымен қамтамасыз етілген.

Тұрғындарға жаппай екпе салу жалғасып жатыр. Қалада 167 вакцина салу пункті жұмыс істеп тұр. 4 тамыздағы жағдай бойынша 740 487 адамға екпенің бірінші компоненті, 545 954 тұрғынға екінші компоненті салынған.

Мемлекет басшысы Алматы қаласының әкіміне коронавирус індетінің таралуына жол бермеу бойынша жұмысты күшейтуді және шектеу шараларының сақталуын қатаң бақылауға алу жөнінде тапсырма берді.

Әңгімелесу барысында Бақытжан Сағынтаев Қасым-Жомарт Тоқаевқа Наурызбай ауданына қосылған ықшам аудандардағы тұрғындарды сапалы ауыз сумен қамтамасыз ету және Абай даңғылын қала шекарасына дейін ұзарту жөнінде баяндады. Сонымен қатар қаланың тарихи орталығындағы құрылыстарды шектеу мәселелері көтерілді.

94
Тақырып:
Коронавирус эпидемиясы
Архивтегі сурет

Әкімдік 19 миллионыншы тұрғынның отбасына 1 млн теңге сыйға тартты

75
(Жаңартылды 17:59 04.08.2021)
Әкімдік нәрестенің отбасына балалар арбасын, сәби күтіміне арналған жиынтық, жеміс-жидек себеті мен басқа да сыйлықтар сыйлады

НҰР-СҰЛТАН, 4 тамыз – Sputnik. Алматы облысының әкімдігі Қазақстанның он тоғыз миллионыншы азаматы атанған Жәния Азаматқызының отбасына 1 миллион теңгенің сертификатын тарту етті, деп хабарлайды өңір әкімдігінің баспасөз қызметі.

Алматы облысы әкімінің орынбасары Арслан Дәндібаев пен Іле ауданының әкімі Бағдат Қарасаев сәбидің отбасымен кездесті. Шенеуніктер қыздың ата-анасын қуанышты күнмен құттықтап, мықты денсаулық және бақытты ғұмыр тіледі.

Сондай-ақ отбасына облыс әкімінің атынан құттықтау хат пен 1 миллион теңгенің сертификатын табыстады. Бұдан бөлек, балалар арбасын, сәби күтіміне арналған жиынтық, жеміс-жидек себеті мен басқа да сыйлықтар сыйлады.

Жәнияның әкесі Азамат Нұрғалиевтің айтуынша, бұл бүкіл отбасы үшін күтпеген оқиға болды.

"Біз басында сенген жоқпыз, қателесіп кеткен шығар деп ойладық. Учаскелік дәрігер хабарласып, бізді әкімдік іздеп жатқанын айтқанда ғана сендік. Біз қызымызды Қазақстанның лайықты азаматы етіп тәрбиелеуге тырысамыз", - деді ол.

Ал нәрестенің анасы Назгүл Көбентаева Жәния ол үшін ерекше бала екенін атап өтті.

Тағы оқыңыз: Қазақстанның он тоғыз миллионыншы тұрғыны туралы жаңа дерек шықты

"Жәнияны біз бес-алты жыл күттік. Қызымыз дүние есігін ашқан сәттен бастап бүкіл Қазақстанға танымал болды, болашақта да белгілі азамат болады деген үміттемін", - деді келіншек.

20 маусым күні Алматы қаласының перзентханасында Қазақстанның 19 миллионыншы тұрғыны дүниеге келді.

Сәби түнгі сағат екіде туды, салмағы – 4160 грамм , ал бойы – 57 см.

Нәрестенің ата-анасы – 1982 жылғы Азамат Нұрғалиев пен 1986 жылғы Назгүл Көбентаева Алматы облысы Іле ауданы Чапаево ауылында тұрады.

Жәния Азаматқызы – отбасындағы төртінші бала.

3 тамыз күні президент Қасым-Жомарт Тоқаев Twitter-де Қазақстан халқы 19 миллион адамға жеткенін хабарлады. Мемлекет басшысы он тоғыз миллионыншы азаматтың ата-анасы мен қазақстандықтарды осы қуанышпен құттықтады.

75
Кілт сөздер:
Алматы облысы, сәби, Қазақстан халқы
АҚШ полицейлері

АҚШ-тың гипердыбысты зымыраны тағы да сынақтан өте алмады

0
Алғашқы америкалық гипердыбысты зымыран прототипінің бірнеше сәтсіз сынағы АҚШ-тың Ресей мен Қытайдан технологиялық тұрғыда кейіндеп қалғанын көрсетеді   

28 шілдеде АҚШ-тың әскери-әуе күштері AGM-183A Air-Launched Rapid Response Weapon (ARRW) гипердыбысты зымыранын ұшыру сынақтарын сәтсіз аяқтады. Super duper missile өнімі Оңтүстік Калифорния жағалауында B-52H Stratofortress бомбалаушы ұшағынан бөлініп шықты, алайда реактивті тартылыс іске қосылмады. Прототипі Тынық мұхитқа құлады.

Сәуірдегі ұшу сынағы кезінде AGM-183A зымыраны тасымалдағыш ұшақтың қанатынан ажырамай, Эдвардс авиабазасына қайта оралды.

Салыстыру үшін айтсақ, ресейлік гипердыбысты "Кинжал" зымыран кешені 2017 жылдың желтоқсанында әскери-ғарыш күштеріне қарулануға қабылданды. Зымыран әскері қатарында стратегиялық мақсаттағы "Авангард" гипердыбысты блоктары 2019 жылдан бері кезекшілікте тұр. Ресейлік әскери-теңіз флоты "Циркон" кемеге қарсы гипердыбысты зымыранының мемлекеттік сынақтарын аяқтап жатыр. РФ әскери-ғарыш күштері үшін үлкен қашықтыққа ұша алатын Х-95 гипердыбысты зымыраны әзірленіп жатыр.

АҚШ перспективалы гипердыбысты зымыранын әзірлеуді 2022 жылы аяқтауды жоспарлап отыр. AGM-183A аппараты "сипаттамасы жағынан кез келген ресейлік аналогтан озық болады деп күтілуде". Бұл шындыққа жанаспайтын секілді.

Америкалықтар 5 Махтан асатын гипердыбысты жылдамдыққа қол жеткізуді әзірше армандап қана жүр. Ресейдің "Авангард" гипердыбысты блогы 28 Махқа дейінгі жылдамдықпен ұшады. "Кинжал" мен "Циркон" 10 Махқа дейін жылдамдықты үдете алады.

Ал Қытайдың орташа қашықтыққа ұшатын гипердыбысты DF-17 техникасы 10 Махты еңсере алады. Ол 2019 жылдан беру қарулануға қабылданған.

АҚШ-тың әскери-әуе күштері 2022 қаржы жылында 212,8 миллиард доллар, соның ішінде құпия жобалар үшін 39 миллиард доллар сұрап отыр. Бұл 2021 жылдың бюджетімен салыстырғанда 7,3 миллиард долларға жоғары. Гипердыбысты қаруды дайындауды қаржыландыру 386 миллионнан 438 миллион долларға дейін артады.

AGM-183A аппаратын дайындау 2018 жылы басталған болатын және Lockheed Martinм компаниясы 480 миллион долларға келісімшарт жасады. Оның жобалық қашықтығы 1600 километр болса, жылдамдығы 20 Махты құрауы керек.

The Drive басылымының мәліметі бойынша америкалық әскери-әуе күштері ARRW ұшу сынақтарының кестесі бойынша жеті жылға кешігіп келеді. Бастапқыда оны іске қосу 2020 жылға жоспарланған болатын. АҚШ-тың әскери бюджеті 700 миллиард доллардан баяғыда-ақ асып кетті. Әйтсе де әскери өнеркәсіптік кешен Пентагон үшін гипердыбысты зымырандар құрастырудан жақсы нәтиже көрсете алмай келеді.

Мәскеу мен Бейжің өз территориясын қорғау үшін басымды мақсатта гипердыбысты зымырандарды дайындауға кірісті. Ресей мен Қытай басқа мемлекеттерге әскери шабуыл жасап, басқыншылықпен айналысуды көздемейді. Бұл ұжымдық Батыстың кей кезде агрессияға толы әрекеттерінен қорғану үшін жасалып жатқан шаралар.

Америка Құрама Штаттары 2021 жылдың басында F-15EX сегіз жойғыш ұшағын қаржыландыруды мақұлдады (құны 1,2 миллиард доллар болатын келісімшарт). Бүкіл бірінші партия бойынша ықтимал шығын көлемі шамамен 23 миллиард долларды құрайды. Қалай дегенмен де бүгінде Ресей мен Қытай гипердыбысты қару-жарақ дайындауда оқ бойы озық шықты.

0