Аурухана

"Бір уколы 100 мың". Алматы облысында отбасы жылап көмек сұрады

198
Нұржан есімді жас жігіт 12 жасында арбадан құлап, содан бері емделе алмай келеді. Соңғы екі жылда денсаулығы қатты сыр беріп, төсек тартып жатып қалған

АСТАНА, 23 қараша — Sputnik. Алматы облысы Жаркент қаласында Нұржан есімді жас жігіт 12 жасында арбадан құлап, аяғы ауыра бастайды. Соңғы екі жылдан бері денсаулығы қатты сыр беріп, аяғы жүруге келмей қалған. Күнделікті ата-анасы жанында болып, тамағын беріп жүр. Осы орайда, жақын туысқандары отандық бағдарламалардың біріне хабарласып, халықтан көмек сұрады. Себебі, соңғы салдырған дәрілерінің біреуінің бағасы жүз мың теңгеге дейін барған. Десе де, жақындары оған бұл дәрілердің де айтарлықтай көмектеспегенін айтып жатыр. 

"Бірінші апарған ауруханамыз жағдайы ауыр деп Нұржанды алмады. Кейін Өтеген батыр ауруханасына бардық. Ол жерде "Бала 15 жасқа толып кеткен" деп тағы алмады. Бұдан соң қаралған дәрігерлер аяғына суық тиген деп дәрілік май жаққызды. Олардан баланың терісі бүлініп, одан бетер жағдайы нашарлады", — деді Нұржанның әпкесі Серікгүл Мұқашева Қазақстан арнасының "" бағдарламасында. 

Отбасында Нұржаннан өзге Айдана есімді бір қыз бар. Өзі қазір 21 жаста. Айтуынша, армандары көп. Десе де, жаратушыдан орнынан тік тұруды ғана сұрап жүрген жайы бар. Сондай-ақ, айналасында көмек қолын созып жүрген жақындарына алғыс айтты.

Нұржанның туысқан әпкесі бастапқыда дәрігерлердің өміріне еш қауіп төніп тұрған жоқ деп айтқанын жеткізді.

Тағы оқыңыз:

"12 жасында ауырып қалған кезде тексерттік. Алматыға келсе, мен және отбасым жүгіреді, ауылда болғанда сіңілім көмектеседі. Сол алғаш тексерткенде "Бәрі жақсы, дұрыс" деп айтқан еді. Бірақ кейін бала жүрмей қалды. Мемлекеттікке де, жекеменшік ауруханаға да қараттық. Бір аяққа салған дәрінің өзі 100 мың теңге тұрады. Біріншісін өздері салып берді, кейінгілерін келіндерім өздері ақша төлеп салдырып жүрді", — деді ол.

Сондай-ақ, дәрігерден бөлек, бақсы-балгерге де апарғанын жасырмады. Бүгінде Нұржанның ата-анасы жұмыс істемейді. Себебі, жас жігіт өз бетінше мүлдем қозғала алмайды. Серікқұл Мұқашева ата-анасының бірі Нұржанның басын, екіншісі аяғын қозғалтатынын айтады.

Бүгінде бір отбасы Нұржанның мүгедектік үшін алатын жәрдемақымен күн көріп отыр. Құжатта 2012 жылдан бері жәрдемақы алады деп жазылғанмен, туыстары мемлекет тарапынан берілетін көмекті тек 2016 жылдан бастап алып келе жатқанын айтады.

"Бастапқыда "Қарекет" бағдарламасына барып көмек сұрайық" деген кезде, Нұржан намыстанып, қарсы шықты. Нұржанның мүлдем жүре алмай қалғанына екі жылдың жүзі болды. Қаратпаған жеріміз жоқ. Алматыдаға ревматологиялық орталыққа да жатқан болатын. Ол жерде "артрит" деген диагноз қойып берді. Күннен күнге нашарламаса, жақсы болып бара жатқан жоқ", — деп көзіне жас алды Нұржанның Жаркент қаласындағы туысқан әпкесі.

Осы орайда, жас жігіттің отбасы қазақстандықтардан көмек сұрады. Себебі, бүгінде Нұржанның денсаулығы ғана емес, оның отбасының әлеуметтік-тұрмыстық жағдайы нашарлаған.

198
Кілт сөздер:
Алматы облысы, көмек, науқас, жас жігіт, туысқан, дәрігер
Тақырып бойынша
Қытайда қалған қазақтардың балалары көмек сұрады: Қазақстан нота жіберді
"Логика қайда?" Депутат министрден көмек алатындардың неге азайғанын сұрады
"Ел игілігі үшін жүрміз!". Баян Алагөзова жоғарғы соттан күйеуіне көмек сұрады
Сайрагүл Сауытбай үкіметтен қандай көмек сұрады?
"Папамды қайтарыңызшы". Ақорданың алдына келген бала Назарбаевтан көмек сұрады
"Баланы құтқарыңыз". Астанада көз жұмған әйелдің күйеуі министрден көмек сұрады
Риддердегі жол апаты: қаза тапқан жігіттің әкесі Назарбаевтан көмек сұрады
далада сауда-саттық жүргізіп отырғандар

Сатушыларға заңсыз айыппұл салған 87 полицей жазаланды Бас прокуратура

460
(Жаңартылды 16:27 27.11.2021)
Бас прокуратура белгіленбеген жерде сауда-саттық жасағандарды қандай жағдайда жазалауға болмайтынын түсіндірді

НҰР-СҰЛТАН, 27 қараша – Sputnik. Белгіленбеген жерде сауда жүргізгендерге заңсыз айыппұл салған полицейлер мен әкімдік қызметкерлері жазаланды.

Бас прокуратура белгіленбеген жерде сауда жүргізгені үшін бизнес және азаматтарды жазаға тартудың негізділігін зерделеген. Олардың көбінесе заңсыз жауапқа тартылғаны анықталды.

Бас прокурордың орынбасары Болат Дембаевтың айтуынша, сауда үшін арнайы орындар анықталған кезде ғана жауапкершілік белгіленеді.

"Оларды облыстық, қалалық және аудандық әкімдер анықтайды ("Жергілікті мемлекеттік басқару туралы" Заңның 27, 31-баптары). Алайда, көптеген өңірде мұндай орындар болған жоқ, бірақ адамдарға 12-ден 27 мың теңгеге дейін айыппұл салынды", - дейді ол.

Мысалы, Жезқазған қаласында сауда орны белгіленбеген, бұған қарамастан кәсіпкерлер жауапкершілікке тартылды. Прокуратураның қолға алған шаралары бойынша 38 іс тоқтатылып, қалада сауда орындары анықталған.

Еліміздің басқа өңірінде – Ақмола облысының Зеренді ауданында прокурордың актісі бойынша сауда орындары анықталды. Жауапқа тарту туралы 26 заңсыз қаулының күші жойылды.

Жалпы прокуратураның шаралары бойынша 14 мыңнан астам заңсыз әкімшілік іс тоқтатылды, әкімдіктердің шешімімен еліміздің барлық өңірінде 4126 сауда орны анықталды. Бұл жұмыс жалғасып жатыр.

Олқылыққа жол берген 87 полицей мен 26 әкімдік қызметкері тәртіптік жауапкершілікке тартылған.

Бас прокуратураның бастамасымен Сауда және интеграция министрлігі осы мәселені бақылауға алды.

460
Тақырып бойынша
Шығыс Қазақстанда рөлде ұйықтап кеткен полицей жол апатын жасады
150 мың теңге сұраған: көлікті себепсіз тоқтатқан екі полицей жұмыстан қуылды
Сыртынан жауып кеткен: полицей әйел өрт шыққан пәтердегі төрт баланы құтқарды
Коронавирустан 34 полицей қайтыс болды – Тұрғымбаев
сәбиідің аяғы, архивтегі сурет

Тоңазытқыштағы сәбидің өлімі: сотталған дәрігерлер колонияға ауыстырылды

421
(Жаңартылды 11:16 27.11.2021)
Перинаталды орталықтың бас дәрігері, акушер-гинеколог және акушер жаңа туған нәрестені өліміне кінәлі деп танылып, тиісінше 18, 16 және 15 жылға бас бостандығынан айырылған болатын

НҰР-СҰЛТАН, 27 қараша – Sputnik. Перинаталды орталықтың бас дәрігері Қуаныш Нысанбаев, акушер-гинеколог Асқар Қайыржан және акушер Жәмилә Құлбатырова тергеу абақтысынан колонияға ауыстырылды.

Қуаныш Нысанбаев пен Асқар Қайыржан Орал қаласындағы қатаң режимдегі колонияға ауыстырылды. Атышулы іс бойынша тағы бір айыпталушы Жәмилә Құлбатырова жазасын Алмагүл ықшам аудандағы әйелдер колониясында өтейтін болды. Неонатолог дәрігерлер Руслан Нұрмұхамбетов пен Дариға Жұмабаева пробация қызметінің бақылауына алынды, деп хабарлады "Ақжайық".  

Асқар Қайыржан басылым редакциясына сұхбат беру туралы ұсыныспен хат жолдады. Алайда қылмыстық атқару жүйесі департаменті мен облыстық сот тілшіні тергеу изоляторына кіргізуден бас тартты. 

Еске салсақ, перинаталды орталықтың бас дәрігері Қуаныш Нысанбаев, акушер-гинеколог Асқар Қайыржан және акушер Жәмилә Құлбатырова алдын ала сөз байласу арқылы жаңа туған нәрестені өліміне кінәлі деп танылып, тиісінше 18, 16 және 15 жылға бас бостандығынан айырылған болатын. Ал дәрігер-неонатологтар Руслан Нұрмұхамбетов пен Дариға Жұмабаева қылмыс туралы хабарламағаны үшін үш жылға бас бостандығын шектеу жазасын алды.

Жаңа туған нәрестенің өлімі

2019 жылдың 29 қыркүйегінде Атырау перинаталдық орталығында дүниеге келген нәресте қимылсыз жатқаннан кейін дәрігерлер оны өлі туды деп тіркеген. Алайда стоңазытқыш камераға апарған кезде аяғы қимылдай бастаған.

Сыбайлас жемқорлыққа қарсы қызметтің хабарлауынша, дәрігерлер құжатты түзетпеу үшін оны тоңазытқышта қалдыруға шешім қабылдаған. Сотта тергеуші Асқарбек Ермұқашев дәрігерлердің телефон арқылы сөйлескен стенограммасы бар екенін айтқан.

Филологиялық сараптаманың қорытындысы да жасалды. Сонда дәрігерлердің бір-бірімен кеңесіп, баланың тағдырын шешкені анық байқалады. Әңгіменің стенограммасында "Құдай бізді кешірсін" деген сөздер бар.

Дәрігерлерге сот үкімі шықты

2020 жылдың 18 қаңтарында Атырауда жаңа туған баланы алдын ала сөз байласу арқылы өлтірді деп айыпталған облыстық перинаталдық орталықтың дәрігерлеріне сот үкімі шықты.

Сот оларды кінәлі деп танып, перинаталдық орталықтың бұрынғы бас дәрігері Қуаныш Нысанбаевты 18 жылға, акушер-гинеколог Асқар Қайыржанды 16 жылға, акушер Жәмилә Құлбатырованы 15 жылға бас бостандығынан айырды.

Неонатолог-дәрігерлер Руслан Нұрмұхамбетов пен Дариға Жұмабаева қылмыс туралы хабарламағаны үшін кінәлі деп танылып, үш жылға бас бостандығы шектелді.

Оқи отырыңыз:

421
Кілт сөздер:
Атырау облысы, сәби, тоңазытқыш, дәрігерлер