Ұшақ

Ұшақта шыққан жанжал: билетсіз кіргендер мен тіл үшін күрескендер қалай жазаланды?

404
(Жаңартылды 19:34 28.11.2018)
Ұшақтағы шудың көбісінде азаматтар айыппұлмен құтылып кетсе де, арасында ақшасы мен қызметі көмектеспеген жағдайлар да жетерлік

АСТАНА, 27 қараша — Sputnik, Қарлыға Бүйенбай. Ұшақта болатын оқыс жағдайлардың көбісінде жолаушылар айыппұлмен құтылып кетіп жатады. Десе де, арасында айыппұл көмектеспейтін жағдайлар кездеседі. Әсіресе, бұл танымал жұлдыздар мен мемлекеттік қызметкерлерге қатысты. Осы орайда  тілшісі отандық әуе компанияларының ұшақтарында болған даулы оқиғаларға шолу жасады.

Ұшаққа билетсіз кірген Төреғали Төреәлі 

Қыркүйек айының ортасында Төреғали Төреәлі әйелі мен балаларын шығарып салу үшін Алматы-Гонконг бағытында ұшқалы отырған ұшаққа кіріп алған еді. Яғни әншінің сол кезде қолында билеті болмаған. 

Алматы әуежайының қызметкерлері Төреғалидің қолында ерекше күтімді қажет ететін бала болғандықтан, VIP залға өткізіп жіберуді сұрағанын айтып ақталды. Кейін қызметкерлер бұл ақпаратты жоққа шығарды. Әншінің тексеруден өтпей ұшаққа қалай кіріп алғанын әлі күнге дейін ешкім түсіндіре алатын емес. Кінәлілер 20 АЕК көлемінде айыппұл төледі.

Бұдан өзге 16 қазанда Алматы әуежайындағы желілік ішкі істер бөлімінің қызметкерлері Төреғалиге қатысты ҚР әкімшілік кодексінің екі бабы бойынша іс қозғап, әншіге 5 АЕК көлемінде айыппұл салды.

Қазақстандықтар арасында штаттан тыс жағдайлар жиі болып отырады. Әдетте бұл шулы оқиғаларда басты "кейіпкерлердің" есімі аталмайды. Десе де арасында танымал адамдармен болатын жағдайлар да кездеседі.

"Ішімдік емес, дәрі іштім"

Тағы бір атышулы оқиға қазақстандық "Эйр Астана" әуе компаниясымен болса да, бас фигурант Қырғызстанның шенеунігі болып шықты.

Көрші республиканың еңбек және әлеуметтік қорғау вице-министрі Зууракан Кәденова Сеул-Алматы-Бішкек рейсімен ұшпақ болған. Бірақ аталған рейсті орындайтын ұшақ әйелдің әдепсіз әрекетінен ұшпай қалды. Осы ұшақта отырғандар әйелдің ішімдік ішіп алып, әуе қызметкерлерімен ұрысқанын айтты. Кейін оны салоннан шығарып, отырған адамдар қосымша тексерілді. Ұшақ жалпы екі сағатқа кідірді.

Тағы оқыңыз:

Араға біраз уақыт салып Кәденова болған жағдайға қатысты түсініктеме беріп, ішімдік емес, корвалолды тым көп мөлшерде ішіп алғанын айтты. Себебі, сұйық дәріні өзімен бірге алып кіруге рұқсат бермей қояды деп қорыққан. Осы жағдайдан кейін ол қызметінен қуылды. Сондай-ақ бұл тосын жаңалықты ол БАҚ өкілдерінен білген.

Қазақ тілінде сөйлеуді талап еткен жолаушы

Тағы бір шетелдік, Түркия елінің азаматы Оғыз Доған "Эйр Астана" бортында Қазақстанда қазақ тілінің қолданылуына қатысты шу шығарды.

Бір жыл бұрын Астана-Алматы бағытында ұшып бара жатқан ұшақ жолаушысы алдындағы тамақ қоятын үстелді алудан бас тартқан. Бұған борт қызметкерінің өзіне орыс тілінде өтініш жасауы себеп болған. Әуе компаниясы өкілдерінің айтуынша, бұл өтінішті борт қызметкері кейін ағылшын және қазақ тілдерінде де айтқан. Доған осы жағдайды видеоға түсіріп алып, аталған ролик әлеуметтік желіде лезде тарап кетті.

Оғыз Доғанға қауіпсіздікті сақтамағаны үшін 6 800 теңге көлемінде айыппұл салынды. Көп ұзамай журналист "Эйр Астана" АҚ ұлттық әуе компаниясын мемлекеттік тілді құрметтемегені үшін сотқа беріп, моральдық өтемақы ретінде 1 теңге сұрады. Сотта Оғыз Доған жеңіп шықты.

Араға бірнеше ай салып түрік журналисі тағы да жаңалықтардан көрінді. Бұл жолы ол банк қызметкерлерінен қазақ тілінде жауап беруді талап еткен екен. Банк өз кезегінде одан кешірім сұрады.

Журналист қамауға алынды

Бұл қазақ тіліне қатысты ұшақта болған жалғыз шу емес. 2013 жылы қазақстандық журналист Жарылқап Қалыбай Анталиядан Алматыға қарай ұшып бара жатқан жайсыз жағдайдың куәгері болды.

Болған жағдайға қатысты екі нұсқа жүр. Қалыбайдың айтуынша, борт қызметкері оның қазақ тілінде жауап беру туралы өтінішіне мүлдем құлақ аспаған. Ал "Скат" әуе компаниясының өкілі керісінше "Жұлдыздар отбасы" журналының редакторы мас болып, қатты ашулы болғанын жеткізді. Сондай-ақ, салон ішінде қызметкерлердің әрі-бері жүріп қозғалуына кедергі келтірген екен.

Тағы оқыңыз:

Куәгерлер мен медициналық сараптамалардың арқасында кімдікі дұрыс, кімдікі бұрыс екені анықталды. Ақырында журналист "қоғамдық тәртіп үшін жауап беретін азаматтарға көнбегені үшін" үш күнге тұтқындалды.

Мақсат Үсенов тағы даудың ортасында

2017 жылы атышулы Мақсат Үсенов әуе кемесінде ереже бұзғаны және кішігірім бұзақылық үшін екі бап бойынша жазаланды. "ЭКСПО-2017" ұлттық компаниясы департаменті басшысының ұлы 10 тәулік қамауда болып, 3 АЕК көлемінде айыппұл төледі.

Оқыс жағдай Алматыдан Бангкок қаласына бағыт алған ұшақ ішінде болды. Үсенов бұл кезде бортсеріктерге ұрысып, ұшақ дәретханасында шылым шеккен. "Эйр Астана" қызметкерлері ереже бұзушыны Бангкок полициясына табыстағанымен, олар оны қамауға алудан бас тартады. Бірақ Қазақстанға келген соң Үсенов жазаланды. Сондай-ақ, салық қарызы болғанына қарамастан, мемлекеттен шыққаны анықталды. 

404
Кілт сөздер:
жанжал, әнші, жолаушы, ұшақ, қазақ тілі, Төреғали Төреәлі, Оғыз Доған
Тақырып бойынша
Төреғалиге қатысты шу: ұшақта болған оқиғаның мән-жайы анықталды
Төреғали Төреәлі ұшақта шу шығарды: комитет тексеріс жүргізеді
"Басқалар түрмеге қамайды". Қазақстанда ұшақта темекі тартқандар қатаң жазаланбақ
Танымал актер мас күйінде ұшақта жанжал шығарды - видео
Ұшақта үш жолаушы төбелесіп қалды - видео
Жолаушылар зар еңіреп, дұға оқи бастады – ұшақта түсірілген видео
Стюардесса қарындас: Астана тұрғыны ұшақта қырындағаны үшін сотталды
Құлаққап, телефон

Құлаққап денсаулыққа зиян келтірмеуі үшін қалай қолдану қажет дәрігер кеңесі

29
(Жаңартылды 10:36 30.11.2020)
Дамыған елдер халқының 25%-інде 50 жасқа дейінгі азаматтардың есту қабілеті нашарлаған. Дәрігер құлаққап таққан кезде дыбыс деңгейінің қандай болуы қажет екенін айтты

АЛМАТЫ, 30 қараша – Sputnik. Дәрігер әрі тележүргізуші Александр Мясников құлаққаптың адам денсаулығына қандай зиян келтіретінін айтты, деп хабарлайды РИА Новости.

"Қауіпсіз құлаққап болмайды. Қауіпсіз – бұл 80 децибел, ал құлаққаптарда 100 және 120 децибел болуы мүмкін", - дейді Мясников "Россия 1" телеарнасының эфирінде.

Дәрігердің айтуынша, адам құлаққапты үш-төрт жыл қолданғаннан кейін есту қабілеті нашарлай бастайды.

Осыған байланысты дамыған елдер халқының 25%-інде 50 жасқа дейінгі азаматтардың есту қабілеті нашарлаған.

Ал құлаққап тағып жүрген кезде адам өз даусы мен жанындағы адамның сөзін еститіндей болса, бұл қалыпты болып саналады. Ал басқа жағдайда дыбысты бәсеңдету керек. Сондай жағдайда құлаққаптар аз зиян келтіреді.

29
Кілт сөздер:
пайдалы кеңес, дәрігер, есту қабілеті
Тақырып бойынша
Ай сайын смартфоннан нені өшіріп тұру қажет - маман кеңесі
Мамандар телефонда қандай смс сақтауға болмайтынын ескертті
Дәрігер телефонның жарығы орны толмас өкінішке әкелуі мүмкін екенін айтты
Ғалымдар ұялы телефонның қауіпті функциясын анықтады
Шымкенттікті телефонның "зарядкасынан" тоқ соқты: жігіт тіл тартпай кетті   
Коронавирус сынама

Қазақстанда бір тәулікте коронавирустан жеті адам көз жұмды

11
(Жаңартылды 10:03 30.11.2020)
Өткен тәулікте 794 адам инфекция жұқтырды, 43 адам пневмонияға шалдықты. Пандемия басталғалы 131 659 адамда коронавирус расталды

АЛМАТЫ, 30 қараша – Sputnik. Қазақстанда өткен тәулікте коронавирустан жеті адам қайтыс болды, деп хабарлады денсаулық сақтау министрлігі.

Ал коронавирус белгілері бар пневмониядан көз жұмғандар тіркелген жоқ.

Қазір коронавирус инфекциясынан 13 164 адам ем қабылдап жатыр, оның арасында 905 бала бар. 
Стационарларда 3 516 науқас жатыр. 9 648 адам амбулаториялық жағдайда емделуде.

Жалпы науқастардың арасында 222 адамның жағдайы ауыр, ішінде 31 науқастың жағдайы аса ауыр деп бағаланып отыр. 33 науқас жасанды тыныс алу аппаратына қосылған.

Сонымен қатар бір тәулікте 794 адам инфекция жұқтырды, 43 адам пневмонияға шалдықты.
Пандемия басталғалы 131 659 адам коронавирус инфекциясын жұқтырды, 2 034 адам қайтыс болды.

Бірінші тамыздан бастап 42 147 адам пневмонияға шалдықты, 443 адам қайтыс болды.

 

11
Тақырып:
Коронавирус эпидемиясы
Тақырып бойынша
Коронавирустың жаңа штаммы таралып жатыр – ғалымдар дабыл қақты
Ғалымдар коронавирусқа қарсы иммунитет қанша уақыт сақталатынын анықтады
ДДҰ коронавирустың үшінші толқыны туралы ескертті
Ғалымдар қай халықтың коронавирусқа көп жылдан бері бейім екенін айтты
Қанша облыс коронавирустың "қызыл" аймағында тұр