Сенаттың халықаралық қатынастар, қорғаныс және қауіпсіздік комитетінің төрайымы Дариға Назарбаева

Дариға Назарбаева Қазақстанда білім басқармаларын жабуды ұсынды

11736
(Жаңартылды 16:52 08.12.2018)
Сенатор қазір мектептер жан басына қаржыландыруға көшіп жатқанын атап өтті

АСТАНА, 5 желтоқсан — Sputnik. Сенаттың халықаралық қатынастар, қорғаныс және қауіпсіздік комитетінің төрайымы Дариға Назарбаева бүкіл Қазақстан бойынша білім басқармаларын жауып тастауды ұсынды.

Оның айтуынша, қазір мектептер жан басына қаржыландыруға көшіп жатқандықтан, енді аталған ұйымдар қажет болмайды. Бұл әрбір мектепке өз қорын жасауға мүмкіндік береді, онда демеушілер немесе донорлардың бюджеттен тыс қаражаты жиналады. 

"Әңгіме мектептерді өздігінен өмір сүруге дайындау жайлы болып отыр. Мұндай жүйе кезінде облыстық, аудандық және қалалық білім басқармалары қажет болмайды. Бұл өзекті мәселе, өйткені мектепке бөлінген қаржыны осы ұйымдар ұзақ уақыт ұстап отырады, бүгін бере ме, ертең бере ме – өз қалауы. Ол аздай, мектептің ақшасын үнемдеп, оқулықтарды немесе жөндеу жұмыстарын жете қаржыландырмайды. Содан кейін: "Ештеңе етпейді, ата-аналарға айтып, ақша жинайсыздар", — дейді. Ол жақта көптеген заң бұзушылық болып жатыр, сондықтан бұл ұйымдар жалпы қаншалықты қажет деген мәселе тұр. Мен оларды жауып тастағанын қалар едім, әрі осыған байланысты қазірдің өзінде жақсы халықаралық тәжірибе бар", — деді сенатор парламент клуарында.

Назарбаеваның пікірінше, бұл Білім және ғылым министрлігіне стандарттар мен ережелерді әзірлеу кезінде бүкіл оқу үдерісін тікелей бақылауға жағдай жасайды. 

Комитет басшысы сондай-ақ қоғамда талқыланып жатқан мұғалімдер мәртебесі туралы заңға қатысты пікір білдірді. Депутат бұл ретте мұғалімдердің жалақысын көтеріп, басқа да әлеуметтік жеңілдіктер жасау өзекті деп санайды. 

Дегенмен бірінші кезекте, Назарбаеваның айтуынша, қазақстандықтар мұғалімдерге деген көзқарасын өзгертуі керек.

"Ата-аналардың мұғалімдерге деген көзқарасын өзгертуіміз керек, өйткені ата-аналар мәселенің мәнісіне жетпей жатып, мұғалімдермен ұрсыса кететін болған. Біздің барлық ақпараттық машинамызды мұғалімдердің пайдасына икемдеуге тиіспіз. Егер педагогтар болмаса, ертең біздің балаларымызды кім оқытады", — деп сұрақ тастады Дариға Назарбаева.

Сонымен қатар, сенатор журналистердің мұғалімдерге шын ниетпен сыйлық жасауға бола ма деген сұрағына пікір білдірді.

"Мұғалімдер мен дәрігерлерге болады, министрлерге болмайды", — деп түйіндеді ол сыйлық тақырыбын.

Айта кетейік, Білім және ғылым министрлігі Қазақстан президентінің тапсырмасымен педагог мәртебесі туралы заң жобасын әзірлеп жатыр.  


11736
Кілт сөздер:
мектеп, білім беру, Сенат, Дариға Назарбаева, Қазақстан
Кітапхана, архивтегі сурет

Бес жыл ішінде Қазақстандағы мектеп кітапханалары қалай өзгереді

23
(Жаңартылды 17:06 30.10.2020)
Бүгінде білім саласындағы мектеп кітапханалары қорында 200 миллионнан астам әдебиет бар. Оның ішінде 38 миллионы – көркем әдебиеттер мен мерзімді басылымдар

НҰР-СҰЛТАН, 30 қазан – Sputnik. Алдағы бес жылда мектеп кітапханалары көркем әдебиеттермен жүз пайыз қамтылып, материалдық-техникалық базасы жақсарады. Бұдан бөлек, кітапханашылар жалақысы өседі. Бұл туралы білім және ғылым министрлігі "Оқулық" ғылыми-практикалық орталығының директоры Ғани Бейсембаев мәлімдеді, деп хабарлайды Sputnik Қазақстан тілшісі. 

Оның айтуынша, бүгінде білім саласындағы мектеп кітапханаларының қорында 200 миллионнан астам әдебиет бар. Оның ішінде 38 миллионы – көркем әдебиеттер мен мерзімді басылымдардың тізімі. 

"Дей тұрғанмен бұл басылымдардың сапасы көңіл көншітпейді. 80-90 жылдардың аяғында шыққан көркем әдебиеттер және олардың өзі 20-30 пайызы жарамсыз екені анықталып отыр. Соған байланысты мектеп кітапханаларын шұғыл түрде көркем әдебиетпен толықтыру мәселесі қолға алынып отыр", - деді Бейсембаев "Оқуға құштар мектеп" жобасының тұсаукесерінде. 

Ол мектеп кітапханаларын көркем әдебиетпен қамтуға 5 жыл уақыт қажет екенін атап өтті.  Әр жыл сайын кітапханалардың 20 проценті төрт бағыттағы көркем әдебиеттермен толықтырылып отырмақ. 
Олар: отандық классиктердің ең үздік шығармалары, қазақ тіліне аударылған әлем әдебиеттері, қазіргі замандағы ақын-жазушылардың шығармалары, анықтамалықтар, ғылыми-танымдық және оқу-әдістемелік әдебиеттер тізімі. 

"Оқуға құштар мектеп" жобасы аясында тек қана көркем әдебиеттермен  толықтыру жеткіліксіз екені түсінікті. Сондықтан да жол картасындағы екінші бағыт – мектеп кітапханаларының материалдық-техникалық базасын нығайту. Бүгінгі күні ол сын көтермейтін жағдайда. Тіпті жаңа мектептердің өзінде кітапханаға жеткілікті орынның бөлінбейтіні көрініп отыр. Сондықтан бұдан былай балалардың кітап оқуға құштарлығын дамыту үшін міндетті түрде арнайы оқу залдарының безендірілуіне мән беріледі", - деді орталық директоры. 

Сонымен қатар, айтуынша, мектеп кітапханаларын жаңа компьютерлермен қамтамасыз ету қажет.
Мектеп кітапханашылары да назардан тыс қалмайды. 

"Үшінші бағытта осы жұмысты үйлестіретін мектеп кітапханашыларының әлеуетін көтеруге мән беріліп отыр. Бұл – мектеп кітапханашыларын жалпы аттестациядан өткізу, оларды арнайы курстардан, оқытудан өткізумен қатар, педагогикалық жоғары оқу орындарында дайындалатын кітапханашы мамандығын педагог-кітапханашы деген мамандыққа алмастыру, сонымен қатар, мектеп кітапханашыларының айлығын көтеру мәселесі де жол картасында нақтыланған", - деді Бейсембаев. 

Ол жоба аясында мектеп кітапханалары толығымен цифрланатынын айтты. Биылдан бастап оқулықтардың барлығы дерлік ұлттық деректер базасына енгізілген, болашақта көркем әдебиеттер де осы базаға енеді. 

"Осы мәселелердің барлығы қолға алынған жағдайда, бес жылдың ішінде мектеп кітапханалары түгелдей дерлік көркем әдебиеттермен қамтылады.  Кітапханашылардың әлеуеті көтеріліп, жалақысы көбейеді. Материалдық-техникалық база үш жылдың ішінде жеткілікті әлемдік деңгейге көтеріледі", - деді орталық директоры. 

"Оқуға құштар мектеп" жобасы аясында бес жыл ішінде PISA оқу сауаттылығы деңгейі бірнеше есе артады деп күтілуде, деді ол.

23
Тақырып бойынша
"Бес мың кітап оқыдым": қырық жылдан бері қару-жарақ жасаған ұста кәсібінің құпиясын ашты
Қазақ қызы туралы дау тудырған кітап авторы тағы бір мәселені көтерді
"Түрме вице-министрдің көзімен": Суханбердиева кітап жазды
Нұрсұлтан Назарбаевтың кітабы латын әліпбиінде басылып шықты
Депутаттар мен министрлер ұсынған кітаптардан онлайн-кітапхана жасақталады
Қорғаныс министрлігі

Түркі елдерінің "Тұран армиясы" құрыла ма қорғаныс министрлігі жауап берді

47
Сарапшылардың пікірінше, Таулы Қарабақтағы қақтығысқа байланысты түркітілдес мемлекеттердің бірыңғай әскери блогын құру тақырыбы қайта басталды

АЛМАТЫ, 30 қазан – Sputnik. Қазақстан қорғаныс министрлігі жақында Түркия қорғаныс министрінің елге сапары кезінде түркі мемлекеттерінің бірыңғай армиясын құру тақырыбы талқыланбағанын мәлімдеді. Кейбір түрік бұқаралық ақпарат құралдары Түркия қорғаныс министрі Хулуси Акардың Қазақстанға сапарын түркітілдес елдерді біріктіретін әскери блок – "Тұран армиясын" құру идеясымен байланыстырды. Ал Қазақстанның қорғаныс министрлігі түрік БАҚ болжамын жоққа шығарды, деп хабарлайды Sputnik Қазақстан.

Сонымен қатар министрлік Қазақстан қорғаныс ведомствосына түркі мемлекеттерінің бірыңғай армиясына қатысу туралы ұсыныстар түспегенін хабарлады. Қазақстанның халықаралық әскери ынтымақтастығының күн тәртібінде мұндай мәселе тұрған жоқ.

"Екі елдің қорғаныс ведомстволары басшысының кездесуі барысында Қазақстан мен Түркия қарулы күштерінің қатысуымен қандай да бір бірлескен әскери құрамалар құру мәселелері қарастырылмағанын ресми түрде хабарлаймыз", – деді Sputnik Қазақстан тілшісіне Қазақстанның қорғаныс министрлігі.

"Тұран армиясы" құрылуына қатысты сарапшылар не дейді

Әскери ғылымдар кандидаты Георгий Дубовцевтің ойынша, Таулы Қарабақтағы қақтығысқа байланысты түркітілдес мемлекеттердің бірыңғай әскери блогын құру тақырыбы қайта басталды. Түрік сарапшыларының пікірінше, оның құрамына Әзербайжан, Қазақстан, Қырғызстан, Өзбекстан және Түркіменстан кіруі мүмкін. Алайда бұл бастаманың қолға алынуы күмән туғызады.

"Бұл сарапшылар өте маңызды жағдайды ескерусіз қалдырды. Нақты айтқанда, Қазақстан мен Орталық Азиядағы басқа елдерде пантюркизм идеялары Әзербайжандағыдай кең таралмаған. Ол халық арасында жаппай қолдауға ие болмаған, ал сараптамалық деңгейде оны даму векторының бірі ретінде қабылдайды. Сондықтан Қазақстан мен басқа да Орталық Азия елдерінің "Тұран армиясына" мүше болу болжамы – жаңа османдық бағытты жандандыру идеясын қолдайтын жекелеген түрік сарапшылары алға тартатын декларативті ұран", – деді отставкадағы полковник, әскери ғылымдар кандидаты, доцент, Қазақстан стратегиялық зерттеулер институтының сарапшысы Георгий Дубовцев Sputnik Қазақстан тілшісіне.

Қазақстан мен Түркияның әскери ынтымақтастығы

Сонымен қатар Дубовцев Қазақстан үшін Түркиямен қарым-қатынасты әр түрлі салаларда дамыту маңызды екенін, бірақ сыртқы саясатта бұл бағытқа басымдық берілмейтінін айтып өтті. Жақын орналасқан түркітілдес көршілер сияқты біздің еліміз де көпвекторлы сыртқы саясат жүргізіп отыр. Осы бағытта, егемендікті нығайту және ұлттық қауіпсіздікті қамтасамасыз ету маңызды саналатын Ресей, Қытай, ЕО елдері және АҚШ-пен ынтымақтастықты дамытуға басымдық берілетінін айтты.

Ал әскери саладағы қазақ-түрік ынтымақтастығы туралы сөз етілгенде, сарапшы бұл ең алдымен кадрлар даярлау және әскери білім беру, жауынгерлік дайындықтың бірлескен іс-шаралары, әскери қызметшілердің түрлі оқу-жаттығуларына қатысуы туралы сөз болып отырған деп есептейді.

"Әскери-техникалық салада қазақстандық қорғаныс-өнеркәсіп кешенін дамыту және қарулы күштер мен басқа да әскери құралымдарын техникалық жағынан қамтамасыз ету үшін Түрік компанияларының бірқатар инвестициялық жобаларды іске асыруы маңызды", – деп санайды Дубовцев.

Оқи отырыңыз: Оңтүстік өңірін "Тұран" облысы деп өзгерту ұсынылды

Алайда бұл Қазақстанның Ресей, Қытай, ЕО елдері және АҚШ-пен ынтымақтастықтан бас тартатынын білдірмейді. Сонымен қатар Қазақстанның Ресеймен ЕАЭО және ҰҚШҰ шеңберінде өзара одақтастық міндеттемесі бар.

47
Кілт сөздер:
Қазақстан, Түркия, түркітілдес халықтар
Тақырып бойынша
Қорғаныс министрі әскерилердің коронавирустың екінші кезеңіне дайындығы туралы айтты
Қорғаныс министрінің екі орынбасары тағайындалды
Қорғаныс министрлігі Қазақстан мен Ресей арасындағы жаңартылған шарт туралы айтты
Түркияның қорғаныс министрі Қазақстанға не үшін келгенін айтты
Астанада Тұран даңғылында екі аптаға көлік қозғалысы шектеледі
Құпия құжаттар

Журналистер өзін қалай қорғай алады - SputnikPro вебинары

0
(Жаңартылды 18:48 30.10.2020)
Шетелде қиын жағдайға тап болған бұқаралық ақпарат құралдарының өкілдері не істеуі керек? Өз проблемаңызға қоғамның назарын аударудың жолы қандай? Бұл туралы SputnikPro вебинарында

НҰР-СҰЛТАН, 30 қазан — Sputnik. Журналистер өз құқығын қалай қорғай алатынын публицист Мария Бутина айтты.

"Журналистер құқығы, негізінен, қай жерде бұзылады? Ең алдымен, контент жою, тілшілерді соққыға жығу, күш қолдану, түсірілім құрылғыларын зақымдау, қамауға алу, депортация сынды шаралар қолданылуы мүмкін", - деді Мария Бутина.

Оның айтуынша, журналистер құқығы жиі бұзылады. Әділдік орнату оңай емес. Ол үшін халықаралық ұйымдардың көмегіне жүгіну керек. 

0