Нұрсұлтан Назарбаев пен Әлия Назарбаева

Назарбаев кенже қызының бетінен сүйіп, мемлекеттік сыйлықпен марапаттады

5518
(Жаңартылды 15:58 16.12.2018)
Әлия Назарбаева мен Ақан Сатаев "Анаға апарар жол" фильмі үшін мемлекеттік сыйлыққа ие болды

АСТАНА, 14 желтоқсан – Sputnik. Қазақстан президенті Нұрсұлтан Назарбаев 2018 жылғы әдебиет пен өнер саласындағы мемлекеттік сыйлыққа ие болғандарды марапаттады, деп хабарлайды Sputnik Қазақстан тілшісі.

Бүгін Ақордада өткен салтанатты жиында Нұрсұлтан Назарбаев кіші қызы Әлия Назарбаеваны бетінен сүйіп, мемлекеттік сыйлықпен марапаттады. Назарбаева өзі бас продюсер болған "Анаға апарар жол" толық метрлі көркем фильмі үшін марапатталды. 

 Сондай-ақ мемлекеттік сыйлыққа фильмнің қоюшы режиссері Ақан Сатаев, сценарий авторы Тимур Жақсылықов, ана рөлін сомдаған Алтынай Нөгербек, Ілияс рөлін сомдаған Әділ Ахметов ие болды. 

Бұған қоса "Абай" операсы үшін опера қойылымы тобының жетекшісі Төлеубек Әлпиев, "Абай" операсындағы Абай партиясын орындаушы Сүндет Байғожин, "Астана Опера" мемлекеттік опера және балет театры" коммерциялық емес акцонерлік қоғамының директоры Ғалым Ахмедьяров та мемлекеттік сыйлық иеленді.

  • Әлия Назарбаева әдебиет пен өнер саласындағы мемлекеттік сыйлыққа ие болды
    Әлия Назарбаева әдебиет пен өнер саласындағы мемлекеттік сыйлыққа ие болды
    © Sputnik / Владислав Воднев
  • Әлия Назарбаева әдебиет пен өнер саласындағы мемлекеттік сыйлыққа ие болды
    Әлия Назарбаева әдебиет пен өнер саласындағы мемлекеттік сыйлыққа ие болды
    © Sputnik / Владислав Воднев
1 / 2
© Sputnik / Владислав Воднев
Әлия Назарбаева әдебиет пен өнер саласындағы мемлекеттік сыйлыққа ие болды

Сонымен қатар, ақын Тыныштықбек Әбдікәкімов "Алқоңыр дүние" өлеңдер мен балладалар жинағы үшін, ақын Ақұштап Бақтыгереева "Ана сыры" өлеңдер мен балладалар жинағы үшін, ақын Өтеген Оралбаев "Шуақты шақ" өлеңдер жинағы үшін марапатталды.

5518
Кілт сөздер:
мемлекеттік сыйлық, Ақан Сатаев, Әлия Назарбаева, Назарбаев
Тақырып бойынша
Назарбаев бірнеше әкім мен министрді орденмен марапаттады
Аурухана, архивтегі фото

Коронавирус пен пневмониядан тағы алты қазақстандық қайтыс болды

29
3200-ден астам адам коронавирус инфекциясынан емделіп жатыр, оның ішінде 287 бала бар, 117 адамның жағдайы ауыр

АЛМАТЫ, 29 қазан – Sputnik. Қазақстанда өткен тәулікте коронавирус пен пневмониядан алты адам қайтыс болды.

Денсаулық сақтау министрлігінің хабарлауынша, бүгінде коронавирус инфекциясынан 3 201 адам емделіп жатыр. Оның ішінде 287 бала бар.

"Стационарларда 2 289 науқас, амбулаториялық деңгейде 912 пациент емделіп жатыр. 117 адамның жағдайы ауыр, ал 13 науқастың жағдайы аса ауыр деп бағаланып отыр. 15 адам жасанды тыныс алу аппаратына қосылған. Бір тәулікте коронавирустан бес адам, пневмониядан бір адам қайтыс болды", - деп хабарлады денсаулық сақтау министрлігі.

Оқи отырыңыз: Қазақстанда коронавирус жұқтырғандардың саны күрт өсті 

Айта кетейік, өткен тәулікте республикада 268 адамның коронавирус жұқтырғаны белгілі болды. Сонымен қатар 174 адамға коронавирус белгісі бар пневмония диагнозы қойылды.

Пандемия басталғаннан бері Қазақстанда 111 100 адам коронавирус инфекциясын жұқтырды, 1 840 адам қайтыс болды. 37 378 адам пневмониямен ауырып, 397 адам қайтыс болды.

29
Кілт сөздер:
коронавирус
Тақырып:
Коронавирус эпидемиясы
Тақырып бойынша
Тоқаев заңнамаға вакцинаны уақытша тіркеу түсінігін енгізуді тапсырды
Бекшин коронавирус жұқтырғандардың қай елдерден көп келетінін айтты
Қарашадан бастап бес уақыт намазды мешітте оқуға болады
Францияда жалпыұлттық карантин қайта енгізілетін болды
Зертхана, архивтегі фото

Қазақстанда коронавирус жұқтырғандардың саны күрт өсті

516
(Жаңартылды 13:14 29.10.2020)
Антирейтинге Шығыс Қазақстан облысы көш бастады – мұнда бір тәулікте жүзден астам адамнан инфекция табылды  

НҰР-СҰЛТАН, 29 қазан – Sputnik. Қазақстанда өткен тәулікте 268 адам коронавирус індетін жұқтырғаны белгілі болды, деп хабарлады коронавирустың таралуына жол бермеу жөніндегі ведомствоаралық комиссия.

Бұл бір күн бұрынғы көрсеткішпен салыстырғанда екі еседей көп, 28 қазанда 148 науқас тіркелген болатын.

Оқи отырыңыз: Францияда жалпыұлттық карантин қайта енгізілетін болды 

Науқастардың саны жағынан Шығыс Қазақстан облысы көш бастап тұр, мұнда бірден 139 адамнан вирус анықталды.

Өңірлер бойынша мәлімет:

  • Нұр-Сұлтан қаласы – 33,
  • Алматы қаласы – 12,
  • Шымкент қаласы – 2,
  • Ақмола облысы – 10,
  • Ақтөбе облысы – 2,
  • Алматы облысы – 5,
  • Атырау облысы – 4,
  • Шығыс Қазақстан облысы – 139,
  • Жамбыл облысы – 3,
  • Батыс Қазақстан облысы – 9,
  • Қарағанды облысы – 10,
  • Қостанай облысы – 7,
  • Қызылорда облысы – 6,
  • Павлодар облысы – 12,
  • Солтүстік Қазақстан облысы – 13,
  • Түркістан облысы – 1.

Жалпы ел бойынша ауырғандар саны –111 100.

516
Кілт сөздер:
Қазақстан, коронавирус
Тақырып бойынша
Коронавирусқа қарсы вакцина салдырған еріктілер вирус жұқтырды
Қарашадан бастап бес уақыт намазды мешітте оқуға болады
Бекшин коронавирус жұқтырғандардың қай елдерден көп келетінін айтты
Екінші тоқсанда 1,2 миллион оқушы мектепке барып оқиды
Әлемде бір аптада COVID-19 жұқтырғандар саны рекордтық көрсеткішке жетті
Тоқаев заңнамаға вакцинаны уақытша тіркеу түсінігін енгізуді тапсырды
Қазақстанның ұлттық валютасы

Парламент бюджетке түзетулерді қабылдады: қосымша ақша қайда жұмсалады

13
Медициналық қызметкерлерге материалдық қолдау көрсету және коронавирустың екінші толқынына қарсы белсенді шаралар қабылдау үшін 238,7 миллиард теңге қосымша қаржы қарастырылды

НҰР-СҰЛТАН, 29 қазан – Sputnik. Сенат 2020 жылға арналған республикалық бюджетке түзетулерді қабылдап, мемлекет басшысының қол қоюына жіберді, деп хабарлайды Sputnik Қазақстан тілшісі.

"Республикалық бюджетті нақтылаудың негізгі міндеті – медициналық қызметкерлерге материалдық қолдау көрсету және коронавирустың екінші толқынына қарсы белсенді шаралар қабылдау. Осы мәселелерді шешу үшін 238,7 миллиард теңге қосымша шығыстар көзделді", - деді қаржы министрі Ерұлан Жамаубаев сенаттың жалпы отырысында.

Ақша мынадай бағыттарға жұмсалады:

  • карантин шараларын жүргізуге тартылған медицина қызметкерлеріне жалпы сомасы 143,4 миллиард теңгеге қосымша ақы төлеу;
  • тегін медициналық көмектің кепілдендірілген көлемі аясында COVID-19-дың таралуына жол бермеу мақсатында медициналық қызметтерге ақы төлеу – 83,2 миллиард теңге;
  • ішкі істер органдарының қызметкерлеріне эпидемияға қарсы іс-шараларға қатысқаны үшін сыйлықақы төлеу –  11,7 миллиард теңге;
  • әкімшілер ұсынған қаражатты қайта бөлуді ескере отырып, экономиканың нақты секторын дамытуға және күш құрылымдарын әлеуметтік қолдауға – 261,7 миллиард теңге.

"Осы қаражат есебінен өндірісті ынталандыруға бағытталған бірқатар шара мен жобаны іске асыру және халықтың өмір сүру сапасын жақсарту мен табысын ұлғайту жоспарлануда", - деді министр.

Оқи отырыңыз: Ұлттық банк қазақстандықтардың кредиті көбейетінін болжап отыр 

Ол барлық мемлекеттік бағдарламаның іс-шараларын жеткілікті қаржымен қамтамасыз ету көзделгенін атап өтті. Бұдан бөлек, бюджетті нақтылау аясында президент жарлығына сәйкес мемлекеттік органдар құру және қайта ұйымдастыру бойынша қаражатты қайта бөлу жүзеге асырылды.

Нәтижесінде, республикалық бюджеттің параметрлері келесідей қалыптасты. Республикалық бюджет түсімдері 12 триллион теңге көлемінде анықталды. Тапшылық жалпы ішкі өнімге 3,5 процент деңгейінде сақталды. Республикалық бюджет шығыстарының көлемі 14,5 триллион теңгені құрайтын болады.

13
Кілт сөздер:
парламент, коронавирус, бюджет
Тақырып:
Коронавирус эпидемиясы