Томирис

Қазақстандықтар 2019 жылы асыға күтетін бес фильм

1016
(Жаңартылды 18:38 03.01.2019)
1 қаңтарда қандай фильмдер көруге болады және келер жылы қандай премьераларды жіберіп алмауымыз керек?

АСТАНА, 30 желтоқсан — Sputnik. 2019 жылы көрермен қауым қай туындылардың билеті үшін ақша төлеуге әзір?  оқырман назарына келер жылдың көптен күткен фильмдерін ұсынады. 

1 қаңтар күні қай киноны көруге болады?

Жаңа жылдың алғашқы күні әдетте тыныш: адамдар мерекеден кейін ұйқыларын қандыруға тырысады. Алайда кинотеатр қызметкерлері жыл сайын 1 қаңтарда таңертеңгілік сеансқа келушілердің саны артып келе жатқанын айтады. Қазақстандықтарды қандай премьералар күтіп тұр?

"Кімсің дәрігер: Шешім" (Ұлыбритания)

"Кімсің дәрігер" — 50 жылдан астам уақыт көгілдір экраннан түспей келе жатқан әлемдегі ең танымал телехикаялардың бірі. Дәстүрге сай үлкен экраннан көрсету үшін "жаңажылдық арнайы шығарылымдар" түсіріледі. Аталған туынды қазақстандық көрермендерді алғаш рет 2017 жылы қуантты.

Уақыт саяхатшысы туралы фильмнің жаңа маусымында Джоди Уиттакер атты әйел ойнайды. Тағы бір жаңалық — жаңа команда жаңажылдық шығарылымның орнына "жаңажылдық спешиал" әзірлеген.

Өкінішке орай, "Кімсің дәрігер: Шешім" фильмін Қазақстанда 1 және 2 қаңтар күндері тек Алматы қаласында көрсетеді.

Қар ханшайымы: Айнаның артында (Ресей)

Балалармен бірге көру үшін таптырмас мультфильм. Андерсонның әйгілі ертегісіне аздаған өзгеріс енгізіліп, сүйікті кейіпкерлер жаңа қызықты оқиғаларға тап болады. Мультфильм көтеріңкі көңіл-күй сыйлайтыны сөзсіз!

Қаңтардың басқа премьералары

3 қаңтардан бастап Қазақстанда 2015 жылғы "Қардағы қырғын" балалар мультфильмінің жалғасы — "Қардағы көлік жарысы" шығады (Канада).

Отбасымен бірге отырып "Мэри Поппинс қайта оралады" атты фильмді көруге болады (АҚШ).

Танымалдылық жағынан рекорд орнатқан "Рублевканың полицейлері. Жаңажылдық былық" комедиялық телехикаясының үлкен экранға арналған нұсқасы түсірілді (Ресей).

Режиссер қызықты эксперимент жасады. Осы күнге дейін жас шектеулеріне байланысты кіре алмағандар үшін кинокомиксті қайта өңдеп, жаңа кейіпкер мен 15 минуттық көрініс қосып, "Ертеде өмір сүрген Дэдпул" атты фильм дайындады.

Тағы бір ресейлік "Т-34" атты көптен күткен туынды 10 қаңтар күні жарыққа шығады.

Осы күні "Келін де адам — 2" комедиялық сиквелдің премьерасы болады.

2019 жылдың басты бес фильмі

Жаңа жылда қазақстандықтар қандай кинопремьераларды асыға күтіп жүр?

халық арасында сауалнама жүргізіп, көрермен қауым міндетті түрде барып көретін бес фильмді анықтады.

"Томирис" (Қазақстан)

Фильм Томирис ханшайымның рөліне кастинг жарияланған күннен бастап жұрттың қызығушылығын тудырды. Түсірілімнің ауқымдылығы, өзіне сенімді актриса, шынайы тарихи деректер мен жантебірентерлік көріністер — осының барлығын жұрт Ақан Сатаевтың жаңа фильмінен асыға күтіп жүр.

Картина мамырдағы мерекелерге орай шығады деп жоспарланып отыр, оның продюсері — Әлия Назарбаева.

"Тартылыс-2" (Ресей)

Федор Бондарчуктың қиял-ғажайып блокбастерінің жалғасы тек 2019 жылдың соңында көрсетіледі. Алайда оның трейлері әзірдің өзінде көптің талқысына түсіп жатыр.

"Алладин" (АҚШ)

1992 жылы түсірілген классикалық мультфильмнің ремейкі көрерменге мамырда жол тартады. Аталған туындының режиссері танымал британиялық Гай Ричи, ал Джинды мықты актер Уилл Смит сомдайды.

"Қара киген адамдар: Интернэшнл" фильмі (АҚШ)

Командадан Уилл Смит пен Ли Джонс "кетті". Десе де бұл жолы сиквелді жаңа қызықты кейіпкерлер толықтырды.

Бірінші бөлімі 1997 жылы, екіншісі 2002 жылы шықты. Олардың екеуі де хитке айналды.

Крис Хемсворт, Тесс Томпсон және Лиам Нисон көрермен қауымның жүрегін жаулай алар ма екен? Оны маусым айында көретін боламыз.

"Арыстан патша" (АҚШ)

Әйгілі мультфильмнің ремейкі. Бала күннен бері таныс мультфильм кейіпкерлеріне жан бітіп, музыкасы әдеттегідей тамаша болады. Ал достық, жақсылық пен жамандық, отбасы мен мәңгілік құндылықтар туралы оқиға бұрынғыдай еліктіре түседі.

Мультипликациялық мюзиклді шілде айынан бастап кинотеатрдан көруге болады.

1016
Кілт сөздер:
Ақан Сатаев, Томирис, фильм, кинотеатр, жаңа жыл, 2019 жыл
Тақырып:
Жаңа жыл 2019: Доңыз жылында бізді не күтіп тұр? (31)
Тақырып бойынша
Қазақстанда кино билеттері қымбаттады
Кино көрудің үкімі қандай?
"Айка" фильмі Норвегиядағы кинофестивальде жеңімпаз атанды
Нұртас Адамбайдың фильмі АҚШ-та 3 жүлдені жеңіп алды
"Әміре" фильмі Голливудте үздік деп танылды
Қазақ қызы түскен "Айка" фильмі прокатқа күзде шығады
Архивтегі фото

35 адам бас санитар дәрігерді сотқа берді шешім қабылданды

387
Сот бас санитар дәрігердің қаулыларын заңсыз деп тануға ешқандай негіз жоқ екенін мәлімдеді

НҰР-СҰЛТАН, 24 қыркүйек –  Sputnik. Нұр-Сұлтан қаласының әкімшілік сотына 35 адам арызданды. Барлығы бас мемлекеттік санитар дәрігердің қаулысында көрсетілген талаптарды заңсыз деп тануды талап еткен, деп хабарлайды Sputnik Қазақстан.  

Сот материалдарына сәйкес, арызданушылар вакцина алмаған жұмыскерлер үшін міндетті ПТР-тест енгізу, профилактикалық екпе жасау, сондай-ақ вакцина салдырмағандарды жұмысқа кіргізбеу сияқты тармақтарды заңсыз деп санайды.

"Қаулы конституциялық нормаларды бұзады, өмірге қауіп төндіреді және денсаулыққа зиян келтіреді, адамдардың еңбек ету құқығын бұзады. COVID-19 вакцинасы тексерілмеген", - дейді олар.

Әкімшілік сот бас мемлекеттік санитар дәрігер шығарған қаулылардың бір бөлігін заңсыз деп тану және күшін жою туралы шағымды қанағаттандырудан бас тартты.

"Сот қаулыларды шығару кезінде заңнама нормаларының бұзылуын анықтаған жоқ. Азаматтардың еңбек құқықтары бұзылмаған, өйткені COVID-19-ға қарсы вакциналанбаған жұмыскер кепілдендірілген еңбек құқықтарын сақтайды, еңбек функцияларын қашықтан жүзеге асыруға рұқсат етіледі. Ол үшін қажетті жағдайлар жасалуда", - делінген сот үкімінде.

Судьяның айтуынша, қаулылардың даулы тармақтары вакциналауды ұйымдастыру мәселесін регламенттейді. Оны вакциналауды міндеттеу деп қабылдауға болмайды. Ал Қазақстан Республикасының фармацевтикалық нарығына қандай да бір вакцинаны кіргізу препараттың қойылатын талаптарға сәйкестігін білдіреді.

"Анықталған мән-жайлардың бәрін, жалпы әлемдік инфекциямен күресуге бағытталған шараларды қабылдаудың қажеттілігін ескере келіп, сот бас санитар дәрігердің қаулыларын заңсыз деуге негіз жоқ деп тапты", - деді судья.

Оқи отырыңыз:

387
Тақырып:
Коронавирус эпидемиясы
Архивтегі фото

Тоқаев айтқан бустерлік вакцина кімге салынады? 

59
Қазақстанда бустерлік вакцинаға қатысты нақты шешім қабылданған жоқ. вакцинадан кейінгі иммунитеттің қанша уақытқа дейін сақталатынын жан-жақты зерделеп жатыр

НҰР-СҰЛТАН, 24 қыркүйек – Sputnik. Бүгінде бүкіл әлемде бустерлік вакцинаны салдыру мәселесі кеңінен талқыланып жатыр. Ал кейбір мемлекеттер оны егуге кірісіп кеткен. Себебі коронавирустың жаңа штамдары көбейіп барады. Оған қоса, вакцинадан кейін ауырып қалатын адамдардың саны артып келеді. Енді иммунитетті күшейту үшін үшінші дозаны салу қажет. Қазақстан президенті Қасым-Жомарт Тоқаев та биылғы жолдауында бустерлік вакцина туралы айтты. Бірақ оны қашан және кімге егеді? Үшінші доза коронавирусқа қарсы иммунитетті күшейте ала ма? Ревакциналау қалай өтеді? Sputnik Қазақстан осы мәселелерді зерделеп көрді.

Бустерлік вакцинаны егуге кірісті

Қазіргі кезде коронавирусқа қарсы вакцина алғандардың арасында вирус жұқтырған адамдардың саны көбейіп жатыр. Ал кейбір ғалымдар оны жаңа штамдардың таралуымен байланыстырып отыр. Дегенмен бір мәселе анық, адамдардың коронавирусқа қарсы иммунитеті төмендеп қалған. Осыған байланысты бірқатар мемлекетте бустерлік вакцинаны салу шаралары басталды.

Мәселен вакциналау жағынан оқ бойы озық тұрған Израиль карантинді жеңілдетіп, бетпердені шешуге рұқсат берсе де, аз уақыттан кейін қайтадан шектеу шараларын енгізуге мәжбүр болды. Себебі вирус жұқтырғандардың саны көбейе бастады. Жақында ревакциналау қолға алынды. Әуелі екпенің үшінші дозасы 60 жастан асқан адамдарға егілсе, артынан 40 жастағылар да қосылды. Мұғалімдер, медицина қызметкерлері мен жүкті әйелдерге бустерлік вакцина салуға шешім қабылданды.

Осы елдің денсаулық сақтау министрлігі таратқан мәліметке сәйкес, екпенің екі дозасын алған зейнеткерлер бустерлік вакцина салдырса, коронавирусқа қарсы иммунитет 5-6 есеге күшейеді.

Ал Грекияда медицина қызметкерлері коронавирусқа қарсы вакцинаның үшінші дозасын алуға міндеттелді. Ондай талап басқа саладағы қызметкерлерге де қойылады деген жоспар бар.

АҚШ сарапшылары бустерлік вакцинаны тек 65 жастан асқан адамдарға ғана салуға кеңес беріп отыр. Дегенмен коронавирусты жұқтырғаннан кейін аурудың асқыну қаупі болса, 18 жастан асқандардың барлығы үшінші дозаны ектіре алады. Бірақ жаппай ревакциналауға рұқсат жоқ.  

Ұлыбритания болса, 50 жастан бастап бустерлік вакцинаны егуге кірісті. Бұдан бөлек, Италия, Германия, Венгрия мен Франция үшінші дозаны салу шараларын бастап кетті. Олардың бәрі Pfizer немесе Moderna-ның бір дозасын бустерлік вакцина ретінде қолданып жатыр. Ал Ресей коронавирусқа қарсы имунитеті төмендеп қалған адамдарға "Спутник Лайтты" салдыруға кеңес берді.  

Дүниежүзілік денсаулық сақтау ұйымы не дейді?

Өткен айда Дүниежүзілік денсаулық сақтау ұйымы ревакциналауға уақытша мораторий енгізуге шақырды. Ұйым басшысы Тедрос Аданом Гебреисус қыркүйектің аяғына дейін күте тұруды сұрады. Әйтпесе кедей елдерге вакцина жетпей жатыр. Қазіргі вакциналардың бір дозасын бустерлік екпе ретінде қолданса, коронавирусқа қарсы препараттардың тапшылығы туындайды.

Ғалымдардың айтуынша, вакциналау барлығына бірдей болуы керек. Сонда ғана пандемияны тоқтатуға болады. Өйткені бір елдің халқы толығымен вакцина алса да, екпе алмаған мемлекетте вирус мутацияға түсе береді. Артынан ол бәрібір жан-жаққа таралып кетеді. Сондықтан вакциналау шаралары кезінде өзара теңдік принципін ұстанған жөн.

Қазақстанда бустерлік вакцина бола ма?

Қазақстанда бустерлік вакцинаға қатысты нақты шешім қабылданған жоқ. Ғалымдар коронавирусқа қарсы вакцинадан кейінгі иммунитеттің қанша уақытқа дейін сақталатынын жан-жақты зерделеп жатыр. Соның негізінде шешім қабылданады.

"Вакцинадан кейін уақыт өте келе, адам ағзасындағы антиденелердің саны азаяды. Біреуде бір жыл, енді біреуде бес жылға дейін сақталады. Созылмалы ауруы болса, иммунитеттің қорғану қабілеті жылдам төмендейді. Сол себепті бустерлік вакциналау немесе ревакциналау жасалады. Шетелде ондай шаралар басталып кетті", - деді профессор Ләззат Ералиева Sputnik Қазақстан тілшісіне берген сұхбатында.    

Қазақстандық ғалымдар алдымен қауіп-қатер тобына кіретін мамандарды, атап айтқанда, дәрігерлер мен мұғалімдерді, сондай-ақ, созылмалы ауруы бар және егде жастағы адамдарды ревакциналау қажет деп санайды. Алайда әзірше нақты шешім жоқ. Бустерге қолданылатын вакцина да анықталмапты.

"Қазіргі кезде біз осы мәселені зерделеп жатырмыз. Мысалы адам вакциналау кезінде QazVac салдырды. Ал ревакциналау үшін қандай екпені алуға болады? Біз осыны зерттеп, әлемдік тәжірибені де бақылап отырмыз. Мәселен Израильде үш вакцина – Pfizer, Moderna мен AstraZeneca тіркелген. Олар ревакциналауды қолда бар екпемен жасап жатыр. Біз де ревакциналауға қатысты шешім шығарған кезде өзімізде тіркелген вакциналарды қараймыз. Оған дейін Pfizer де келетін шығар", - деп атап өтті Ералиева. 

Ал биологиялық қауіпсіздік институтының мамандары QazVac-тың "дельта-штамға" төтеп бере алатынын мәлімдеді. Сондықтан ревакциналау кезінде отандық екпені де қарастыруы әбден мүмкін.

Тоқаев қандай тапсырма берді?

Осы айдың басында халыққа жолдау жасаған мемлекет басшысы Қасым-Жомарт Тоқаев денсаулық сақтау саласын тұрақты екпе алу жүйесіне дайындауды тапсырды. Осы орайда президент адамзаттың талай індетті бастан өткергенін, ал вакцина табылғаннан кейін қауіпті дерттерге тосқауыл қойғанын еске салды.

"Алдағы уақытта әлемде коронавирустың жаңа штамдары шығуы мүмкін. Сарапшылар басқа да індеттер пайда болатынын айтты. Біз оның қашан болатынын күтіп, қарап отыра алмаймыз. Осындай жағдайда өмір сүріп, ары қарай дамуға бейімделуіміз керек. Қазір бустерлік вакцинаны сатып алу өте маңызды", - деді Тоқаев.

Бұған дейін денсаулық сақтау министрі Алексей Цой да вакцинаны қайта егу шаралары туралы айтқан. Оның сөзіне қарағанда, Қазақстанда халықтың басым бөлігі маусым-шілде айларында екпе салдырды. Сол себепті әзірше антиденелердің деңгейі әлі жоғары болып тұр. Ал ревакциналауды 9 айдан кейін жасауға болады. Дегенмен екпені ақпан айында салған адамдар да бар.

"Мәселен ақпан айында алғашқы болып вакцина салдырған адамдарға қазан айына қарай екпені қайта салу қажет. Оның уақыты шамамен 1 қазан", - деді Цой отырыстардың бірінде.

Қазақстан ревакциналау тәртібін пысықтап алғаннан кейін Дүниежүзілік денсаулық сақтау ұйымымен консультация жүргізеді. Содан кейін ғана вакцинаны қайта салу шаралары басталады.

59
Тақырып:
COVID-ке қарсы вакцина
Пожар возле лицей №60 в Сарыаркинском районе столицы

Нұр-Сұлтанның оң жағалауында салынып жатқан ғимарат өртенді видео

0
(Жаңартылды 20:29 24.09.2021)
Өрт сағат 19.49-да оқшауланды. Қаза тапқандар мен зардап шеккендер жоқ

НҰР -СҰЛТАН, 24 қыркүйек – Sputnik. Өрт елордада салынып жатқан тұрғын үй кешенінен басталды.

Бұл туралы Нұр-Сұлтан қаласының төтенше жағдайлар департаменті хабарлады.

Сағат 19.35-те өрт сөндірушілер Кенесары көшесі, 3А мекенжайында түтін көрінгені туралы хабарламаға шығып кетті.

Өрт сөндірушілер оқиға орнына 7 минут ішінде жетіп, жаңадан салынып жатқан тұрғын үй кешенінің аумағында 50 шаршы метр аумақта рубероид жабыны мен жиналған қоқыс өртеніп жатқанын анықталды.

Өрт сағат 19.49-да оқшауланды.

Қаза тапқандар мен зардап шеккендер жоқ.

0