Қоғам

"Орта жүзден" Нью-Йоркте тұратын америкалық қазақтың күйеу баласымын деп мақтанды

© PhotoҮйлену тойы
Үйлену тойы - Sputnik Қазақстан
Жазылу
Қазақстанға барған кезде Стив үнемі қазақ тіліндегі әдебиеттер мен газет-журналдарды сатып алып жүреді

АСТАНА, 25 қаңтар – Sputnik. Нью-Йоркте тұратын америкалық Стив Росси Қазақстанның салт-дәстүрі мен әдет-ғұрпын ерекше ұнатады екен. Бірнеше жылдан бері қазақ халқы туралы деректерді іздеп тауып, оқып жүрген көрінеді.

Анар отбасымен бірге - Sputnik Қазақстан
Қоғам
"Біздің отбасыда тәртіп басқаша" Америкалыққа тұрмысқа шыққан қазақ қызының әңгімесі
Стив Росси Нью-Йоркте туып-өскен, спортқа құмар. Бокс бапкері болып жұмыс істейтін ол бос уақытында Қазақстан тарихын зерттейді, деп хабарлайды Хабар 24. 

Жұбайының есімі – Диана, Орта жүзден екен. 

"Менің әйелім – Орта жүзден. Кітаптан Орта жүз туралы оқыдым. Әсiресе, Абылай хан туралы", — дейді Нью-Йорк тұрғыны. 

Сондай-ақ Стив Қазақстан президенті Нұрсұлтан Назарбаев туралы кино көргенін, онымен кездескісі келетінін айтты. 

Қазақстанға барған кезде Стив үнемі қазақ тіліндегі әдебиеттер мен газет-журналдарды сатып алып жүреді. Нью-Йоркке оралғанда, бос уақытында, әдетте жұмысқа барып қайтқанда, метрода оқиды. 

"Мен қазақтың күйеу баласымын. Бiр ұлым бар, 10 жас 5 айда, аты Тимур. Нью-Йоркте тусам да, Қазақстан мәдениеті жүрегімде тұрады. Қазақ адамдары өте жақсы", — дейді Стив. 

Америкалық жігіт Қазақстанда екі рет болыпты. 

"Қазақтың тағамдары өте дәмді, әсіресе маған ет, палау, қуырдақ, қымыз, шұбат ұнайды", — деп ағынан жарылды Нью-Йорк тұрғыны. 

Тағы оқыңыз: 

Стив Қазақстан жаңалықтарын мұқият бақылап, еліміздің жетістіктеріне шын жүректен қуанады. Ол болашақта Қазақстанның қарқынды дами беретініне сенімді.

Жаңалықтар
0