Босқындар, архив сурет

Сирияда құтқарылған қазақстандықтар туралы көркем фильм түсіріледі

748
(Жаңартылды 18:27 26.02.2019)
Фильм Сириядағы қазақстандықтарды елге қайтаруға бағытталған "Жусан" операциясының желісімен түсірілмек

Астана, 26 ақпан – Sputnik. Qazaqstan РТРК басқарма төрағасы Ерлан Қарин Сирияның соғыс аймағындағы қазақтарды елге қайтаруға бағытталған "Жусан" операциясы туралы көркем фильм түсірілетінін айтты.

Ұлттық қауіпсіздік комитетінің ресми мәліметінше,"Жусан" операциясы аясында 6 ер адам, 11 әйел және 30 бала елге қайтарылған. Арнайы операция бір ай жүргізіліпті.

Ерлан Қариннің сөзіне сүйенсек, қазір Сириядағы Ислам мемлекетінің* (Қазақстан, Ресей және тағы басқа бірқатар елде тыйым салынған террорлық ұйым) бақылауында болған аумақта 5-6 лагерь бар. Тек бір лагерьдің өзінде 30 мыңға жуық әйел мен бала тұрып жатыр.

Сирияда бірнеше қазақстандық өлім жазасына кесілді

"Қазір Еуропа елдері мен АҚШ "әйелдер мен балаларды елдеріне қалай қайтарамыз" деп дауласып жатыр. Ал Қазақстан алғашқылардың бірі болып балалардың қауіпсіздігін қамтамасыз ету үшін қатерлі "Жусан" операциясын жүзеге асырды, 30 баланы елге қайтарды. Бұл қоғамда резонанс тудырды", - деді ол орталық коммуникациялар қызметіндегі брифингте.

Осы орайда Ерлан Қарин биыл арнайы операция туралы көркем фильм түсірілетінін атап өтті.

"Қоғам қайраткерлері, депутаттар осы оқиғаны жан-жақты көрсету мақсатында көркем фильм түсіру идеясын ұсынды. Арнайы операция жүзеге асқан бойда оқиға желісімен кино түсірсек деген идея қызу талқыланды. Қазір сценарийі әзірленіп жатыр. Басты түсірілім шілде-тамыз айларында өтеді. Түсірілім жұмыстарын биыл аяқтауды жоспарлап отырмыз. Қазір бірнеше шығармашылық топпен кездесіп, олардың ұсынысын қарап жатырмыз", - деді басқарма төрағасы.

Сонымен қатар, Қарин білікті режиссер мен шығармашылық топты іздеп жатқанын атап өтті. Көркем фильм Қазақстан мен оның аумағынан тыс жерде түсіріледі екен.

"Ұлым Сирияда қаза тапты" Келіні мен немерелерін зарыға күтіп жүрген әйелдің оқиғасы

"Жусан" операциясының толық хронолиясын сақтауға тырысамыз. Фильм кең аудиторияға арналғандықтан, оған басқа да элементтер қосылады", - деді Ерлан Қарин.

Басқарма төрағасы фильмнің ақшалай шығынын кім көтеретінін айтқан жоқ. Ол фильмнің бюджеті толық сценарий жазылғаннан кейін белгілі болатынын мәлімдеді.

Сириядан елге қайтарылған 7 қазақстандық тергеліп жатыр

Айта кетейік, биылғы жылдың басында Ұлттық қауіпсіздік комитеті департаментінің басшысы Бақытбек Рахымбердиев БАҚ өкілдеріне мәлімдегендей, Сирияда әлі де 370-380-ге тарта Қазақстан азаматы қалған. Олардың үштен екі бөлігі - әйелдер, бұдан бөлек 400-500 бала бар.

748
Кілт сөздер:
Ерлан Қарин, фильм, Сириядағы қазақстандықтар
Ескі электроесептеуіш

Маман үйдегі розетканың адамға қандай қауіп төндіретінін айтты

11
(Жаңартылды 11:16 30.11.2020)
Электромагниттік сәулелер эндокриндік, жүрек-қан тамырлары және иммундық жүйеге зақым келтіруі мүмкін

НҰР-СҰЛТАН, 30 қараша – Sputnik. "Экология жизненного пространства" зертханасының директоры, эколог-сарапшы Антон Ястребцев электромагниттік сәуленің зиянын қалай азайтуға болатынын айтты.

"Адам электромагниттік сәулелермен үнемі ұшырасады. Ол бірте-бірте орталық жүйке жүйесіне теріс әсер етуі мүмкін. Эндокриндік, жүрек-қан тамырлары және иммундық жүйеге зақым келтіруі ғажап емес. Электромагниттік сәулелерден құтылу қиын, өйткені біздің айналамыз электр құрылғыларына толы, алайда оның теріс әсерін барынша азайтуға болады", - деді Ястребцев Sputnik радиосына берген сұқбатында.

Айтуынша, бұл үшін розетканы жерге тұйықтау қажет. Әйтпесе, тоққа қосылған кез келген құрылғы электромагниттік сәулелердің көзіне айналады.

Сонымен қатар, сарапшының айтуынша, катушкаға оралған ұзартқыштан шығатын электромагниттік сәулелердің де әсері өте күшті. Сондықтан оны сымдары шатасып кетпес үшін орамаған абзал және бір мезетте бірнеше құрылғы қосуға болмайды.

Маман пәтердегі сәулеленудің ең күшті көзі электр қалқанынан тартылған сыртқы кабель екенін атап өтті.

11
Құлаққап, телефон

Құлаққап денсаулыққа зиян келтірмеуі үшін қалай қолдану қажет дәрігер кеңесі

148
(Жаңартылды 10:36 30.11.2020)
Дамыған елдер халқының 25%-інде 50 жасқа дейінгі азаматтардың есту қабілеті нашарлаған. Дәрігер құлаққап таққан кезде дыбыс деңгейінің қандай болуы қажет екенін айтты

АЛМАТЫ, 30 қараша – Sputnik. Дәрігер әрі тележүргізуші Александр Мясников құлаққаптың адам денсаулығына қандай зиян келтіретінін айтты, деп хабарлайды РИА Новости.

"Қауіпсіз құлаққап болмайды. Қауіпсіз – бұл 80 децибел, ал құлаққаптарда 100 және 120 децибел болуы мүмкін", - дейді Мясников "Россия 1" телеарнасының эфирінде.

Дәрігердің айтуынша, адам құлаққапты үш-төрт жыл қолданғаннан кейін есту қабілеті нашарлай бастайды.

Осыған байланысты дамыған елдер халқының 25%-інде 50 жасқа дейінгі азаматтардың есту қабілеті нашарлаған.

Ал құлаққап тағып жүрген кезде адам өз даусы мен жанындағы адамның сөзін еститіндей болса, бұл қалыпты болып саналады. Ал басқа жағдайда дыбысты бәсеңдету керек. Сондай жағдайда құлаққаптар аз зиян келтіреді.

148
Кілт сөздер:
пайдалы кеңес, дәрігер, есту қабілеті
Тақырып бойынша
Ай сайын смартфоннан нені өшіріп тұру қажет - маман кеңесі
Мамандар телефонда қандай смс сақтауға болмайтынын ескертті
Дәрігер телефонның жарығы орны толмас өкінішке әкелуі мүмкін екенін айтты
Ғалымдар ұялы телефонның қауіпті функциясын анықтады
Шымкенттікті телефонның "зарядкасынан" тоқ соқты: жігіт тіл тартпай кетті   

Ақтаудан Стамбұлға шыққан ұшақ қайта оралуға мәжбүр болды

2
Рейсті орындау кезінде жолаушылардың бірі өзін жайсыз сезінген. Ақтауда жолаушыны медициналық қызмет мамандары қарсы алды

НҰР-СҰЛТАН, 30 қараша — Sputnik. Стамбұлға аттанған жолаушылар ұшағы Ақтауға қайта оралды. Борттағы жолаушының денсаулығына байланысты осындай шешім қабылданды, деп хабарлады SCAT компаниясы Sputnik Қазақстанға.

"Рейсті орындау кезінде жолаушылардың бірі өзін жайсыз сезінген. Әуе кемесінің командирі Ақтауға қайта оралу керек деп шешті. Жолаушыны медициналық қызмет мамандары қарсы алды. Тиісті процедуралардан кейін ұшақ Стамбұлға аттанды. Жолаушылардың қауіпсіздігі - біз үшін басты назарда", - деді әуе компаниясының баспасөз қызметі.

Бұған дейін ұшу-қону жолағында мұз қатуына байланысты Air Astana ұшағы Орал қаласында қона алмағаны хабарланған болатын. Рейс бағытын өзгертуге тура келді. Әуе кемесі командирінің шешімі бойынша ұшақ Ақтөбе әуежайына қонды.

Тағы оқыңыз: Ұшақ Алматыны бір сағат айналып ұшты: Air Astana не болғанын түсіндірді

2
Кілт сөздер:
ұшақ, Стамбул, Ақтау
Тақырып бойынша
Қазақстандықтар желіде "у шашқан" ұшақтың видеосын таратып жатыр
Бортта 115 жолаушы болған: Атырауда бір топ құс ұшаққа соғылды – видео
Алматыға шыққан ұшақ екі сағаттан соң Атырауға қайта оралды
Жеке ұшақ, қымбат көлік, бірнеше коттедж: Ертаев пен Ибрагимнің мүлкі тәркіленді
Испан кемпірқосағы мен отқа оранған ұшақ: Aerial Photography Awards 2020 үздік суреттері