Қоғам

"Бұрқасын мен қатты жел" Синоптиктер демалыста ауа райы қандай болатынын айтты

© Sputnik / Тимур БатыршинҚолшатыр ұстаған бойжеткен
Қолшатыр ұстаған бойжеткен  - Sputnik Қазақстан
Жазылу
"Қазгидромет" РМК алдағы 2-4 наурыз күндеріндегі ауа райына болжам жасады

АСТАНА, 1 наурыз – Sputnik. Синоптиктердің болжамынша, алдағы демалыс күндері республиканың басым аумағында қар жауып, бұрқасындатады, көктайғақ болады, деп хабарлайды Sputnik Қазақстан.

Бәйшешек - Sputnik Қазақстан
Өңірлер
Көктемнің алғашқы күндері ауа райы қандай болады?
"Қазгидрометтің" ақпаратынша, елімізге Орталық Азия мен Ресейдің еуропалық бөлігінен біруақытта циклондар ығысуда. Сондықтан алдағы демалыс күндері республикада күрделі метеорологиялық жағдай сақталады деп болжанып отыр.  

"Қазақстанның басым бөлігінде атмосфералық ағымдардың әсерінен қар жауып, бұрқасындатады, жел күшейіп, көктайғақ болады. Ал оңтүстік облыстарда жаңбыр мен жабысқақ қар жауады, дүйсенбі күні қатты жауын-шашын болуы мүмкін", - делінген хабарламада.

Бұл күндері ауа температурасы да құбылады, бірақ батыстан басқа аймақтарда климаттық нормадан жоғары болады. Ал батыста нормаға жақын және төмен болады деп болжануда.

Жаңалықтар
0