мемлекеттік қызметші, архив

Өзбекстандағы шенді қазақ: құжатындағы "қазақты" өзгертпеген генерал Құдайбергенов кім?

10356
Өзбекстанда қарапайым мектеп мұғалімінен мемлекет қайраткеріне дейін өскен Тұрсынхан Құдайбергенов туралы Sputnik Қазақстан материалынан оқыңыз

ҚЫЗЫЛОРДА, 10 наурыз – Sputnik, Ерасыл Шәрібек. Бұл кісі туралы бізге Қызылорда қаласының тұрғыны, ішкі істер саласының ардагері, отставкадағы полковник Хабибулла Жұмаділлаев айтқан еді. Ол Ташкентке барып, жолыққанын, ағайын ретінде құрмет жасағанын жеткізді. Осыдан кейін қандасымыз жайлы терең ізденуге көштік.

Тұрсынхан Құдайбергенов Ташкент облысы Шыназ ауданында туған, яғни Өзбекстанда. Дегенмен әкесі Айдар қызылордалық. Жаңақорған ауданының тумасы. Кезінде ашаршылық заманында өзбек жеріне көшіп барған. Еті тірі ол колхоз басқарып, бүгінде сол колхоз Айдар атында аталады.

Әкеден ерте қалған Тұрсынханның қарапайым мектеп мұғалімінен мемлекет қайраткеріне дейін өсуіне әкесінің достары Сатыбай мен Ишан есімді шаруашылық басқарған азаматтар көмектеседі. Дәл сол кезде Өзбекстан компартиясы Орталық комитетінде хатшы болып келген Владимир Григорьевич Грищуктың ықпалымен құқық қорғау саласына ауысты.

Алдымен ол 1982 жылы КСРО ІІМ академиясында оқып, кейіннен  Хорезм және Ферғана областық ішкі істер департаментін басқарды. Билік басындағылар оны 2006-2010 жылдары Ферғана областық ішкі істер департаментінің басшысы етіп жіберді. Өңірде қоғамдық тәртіпті күшейту мақсатында арнайы жіберілген болуы тиіс, өйткені Ферғана облысында қоғамдық толқу өршіп тұрған еді.

Осы халық наразылығын басу үшін әдейі Тұрсынханның талапшыл принципі қажет болған секілді. Сөйтіп, Ферғана облысындағы көтерілісті басудағы Тұрсынханның табандылығы мен қырағылығы ел президентінің назарына ілікті.

2001-2006 жылдары Өзбекстан президенті Ислам Каримовтың құқық қорғау және бақылау органын үйлестіруші мемлекеттік кеңесшісі болды. Ішкі істер органынан бірден мұндай биік лауазымға бару күтпеген жағдай.

Дегенмен мемлекет басшысының сенімінен шығып, өзін білікті басшы ретінде танытқаны тектілігі де болар, Тұрсынхан Айдарұлы құжатындағы "қазақ" деген ұлтын өзгерткен емес. Шын мәнінде, Өзбекстанда мемлекеттік саясатта мұндай мәселе "томпақ" келетін еді.

Генерал Тұрсынхан Айдарұлын 2010 жылы  Төтенше жағдайлар министрі етіп тағайындады. Министрлікті табаны күректей жеті жыл  басқарды. Құрметті демалысқа шықты. Бірақ жақсы қызметкерді кім жібергісі келеді?

Ел президенті алмасып, мемлекет басына Шавкат Мирзиеев отырды. Жаңа президент те Тұрсынханды жанына алды. Сөйтіп, мемлекеттік кеңесші етті. Бұл жолы ол жеке және заңды тұлғалардың өтініштерін қарауды үйлестірді және бақылау жасады.

Шет елдегі шенді қазақты жаңа президент жақында мемлекеттік кеңесшімен қоса, Төтенше жағдайлар министрі етіп қойды. Билікте жүрген қандасымыздың отбасылық өмірі де өнегелі, оның үш ұлы және қызы бар, немере сүйген ата.

10356
Кілт сөздер:
шетелдегі қазақтар, Өзбекстан
Тақырып:
Шетел қазақтары (37)
Тақырып бойынша
"Қазақтар артық кетті" Көкпардан қырғыз құрамасы чемпионатқа қатысудан бас тартпақ
Министр: Қытайда ұсталған этникалық қазақтар босатылды
Қытайда Қанат Исламның жекпе-жегін көрген қазақтар түрмеге жабылды – Оразұлы
Мұхамеджанов: Димаш қытайлардың қазақтар туралы пікірін өзгертті
"Мұсылмандардың құлағын шулатты" Министр Қытайда ұсталған қазақтар туралы айтты
Сауалнама. Қазақтар басқа ұлт өкілімен отбасын құруға қалай қарайды?
Моңғолиядағы қазақтар да алаңдап отыр – қандас ақын
Бетперде таққан адам

Қазақстанда өткен тәулікте 678 адам коронавирус жұқтырды

25
(Жаңартылды 09:11 24.11.2020)
COVID-19 солтүстік пен шығыста өршіп тұр. Олармен салыстырғанда, жылы өңірлер мен оңтүстік-батыстағы жағдай тұрақты

НҰР-СҰЛТАН, 24 қараша – Sputnik. Қазақстанда өткен тәулікте 678 адамда коронавирус індеті ПТР арқылы расталды.

COVID-19 солтүстік пен шығыста өршіп тұр. Олармен салыстырғанда, жылы өңірлер мен оңтүстік-батыстағы жағдай тұрақты.

Қызылорда, Түркістан және Маңғыстау облысында бір тәулік ішінде бірде-бір адамда вирус анықталмады.

Аймақтар бойынша:

  • Нұр-Сұлтан қаласы - 25
  • Алматы қаласы - 46
  • Шымкент қаласы - 1
  • Ақмола облысы - 68
  • Ақтөбе облысы - 8
  • Алматы облысы - 20
  • Атырау облысы - 11
  • Шығыс Қазақстан облысы - 154
  • Жамбыл облысы - 14
  • Батыс Қазақстан облысы - 33
  • Қарағанды облысы - 15
  • Қостанай облысы - 70
  • Павлодар облысы - 108
  • Солтүстік Қазақстан облысы - 105

Жалпы пандемия басталғалы 126 860 адам індетке шалдықты.

25
Тақырып:
Коронавирус эпидемиясы
Тақырып бойынша
Қазақстандықтар желтоқсан айында қанша күн демалады
Қостанай облысында ер адам бетперде үшін қамауға алынды – видео
Бес облыс "қызыл" аймаққа кірді: Мамин қандай тапсырма берді
Алматы полициясы күшейтілген жұмыс тәртібіне көшті
Пандемияға байланысты мейрамханалар бағытын өзгертуге мәжбүр
Nur Otan партиясының төрағасы Нұрсұлтан Назарбаев

Nur Otan мәжіліс депутаттығына 78 кандидатты бекітті

80
Саяси кеңесте сондай-ақ ұйымдастыру мәселелері қарастырылып, кезектен тыс ХХ съездің күн тәртібі талқыланды және  партияның соңғы 5 жылдағы қызметінің қорытындысы шығарылды

НҰР-СҰЛТАН, 23 қараша – Sputnik. Nur Otan-ның орталық аппаратында партия саяси кеңесінің отырысы өтті.

Отырыстың қорытындысы бойынша үкіметтің сайлауалды бағдарламасын іске асыру жөніндегі есебі алдын ала мақұлданды, партияның жарғысы мен саяси доктринасына енгізілетін өзгерістер қаралды. Праймериздің 78 жеңімпазы енген мәжіліске арналған партиялық тізім, сондай-ақ жұмыс органдарының құрамы мен партияның кезектен тыс XX съезінің күн тәртібі бекітілді.

Сонымен қатар партияның соңғы 5 жылдағы қызметінің қорытындысы қаралды. Партия төрағасының бірінші орынбасары Бауыржан Байбек партияның 234 қоғамдық қабылдау бөлмесі сайлауалды бағдарламаны бақылау мен "кері байланыстың" пәрменді тетігі болғанын атап өтті. 

"5 жыл ішінде партияға шамамен 1,2 миллион адам жүгінді, оның 30%-і өтініштерін онлайн жолдады. Өтініштердің 92%-і бойынша оң шешім қабылданып, тегін кеңес беріліп, құқықтық көмек көрсетілді", - деді Байбек саяси кеңестің отырысында.

Оның айтуынша, партия депутаттары, орталық және жергілікті атқарушы органдардың басшылары 180 мыңға жуық қабылдау өткізіп, 340 мыңнан астам азаматты қабылдады. Өтініштердің 72%-і оң шешімін тапты, 28%-і бойынша түсіндірмелер мен қажетті кеңестер берілді. 

Оқи отырыңыз: "Ақ жол" партиясы мәжіліс депутаттығына кандидаттар тізімін жариялады 

Пандемияға қарамастан, қоғамдық қабылдаулардың жұмысы онлайн форматта жалғасып, электронды түрде 339 мың өтініш қабылданған.

"Соңғы 5 жыл ішінде партиялық басты органдар түрлі мемлекеттік және партиялық органдарға 800-ден астам ұсыным әзірледі. Мәселен, партиялық бақылау комитетінің араласуымен 9,3 мың медицина қызметкеріне өтемақы төленді", – деп атап өтті Бауыржан Байбек.

Жемқорлық жасағаны үшін 610 адам партиядан шығарылды

Сыбайлас жемқорлыққа қарсы іс-қимыл жөніндегі республикалық кеңес "Jas Otan" жастар қанатымен бірлесіп жоғары оқу орындары мен колледждерді тексерді. Нәтижесінде 10 мыңнан астам студенттің жатақханалардағы өмір сүру жағдайы жақсарды. 

"Жастар – Отанға!" бағдарламасы аясында соңғы 5 жылда 13 мыңнан астам жас буын жұмысқа тұрды. Жастар бастамаларының мемлекеттік әлеуметтік тапсырысын қаржыландыру 2,5 есе өсті.

"Партия қатарын тазарту" аясында жарғы мен этика кодексін сақтамай, партиямен байланысты жоғалтқаны үшін 240 мыңнан астам адам, сыбайлас жемқорлық құқық бұзушылығы үшін 610 адам партиядан шығарылды.

Nur Otan пандемияға қалай қарсы тұрды

Бауыржан Байбек "Nur Otan" партиясы қоғамдық-саяси ұйымдардың ішінен алғашқылардың бірі болып пандемияның әлеуметтік-экономикалық салдарына қарсы тұрғанын айтты.

Мысалы, "Birgemiz" қоғамдық қоры 2,2 милионнан астам адамға, Нұр-Сұлтан мен Алматы қаласындағы 2 мыңнан астам медицина қызметкеріне материалдық көмек көрсетті.

Сондай-ақ халықтың неғұрлым аз қорғалған топтарына жататын 100 мың отбасына 5 миллион медициналық маска тегін таратылды. 1 миллионнан астам адам 4,4 миллиард теңгеге бірінші кезекте қажетті тауарлармен қамтамасыз етілді. Мақтааралда су тасқынынан зардап шеккен азаматтарға арнап 32 үй салынып, 1 мың тоннадан астам гуманитарлық көмек жіберілді.

Партияның кезектен тыс ХХ съезі 2020 жылдың 25 қарашасында өтеді.

80
Кілт сөздер:
сайлау, Мәжіліс
Тақырып:
Мәжіліс сайлауы
Тақырып бойынша
Біз ұйықтап жатқан жоқпыз – "Ауыл" партиясы
"Қорықпау керек": мәжіліс сайлау туралы заңға өзгерістер енгізді
Перуашев зейнетақы мен жәрдемақыны басқаша есептеуді талап етті
Тоқаев қазақстандықтарға үндеу жолдады
Дәмханадағы жарылыс

Нұр-Сұлтанда дәмханада қайтыс болған адамның отбасына 1 млн теңге төленеді

11
(Жаңартылды 09:19 24.11.2020)
Нұр-Сұлтан әкімдігі әйелдің денесін Қызылордаға жеткізуге көмектеседі. Төтенше оқиғаға кінәлілер жеті жылға дейін бас бостандығынан айырылуы мүмкін

НҰР-СҰЛТАН, 24 қараша - Sputnik. Нұр-Сұлтан әкімдігі Halal brothers дәмханасындағы жарылыс салдарынан қайтыс болған әйелдің отбасына 1 миллион теңге төлеп, денесін Қызылордаға жеткізуге көмектеседі. Дәмханада сенбі күні газ баллоны жарылған болатын, деп хабарлайды "Бірінші арна".

"Баллон жанған кезде олар далаға шықпақ болған. Бірақ қайтыс болған әйел жолда зат қоятын бөлмеге кіріп, шығуға үлгермеген. Күйеуім мүгедек болып қала жаздады. Қазіргі уақытта жағдайы орташа деңгейде. Дәрігерлер оның жағдайы өзгелермен салыстырғанда жақсы деп отыр", - деді ол. 

Полиция "Өрт қауіпсіздігі талаптарын бұзу" бабына сәйкес тергеу жүргізіп жатыр. Төтенше оқиғаға кінәлілер жеті жылға дейін бас бостандығынан айырылуы мүмкін.

Дәмханадағы жарылыс

21 қарашада елорданың сол жағалауындағы дәмханада газ баллоны жарылды. Төтенше жағдай туралы ақпар "103" пультіне сағат 12:24-те түсті. Оқиға орнында жедел жәрдемнің 24 бригадасы, шұғыл қызмет қызметкерлері жұмыс істеді.

Апат орнына келген өрт сөндірушілер дәмхана ішінде бір адам және 15 газ баллоны барын анықтаған. Жарылыс салдарынан ас үйдің шатыры құлады.

Өрттен бір адам көз жұмды, отыздан астамы зардап шекті. 20 шаршы метр аумақты шарпыған тілсіз жау 12:58-де сөндірілді.

11
Кілт сөздер:
миллион теңге, отбасы, дәмхана, Нұр-Сұлтан
Тақырып бойынша
Нұр-Сұлтанда дәмханада жойқын жарылыс болды – видео
Нұр-Сұлтан дәмханасындағы жарылыс: 3 науқас жансақтау бөлімінде жатыр
Мамин әкімдіктерге бір ай ішінде газ-техникалық инспекция құруды тапсырды
Нұр-Сұлтандағы жарылыс: зардап шеккендерге қатысты тың ақпарат шықты
Нұр-Сұлтан дәмханасындағы жарылыс: полиция қылмыстық іс қозғады