Қасым-Жомарт Тоқаев

Тоқаевтың туған күні президент жайлы не дейді? Нумеролог айтып берді

13368
(Жаңартылды 15:27 20.03.2019)
Нумеролог президент қызметіне жаңадан кіріскен Тоқаевтың туған күнін зерттеп болжам айтты

АЛМАТЫ, 20 НАУРЫЗ — Sputnik. Қазақстанның тұңғыш президенті Нұрсұлтан Назарбаев отставкасын жариялау үшін таңдап алған 2019 жылдың 19 наурызы, сағат 19:00 уақыты - мәлімдеме жасау үшін ең қолайлы. Бұл туралы нумеролог Ирина Кальницкая Sputnik Қазақстанға берген сұқбатында айтты.

"19 наурыздағы бірінші 1 саны бір өзгерістің келе жатқанын, жаңаруды білдіреді. Ал 19 саны бүтіндей карьерадағы ең мықты сан, ол күннің символы іспетті. Бір сөзбен айтқанда, биліктің ауысу кезеңінің 19-шы күнге келуі бізде барлығы жақсы болатынын білдіреді", - дейді нумеролог.

Ирина Кальницкая 19 санынан шығатын энергия да кез келген ақпаратты жеңіл қабылдауға қолайлы болғанын айтады.

"Кеше кез келген адаммен ешқандай кедергісіз байланыс орнатуға болатын сондай жайлы күн болды", – дейді ол.

Қасым-Жомарт Тоқаев
© Photo : Пресс-служба сената парламента РК
Сондай-ақ маман президент боп үлгерген Қасым-Жомарт Тоқаевтың туған күнін де екшеп көрді. Ол кісі 1953 жылы 17 мамырда дүниеге келген екен.

"17 – жұлдыздар мен жаратушының саны. Сол секілді, қараңызшы, бүгінгі күн де бірігу, жаңа жол символын білдіреді. Яғни, бұл күн қазақстандықтардың бір отбасы секілді жарқын болашаққа бірге қадам басуға әзір екенін көрсетеді", - дейді Кальницкая.

Президент сайлауын, нумерологтың пікірінше, сәуірдің аяғы мен мамыр айының басында өткізген дұрыс. Өйткені бұл кезеңдегі даталарда билік пен заңның күші бар. Сондай-ақ мемлекет басшысын сайлауға нумеролог тамыз айы жақсы келетінін айтады. Өйткені бұл ай әділдік айы боп табылады екен.

Тағы оқыңыз: Тоқаев президент болса, елдің бағы жанады – шетелдік саясаткер

Айта кетсек, кеше – 19 наурызда кешкі сағат 19:00-де Нұрсұлтан Назарбаев республикалық телеарналар арқылы өз өкілеттігін мерзімінен бұрын тоқтатындығын жариялады. 20 наурызда түсте парламент қабырғасында жаңадан президент болған Қасым-Жомарт Тоқаев ант қабылдады. Қазақстанда сайлау өтіп, жаңа президент тағайындалғанша оның өкілеттігі заңды боп табылады.

13368
Кілт сөздер:
туған күн, нумеролог, Қасым-Жомарт Тоқаев
Тақырып:
Нұрсұлтан Назарбаевтың отставкасы (32)
Тақырып бойынша
Тоқаев үкіметтің отставкаға кетуіне қатысты пікір білдірді
Қасым-Жомарт Тоқаев Қазақстан президенті болды
Тоқаев Астананы Нұрсұлтан деп атауды ұсынды
Қасым-Жомарт Тоқаев Қазақстан атауын өзгертуге қарсы шықты
Тоқаев Қазақстан президенті ретінде алғашқы сөзін сөйледі
Әуежай қызметкері

Қазақстанда 26 қазаннан бастап қандай халықаралық рейстер қысқарады

71
Халықаралық төрт бағыт бойынша бір аптада 17 рейс қысқартылады. Бұған дейін Air Astana күз-қыс кезеңінде халықаралық рейстерді кейбір өзгеріспен орындауды жалғастыратынын хабарлады

АЛМАТЫ, 20 қазан – Sputnik. Индустрия және инфрақұрылымдық даму министрлігінің азаматтық авиация комитеті эпидемиологиялық жағдайдың нашарлауына байланысты халықаралық рейстер саны қалай қысқаратыны туралы айтып берді, деп хабарлайды Sputnik Қазақстан.

Осылайша, комитет Біріккен Араб Әмірліктеріне және кері рейстерді аптасына 8 рейске қысқарту туралы шешім қабылдады.

Беларусь еліне ұшу және кері қайту бойынша бес рейс, Германияға екі рейс қысқарады.

"Рейстер санитарлық-эпидемиологиялық талаптарды қатаң сақтап, әуекомпания сайттарында жарияланаған кестеге сәйкес эпидемиологиялық жағдайдың жақсаруына қарай жүзеге асатын болады", - деп хабарлады ведомство. 

Бұған дейін Air Astana әуекомпаниясының күзгі-қысқы навигация кезеңінде халықаралық рейстерді кейбір өзгеріспен орындауды жалғастыратыны хабарланды.

Әуекомпания президенті Питер Фостер вирустың таралуын болдырмауға бағытталған үкіметтің шешімін қолдайтынын айтты. Алайда саяхат, туризм және демалыс индустриясы жаһандық экономикалық белсенділік пен жұмыс орындарын ұлғайтудың қуатты генераторы болып табылатынын атап өтті.

"Бұл салалардың 2021 жылдың басында толығымен қайта іске қосылуы өте маңызды. Олай болмаған жағдайда қаржылық және әлеуметтік салдары ұлттық экономика үшін де, адамдар өмірі үшін де қиын болады", - деп атап өтті Фостер.

71
Кілт сөздер:
рейстер, әуе қатынасы, Қазақстан
Тақырып бойынша
"Жағамызды ұстадық" Қазақстандық стюардессаның ашық әңгімесі
Қазақстандықтар апаттан зардап шеккендердің туыстарына ұшақтағы орындарын берді
Желіде малайзиялық ұшақтың апатына қатысты іс бойынша жаңа құжаттар пайда болды
Қарағанды түбінде апат: әскери ұшақтың құлаған сәтінің видеосы жарияланды
Есмағамбетова: Ұшақта ешкім науқас адамның жанында отырғысы келмейді

Қонаевтың жаңа ескерткіші төңірегінде дау туды видео 

175
(Жаңартылды 21:31 20.10.2020)
Алматы облысының Бақанас ауылында мемлекет және қоғам қайраткері Дінмұхамед Қонаевтың монументі орнатылады

НҰР-СҰЛТАН, 20 қазан – Sputnik. Әлеуметтік желіде Дінмұхамед Қонаев бейнеленген ескерткіштің суреті мен видеосы тарап жүр. Мүсіншілер мен желі қолданушылар жаңа монументті сынға алды. Себебі оны талғамсыз жасаған, тіпті, пропорциясы да сақталмапты. 

Танымал мүсінші Олжас Мұхамеди де өз нарызылығын білдіріп, әлеуметтік желіде жазба жариялады.

"Тендер мен параға арналған ескерткіш! Мен Қазақстандағы ескерткіштер мен мүсіндер мәселесін бұрыннан бері көтеріп келемін. Алайда бәріне қазіргі жағдай ұнайтын сияқты. Бәлкім, президент осы проблемаға назар аудар. Мен өзім 60 адамнан тұратын бір топ мүсіншілердің атынан ұсыныс беруге дайынмын", – деп жазды Мұхамеди Facebook парақшасында.

Әлеуметтік желі қолданушылары оны қолдап, жаңа ескерткішті сынға алды. Дінмұхамед Қонаевтың басы кішкентай, ал денесі тым жалпақ және ұзын болып шыққан. 

Sputnik Қазақстан тілшісі Алматы облыстық әкімдігіне хабарласып, мәселенің мән-жайын білді. Мәдениет, архивтер және құжаттама басқармасының мәліметіне сәйкес, Дінмұхамед Қонаевтың ескерткішін орнатуға бюджеттен ақша бөлінбеген. Барлығы демеушілер қаржысына жасалып жатыр.

"2020 жылы 15 қазанда мәдени және тарихи ескерткіштерді қорғау жөніндегі облыстық комиссия Қазақстанның мемлекет және қоғам қайраткері Дінмұхамед Қонаевқа арналған ескерткіш орнату бойынша барлық құжатты мақұлдаған болатын. Одан кейін тиісті құжаттар Нұр-Сұлтанға мемлекеттік комиссияның қарауына жіберілді", - дейді мамандар. 

Олардың айтуынша, мүсінді орнату туралы шешім бүгін қаралып, шығарылуы тиіс. Қазіргі кезде жаңа монумент қойылатын жерде дайындық жұмыстары жүргізіліп жатыр.

175
Кілт сөздер:
видео, ескерткіш, Дінмұхамед Қонаев
Тақырып бойынша
Жұрттың ашуын тудырды: Семейде Мәншүк Мәметованың ескерткіші алынып тасталды
Назарбаевтың Нұр-Сұлтандағы ескерткіші: құрылыс жайлы не белгілі  
"Ол мені қорғап қалды" Дінмұхамед Қонаев туралы не білеміз?
Нұр-Сұлтанда мектепке Қонаевтың есімін беру ұсынылды – әкім не дейді?
Дінмұхамед Қонаевтың қарындасы қайтыс болды
Көлік қозғалысы

Нұр-Сұлтанда жаңа біржақты көше пайда болады

0
Бұл шешім тұрғындардың елорда әкімдігіне осы көшедегі қозғалысқа жасаған шағымынан кейін қабылданған

АЛМАТЫ, 20 қазан – Sputnik. Нұр-Сұлтанда 25 қазаннан бастап Family village ауданында Е652 көшесінде бір бағытты қозғалыс енгізу жоспарланып отыр.

Қала әкімдігінің баспасөз қызметінің хабарлауынша, бұл шешім тұрғындардың елорда әкімдігіне осы көшедегі қозғалысқа жасаған шағымынан кейін қабылданды. 

Елордалық көлік және жол-көлік инфрақұрылымын дамыту басқармасы мен әкімшілік полиция басқармасы бірлесіп, осы учаскелердің жол-техникалық жағдайын тексерген.

"Қозғалыс сағат тіліне қарсы бағытта болады. Белгіленген учаскеде бір бағытты қозғалысты енгізу көлік легінің үздіксіз қозғалысын қамтамасыз етуге, қарсы бағытпен қақтығыс жағдайын азайтуға, жол апатын болдырмауға мүмкіндік береді", - делінген әкімдік таратқан ақпаратта.

Сонымен қатар бұл өзгеріс жол қозғалысын оңтайландыру үшін және көше-жол желісіне жүктемені азайту мақсатында енгізіліп отыр.

0
Кілт сөздер:
көлік қозғалысы, көше, Нұр-Сұлтан
Тақырып бойынша
Көше сыпырып кеткен: Әблязовтің елге оралған сыбайластарының тағдыры белгілі болды
Нұр-Сұлтанда ерекше көше қиылысы пайда болды – видео
Америкалықты бір соққымен құлатқан қазақ па? Көше төбелесінің видеосы
Бұрынғы кәсіби футболшы көше сыпырып кетті – видео
Нұр-Сұлтанда бірнеше көше мен көпір жабылады