Көшедегі адамдар

Қазақстанда 1 сәуірден бастап не өзгереді?

18988
Sputnik Қазақстан 1 сәуірден бастап Қазақстанда болатын өзгерістерге шолу жасады

НҰР-СҰЛТАН, 31 наурыз – Sputnik. Көктемнің екінші айында қазақстандықтардың өмірін өзгертетін біршама жаңашылдық күшіне енеді.

Жаңа форматтағы атаулы әлеуметтік көмек

1 сәуірден бастап тұрмысы төмен және көпбалалы отбасыларға атаулы әлеуметтік көмек жаңа критерий бойынша төленеді. Әлеуметтік көмек мөлшері 20 789 теңгеге дейін (55 доллар) көтерілді.

Тағы оқыңыз: Әр балаға – 21 мың теңге: министрлік жұртты мазалаған 10 сұраққа жауап берді

Атаулы әлеуметтік көмекті тағайындау үшін тұрмысы төмен отбасылар тұрғылықты мекенжайы бойынша жұмыспен қамту орталығына жүгінуі керек. Ауылдық елді мекенде тұратындар ауыл, кент, ауылдық округ әкіміне барады.

Жаңа ереже бойынша жұмыспен қамту орталығына немесе әкімге жеке куәлікпен ғана барып, көмек алу туралы өтініш жазсаңыз жеткілікті.

Такси жүргізуші чек беруге міндеттеледі

1 сәуірден бастап ресми такси қызметінің жүргізушісінен чек талап етуіңізге болады. Көктемнің екінші айынан бастап олар жолаушыларға фискальды чек беруге міндеттеледі.

Тағы оқыңыз: Келесі жылы бала күтіміне қанша жәрдемақы берілетіні белгілі болды

Бұл талап қаржы министрінің "Салық төлеушілер Қазақстан аумағында қызметін жүзеге асырғанда, ақшалай есеп айырысу кезінде деректерді тіркеу және (немесе) беру функциясы бар бақылау-касса машиналарын қолданатын қызмет түрлерін бекіту туралы" бұйрығына өзгерістер мен толықтырулар енгізу туралы құжатқа сәйкес енгізіліп отыр.

Дизель отынын шығаруға болмайды

Сәуірдің алғашқы аптасының соңында Қазақстан аумағынан автокөлікпен дизель отынын шығаруға тыйым салу туралы бұйрық күшіне енеді. Дизель отынын сыртқа шығаруға жарты жыл уақытқа тыйым салынды.

Тағы оқыңыз: Қазақстан биыл бензин экспорттауды бастайды

"Дизель отынын тасымалдаудың кейбір мәселелері туралы" бірлескен бұйрыққа энергетика, қаржы министрлері және ұлттық қауіпсіздік комитетінің басшысы қол қойып, ұлттық экономика министрлігімен келісілген еді.

Бұйрық алғаш ресми жарияланған күннен кейін күнтізбелік он күн өткен соң күшіне енеді.

Қашаған уақытша жабылады

Күрделі жөндеуге байланысты Қашағанда мұнай өндіру сәуірден мамыр айына дейін уақытша тоқтатылады.

2019 жылы НКОК (North Caspian Operating Company) нормативтік талаптарға сәйкес Каспий теңізіндегі Қашаған кен орнының D теңіз кешені мен Болашақ жерүсті кешенінде күрделі жөндеу жүргізуді жоспарлап отыр.

Жоспарлы-алдын алу жөндеу жұмыстары 45 күн бойы жүргізіледі.

Жанама салықтар жөніндегі декларацияны алып тастау

Қаржы министрлігінің мемлекеттік кірістер комитеті хабарлағандай, сәуірден бастап "Кеден одағы аясында тауарлар экспорты (импорты) кезінде салық формаларын қабылдау" мемлекеттік қызметтерін оңтайландыру бойынша жол картасы енгізіледі.

Жол картасы аясында "Импортталған тауарлар бойынша жанама салықтар жөніндегі декларация" (320.00 формасы) алынып тасталды.

Тиісті өзгертулер, сондай-ақ, салық төлеушілерге арналған СЕӨЖ (салық есептілігін өңдеу жүйесі) клиент қосымшасы мен салық төлеушінің кабинетіне енгізіліп отыр.

Қызылшаға қарсы вакцинация

1 сәуірден бастап қазақстандықтарға қызылшаға қарсы екпе салынады.

Тағы оқыңыз: Вакцина салдырмаған оқушыларды мектепке кіргізбеу ұсынылды

Вакцина алатындардың қатарында тоғыз айлық сәбилер, бұрын егілмеген және тек бір екпе алғандар, сондай-ақ, медициналық қызметкерлер бар.

18988
Кілт сөздер:
салық, дизельді отын, атаулы әлеуметтік көмек, сәуір, қазақстандықтар, өзгерістер
Тақырып бойынша
Онлайн калькулятор: болашақта қанша зейнетақы алатыныңызды білгіңіз келе ме?
433 мың: зейнетақы қорындағы ақшаны кімдер толық шешіп ала алады?
Берешегі бар қазақстандықтар үшін салық амнистиясы жүргізіледі
Енді қазақстандықтарға салық берешегі туралы SMS-хабарлама жіберіледі
Атаулы әлеуметтік көмек: кімге және қанша төленеді?
Қазақстанда атаулы әлеуметтік көмек мөлшері көбейеді
Сапасыз жол

Жол сапасыз салынса, қайда хабарласу керек?

44
Сапасыз жолдар, көбінесе, облыста, ауданда немесе ауылда салынады. Бұл жерде бюджет қаржысын ұрлау мәселесі ғана емес, сол жолды тексеретін маман тапшылығы проблемасы да бар

НҰР-СҰЛТАН, 29 қазан – Sputnik. "Жол активтері сапасының ұлттық орталығының" бас директоры Замир Сағынов халықты жолдардың сапасын бірлесіп бақылауға шақырды, деп хабарлайды Sputnik Қазақстан тілшісі.

"739-739 телефонына (Нұр-Сұлтанда - Sputnik) қоңырау шалуға болады. Бұдан бөлек, ресми сайтымыз, әлеуметтік желілерде парақшаларымыз ашылған. Сол жерде жазып, арыз-шағым түсіруге болады. Біз бірден барып, жолдың сапасын тексере аламыз", - деді Сағынов орталық коммуникациялар қызметінде өткен онлайн брифингте. 

Осы орайда орталық басшысы халықты жолдың сапасын бірлесіп бақылауға үндеді. Себебі мамандар барлық жолды тексере алмайды. Ал нақты арыз-шағымдар түссе, орталық қызметкерлері сол жерге барып, зертханалық тексеру жасай алады. 

"Негізі, сапасыз жолдар, көбінесе, облыста, ауданда немесе ауылда салынады. Бұл жерде бюджет қаржысын ұрлау мәселесі ғана емес, сол жолды тексеретін маман тапшылығы проблемасы да бар. Мысалы, аудандық әкімдіктерді алатын болса, бір бөлімде екі-үш адам ғана жұмыс істейді. Сосын жолдың сапасы бойынша арнайы маманы жоқ. Ал арнайы маман болмағасын, құжаттар да дұрыс жасалмайды", - деп атап көрсетті Сағынов.

Оның айтуынша, бүгінде осы салада кәсіби мамандарды даярлау мәселесіне баса назар аударылады. Арнайы акция басталды, жоғары оқу органдарымен бірлескен шаралар қолға алынды. Соның арқасында жас мамандардың саны біртіндеп көбейіп жатыр.

44
Кілт сөздер:
шағым, жол
Қаруланған адам

Мемлекет басшысы Жамбыл облысындағы атышулы оқиға туралы айтты

622
(Жаңартылды 22:01 29.10.2020)
Шудағы арнайы операция кезінде полицейлер арасында атыс болған еді. Біреуі ауруханада ажал құшты

НҰР-СҰЛТАН, 29 қазан — Sputnik. Мемлекет басшысы Қасым-Жомарт Тоқаев ішкі істер министрлігінің кеңейтілген алқа мәжілісінде Жамбыл облысында болған оқиға туралы пікірін айтты.

"Полиция желілік бөлімінің басшысы мен қоластындағылар есірткі бизнесімен айналысқан. Олардың қылмысын қауіпсіздік басқармасындағы әріптестері әшкере етті. Полицейлер өз қатарында қылмыс жасағандарды ұстағаны бір жағынан қуантады. Мұндай жұмыс бағалануы тиіс", - деді президент.

Екінші жағынан мұндай жағдай полиция беделіне нұқсан келтіреді, деп толықтырды ол. 

"Бұл тек Жамбыл облысында ғана болып жатқан жоқ, өзге өңірлерде де бар. Мұны жақсы білесіздер. Сондықтан есірткі бизнесіне қарсы күресті күшейту міндетін қоямын", - деді мемлекет басшысы.

Оның айтуынша, халық нақты нәтижелерді көруі тиіс.

Жамбыл облысында полицейлердің ұсталуы

Еске сала кетсек, көліктегі полиция департаментінің Шоқпар станциясындағы желілік полиция басқармасының қызметкерлері есірткі тасымалымен айналысады деген күдікке ілінген.

Жамбыл облысында арнайы операция кезінде атыс қаруымен қаруланған үш күдікті жол талғамайтын көлікпен жоғары жылдамдықпен келіп, арнайы жасақ қызметкерін қағып өткен. Ал қуғыншылар оларды тоқтату үшін қару қолдануға мәжбүр болған.

Үш адамның екеуіне оқ тиді. Біреуі медициналық мекемеде көз жұмды. Екіншісіне стационарда көмек көрсетілді. Үшіншісі уақытша ұстау изоляторына қамалды.

Тағы оқыңыз: Шудағы арнайы операция: полицейлер арасындағы атыста біреуі ажал құшты

622
Кілт сөздер:
полиция, Жамбыл облысы, Қасым-Жомарт Тоқаев
Тақырып бойынша
Шудағы арнайы операция: полицейлер арасындағы атыста біреуі ажал құшты
Полицейлер төсекте видео түсіріп, оны 7 мың теңгеден сатқан әйелді ұстады
Щучинскіде полицейлер жантүршігерлік жол апатынан қаза болды – видео
"Таңдауым Ерланға түсті": ерлі-зайыпты полицейлер махаббат хикаясын айтып берді
Полицейлер Талдықорғанда жезөкшелікпен айналысқан жігіттерді видеоға түсірді