Ақша, архивтегі сурет

Тұрғындар атаулы әлеуметтік көмек мөлшерін өздері есептей алады

7426
(Жаңартылды 11:18 08.04.2019)
Атаулы әлеуметтік көмек мөлшерін есептейтін онлайн-калькулятор іске қосылды

НҰР-СҰЛТАН, 1 сәуір — Sputnik. ҚР Еңбек және халықты әлеуметтік қорғау министрлігі атаулы әлеуметтік көмек көлемін есептеу үшін онлайн-калькулятор іске қосты, деп хабарлайды Elorda Aqparat.

Оны www.enbek.gov.kz ведомствоның ресми сайтынан табуға болады.

Атаулы әлеуметтік көмектің мөлшерін есептеу үшін отбасы мүшесінің саны, жиынтық табыс пен еңбекақы мөлшерін нақты көрсету керек. Сондай-ақ алимент, кәсіпкерлік қызметтен, жылжымайтын мүлік пен көлік құралдарын жалға беру мен сатудан түскен табыстар есептелінеді.

Төлем мөлшерін есептеу кезінде 18 жасқа дейінгі бала мен 23 жасқа дейінгі студент саны ескеріледі.

Тағы оқыңыз: Атаулы әлеуметтік көмек алу үшін не істеуге болады?

Атаулы әлеуметтік көмек - аз қамтылған, көп балалы және табысы төмен отбасына берілетін ақшалай төлем.

Еске сала кетсек, Қазақстанда 2019 жылдың 1 сәуірінен бастап АӘК көрсету мөлшері күнкөріс деңгейінің 50%-нен 70%-не дейін көтеріледі. Бұған дейін төлем мөлшері  отбасының әрбір мүшесіне 4 834 теңгені құраған. Осы айдан бастап, әр балаға 20 789 теңге төленеді.

7426
Кілт сөздер:
жәрдемақы, әлеуметтік төлем, атаулы әлеуметтік көмек
Тақырып бойынша
Астанада кәсіпкер көпбалалы отбасыға 24 миллион теңгенің пәтерін сыйға тартты
Астанада 21 мың теңге туралы естіген көпбалалы аналар жұмыспен қамту орталығына лап қойды
Мамин көпбалалы отбасыларға баспана қашан беріле бастайтынын айтты
Қазақстанда атаулы әлеуметтік көмек мөлшері көбейеді
Көпбалалы отбасыларға берілетін баспананың қанша тұратыны белгілі болды
Құбырдан шыққан түтін

Министр ауасы ең лас 10 қаланы атады

10
(Жаңартылды 10:19 24.11.2020)
Мырзағалиевтің айтуынша, атмосфералық ауа мен жер үсті суларының ластануы, қалдықтармен байланысты жұмыстың жетілмеген жүйесі жағдайды күрделендіре түскен

НҰР-СҰЛТАН, 24 қараша – Sputnik. Экология, геология және табиғи ресурстар министрі Мағзұм Мырзағалиев Қазақстанда экологиясы ең нашар қалаларды атады, деп хабарлайды Sputnik Қазақстан тілшісі.

Министрдің айтуынша, 2019 жылдың қорытындысы бойынша экологиялық мониторингке сәйкес 45 елді мекен ішінде 10 қала атмосфералық ауаның жоғары ластану деңгейіне жатады.

"Олар: Нұр-Сұлтан, Алматы, Қарағанды, Теміртау, Атырау, Ақтөбе, Балқаш, Өскемен, Жезқазған және Шымкент қалалары. Сонымен қатар, ластаушы заттар шығарындыларының едәуір көлемі Павлодар облысына тиесілі", – деді Мырзағалиев үкімет отырысында.

Экология министрлігі барлық өңірде жұртшылықпен кездесу өткізіп, экологиялық проблемалар мен оларды шешу жолдарын талқылаған. Нәтижесінде 17 Жол картасы әзірленді. Бұл құжаттарда өңірлердегі экологиялық ахуалды жақсарту жөніндегі нақты шаралар қарастырылған.

"Баршамызды экологиялық проблемалар аландатуда. Атап айтқанда, атмосфералық ауа мен жер үсті суларының ластануы, қалдықтармен байланысты жұмыстың жетілмеген жүйесі, сондай-ақ ежелден ластанған жерлер мен көгалдандырудың жетіспеушілігі", – деді ол.

Оқи отырыңыз: Карантин кезінде Нұр-Сұлтан мен Алматының ауасы тазарды ма

Мәселен, Алматы қаласының экологиясын жақсарту үшін Жол картасында жиырма 20 іс-шара қарастырылған.

Оның ішінде негізгісі: ТЭЦ-2 мен ТЭЦ-3-ті газға ауыстыру, қалаға іргелес жатқан жеке меншік үйлерді газдандыру, коммуналдық және қоғамдық автокөліктерді табиғи газға көшіру, дизель отынымен жүретін қоғамдық көлікке кезең-кезеңмен тыйым салу, транзиттік көліктердің кіруіне/жүруіне шектеу қою жағын қарастыру және көгалдандыру.

Атмосфераның ластануын төмендету үшін не істеу керек

Сонымен қатар, жел режиміне зерттеу жүргізу мен соны ескере отырып, сәулет келбеті ережелеріне өзгерістер енгізу және құрылыстың бас жоспарларын түзету де көзделіп отыр.

Мырзағалиевтің айтуынша, Жол картасын іске асыру нәтижесінде ауаға тарайтын ластаушы заттардың көлемі 144,0 мың тоннадан 79,5 мың тоннаға дейін немесе 44%-ке азаяды. Яғни атмосфераның ластану индексі жоғары деңгейден (8) орташа деңгейге (6) дейін төмендейді.

10
Кілт сөздер:
атмосфералық фронттар, экология, ауаның ластануы
Тақырып бойынша
Пекинде ауаның ластануына байланысты қауіптің "қызыл" деңгейі енгізілді
Қытайдың 79 қаласы қалың түтіннің астында қалды
Алматыда ауаның ластануы жыл сайын ұлғайып барады
Ғалымдар ауадағы коронавирусты анықтайтын құрал ойлап тапты
Экология министрі қалдыққа бай облыстарды атады
Газ конфоркасы

Қазақстанда елді мекендердің тек 24 проценті газбен қамтылған

12
(Жаңартылды 09:43 24.11.2020)
2015-2020 жылдар аралығында республикалық бюджет есебінен әкімдіктерге газдандыру шараларына 125 миллиард теңге нысаналы трансферт бөлінген

НҰР-СҰЛТАН, 24 қараша – Sputnik. Қазақстанда 6 мыңнан астам елді мекеннің тек 1468-іне газ тартылған. Бұл туралы энергетика министрі Нұрлан Ноғаев мәлімдеді, деп хабарлайды Sputnik Қазақстан тілшісі. 

Министр 2020 жылдың 1 қаңтарындағы жағдай бойынша газдандыру деңгейі 90%-тен асатын неғұрлым газдандырылған өңірлерді атады. 

Олар: Атырау облысы – 99,6%, Маңғыстау облысы – 99%, Алматы қаласы – 98,8%, Батыс Қазақстан облысы – 96,2%, Шымкент қаласы – 92,1% және Ақтөбе облысы – 90,1%.

"Жалпы, еліміздегі 6 162 елді мекеннің 1 468-і немесе елді мекендердің жалпы санының 24%-ы газдандырылған", - деді Ноғаев үкімет отырысында.

Сондай-ақ, айтуынша, соңғы бес жылда 1 334 шақырым магистральдық газ құбырлары және 20 мың шақырымнан астам газ тарату желілері салынды.

Магистральдық газ құбырлары құрылысының өсуі 7%-ті, газ тарату желілері құрылысының өсуі 49%-ті құрады.

Биылғы жылдың қорытындысы бойынша газдандыру деңгейін 53,07%-ке жеткізу күтілуде, бұл 2015 жылғы деңгейден 10%-ке артық.

2015-2020 жылдар аралығында республикалық бюджет есебінен әкімдіктерге газдандыру шараларына 125 миллиард теңге нысаналы трансферт бөлінген, оның ішінде соңғы екі жылда 76 миллиард теңге бағытталды.

12
Кілт сөздер:
газ, Қазақстан
Тақырып бойынша
Нұр-Сұлтанда дәмханада жойқын жарылыс болды – видео
Нұр-Сұлтанда дәмханада қайтыс болған адамның отбасына 1 млн теңге төленеді
Газ нарығының болашағы қандай?
Павлодарда ТЖД қызметкері газ баллонын үйден шығарып жатқанда жарылыс болды
Мамин әкімдіктерге бір ай ішінде газ-техникалық инспекция құруды тапсырды