Архивтегі фото

Мәжіліс депутаты астаналық әйелдің ер адамға "айналып" кеткенін айтты   

1600
Депутат жеке куәліктегі қателіктің салдарынан жасын, тіпті жынысын дәлелдеуге мәжбүр болған азаматтардың проблемасын қозғады

НҰР-СҰЛТАН, 3 сәуір – Sputnik. Мәжіліс депутаты Шәкір Хахазов жылдар бойы жеке сәйкестендіру нөмірінде кеткен қателіктің зардабын тартып жүрген қазақстандықтардың мәселесін көтерді, деп хабарлайды Sputnik Қазақстан тілшісі.

Мәжілістің жалпы отырысында депутат Шәкір Хахазов депутаттық сауалмен әділет министрлігіне жүгінді. Мәжілісмен жеке куәліктегі ЖСН-де (ИИН) кеткен қателіктің салдарынан жылдар бойы өзінің жасын, тіпті жынысын дәлелдеуге мәжбүр болған азаматтардың проблемасын қозғады.

"Заңға сәйкес, ЖСН – бұл жеке тұлғаға бір рет және өмір бойына берілетін цифрлық код. Алайда қолданыстағы заңнамада ЖСН-де кеткен қателікті түзетуге мүмкіндік беретін бірде-бір норма қарастырылмаған", - деді Хахазов мәжілісте.

Оның айтуынша, осының салдарынан біраз адам зейнетақы, мүгедектігі бойынша жәрдемақы, алимент ала алмай қиналып жүр. Кредит алу мен пәтерді сату да түйіні тарқамас проблемаға айналған. ЖСН-де жіберілген қателіктің зардабын тартып жүргендердің кейбірі, тіпті, азаматтығын ауыстырып, көрші елдерге қоныс аударуды да ойлап жүр екен.

Осы орайда депутат нақты мысалдар келтірді.

"Мәселен, жеке кәсіпкер Еркін Бектенбаев ЖСН-дегі қате цифр үшін өз бизнесін жабуға мәжбүр болды. Жеке куәлігінде 3 санының орнына 2 деп жазылған, яғни ЖСН оның туған күніне сәйкес келмейді. Осыған байланысты сатып алулар порталы оны сауда-саттық қатысушысы ретінде тіркемей жүр. Кәсіпкер бірнеше мәрте әділет органдарына ЖСН-ді өзгерту туралы өтінішпен жүгінген, бірақ ондағылар оған заңды күші жоқ қағаз берумен ғана шектелді", -дейді депутат.

Ал қарағандылық Наталья Шубичук 2018 жылы жоғалтып алған жеке куәлігін ауыстырамын деп, өзінің 143-те емес, 43 жаста екенін дәлелдей алмай жүрген көрінеді.

Нұр-Сұлтан қаласының тұрғыны 1972 жылғы Вадим Шафаростов осымен бес жыл бойы өзінің зейнеткер емес екенін дәлелдеп бағуда. Куәлігіндегі ЖСН оны 1952 жылы туған азамат ретінде көрсетеді.

"Орал қаласының тұрғыны Игорь Бакалкин былтыр күзде ЖСН-ді қайта қалпына келтіруге өтініш берген. Бірақ, түсініксіз бір себептермен ол 2010 жылы "өлгендер" тізіміне қосылған екен. Бір қызығы, құжат бойынша о дүниелік болса да, осы күнге дейін салық, зейнетақы жарнасы мен коммуналдық төлемдердің барлығын төлеп келген. Кейінірек, мұның бәрі салықтық ақпараттық жүйесінде кеткен қателік болғаны анықталды. Дегенмен, ол әлі де өзінің тірі екенін дәлелдей алмай жүр", - дейді Хахазов.

Ал Нұр-Сұлтанның тағы бір тұрғыны Майра Мырзағали халыққа қызмет көрсету орталығының қызметкерлері жіберген қателіктен ер адамға "айналған".

"Осыған байланысты әділет органдары мен "Азаматтарға арналған үкімет" мемлекеттік корпорациясына азаматтардың өтінішімен ЖСН-ді түзетуге құқық беретін жеке заңға тәуелді акті қабылдау мәселесін қарауды, сондай-ақ, қызметтік тергеу жүргізу тәртібін бекітуді сұраймыз", - деді мәжіліс депутаты.

Сонымен қатар, ол әділет органдары мен "Азаматтарға арналған үкімет" корпорациясы қызметкерлерінің жауапкершілігін күшейтуді ұсынды.

1600
Кілт сөздер:
паспорт, жеке куәлік
Тақырып бойынша
"Асырайтын ерім бар". Жынысын ауыстырғысы келетін жігіт қалай күн көретінін айтты
Семейлік қыз ҰБТ-дан бірде-бір балл жинай алмады
Мәжіліс депутаты қайыршыларға ақша беретін адамдарға айыппұл салуды ұсынды
Павлодарда жүзден аса тұрғын әп-сәтте "қаңғыбасқа" айналды
коронавирус, медбике

Ғалым коронавирус инфекциясын неге барлық адам жұқтырмайтынын түсіндірді

857
"Қызыл аймақта" бірнеше ай бойы жұмыс істеп жүрген кейбір дәрігерлердің вирус жұқтырмайтыны анықталды

НҰР-СҰЛТАН, 29 қараша – Sputnik. Коронавирустан қорғануға тек антиденелер ғана көмектеспейді, деп мәлімдеді микробиолог Сергей Иванов "МК" газетіне берген сұхбатында.

Ғалымның айтуынша, кейбір адамдар коронавируспен ауырғандармен жақын қарым-қатынаста болса да, инфекция жұқтырмайды.

"Осындай жағдайлар болды. Олардың ағзасы бұл коронавирусты қабылдамайды", - деді Иванов.

Пастер атындағы эпидемиология және микробиология институтының ғалымдары осындай қорытындыға келген.

"Ғалымдар "қызыл аймақта" бірнеше ай бойы жұмыс істеп жүрген кейбір дәрігерлердің вирус жұқтырмайтынын байқаған", - дейді маман.

Коронавирус пандемиясы бүкіл әлемді қыспағына алды. 60 миллионнан астам адам вирус жұқтырса, оның 1,4 миллионнан астамы қайтыс болды. Коронавируспен ауырғандар саны бойынша АҚШ, Үндістан және Бразилия көш бастап тұр.

Оқи отырыңыз: Ғалымдар организмдегі коронавирусты 5 минуттың ішінде өлтіретін өнімді атады

Қазақстанда соңғы мәліметтер бойынша коронавирус жұқтырғандар саны 130 865 адамға жетті. Коронавирустық пневмониямен ауырғандар саны – 42 104. Қайтыс болғандар – 2 470.

857
Кілт сөздер:
ғалым, коронавирус
аурухана, коронавирус

Денсаулық министрлігі өткен тәулікте қанша адамның қайтыс болғанын жариялады

1861
(Жаңартылды 11:36 29.11.2020)
Қазіргі уақытта коронавирустық инфекциядан 12 651 адам ем қабылдауды жалғастыруда, оның ішінде 214 адамның жағдайы нашар

НҰР-СҰЛТАН, 29 қараша – Sputnik. Өткен тәулікте коронавирус пен пневмониядан 10 адам қайтыс болды, деп хабарлады денсаулық сақтау министрлігі.

Коронавирус инфекциясынан жеті адам, коронавирустық пневмониядан үш адам көз жұмған.

"Қазіргі уақытта коронавирустық инфекциядан 12 651 адам ем қабылдауды жалғастыруда. Олардың арасында 895 бала бар. Стационарларда 3 392 науқас жатыр.  9 259 адам амбулаториялық жағдайда емделуде", - деп хабарлады министрлік.

Науқастардың арасында 214 адамның ахуалы нашар. Соның ішінде 32 науқастың жағдайы аса ауыр деп бағалануда. 32 адам жасанды тыныс алдыру аппаратына қосылған.

Өткен тәулікте 826 адамның коронавирус инфекциясын жұқтырғаны расталды.

Жалпы, елімізде коронавирус жұқтырғандар саны 130 865 адамға жетті.

Оның ішінде:

  • Шығыс Қазақстан облысында - 16191 (+135),
  • Алматы қаласында - 16033(+73),
  • Нұр-Сұлтан қаласында -15989(+83),
  • Атырау облысында - 11616(+18),
  • Қарағанды облысында - 11077(+25),
  • Батыс Қазақстан облысында - 7994(+39),
  • Солтүстік Қазақстан облысында - 6291(+105),
  • Павлодар облысында - 6254(+120),
  • Алматы облысында - 5682(+33),
  • Шымкент қаласында -5361(+6),
  • Қостанай облысында - 5212(+85),
  • Ақмола облысында - 5072(+86),
  • Жамбыл облысында - 4411(+14),
  • Ақтөбе облысында -3481(+1),
  • Түркістан облысында - 3477(+2),
  • Маңғыстау облысында - 3434(+0),
  • Қызылорда облысында -3290(+1).
1861
кісен, архив

Қарағандылық полицейлер қауіпті банда ұсталған сәттің видеосын жариялады

39
(Жаңартылды 13:36 29.11.2020)
Банда мүшелерінен қару-жарақ пен оқ-дәрі тәркіленді. Қазіргі уақытта олар уақытша ұстау изоляторына қамалды

НҰР-СҰЛТАН, 29 қараша — Sputnik. Қарағанды облысының полицейлері адам өлтіріп, қарақшылық шабуыл жасаған төрт адамды ұстады, деп хабарлайды Polisia.kz.

32 жастағы Теміртау тұрғыны полицейлерге қарақшылық шабуыл туралы хабарлаған.

Әйелдің айтуынша, 20 қараша күні белгісіз екі  адам пистолетпен қорқытып, Момышұлы көшесіндегі пәтеріне кіреді. Үйде бірге тұрып жатқан 50 жастағы ер адам екеуі болған. Қаскөйлер екеуін байлап тастап, ұрып-соққан. Ер адам алған жарақаттан оқиға орнында көз жұмады. Бандиттер үйдегі ақша мен мүлікті алып кеткен.

Бұл фактілер қылмыстық кодекстің 99-бабының 2-бөлімі "Адам өлтіру" және 192-бабының 3-бөлімі "Қарақшылық" бойынша тіркелді.

"Қылмысты ашып, күдіктілерді ұстау үшін арнайы шұғыл-тергеу тобы құрылды. Оның құрамына департамент аппараты, Теміртау қаласы полиция басқармасының тәжірибелі мамандары кірді", - деді полициядағылар.

Тәртіп сақшылары төрт күдіктіні анықтады. Олар - 25, 29, 34 және 39-жастағы Жезқазған, Сәтбаев және Нұр-Сұлтан қаласының тұрғындары. Полиция қаскөйлерді 26 және 28 қарашада Нұр-Сұлтан мен Жезқазғанда ұстады.

Күдіктілердің пәтерін тінту кезінде түрлі қару-жарақ пен оқ-дәрі табылды. Қазіргі уақытта олар уақытша ұстау изоляторына қамалды. Тергеу жүргізіліп жатыр. Олардың басқа қылмыстарға қатысы анықталады.

39