Халал өнім

Бас мүфти: "халал" түсінігі модаға айналып кетті

288
(Жаңартылды 20:40 30.04.2019)
Қазақстан мұсылмандары діни басқармасының төрағасы Серікбай қажы Ораз "халал" түсінігі тек азық-түлік өнімдеріне қатысты қолданылатынын айтты

НҰР-СҰЛТАН, 30 сәуір – Sputnik. Бас мүфти Серікбай қажы Ораз халал өнімдерге қатысты келеңсіз жайттардың көбейіп кеткенін айтты, деп хабарлайды Sputnik Қазақстан тілшісі.

Қазақстан мұсылмандары діни басқармасының төрағасы "халал" сөзі мұсылман термині екенін атап өтті.

"Менің ойымша, "халал" термині тағамның тазалығына байланысты қолданылады. Қазір Қазақстан мұсылмандары діни басқармасының жанында халал өнімдерді стандарттау және сертификаттау арнайы бөлімі мен үлкен кәсіпорын жұмыс істейді", - дейді Серікбай қажы Ораз.

Тағы оқыңыз: Арақсыз тойды халал деу қиын – дінтанушы

Оның айтуынша, елімізде халал сертификаттарын беретін 1 мыңнан астам кәсіпорын бар.

Сондай-ақ, бас мүфти халал өнімдерге қатысты келеңсіз жайттарды атады.

"Халал" түсінігі кейбір адамдар үшін модаға айналып кеткен сияқты. Бір азамат елге визитка таратып жүр. Өзін "халал адвокатпын" дейді. Оны қалай түсінеміз? Тегін жұмыс істейсіз бе, сіздің басқа адвокаттардан қандай айырмашылығыңыз бар" деп сұрадым. "Халал" термині бірінші кезекте азық-түлікке қатысты. Енді бір азамат "халал СТО" деп жазып қойыпты. Ол халал болса, халық бара бере ме? Тіпті, біреу суға "халал" деп жазыпты. Суға ешкім халал сертификатын бере алмайды. Судың халал мәселесіне қатысы жоқ. Айта берсек, келеңсіз жағдайлар көп", - деді Серікбай қажы Ораз.

Тағы оқыңыз: Неке қиюға өтінішті "Astana iMuslim" арқылы беруге болады

Сондай-ақ, ол халал өнімдері Қазақстан мұсылмандары діни басқармасы жанындағы халал өнімдерін стандарттау және сертификаттау орындарында тексерістен өтетінін айтты.

"Тұрмыстық заттардың халалға ешқандай қатысы жоқ. "Халал" түсінігі терең зерттеуді талап ететін сала", - деп түйіндеді сөзін бас мүфти.

288
Кілт сөздер:
Бас мүфти, өнімдер
Тақырып бойынша
Оразада ауызды неге құрмамен ашады?
Діни басқарма Рамазан айы қай күні басталатынын ресми жариялады
Жасанды кірпік пен тырнақ жалғаудың үкімі қандай - мүфтият пәтуаны түсіндірді
Бас мүфти қандай жағдайда оразаның сауабы болмайтынын айтты
Мүфтият оразаға қатысты жиі қойылатын сұрақтарға жауап берді– видео
Ақорда, архивтегі фото

Тоқаев ішкі істер министріне карантиндік шараларға қатысты тапсырма берді

11
Жыл басынан бері 50 жалған вакциналау паспортын және 60 жалған ПТР-анықтамасын жасау бойынша 110 қылмыстық іс қозғалды

НҰР-СҰЛТАН, 3 тамыз – Sputnik. Президент Қасым-Жомарт Тоқаев ішкі істер министрін қабылдады, деп хабарлады Ақорданың ресми сайты.      

Ерлан Тұрғымбаев мемлекет басшысына елдегі криминогендік ахуал туралы баяндап берді. Сондай-ақ, ішкі істер органдарының жұмысы бойынша есеп берді.  

Министрдің айтуынша, бүгінде қылмысты ашу көрсеткіштері жақсарып отыр. Соның нәтижесінде кісі өлтіру, тонау, бұзақылық, ұрлық, сондай-ақ, кәмелеттік жасқа толмағандар жасаған құқық бұзушылықтардың саны азайды.

"Қоғамдық орындар мен көшедегі қауіпсіздік деңгейі жоғарылады. Алайда интернет желісін пайдалану арқылы жасалатын алаяқтық қылмыстар көбейген. Бұған пандемия кезіндегі онлайн-қызметтердің өсуі ықпал етті", - дейді Тұрғымбаев.

Бұдан бөлек, мемлекет басшысына жалған вакциналау паспорттарын таратудың жолын кесу бойынша қабылданып жатқан шараларға қатысты ақпарат берілді. Жыл басынан бері 50 жалған вакциналау паспортын және 60 жалған ПТР-анықтамасын жасау бойынша 110 қылмыстық іс қозғалды.

Сондай-ақ, Тұрғымбаев жеке құрамның 96 проценті екпе алғанын жеткізді.

Кездесу қорытындысы бойынша Қасым-Жомарт Тоқаев министрлікке басқа мемлекеттік органдармен бірлесіп, карантиндік шараларды қамтамасыз етуге ерекше көңіл бөлуді, сондай-ақ, кәмелетке толмағандарға қарсы қылмыстардың, тұрмыс саласындағы құқық бұзушылықтардың алдын алу және жол қауіпсіздігін қамтамасыз ету жөніндегі жұмысты жандандыруды тапсырды.

11
Портфель

Бердібек Сапарбаев президенттің сөгісінен кейін шенеунікті қызметінен босатты

1026
Қасым-Жомарт Тоқаев жұмысында едәуір олқылықтарға жол берген Тараздың экс-әкімі Қайрат Досаевты басқарма басшысы етіп тағайындағаны үшін Бердібек Сапарбаевқа сөгіс жариялаған болатын

НҰР-СҰЛТАН, 3 тамыз – Sputnik. Жамбыл облысы әкімінің өкімімен Қайрат Досаев қызметінен босатылды.

2019 жылдың қарашасында Қайрат Досаев мектеп дәретханасында болған зорлау оқиғасынан кейін Тараз әкімі қызметінен кетті.

Облыс әкімдігінің мәліметінше, қызметінен босатылғаннан кейін бір айдан соң, 2019 жылдың желтоқсанында Досаев еңбек инспекциясы басқармасының басшысы – бас мемлекеттік еңбек инспекторы қызметіне тағайындалды.

Ал 2021 жылы 30 шілдеде ол Жамбыл облысы әкімдігінің табиғи ресурстар және табиғат пайдалануды реттеу басқармасының басшысы болды.

Тағы оқыңыз: Тоқаев жұмыстан қуған экс-әкім басшылық қызметке тағайындалды

Бүгін, 3 шілде президент Қасым-Жомарт Тоқаев Жамбыл облысының әкімі Бердібек Сапарбаевқа "2019 жылы жұмысында едәуір олқылықтарға жол беріп, қызметінен босатылған Қайрат Досаевты әкімдіктің басқарма басшысы етіп тағайындағаны" үшін сөгіс жариялады.

Мемлекет басшысы әкімге бір тәулік ішінде кадрлық қателігін түзетуді тапсырды.

Дәретханадағы зорлау оқиғасы

2019 жылы Таразда 7-сынып оқушысын мектеп аумағындағы дәретханада зорлап кеткен болатын. Мектеп ішіндегі әжетхана дұрыс жұмыс істемеген және білім ошағының аумағында бір сағат бойы жүрген бөтен адамға ешкім назар аудармаған. 

Күдікті ұсталып, тергеу изоляторына қамалды. Полицияның мәліметінше, ол 19 жыл бұрын әйел зорлағаны үшін төрт жыл түрмеде отырып шыққан.

Тағы оқыңыз: Тараздағы сұмдық: оқушы қызды дәретханада зорлаған педофилге сот үкімі шықты

Он екі жастағы қызды зорлаған 38 жастағы педофил сот үкімімен кінәлі деп танылып, 25 жылға сотталды.

Бүкіл елді шулатқан оқиғадан кейін Жамбыл облыстық білім басқармасының басшысы, мектеп директоры, мектеп инспекторы және бірнеше мұғалім мен білім ошағының қызметкері жұмыстан кетті.

Бірнеше күннен кейін президент Қасым-Жомарт Тоқаев облыс басшысына жұмысында жүйелі кемшіліктер жібергені үшін Тараз қаласының әкімін қызметінен босатуды тапсырды.

1026
Кілт сөздер:
Бердібек Сапарбаев, Тараз, Қасым-Жомарт Тоқаев, сөгіс