Мешіт

Пітір садақадан түскен ақша қайда жұмсалатыны белгілі болды

833
Биыл пітір садақа мөлшері 300 теңге деп бекітіліп отыр

НҰР-СҰЛТАН, 6 мамыр – Sputnik. Қазақстан мұсылмандары діни басқармасы пітір садақадан түскен ақшаға мұқтаж жандарға көмек көрсетеді. Бұл туралы ҚМДБ ресми өкілі Ағабек Қонарбайұлы айтты, деп хабарлайды Sputnik Қазақстан тілшісі.

"Биыл пітір-садақаның көлемі 300 теңге деп бекітілді. Оны бидай бағасының ең төменгі нарығымен есептедік. Егер қалталы азаматтар болса, құрманың, ұнның бағасымен беруге болады. Бұл ең төменгі мөлшерлеме. Жан басына шаққанда 300 теңгеден береміз", - деді ресми өкіл.

Пітір садақасы кімдерге уәжіп? 

Ағабек Қонарбайұлының айтуынша, пітір садақаның есебінен көпбалалы отбасылар, тұрмысы төмен азаматтар мен жетімдерге қол ұшын созу көзделіп отыр.

"Мешіттердің жанынан арнай комиссия құрылады. Сол комиссиялардың шешімімен мұқтаж жандарға қаржылай және азық-түлік түрінде көмек көрсетіледі", - деді ол.

Сондай-ақ, ҚМДБ ресми өкілі таяуда еліміздің бас мүфтиі Серікбай қажы Ораздың мұсылман қауымға үндеу жариялағанын еске салды.

"Үндеудің негізгі мәтіні – жақсылықта жарысайық. Расында да, Рамазан – қайырымдылық пен жақсылықтың үлкен мерекесі. Әрбір жасалған жақсылық бірнеше есе сауап болып жазылады. Біздің мешіттің Ақылдастар алқалары Рамазан айының құрметіне кәсіп иелеріне өтініш жасады. Қасиетті айда арақ-шарап сатылмаса, дүкен сөрелерінен алынып тасталса, азық-түлікке 10 процент жеңілдік жасалса, қоғамдық көліктерде жеңілдік жасалса деген ұран тастадық. Расында осы ұранымыз өз нәтижесін беріп жатыр", - деді Ағабек Қонарбайұлы. 

Бұған қоса, жақында арнайы қоғамдық көліктер бөлініп, Әзірет Сұлтан мешітінен кешкі тарауық намазынан кейін шыққан ата-апаларды үйіне тегін тасымалдайды.

833
Кілт сөздер:
ақша, пітір садақа
Тақырып:
Рамазан айы - 2019 (40)
Тақырып бойынша
Қан тапсырудың пайдасы мен зияны: шариғат бұған не дейді?
Астанада "Алланың гүлі" атанған мешітті кім салдырғаны белгілі болды
Бас мүфти Рамазан айына байланысты халыққа үндеу жасады
Биыл қажылыққа баратын қазақстандықтар қасиетті сапар үшін қанша төлейді?
Коронавирус, госпиталь

Қазақстандағы коронавирус: комиссия соңғы ақпаратты бөлісті

11
(Жаңартылды 09:03 26.10.2020)
Індетке шалдыққандар саны Шығыс Қазақстанда көп тіркелді. Бір тәулікте жиырма бес адам, астанада - 23 науқас

НҰР-СУҰЛТАН, 26 қазан — Sputnik.  Қазақстанда өткен тәулікте 140 адамда коронавирус індеті ПТР арқылы расталды. 

Індетке шалдыққандар саны Шығыс Қазақстанда көп тіркелді. Бір тәулікте 25 адам, астанада - 23 науқас, деп хабарлайды коронавирустың таралуына жол бермеу жөніндегі ведомствоаралық комиссия.

Аймақтар бойынша:

  • Нұр-Сұлтан қаласы - 23
  • Алматы қаласы - 15
  • Ақмола облысы - 14
  • Ақтөбе облысы - 4
  • Алматы облысы - 8
  • Атырау облысы - 3
  • Шығыс Қазақстан облысы - 25
  • Жамбыл облысы - 3
  • Батыс Қазақстан облысы - 5
  • Қарағанды облысы - 10
  • Қостанай облысы - 6
  • Маңғыстау облысы - 1
  • Павлодар облысы - 12
  • Солтүстік Қазақстан облысы - 9
  • Түркістан облысы - 2

Жалпы ел бойынша ауырғандар саны 110 542. 

Коронавирустық пневмония

Өткен тәулікте коронавирустық инфекция белгілері бар пневмонияның 26 жағдайы тіркелді. 71 адам емделіп шықты, бір адам қайтыс болды.

1 тамыздан бері 36 921 адам дертке шалдығып, 394 науқас көз жұмды. Жазылып шыққандардың саны  - 28 531 адамға жетті.

 

11
Кілт сөздер:
Қазақстан, коронавирус
Тақырып:
Коронавирус эпидемиясы
Тақырып бойынша
Ғалымдар коронавирус қалай таралатынын видео арқылы көрсетті
Коронавирус ақша мен телефон экранында қанша уақыт сақталады – ғалымдар зерттеу жасады
"Коронавирустың екінші толқыны жоқ": ДДҰ мәлімдеме жасады
Қара бұрыш коронавирустан қалай қорғайды – ғалымдар жауабын айтты
Кавасаки синдромы коронавирустың асқынған түрі ме - ғалым жауап берді
Тұрмыстық зорлық-зомбылық

"Сотқа жібереді": отбасында жанжал шығаратындар қалай жазаланады

593
Қазақстанда карантин кезінде тұрмыстық зорлық-зомбылық жағдайы көбейді. Мұны ресми статистика да растап отыр. Қазіргі заңнама отбасылық жанжал құрбандарын қалай қорғайды? Депутаттар жаңа заң жобасын не үшін әзірледі? Мәселені Sputnik Қазақстан тілшісі зерделеп шықты

НҰР-СҰЛТАН, 25 қазан – Sputnik. Бүгінгі заңнамада тұрмыстық зорлық-зомбылыққа қарсы бірнеше шара қарастырылған. Соның бірі – қорғау ұйғарымы. Оны учаскелік полицейлер жәбір көрген адамның арызы бойынша жазады және жанжал шығарған кісінің қолына тапсырады. Осы құжатта нақты шектеулер көрсетілген. Атап айтқанда, 30 күн бойы жәбір көрген адамды іздеуге, қысым жасауға, телефон және тағы басқа байланыс құралдары арқылы сөйлесуге тыйым салынған. Ал қорғау ұйғарымын бұзғаны үшін әкімшілік жаза бар.  

Хабар беруге қорқады

Әкімшілік құқықбұзушылық туралы кодекстің 461-бабына сәйкес, қорғау ұйғарымын бұзған адамға ескерту жасалады, я болмаса, бес тәулікке дейін әкімшілік қамауға алады. Ондай тәртіп бұзушылықтар бір жылдың ішінде қайталанса, 15-20 күнге дейін жауып тастайды. 

Дегенмен, дәл осы қорғау ұйғарымы көп жағдайда тұрмыстық зорлық-зомбылық құрбандарын қорғай алмай жатады. Себебі зардап шеккендердің көбі полицияға арыз жазғаны былай тұрсын, хабар беруге де қорқады. Ал құқық қорғаушыларды шақырған күннің өзінде артынан өз талаптарынан бас тартады. 

Ресми мәліметке сәйкес, биыл 8 айдың ішінде құқық қорғау органдарына тұрмыстық зорлық зомбылық белгісі бар оқиғалар туралы 130 мың рет хабар түскен. Соның бәрін тексере келе, 2,5 мың қылмыстық және 30 мың әкімшілік іс қозғалды. Ал қалған оқиғалар бойынша ешқандай шара қабылданған жоқ. Себебі жәбір көрген адамдар арыз-шағымнан бас тартты. Сонда 100 мыңға жуық адам өздеріне жұдырық алып жүгіргенді аяп, жазаға тартпауға шешім қабылдапты. 

Тағы оқыңыз: Шолпанның көз жасы: алты баласы бар 29 жастағы келіншек халықтан көмек сұрады

Енді, ондай адамдар жазадан құтыла алмайды. Жаңа заң жобасына сәйкес, тұрмыстық зорлық-зомбылық туралы арыз түспесе де, полицейлер қорғау ұйғарымын өз еркімен жаза береді. Әрине, құқық қорғаушы , алдымен, ондай қажеттіліктің бар-жоғын байқайды, яғни, жанжал шыққан үйдегі жағдайды қарайды. Беті көгерген немесе жарақат алғандар бар ма, жоқ па, соның бәрін зерделейді. Көршілердің пікірін сұрайды. Сөйтіп, тұрмыстық зорлық-зомбылық қаупі болса, бірден қорғау ұйғарымын шығарады. Ондай шара полицияға арыз беруге қорқатын адамдарды қорғауға көмектеседі деген болжам бар. 

Ақылға келеді

Бұдан бөлек, заң жобасында тағы бір ұсыныс бар. Оған сәйкес, қорғау ұйғарымын алған адамды 10 күнге үйден шығарып жіберу керек. Сонда ол отбасымен бір жарым апта бойы араласпай, ақылға келеді және жасаған қателігін түсінеді деген болжам бар. Бүгінгі заңнамада ондай шара қарастырылған. Бірақ оған тек соттың шешімімен міндеттей алады. Сосын тұрмыстық зорлық-зомбылық жасаған адамды үйден шығарып жіберу үшін оның тағы бір үйі болуы керек. Сот 30 күнге дейін отбасыдан бөлек тұруға шешім шығара алады.

Бұдан бөлек, судья ішімдік пен есірткі заттарын қолдануға тыйым салады. Ал соттың шектеулері бұзылса, 5 АЕК (13 890 теңге) көлемінде айыппұл немесе 7 күнге дейін әкімшілік қамау қарастырылған. Осы әрекет қайталанса, 10 күнге дейін ұзартылады. 

Негізі, осы уақытқа дейін тұрмыстық зорлық-зомбылыққа қарсы іс-қимыл заңнамасына біраз өзгеріс енгізілген. Мәселен, бұрын зардап шеккен адам барлық дәлелді өзі жинаса, қазір ондай айғақты полиция жинақтайды және сотқа жібереді. Сосын жүкті әйелдер мен кәмелет жасқа толмағандарды азаптағаны үшін жаза күшейтілді. Ондай әрекеттер үшін, кем дегенде, төрт жылға түрмеге қамап тастайды. 

Әкімшілік полиция комитетінің төрағасы Мұрат Баймұқашевтің айтуынша, пандемия кезінде полиция тарапынан қосымша шаралар қолға алынды. Мәселен, тұрмыстық зорлық-зомбылық туралы хабар беруге қорқатын адамдар телефон арқылы құпия сөз айтып, құқық қорғаушыларды шақыра алады. 

"Сосын пандемия жағдайында қашықтан бақылау жүйесі де енгізілді. Ондайда полицейлер жауапқа тартылған адамға әлеуметтік мессенджерлер арқылы бейнеқоңырау шалып, не істеп жүргенін бақылап отырады", - дейді Баймұқашев.  

Оның айтуынша, осы санаттағы тәртіп бұзушылықтардың басым бөлігі мас күйінде жасалады. Сосын жұмыссыз жүрген адамдар ұрыс-керіс жиі шығарады. Зардап шеккендердің жартысы әйелдер болса, 6 проценті – кәмелеттік жасқа толмаған балалар. Ал қалған 40 проценті – ер адамдар. Олар әкесінен, ағасынан және тағы басқа туған-туысынан жәбір көрген екен.

593
Кілт сөздер:
зорлық-зомбылық, отбасы
Тақырып бойынша
"Ол ешқашан тоқтамайды": оралдық әйел күйеуі туралы шындықты жайып салды
Күйеуі ұрып-соғатын әйелдер өзін қалай қорғай алады - мамандар кеңес берді
Елордада күйеуі өртеп жіберген әйелдің енесі оқиғаға не себеп болғанын айтты
Министр карантинде жатқан әйелдің бұрынғы күйеуі не істегенін айтып берді
Жылап тұрып көмек сұраған қостанайлық мұғалімнің бұрынғы күйеуі видео жариялады