Мұсылмандар қасиетті айда дұға оқып отыр

Рамазан айында ораза ұстауға шамаңыз жетпесе, не істеу керек?

12910
(Жаңартылды 19:18 12.05.2019)
Биыл мұсылман қауым асыға күтетін Рамазан айы 6 мамыр күні басталып, 4 маусымда аяқталады. Қадір түні 31 мамырдан 1 маусымға ауған түн — Қасиетті жұмаға түсіп отыр. 5 маусым күні Ораза айт мейрамы басталады. Құрбан айт 11-13 тамыз күндеріне түсіп тұр

НҰР-СҰЛТАН, 12 мамыр – Sputnik. Рамазанда ораза ұстау мұсылманға парыз. Алайда сырқаттану, денсаулығының нашар болуы себепті бұл игіліктен, яғни күндіз ораза ұстау мүмкіндігінен айырылған адамдар да бар. Шариғаттың кейбір адамдарға Рамазанда ораза ұстамауды рұқсат ететіні бәріне белгілі.

Ораза ұстаған жанды тамақтандырыңыз

Алматы орталық мешітінің баспасөз хатшысы Бауыржан Мырзақұл қасиетті Рамазан айында ауыз бекітпегендерге не істеу керек екенін айтты.

Рамазан-2019: Ораза кестесі

"Біріншіден, белгілі бір орынды себеппен ораза тұтпаған күннің өзінде ораза ұстағандардың көзінше ішіп-жемеуге тырысыңыз, бұл мәкрүх болып саналады. Рамазанда ізгі амалдарға берілетін сауап еселенеді. Сондықтан, игі іс жасауға асығыңыз. Егде жастағыларға орын беріңіз, көршілеріңізді немесе туыстарыңызды зиярат етіңіз, мешітте мұқтаж жандарға ауызашар жасауға қол ұшын беріңіз, науқастың көңілін сұрауға барыңыз" , - дейді Бауыржан Мырзақұл.

"Мәусу‘аәтрафәл-хадис ән-Нәбәуи әш-шәриф" кітабында: "Рамазанда жасалған абзал амал Алланың алдында парыз амал боп жазылады. Ал, парыз амал басқа айларда жасалатын жетпіс парыз амалға тең болады" деп жазылған екен.

Сондай-ақ, оның айтуынша, бұл айда ораза ұстаған жанды тамақтандыру керек.

"Өзіңіз ораза ұстай алмасаңыз, достарыңыз бен туыстарыңызға немесе таныстарыңызға арнап ауызашар жасаңыз. Олардың арасында көмекке зәру жандар болуы мүмкін. Осылайша, сіз игі амал жасайсыз. Кедейге жәрдем бересіз әрі ораза ұстаған адамның аузын аштырасыз", - дейді Алматы орталық мешітінің баспасөз хатшысы.

Хадисте былай делінген: "Ораза ұстаған адамға ауыз аштырған адам сол ораза ұстаған адаммен бірдей сауапқа кенеледі, одан ораза ұстаған жанның сауабы кемімейді" (Ахмад, Тирмизи және Ән-Нәсәи риуаят еткен).

Мүфтият оразаға қатысты жиі қойылатын сұрақтарға жауап берді– видео

Бауыржан Мырзақұлдың айтуынша, күні бойы ораза ұстап, кешкісін ауыз ашу қуанышын сезінуге мүмкіндігіңіз болмаса, сіз жасаған ауызашарда ауыз ашатын адамдарды тамақтандыру арқылы қуанышқа кенелесіз.

Рамазан – татулық айы

"Егер туыстарыңыздың, көршілеріңіздің не болмаса достарыңыздың арасында дінді ұстанбайтындар болса, дәл осы айда оларға Исламның көркемдігін көрсетуге барыңызды салсаңыз болады. Оларды ауызашарға шақырыңыз, Рамазан айының мәні жайында баяндап беріңіз", - дейді ол.

"Тастаушы болмаңдар" Сәресі туралы не білуіміз керек?

Бастысы, өзгелерді кешіріп, ешкімге кек сақтамауға тырысу қажет.

"Біреумен араздасып қалсаңыз, татуласуға күш салыңыз. Хадисте мұсылман бауырлардың үш күннен астам уақыт бір-бірімен сөйлеспей, араздықта болуының жарамайтыны айтылады емес пе? Егер отбасыңыз қандай да бір себеппен туыстарыңыздың бірімен ат құйрығын кескен болса, дәл осы Рамазанда солармен татулассаңыз, нұр үстіне нұр болады" - дейді Бауыржан Мырзақұл.

Құран оқуға тырысыңыз

Сондай-ақ, ғайбат айтудан аулақ болу керек. Құлшылықты арттырып, Құран оқу керек.

"Мейлінше көп уақытыңызды Құранға бөліңіз. Құранды оқи алсаңыз, күніне бірнеше сүре оқып отыруға тырысыңыз. Бірақ, бір есте сақтарлық жайт, Құран оқығанда тиісті әдептерді қадағалау қажет. Оған құрметпен қарау керек (атап айтқанда, Құранның арабша мәтінін әуретіңіз жабық, дәретті күйде ашу керек, оны құблаға бет бұрып отырып оқыған абзал, Құранды үстелдің немесе басқа бір нәрсенің үстіне қою керек, жерге қойып, аяқ астында қалдыруға, лас жерге қоюға болмайды", - дейді ол.

Рамазан айының он артықшылығы туралы не білесіз?

Мешіттің баспасөз хатшысы тарауық намазын қалдырмау керектігін де айтты. Мүмкін болса, Рамазанда барлық намазды мешітте жамағатпен оқуға тырысқан жөн. Алланы еске алудың (зікір етудің) кез келген уақытта маңызы зор.

"Айтылған ойдың бәрі ораза ұстайтын, ұстамайтын барша мұсылмандарға қатысты. Дегенмен, Рамазан айының игіліктерін уысынан шығарып алмас үшін ораза ұстауға мүмкіндігі жоқ жандардың бұған ерекше мән бергені жөн", - дейді ол.

12910
Кілт сөздер:
Рамазан, Ораза, ауызашар
Тақырып:
Рамазан айы - 2019 (37)
Тақырып бойынша
2019 жылы Рамазан айы мен Құрбан айт қашан басталатыны белгілі болды
Бас мүфти Рамазан айына байланысты халыққа үндеу жасады
Тоқаев қазақстандықтарды Рамазан айының басталуымен құттықтады
Биылғы пітір садақа мөлшері бекітілді
Пітір садақадан түскен ақша қайда жұмсалатыны белгілі болды
Каспий

Тоқаев Каспий теңізін ластанудан қорғау хаттамасына қол қойды

37
(Жаңартылды 14:56 23.10.2021)
Жуықта сенат Каспий теңізін жерүсті көздерінен және құрлықта жүзеге асырылатын қызмет нәтижесінде ластанудан қорғау жөніндегі хаттаманы ратификациялаған болатын

НҰР-СҰЛТАН, 23 қазан – Sputnik. Мемлекет басшысы "Каспий теңізінің теңіз ортасын қорғау жөніндегі негіздемелік конвенцияға биологиялық әртүрлілікті сақтау туралы хаттаманы ратификациялау туралы" заңға қол қойды, деп хабарлады Ақорда. 

Естеріңізге сала кетейік, сенат Каспий теңізін жерүсті көздерінен және құрлықта жүзеге асырылатын қызмет нәтижесінде ластанудан қорғау жөніндегі хаттаманы ратификациялады.

Осы құжат Каспий теңізінің теңіз ортасын қорғау туралы негіздемелік конвенцияға кіреді.

Хаттаманың негізгі мақсаты - жерүсті көздерінен және құрлықта жүзеге асырылатын қызмет нәтижесінде теңіз ортасының ластануын болдырмау, салдарын азайту, бақылау және ондай салдарды барынша жою.

Осы құжат негізінде бірқатар шаралар қолға алынады.

Олар:

  • ең озық қолжетімді технологиялар мен табиғатты қорғау практикасын пайдалану;
  • Каспий теңізінің теңіз ортасы мен жағалау маңындағы аудандарының физикалық, биологиялық және химиялық сипаттамалары туралы, оның ішінде жерүсті көздерінен теңіз акваториясына ластаушы заттардың түсу көлемдері туралы дерекқорды құру және жүргізу;
  • Каспийдің теңіз ортасы мен жағалау маңындағы аудандарының жай-күйіне тұрақты бағалау, оның жағалау сызығы бойындағы теңіздің ластану деңгейіне бағалау жүргізу.

Айта кетері, Каспийдің теңіз ортасын қорғау туралы негіздемелік конвенция 2003 жылы қараша айында рәсімделген болатын. Оған Әзірбайжан, Иран, Қазақстан, Ресей мен Түрікменстан қосылды.

Ал Каспий теңізін жерүсті көздерінен және құрлықта жүзеге асырылатын қызмет нәтижесінде ластанудан қорғау жөніндегі хаттамаға 2012 жылғы 12 желтоқсанда Мәскеу қаласында қол қойылды.

Оқи отырыңыз: 

37
Кілт сөздер:
Қасым-Жомарт Тоқаев, Каспий теңізі, ластану, хаттама
Әлеуметтік желілер

Instagram-да жаңа функция іске қосылды

336
Бұған дейін WhatsApp мессенджерінде дыбыстық хабарлама жиі жіберетіндер үшін ыңғайлы опция іске қосылады. Соған сәйкес, енді қолданушылар дыбыстық хабарлама жолдап жатқан кезде кідіріс жасай алады

АЛМАТЫ, 22 қазан – Sputnik. Instagram әлеуметтік желісінде фото және видео жүктеудің жаңа тәсілі пайда болды.

"Біз бұл функцияны іске қосқанымызға қуаныштымыз. Енді сіздер ұзақтығы бір минутқа дейінгі фото және видеоны браузер арқылы тікелей Instagram-ға жүктей аласыз", - деп хабарлады әлеуметтік желінің баспасөз қызметі Twitter-де.

Бұған дейін компьютер арқылы тек жаңа фотоларды көріп, лүпіл басуға болатын. Сондай-ақ stories көріп, пікір қалдыратын. Өзге де мүмкіндіктер тек мобильді қосымшада қолжетімді болды.

Бүгіннен бастап жаңа функцияға арнайы белгі пайда болды. Ол да жаңа фотолар, хабарламалар мен лүпіл қойған қолданушылар тізімі көрсетілген қатарға орналасты.

Айта кетері, бұған дейін WhatsApp мессенджерінде дыбыстық хабарлама жиі жіберетіндер үшін ыңғайлы опция іске қосылады. Соған сәйкес, енді қолданушылар дыбыстық хабарлама жолдап жатқан кезде кідіріс жасай алады.

Бұл функция хабарламаны бір хат түрінде жолдауға мүмкіндік береді, яғни ойды аяқтау үшін жаңа хабарлама жолдап әуре болмайды. Бұл екінші тарапқа да тиімді болып отыр, себебі екінші адам да бір ғана хабарлама алады.

336
Кілт сөздер:
Instagram, жаңа функция
Тақырып бойынша
Instagram-да хат жазған: бейтаныс адамның айтқанын істеген ақтөбелік опық жеді
"Бақытты бола алмайды": Instagram несімен қауіпті
Instagram-да масқараңды шығарамын деп танысын бопсалаған қыздың өзі ұятқа қалды
Instagram желісінде үкіметтің атынан ашылған фейк аккаунт пайда болды
Instagram пайғамбарды келемеждегендерге жауап берген басылым жазбасын өшіріп тастады
Архивтегі сурет

Дәрігер адам денсаулығына қауіпті тағамдарды атады

3
Маман ұннан жасалған тағамдарды көп жеу қант диабетіне әкеп соғуы мүмкін екенін ескертті

НҰР-СҰЛТАН, 23 қазан – Sputnik. Қайта өңделген ет өнімдерін, кондитерлік,  ұн және нан-тоқаш өнімдерін, тәтті алкогольсіз сусындар, майлы сүт өнімдерін жиі жеу адам денсаулығына қауіп төндіреді. Бұл туралы "Прайм" агенттігіне терапевт, гастроэнтеролог Дмитрий Карпенко айтты.

Егер бұл тағамдарды нормамен жесе, олар "шартты түрде зиянды" саналады, деді маман.

"Дұрыс тамақтануды насихаттауға қарамастан, қазіргі таңда статистика сол қалпы: адамдар қант, ас тұзы қосылған майлы тағамдарды шамадан тыс көп жейді, ал дәрумендер мен минералдарға бай өнімдерді аз тұтынады", - деді Карпенко.

Дәрігер зиянды тағамдарды көп жеу қант диабеті, жүрек-қан тамырлары (инфаркт, инсульт), асқазан-ішек жолдары ауруларына әкеп соғатынын ескертті.

Маман тәтті әрі майлы тағамдарды тұтыну жиілігі мен мөлшерін бақылауға кеңес берді. Мәселен, етті аптасына екі реттен көп жемеу керек, ал тұздың нормасы — тәулігіне бес грамм (йодталған).

Жалпы, Карпенконың айтуынша, рационда құнарлы майлар жалпы калорияның он процентінен, ал қант бес-он проценттен аспауға тиіс.

Оқи отырыңыз: 

3
Кілт сөздер:
тәтті тағам, зиянды тағамдар, дәрігер, денсаулық