Kazakhstan Fashion Week

Қытайлар қазақтың киізіне қызыға бастады

252
(Жаңартылды 09:54 18.05.2019)
Қытайдың сауда компаниялары киізбен жұмыс істейтін қазақстандық қолөнер шеберлерімен тығыз байланыс орнатпақшы

НҰР-СҰЛТАН, 17 мамыр – Sputnik. 20-26 мамыр аралығында Қытайдың мәдениет пен туризм апталығы өтеді. Оған осы елдің әртістері, қолөнершілері, ушу шеберлері мен саудагерлері келеді, деп хабарлайды Sputnik Қазақстан тілшісі.

Апталыққа Қытайдың іскерлік топтары да келеді. Олар Қазақстанда жоғары дәрежелі туристік аймақтарды құруға қатысты өз ұсыныстарын жасайды. Ал "Астана Арбат" аймағында қытайлық батбырауықтар шоуы мен жәрмеңке ұйымдастырылады. Ол жерде жібек, шәй, зергерлік бұйымдар, киім-кешек және тағы басқа заттар сатылады.

Тағы оқыңыз: Қытайлар Димаштың суреті салынған "біртүрлі" фонтан орнатты

Қытайдың мәдениет және туризм министрлігінің Нұр-Сұлтандағы өкілділігінің басшысы Ван Шулиньнің айтуынша, қазір қытайлықтар арасында киізден жасалған бұйымдарға сұраныс артып келеді. Осыған байланысты бұл елдің кәсіпкерлері сауда байланыстарын орнатуға мүдделі.

"Соңғы кездері қытайлық кәсіпкерлер мен туристерге Қазақстанда киізден жасалған тауарлар қатты ұнап жүр. Себебі осы жердің шеберлері бәрін өз қолымен жасайды. Апталық аясында сауда компаниялары да келеді. Олар киізбен жұмыс жасайтын шеберлермен жақын танысуды көздейді. Әрине, сауда-саттықпен айналысатын компаниялар алдымен жергілікті нарықты зерттейді. Одан кейін қолөнер шеберлерімен байланыс жасайды", - дейді Шулинь.

Ал "Kazakh Tоurism" ұлттық компаниясы басқарма төрағасының орынбасары Тимур Дүйсенғалиевтің сөзіне қарағанда, Еуропаның туристері барған жердің табиғаты мен салт-дәстүрін зерттеп, жаңа эмоцияларды іздесе, қытайлық туристер заттарды сатып алуды жақсы көреді.

Тағы оқыңыз: Министр Қытайға қатысты тарап жатқан ақпараттар туралы айтты

"Бүгінде Қазақстан арқылы ұшатын қытайлық туристер үшін 72 сағаттық визасыз режим бар. Біз осы мүмкіндікті барынша пайдалануымыз қажет. Мәселен, қытайлықтар танымал брендтерді іздейді. Сол үшін Дубай, Париж бен Миланда аялдайды. Ондай брендтер бізде де сатылады. Міне, киізге де қызығушылық оянды. Демек, қазақстандық шоколад, бал мен коньяктан басқа да дүниелер бар", - деп атап көрсетті Дүйсенғалиев.

Нұр-Сұлтанда өтетін Қытайдың мәдениет пен туризм апталығы аясында 72 сағаттық визасыз режиммен бір топ қытайлық турист келеді.

252
Кілт сөздер:
киіз үй, қазақ, қытайлар
Тақырып бойынша
Депутат Қытайдан алынатын қарыздың пайдасын түсіндіре алмағандарға шүйлікті
Қазақстан Қытайдан қанша қарыз алады – парламент заң қабылдады
Назарбаев Қытай журналистерінің сұрағына жауап берді
Қытай Назарбаевты жоғары мемлекеттік наградамен марапаттады
Қазақстанмен тағдырымыз бір - Қытай үкіметі
Құлаққап, телефон

Құлаққап денсаулыққа зиян келтірмеуі үшін қалай қолдану қажет дәрігер кеңесі

34
(Жаңартылды 10:36 30.11.2020)
Дамыған елдер халқының 25%-інде 50 жасқа дейінгі азаматтардың есту қабілеті нашарлаған. Дәрігер құлаққап таққан кезде дыбыс деңгейінің қандай болуы қажет екенін айтты

АЛМАТЫ, 30 қараша – Sputnik. Дәрігер әрі тележүргізуші Александр Мясников құлаққаптың адам денсаулығына қандай зиян келтіретінін айтты, деп хабарлайды РИА Новости.

"Қауіпсіз құлаққап болмайды. Қауіпсіз – бұл 80 децибел, ал құлаққаптарда 100 және 120 децибел болуы мүмкін", - дейді Мясников "Россия 1" телеарнасының эфирінде.

Дәрігердің айтуынша, адам құлаққапты үш-төрт жыл қолданғаннан кейін есту қабілеті нашарлай бастайды.

Осыған байланысты дамыған елдер халқының 25%-інде 50 жасқа дейінгі азаматтардың есту қабілеті нашарлаған.

Ал құлаққап тағып жүрген кезде адам өз даусы мен жанындағы адамның сөзін еститіндей болса, бұл қалыпты болып саналады. Ал басқа жағдайда дыбысты бәсеңдету керек. Сондай жағдайда құлаққаптар аз зиян келтіреді.

34
Кілт сөздер:
пайдалы кеңес, дәрігер, есту қабілеті
Тақырып бойынша
Ай сайын смартфоннан нені өшіріп тұру қажет - маман кеңесі
Мамандар телефонда қандай смс сақтауға болмайтынын ескертті
Дәрігер телефонның жарығы орны толмас өкінішке әкелуі мүмкін екенін айтты
Ғалымдар ұялы телефонның қауіпті функциясын анықтады
Шымкенттікті телефонның "зарядкасынан" тоқ соқты: жігіт тіл тартпай кетті   
Коронавирус сынама

Қазақстанда бір тәулікте коронавирустан жеті адам көз жұмды

11
(Жаңартылды 10:03 30.11.2020)
Өткен тәулікте 794 адам инфекция жұқтырды, 43 адам пневмонияға шалдықты. Пандемия басталғалы 131 659 адамда коронавирус расталды

АЛМАТЫ, 30 қараша – Sputnik. Қазақстанда өткен тәулікте коронавирустан жеті адам қайтыс болды, деп хабарлады денсаулық сақтау министрлігі.

Ал коронавирус белгілері бар пневмониядан көз жұмғандар тіркелген жоқ.

Қазір коронавирус инфекциясынан 13 164 адам ем қабылдап жатыр, оның арасында 905 бала бар. 
Стационарларда 3 516 науқас жатыр. 9 648 адам амбулаториялық жағдайда емделуде.

Жалпы науқастардың арасында 222 адамның жағдайы ауыр, ішінде 31 науқастың жағдайы аса ауыр деп бағаланып отыр. 33 науқас жасанды тыныс алу аппаратына қосылған.

Сонымен қатар бір тәулікте 794 адам инфекция жұқтырды, 43 адам пневмонияға шалдықты.
Пандемия басталғалы 131 659 адам коронавирус инфекциясын жұқтырды, 2 034 адам қайтыс болды.

Бірінші тамыздан бастап 42 147 адам пневмонияға шалдықты, 443 адам қайтыс болды.

 

11
Тақырып:
Коронавирус эпидемиясы
Тақырып бойынша
Коронавирустың жаңа штаммы таралып жатыр – ғалымдар дабыл қақты
Ғалымдар коронавирусқа қарсы иммунитет қанша уақыт сақталатынын анықтады
ДДҰ коронавирустың үшінші толқыны туралы ескертті
Ғалымдар қай халықтың коронавирусқа көп жылдан бері бейім екенін айтты
Қанша облыс коронавирустың "қызыл" аймағында тұр