Архив

Тоқаев: көпбалалы аналардың проблемасын заңға сәйкес шешу қажет

1703
(Жаңартылды 14:35 04.06.2019)
Көпбалалы аналардың проблемасы бүгін Нұр-Сұлтанда жұмыс тобының аясында қаралады

НҰР-СҰЛТАН, 4 маусым — Sputnik. Қазақстан президенті Қасым-Жомарт Тоқаев Қазақстанда көпбалалы аналардың проблемасын қалай шешетінін айтты.  

Тағы оқыңыз: Көпбалалы отбасылар - мемлекеттен қандай жеңілдіктер мен жәрдемақы бар? 

Тоқаев тwitter-аккаунтында өзінің тапсырмасы бойынша президент әкімшілігінің басшысы Бақытжан Сағынтаев пен үкімет мүшелері көпбалалы аналармен кездескенін хабарлады. Көтерілген мәселелер бүгін, 4 маусымда жұмыс тобының аясында қаралады.

"Проблемаларды заңға сәйкес, іскерлік жағдайда шешу қажет", - деп жазды президент.

​Бұған дейін мемлекет басшысы атаулы әлеуметтік көмек алу үшін көпбалалы ата-аналардың ажырасуы жиілеп кетуіне алаңдаушылық білдіріп, алаяқтықты тоқтатуға тапсырма берген еді.

Тағы оқыңыз: Тоқаев көпбалалы ата-аналардың ажырасуына тосқауыл қоюды тапсырды

Көпбалалы отбасыларға қандай көмек көрсетіледі

Қазақстанда көпбалалы отбасылардың проблемасы Нұр-Сұлтанда бес қыз өртеніп кеткеннен соң көтерілді. Осы трагедиядан кейін үкімет көпбалалы отбасыларды әлеуметтік қолдауды қайта қарап, жалға берілетін тұрғын үйді алуға жеңілдіктер мен жаңа мүмкіндіктер енгізді. Сондай-ақ атаулы әлеуметтік көмектің көлемі айтарлықтай артты.      

1703
Кілт сөздер:
атаулы әлеуметтік көмек, көпбалалы отбасы
Тақырып:
Президент сайлауы - 2019 (176)
Тақырып бойынша
Шымкентте көпбалалы ата-аналар әлеуметтік көмек үшін ажырасып жатыр
Елордалық көпбалалы отбасыларға Екібастұздан пәтер берілді - видео
Түркістан облысында көпбалалы отбасыларға қосымша 500 мың теңгеден беріледі
Қазақстанда көпбалалы отбасылардың баспанасын тегін жөндейтін телебағдарлама түсіріледі
Көпбалалы аналар қандай жағдайда баспанасынан айырылатыны белгілі болды
"Сендерге бақыт тілеймін" Тоқаев көпбалалы отбасылардың балаларымен кездесті - фото
Орталық сайлау комиссиясының ғимараты

ОСК мәжіліс сайлауына "Nur Otan"партиясы кандидаттарының тізімін тіркеді

37
"Nur Otan" партиясының тізімінде 126 адам бар. ОСК кандидаттардың заң талаптарына сәйкестігіне тексеру жүргізді

НҰР-СҰЛТАН, 2 желтоқсан – Sputnik. Қазақстанның орталық сайлау комиссиясы мәжіліс сайлауына "Nur Otan"партиясы кандидаттарының тізімін тіркеді, деп хабарлайды Sputnik Қазақстан.  

"Nur Otan" партиясы парламент сайлауына кандидаттарды ұсыну туралы құжаттарды Орталық сайлау комиссиясына 2020 жылдың 26 қарашада ұсынды.

Оқи отырыңыз: "Ақ жол" партиясы мәжіліс депутаттығына кандидаттар тізімін жариялады 

"Nur Otan" партиясының тізімінде 126 адам бар. Оның 40-ы әйелдер мен жиырма тоғыз жасқа толмаған жастар, олар тізімге енгізілгендердің жалпы санының 31,7 процентін құрайды. Уәкілетті органдар ұсынған мәліметтер негізінде Орталық сайлау комиссиясы мәжіліс депутаты болып сайлану үшін партиялық тізімге енгізілген адамдардың Конституция мен "ҚР сайлау туралы заңы" талаптарына сәйкестігіне тексеру жүргізді", - деп атап өтті ОСК мүшесі Асылбек Смағұлов отырыс барысында.

Тексеріс нәтижесінде партиялық тізімге енгізілген барлық адам заң талаптарына сай келетіні белгілі болды.  

Осыған байланысты, Орталық сайлау комиссиясының мүшелері "2021 жылдың 10 қаңтарына белгіленген Қазақстан Республикасы парламенті мәжілісі депутаттарының кезекті сайлауында "Nur Otan" партиясының партиялық тізімін тіркеу туралы" қаулы қабылдады.

37
Кілт сөздер:
сайлау, Мәжіліс
Тақырып бойынша
Қазақстанда жаңа саяси партия құрылып жатыр – депутат Әлтаев
"Nur Otan" сайлау алдында берген уәделерінің басым бөлігін орындады – Назарбаев
Әлі талай құшақтасатын боламыз – Назарбаев
Дариға Назарбаева мәжіліс депутаттығына кандидат болды
Сайлауға бойкот жариялау ұсынылды – ЖСДП мүшелері қандай шешім қабылдады
Телефон, иллюстративті фото

Құпия деректерге қауіп төніп тұр: Жалған онлайн ойынның сілтемесі таралып жатыр

22
Қолданушылар бөлісіп жатқан сілтеме ойынның порталына емес, жеке деректерді иемдене алатын фишингтік сайтқа кіргізіп жібереді

НҰР-СҰЛТАН, 2 желтоқсан – Sputnik. Әлеуметтік желіде Amazon компаниясы жүргізіп отыр делінген онлайн ойын туралы ақпарат таралып жатыр.  

"Ойын" ережесіне сәйкес, қатысушылар қымбат гаджеттер, ұялы телефондар мен компьютерлік техника ұтып алуы мүмкін. Алайда қолданушылар таратып жатқан "ойынның" сілтемесі фишингтік сайтқа алып барады, деп хабарлады Stopfake порталы.

"Бағалы сыйлықтар ұтысы туралы жаңалықтың астында жағымды пікірлер көп жазылған. Оның бәрі фейк деп болжауға болады. Бұл туралы ойын сайтында да жазылған – сайтқа кірмек болғанда автоматты түрде фишинг туралы ескерту шығады, ал сервермен байланыс қорғалмаған", - делінген хабарламада.

Сарапшылардың мәліметінше, алаяқтар осындай интернет-платформалар арқылы сайтқа кірушілердің жеке деректерін –аккаунттардың логиндері мен парольдерін, төлем карталары мен банктік шоттар туралы ақпаратты ұрлайды, тіпті жәбірленушінің компьютеріне немесе мобильді құрылғысына толық қолжеткізе алады.

"ҚҚС төлемдерін қайтарып ал": Алаяқтықтың жаңа түрі пайда болды

Бұл соңғы уақытта Қазақстанда тіркелген алғашқы фишингтік сайт емес. Бүгінде алаяқтар белсенді әрекет етіп жатыр, адамдарды банктердің, танымал тұлғалардың, ірі брендтердің атынан алдауға тырысады.

Фишинг – интернет алаяқтығының бір түрі, оның мақсаты – қолданушының құпия деректеріне, атап айтқанда, логиндер мен парольдерге қол жеткізу.

22