Надувной батут

Балаларды батутқа апаруға болмайды - министрлік себебін түсіндірді

674
Бүгінде батут орнатып, пайда тауып жүрген кәсіпкерлердің біразы қауіпсіздік ережелерін сақтамайды

НҰР-СҰЛТАН, 7 маусым – Sputnik. ІІМ Төтенше жағдайлар комитетінің төрағасы Владимир Беккер балаларды батутқа апармауға кеңес берді. Себебі оларды пайдалану кезінде көп жағдайда қауіпсіздік талаптары сақталмайды, деп хабарлайды Sputnik Қазақстан тілшісі.

Комитет басшысының айтуынша, биыл 1 шілдеден бастап аттракциондардың қауіпсіздігіне арналған ұлттық стандарт енгізіледі.

"Қазіргі кезде аталған құжат индустрия және инфрақұрылымдық даму мининстрлігіне қол қоюға жіберілді. Оны келесі аптада рәсімдейді деп ойлаймын. Ал 1 шілде күні ұлттық стандарт заңды күшіне енеді. Оған сәйкес, жергілікті атқарушы органдар бақылаушы функциясын атқаратын болады", - деді Беккер баспасөз мәслихатында.

Оның сөзіне қарағанда, ұлттық стандарт енді ғана енгізіліп жатса да, батут сияқты аттракциондарды қолданатын кәсіпкерлер қарапайым қауіпсіздік ережелерін сақтауы тиіс. Ол өнімді шығарған зауыт та техникалық талаптарды жазып отырады. Бұдан бөлек, Кедендік одақтың арнайы техникалық регламенті бар. Оған сәйкес, әрбір өнімге арнайы кәулік беріледі.

Тағы оқыңыз: Қарағандыда батут аударылып, бір бала қаза болды

"Мысалы, өндіруші зауыт батутты бекітудің нақты тәсілдері мен құралдарын көрсеткен. Жерге қазық қағылады. Ал асфальт немесе соқпақ тастар болса, ол жерге батутты ұстайтын блоктар қойылады. Ол блоктардың салмағына дейін жазылған. Сосын батуттың жанында термометр және желді өлшеу құрылғысы болуы шарт. Желдің жылдамдығы шамадан асып кетсе, батутты қолдануды дереу тоқтату қажет", - дейді Беккер.

Комитет басшысы Қарағанды қаласындағы қайғылы оқиғаның осы ережелерді сақтамау салдарынан болғанын да жеткізді. Енді, оның иесін 7 жылға дейін бас бостандығынан айырылуы мүмкін.

"Ашығын айту керек, бізде батуттар қолдан-қолға көшіп жүреді. Мұндай кезде құжаттар да, өндіруші зауыттың ережелері де сақталмайды. Қазір интернетті ашсаң, батутты сатататындар өріп жүр. Онда пайда табудың жолдарын да үйретеді. Ал қауіпсіздік ережелерін айтпайды", - деп атап көрсетті Беккер.

Қауіпсіздік талаптарына сәйкес, батутқа мінетін балалардың жасы ғана емес, салмағы да ескерілуі шарт. Себебі бір жерде салмағы ауыр біреу қатты секірсе, кішкентай бала батуттың сыртына ұшып кетуі әбден мүмкін. Техникалық регламент бойынша батуттағы ауа үрлейтін құрылғыларды да қоршап қою қажет. Себебі балалар оған қолын салып жіберуі мүмкін.

Тағы оқыңыз: Жантүршігерлік видео: Қостанайда батут ұшып кетті

"Өкінішке қарай, біз тиісті куәлікті де сұрамаймыз. Мен өзім 1 шілдеге дейін батуттарға бармауға кеңес берер едім. Сосын қауіпсіздік шаралары сақталмаған батуттар бірден көрініп тұрады ғой. Барлық ата-аналар, алдымен, қауіпсіздік шараларына назар аударсын деймін. Қауіпсіз батуттар бар. Бірақ ауа-райына да, батуттың жағдайына да, ол жерде ойнап жүрген балалардың санына да баса назар аударған жөн", - деді Беккер.

674
Кілт сөздер:
балалар, батут, министрлік
Тақырып бойынша
Кішкентай қыз батуттың ішіне түсіп кетіп, өлім аузынан қалды
Ақтауда балалардың ойыны қайғылы оқиғаға ұласа жаздады – видео
Жаңаөзенде балалар ойнайтын батутты жел ұшырып әкетті - видео
Семейде әткеншек құлап, бес бала зардап шекті
Қарағандыдағы трагедия: батуттың иесі ұсталды
түнгі қала

Желідегі видео қызу талқыланды: полиция алматылықты анықтады

95
Жас жігіт тізгіндеген көліктің жоғары жылдамдықпен келе жатқан видеосы әлеуметтік желіде тараған болатын

НҰР-СҰЛТАН, 29 шілде - Sputnik. Әлеуметтік желі қолданушылары полициядан Алматы көшелерімен жоғары жылдамдықта жүйіткіп, тұрғындарға қауіп төндірген жүргізушіге қатысты шара қолдануды сұрады.

Жас жігіт тізгіндеген көліктің жоғары жылдамдықпен келе жатқан видеосы әлеуметтік желіде тараған болатын. Желі қолданушыларын жол ережесін өрескел бүлдірушінің әрекеті бей-жай қалдырмады. Олар желіде Алматы қалалық полиция департаментінің басшысы Рустам Абдрахмановтың аккаунтын белгілей бастаған.

Департамент басшысы видеоны назарсыз қалдырмады. Полиция тексеру жүргізіп, көлік иесін анықтады. Hyundai Creta маркалы көліктің тізгінінде 19 жастағы азамат болған. Оған қатысты әкімшілік құқық бұзушылық туралы Кодекстің жеті бабы бойынша хаттама толтырылды.

"Кадрларда көлік иесінің жоғары жылдамдықпен келе жатқаны және жолда апатты жағдай туындатқаны анық көрініп тұр", - деп атап өтті департамент басшысы. 

Ол көлік иелерін жолда абай болуға шақырды.

Оқи отырыңыз: Ақтөбе облысында өзбектер мінген көлік бірнеше рет аударылды

95
Кілт сөздер:
жазалау, көлік, Алматы
Тақырып бойынша
Ақтауда жол апаты адам өмірін қиды: көлік ішінде түсірілген видео жарияланды
Әйел көз жұмып, баласы ауруханада жатыр: Алматыда жантүршігерлік жол апаты болды
Нұр-Сұлтанда TikTok-қа түспек болған жас жігіттерді полиция ұстап әкетті – видео
Көлік қаққан зейнеткер бірнеше метрге ұшып түсті – видеоның мән-жайы анықталды
Пожилой человек держит держит маску в руке

Бас санитар дәрігердің жаңа қаулысы жарияланды

3833
(Жаңартылды 19:36 29.07.2021)
Құжат 35 беттен тұрады. Ол коронавирус инфекциясы төтенше жағдайда таралып, өлім көрсеткіші жоғары болған кезде қазақстандықтарға арналған ережелерді қамтыған

НҰР-СҰЛТАН, 29 шілде - Sputnik. Қазақстанның бас санитар дәрігерінің жаңа қаулысы жариялады. Толық мәтінімен мына жерден танысуға болады.

Ерекше қаулыға бірқатар өзгерту енгізілген. Бизнес, қарапайым халық пен шенеуніктерге арналған ережелер 35 бетті қамтиды.

2 тамыздан бастап енгізілетін шектеулер

  1. Нұр-Сұлтан, Алматы, Шымкент, Атырау және Қарағанды қалаларында:
    орталық мемлекеттік органдарды, әкімдіктерді, құқық қорғау органдарын, денсаулық сақтау ұйымдарын, БАҚ-ты, азық-түлік дүкендерін, дәріханаларды және тіршілікті қамтамасыз ету ұйымдарын, сондай-ақ осы тармақтың 4) тармақшасында көрсетілген ұйымдарды қоспағанда, меншік нысандарына қарамастан, Ashyq-қа қатыспайтын барлық кәсіпорындар мен ұйымдардың қызметі тоқтата тұрсын;
  2. ойын-сауық, спорттық және басқа да бұқаралық іс-шараларды, сондай-ақ отбасылық, естелік іс-шараларды өткізуге тыйым салынсын;
  3. мемлекеттік органдардың (ұйымдардың), кеңселердің, ұлттық компаниялардың және өзге де ұйымдардың қызметкерлерінің (вакцинацияланған және соңғы 3 ай ішінде ауырып сауыққан адамдарды қоспағанда)  80%-ы үшін қашықтықтан жұмыс істеу нысаны сақталсын;
  4.  "Ashyq" жобасынан тыс:
  • құрылыс жұмысын жүргізуге;
  • өнеркәсіптік кәсіпорындар қызметіне;
  • жанаспайтын қызмет көрсетуге (автожуу, автомобильдерді, тұрмыстық техниканы, сағаттарды, телефондарды, компьютерлерді, аяқ киімді жөндеу, тігін ательесі, кір жуу орындары, химиялық тазалау, кілт  жасау, тұрмыстық үй қағидаты бойынша қызмет көрсету және т.б.), гүл дүкендерінің, фотосалондардың қызметіне;
  • туристік компаниялардың, бизнес орталықтардың, қызметтің жекелеген түрлерінің қызметіне (сақтандыру компаниялары, адвокат, нотариус, бухгалтер және консалтинг қызметтері, жылжымайтын мүлік жөніндегі агенттіктер, жарнама агенттіктері, сот орындаушылары, айырбастау пункттері, ломбардтар, банктер, "Қазпошта" АҚ бөлімшелері және т.б.);
  • қоғамдық тамақтану объектілерінің тек алып шығуға және жеткізуге арналған қызметіне рұқсат етілсін, делінген құжатта.

Қаулыға сәйкес, "қоңыр қызыл" аймақ түсінігі енгізіліп отыр. Оған ауруханаларда төсек-орын толуы 70 проценттен асатын (100 мың тұрғынға шаққанда 200-ден жоғары) өңір кіретін болады.

3833
Тақырып бойынша
Министр төсек-орын тапшылығы туралы: өлімнің күрт өсуіне әкелуі мүмкін
Цой: коронавируспен ауырғандардың 99,9%-і – вакцина салдырмағандар
Цой карантинді бұзғандардың тізімін жариялауға не түрткі болғанын айтты
Коронавирустың төртінші кезеңі: Бекшин не дейді
Коронавирусқа қарсы екі түрлі вакцина салдыруға бола ма
тауарлы поезд

Қазақстан, Ресей және Өзбекстан агроөнім тасымалдайтын "жасыл дәліз" құрады

0
Агроэкспресс пойыздар кешікпей, жылдам жүруі керек. Бұл тез бұзылатын өнімдерді жеткізу үшін аса маңызды

НҰР-СҰЛТАН, 29 шілде — Sputnik. Қазақстан мен Ресей агроөнімдерді тасымалдауға арналған "жасыл дәліз" құру жайын талқылап жатыр.

"Ресей – Өзбекстан" агрологистикалық дәлізі үшжақты болуы керек. Себебі тауарлардың жүк ағыны Қазақстан аумағы арқылы өтіп жатыр", - деді "Ресей экспорт орталығы" АҚ бас директоры Вероника Никишина.

Ол бұл туралы сауда және интеграция вице-министрі Қайрат Төребаевпен кездесу кезінде мәлімдеді, деп хабарлады министрлік.

"Пойыздар кешігусіз, жылдам жүруі үшін бақылаушы органдардың жұмысын үйлестіру керек болады. Себебі бұл жылдам бұзылатын тауарларды жеткізу үшін аса маңызды. Осылайша біз үш елдің бизнесіне бәсекелестік артықшылық ұсынып, мемлекеттер арасындағы тауар айналымын айтарлықтай ұлғайта аламыз", – деді Вероника Никишина.

Өз кезегінде қазақстандық вице-министр екі ел де оңтүстіктен тауар жеткізуді толыққанды қамтамасыз ету бойынша жұмыстар жүргізіп жатқанын айтты.

"Бізге осы жұмысты үйлестіріп, біріздендіру керек. Оның ішінде Ресейден Ауғанстанға дейінгі дәліз бойынша тиімді транзиттік тарифтер қалыптастыру мәселесі де бар", - деді Қайрат Төребаев.

Тараптар Орталық Азия – Қазақстан – Ресей тауарлар ағыны мен Еуразиялық тауар өткізуші жүйе қалыптастырудағы екі ел ынтымақтастығының келешегін талқылады.

Сонымен қатар "Қорғас" және "Орталық Азия" сауда-экономикалық ынтымақтастықтың халықаралық шекара маңындағы орталықтар базасында өнеркәсіптік кооперация бойынша бірлескен жобаларды жүзеге асыру жайы қаралды. Оның ішінде Орталық және Оңтүстік Азия мен Қытай сынды үшінші елдің нарығына бірлесіп дайындалған өнімді шығару мәселесі де бар.

Осы аталған мәселелер бойынша жұмысты үйлестіру және тәжірибе алмасу мақсатында тараптар жақын уақытта "Qaztrade" Сауда саясатын дамыту орталығы" АҚ мен "Ресей экспорт орталығы" АҚ арасында әріптестік туралы келісім жасау жөніндегі мәмілеге келді.

Бұл кездесу вице-министр Қайрат Төребаевтың "Ресей – Ислам әлемі: KazanSummit 2021" ХІІ Халықаралық экономикалық саммитінің жұмысына қатысуы аясында өті. Саммит шеңберінде Қазақстанның сауда-экономикалық миссиясы мен Қазақстан-Ресей бизнес-форумы да өтіп жатыр.

Оқи отырыңыз: Лавров Ресей – Еуроодақ саммитін өткізуге не кедергі екенін айтты

0
Кілт сөздер:
Өзбекстан, Ресей, Қазақстан
Тақырып бойынша
Досаев Тоқаевқа экономика өсімін 3,9% деңгейде жақсарту туралы айтты
Қазақстан халықаралық көрмеде алғашқы отандық дронды таныстырды
Мерзімі өтіп кеткен қандай азық-түлік өнімдерін жеуге болады