Сүндет 2019

Баланы неше жаста сүндетке отырғызу керек дәрігер кеңесі

26441
Көпбалалы отбасыларға әлеуметтік қолдау көрсету мақсатында арнайы акция ұйымдастырылды

НҰР-СҰЛТАН, 7 маусым – Sputnik. Елордада "Сүндет - 2019" акциясы аясында үш сағат ішінде 40-тан астам бала тегін сүндетке отырғызылды, деп хабарлайды Sputnik Қазақстан тілшісі.

140 бала сүндетке отырғызылады

Шараның мақсаты – көпбалалы отбасыларға көмек көрсету. Акция аясында барлық балаға "циркумзиция" (сүндеттеу) медициналық қызметі тегін көрсетіледі.

№2 қалалық балалар ауруханасының бас дәрігерінің орынбасары Айдын Әшімханов
© Sputnik / Дәурен Ерболат
№2 қалалық балалар ауруханасы бас дәрігерінің орынбасары Айдын Әшімханов

№2 қалалық балалар ауруханасының бас дәрігерінің орынбасары Айдын Әшімханов бұл акция Нұр-Сұлтан қаласы әкімдігінің қолдауымен өтіп жатқанын айтты.

"Шара 7-8 маусым аралығында өтеді. Әкімдік берген тізімге сәйкес, көпбалалы отбасылардың 3-7 жас аралығындағы 140-тан астам баланы сүндеттейміз. Медициналық қызмет тегін көрсетіледі. Шараға 10 үздік хируг қатысады. 3 сағаттың ішінде 40 баланы сүндетке отырғыздық. Сондай-ақ шараға урологтардың конгресіне келген Германия, Түркия дәрігерлері қатысты", - дейді ол.

Баланы неше жаста сүндетке отырғызу керек

Сондай-ақ, Айдын Әшімханов баланы неше жаста сүндетке отырғызу қажет екенін айтты.

"Баланы сүндетке тек дәрігер отырғызуы керек. Баланың жыныстық мүшесінің жетілуіне байланысты оны 5 жастан сүндетке отырғызу керек. Ол кезден асып кетсе, қорқудың қажеті жоқ. Дәрігерлерге 10-20 жастағылар да келеді. Бізде балалар ауруханасы болғандықтан, 18 жасқа дейін қабылдаймыз", - деді Айдын Әшімханов.

№2 қалалық балалар ауруханасының ресми мәліметіне сәйкес, мұнда баланы наркозсыз сүндетке отырғызу – 16 мың теңге, ал наркозбен 24 мың теңге екен. Дәрігерден ақыл-кеңес сұрасаңыз, қосымша 2200-3800 теңге төлейсіз. Сонымен қатар әр ауруханада баланы сүндетке отырғызудың бағасы әртүрлі.

Тағы оқыңыз: Баланы бесікке бөлеу пайдалы ма, әлде зиян ба?

Астана қаласының тұрғыны Саягүл Ишанқұлова бұл акция туралы әкімдік арқылы біліпті. Оның 4 баласы бар екен. 

Астана қаласының тұрғыны Саягүл Ишанкулова
© Sputnik / Дәурен Ерболат
Саягүл Ишанқұлова бұл акция туралы әкімдік арқылы біліпті

"Көпбалалы аналардың WhatsАpp-та тобы бар. Топқа әкімдіктен "осындай акция өтеді" деген хабарлама келді. Кеше медициналық тексерістен өттік. Бүгін осында келдік. Бес жарым жасар Нұржан атты ұлымды сүндетке отырғыздым. Барлығы тегін болды. Ұйымдастырушыларға алғысымды білдіремін", - деді ол.

Ал елордалық Ләззат Дүйсенбаеваның 5 баласы бар. Ол 7 жастағы баласын сүндетке отырғызыпты.

Ләззат Дүйсенбаева
© Sputnik / Дәурен Ерболат
5 баланың анасы Ләззат Дүйсенбаева 7 жастағы ұлын сүндетке отырғызды

"Дәрігерлерге, медбикелерге үлкен рақмет. Біз осында таңғы сағат 9:50-де келдік. Ұлымды сағат 11:10-де дәрігердің қабылдауына кіргіздім. Балам онда жарты сағаттай болды. Ұлымның есімі – Санжар. Мұнда білікті дәрігерлер жұмыс істейді. Сондықтан осында келдік", - дейді тұрғын.

Ал 3 және 5 жасар Сағит пен Әли мұнда әкелерімен бірге келген. Олар да шара туралы қалалық әкімдіктен біліпті.

Сүндет 2019
© Sputnik / Дәурен Ерболат
Ал 3 және 5 жастағы Сағит пен Әли әкелерімен бірге келген
26441
Кілт сөздер:
пайдалы кеңес, дәрігер, сүндетке отырғызу, бала
Тақырып бойынша
Балаларды батутқа апаруға болмайды - министрлік себебін түсіндірді
Таптырмас ем: құйрық майдың біз білмейтін қандай пайдасы бар?
Елімізде сүндетке отырғызу тегін болуы мүмкін
Сүндет тойға арналған тілек
Баланы үйде сүндеттеуге тыйым салынбақ
Архивтегі фото

Домбыраның шығу тарихын оқыған мәжіліс депутаты жағасын ұстады

217
(Жаңартылды 16:08 16.06.2021)
Мақпал Тәжмағамбетова ол үкіметке депутаттық сауал жолдап, ағылшын тілі оқулықтарын қайта сараптауды талап етті 

НҰР-СҰЛТАН, 16 маусым – Sputnik. Мәжіліс депутаты Мақпал Тәжмағамбетова ағылшын тілі оқулықтарын сынға алды, деп хабарлайды Sputnik Қазақстан тілшісі.  

Депутаттың айтуынша, мұғалімдер мен ата-аналар арасында 1-сынып пен 5-сыныпқа дейінгі ағылшын тілін оқытуға арналған оқулықтар қызу талқыға түскен. Барлығы Jenny Dooley және Virginia Evans-тың авторлығымен "Экспресс Паблишин" баспасынан шыққан. Сыртқы мұқабасында "аударылған" деп жазылғанмен, аударма емес, шындыққа жанаспайтын мәліметтер қаптап жүр. Ал білім және ғылым министрлігі оған оң сараптама берген.

Оқи отырыңыз: Білім министрлігі атышулы орыс тілі оқулығының кем-кетігін түзетуге уәде берді 

"Кітаптың өне-бойынан қазақтың ұлттық ұғымына, дәстүрлі тәрбиесіне келмейтін, шет елдің идеологиясын насихаттайтын иллюстрациялар мен мәтіндерді көптеп кездестіруге болады. Ал енді мынаны қараңыз. Екінші сыныпқа арналған оқулықта ұлттық дәстүрдің қатарына пасха мен масленицаны енгізіпті. Мұны әрине, қазақстандық мерекелер деп көрсетсе түсінуге болады. Қазақтың салт-дәстүрлері мен әдет-ғұрыптары деп жазылған тақырыпта шілдехана мен баланы қырқынан шығару сияқты салт-дәстүрдің жанында діни мерекелер неге жүр?", - деді Тәжмағамбетова мәжілістің жалпы отырысында.

Ал 5-сыныпқа арналған кітапта елде жоқ аңызды ойдан құрастырып, басып шығарған. Онда екі алып баланың оқиғасы баяндалады. Ағасы тастан көпір жасайды. Інісі екі жіпті ағашқа байлап, алып ән айтып жүреді-міс. Оны көрген ағасы: "Маған неге көмектеспейсің?!", - деп ашуланады да інісінің қолындағы әлгі ағашты тасқа ұрып сындырады. Содан інісі әнді қойып кетеді. Уақыт өте келе, таста қалған ізді байқаған бір халық бұл музыкалық аспап екенін анықтайды. Домбыра содан шыққан деп түсіндіреді.

"Бұл аңызды естігендеріңіз бар ма? Жасалу уақыты 2 мың жылдан ары Кетбұғы шерткен "Ақсақ құланнан" бастап, Құрманғазы, Дәулеткерей салған күй дәстүрі бүгінде ғаламшарды аралап жүр. Халқымыз қашанда домбыраны үкілеп төріне ілген. Бұдан арғысын сөз қылудың қажеті шамалы", - дейді Тәжімағамбетова.

Осыған байланысты ол үкіметке депутаттық сауал жолдап, ағылшын тілі оқулықтарын қайта сараптауды талап етті. Ал сараптамалық комиссияның құрамына тек ағылшын тілі мұғалімдерін емес, балалар психологынан бастап, суретші педагог, этнограф, иллюстратор, қазақ тілі мамандарын, әдебиетшілерді, тағы да басқа мамандарды енгізу керек.

"Ұлттың жаңа болмысын қалыптастыру кезеңінде мұндай оқулықтар Қазақстанның болашағына жауап беретін, өз Отанын қадірлейтін ұрпақты тәрбиелеу үшін өте маңызды", - деді депутат.

Айта кетейік, депутат Мақпал Тәжмағамбетова – Қазақстан Журналистер және Жазушылар Одағының мүшесі, ақын, "Қазақстанның жүз жаңа есімі" жобасының жеңімпазы. Қазақстан Республикасының Тұңғыш президенті - Елбасы қоры ұйымдастырған "Алтын тобылғы" байқауының бас жүлдесін жеңіп алған. "Алақандағы бақыт", "Мен керекпін", "Аспантаудың көктемі", "Шоған абыз", "Ақ қанатты періште" атты жыр жинақтарының авторы. Жасы – 37-де.

217
Кадрлық ауыс-түйіс, иллюстративті фото

Цой отставкаға кетуге дайынсыз ба деген сұраққа жауап берді

1392
Цой үкімет мүшесінің кез келген мәселесі мемлекет басшысына байланысты екенін айтты

НҰР-СҰЛТАН, 16 маусым – Sputnik. Денсаулық сақтау министрі Алексей Цой күзге дейін 10 миллион адамға вакцина салу міндеті орындалмаса, отставкаға кетуге дайынсыз ба деген сұраққа жауап берді, деп хабарлайды Sputnik Қазақстан тілшісі.

"Кез келген үкімет мүшесінің кез келген мәселесі мемлекет басшысына байланысты. Сол себепті біздің жұмысымызға қандай баға берілсе, сондай шешім қабылданады", - деді Цой баспасөз мәслихатында.

Министр вакциналау жоспарының орындалуы әр қазақстандыққа байланысты екенін тағы бір мәрте атап өтті.

"Вакцина салу – ерікті дүние, сол себепті біз ешкімді мәжбүрлей алмаймыз. Тек түсіндіру жұмысын жүргіземіз, БАҚ өкілдерінен де ақпараттық қолдау көрсетуді сұраймыз", - деді ол.

Оқи отырыңыз: Министр Райымқұлова орынбасарының ұсталуына қатысты: оставкаға кетуге дайынмын

Бұған дейін Алексей Цой қыркүйекке дейін 10 миллион адамды вакциналау жоспарланып отырғанын мәлімдеген еді. Ол айына шамамен екі миллион адамға вакцина егілетінін айтты. Алайда жоспар орындалмай отыр: республика бойынша вакциналау қарқыны әзірге төмен.

16 маусымдағы жағдай бойынша Қазақстанда 2 587 884 адам вакцинаның бірінші компонентін алды, II компонент 1 480 309 адамға егілді.

1392
Кілт сөздер:
министр, отставка
Әскерге шақырылған ер адам, архивтегі сурет

Оралда әскери борышын өтеп жүрген сарбаз өз-өзіне қол салды

0
(Жаңартылды 16:09 16.06.2021)
Жас жігіт облыстық ауруханаға жеткізілген, алайда дәрігерлер оның өміріне араша түсе алмады. Тергеу басталды

НҰР-СҰЛТАН, 16 маусым – Sputnik. Оралда әскери борышын өтеп жүрген сарбаз өзін-өзі атып тастады, деп хабарлайды "Хабар 24" телеарнасы.

Қайғылы оқиға бүгін, 16 маусымда таңғы сағат 5:30 шамасында болған. Бозбала жедел облыстық көпбейінді ауруханаға жеткізілгенімен, дәрігерлер оның өмірін сақтап қала алмады.

Әскери бөлім басшылығының мәліметінше, жігіт өз-өзіне қол жұмсаған. Ол сол түні түзету мекемесінде күзетте болған.

"Қарумен өз-өзін жаралады. Әскери қызметшіні аман алып қалу мүмкін болмады. Қазір әскери тергеу органдары тергеу жүргізуде. Әзірге басқа ақпарат бере алмаймыз", - деді 5517 әскери бөлімі командирінің орынбасары Жәнібек Сәрсенов.

Марқұм – Ақтөбе өңірінің тумасы. Қазір оқиғаға қатысты тергеу амалдары жүргізіліп жатыр.

0
Кілт сөздер:
әскери қызметкер, Орал
Тақырып бойынша
Ақмола облысында әскери борышын өтеп жүрген сарбаз өз-өзіне қол салды