Сайлау учаскелері жабылып жатыр

Қазақстанның басым бөлігінде сайлау учаскелері жабылды

110
(Жаңартылды 20:50 09.06.2019)
Сайлаудың алдын ала қорытындысын Орталық сайлау комиссиясы сағат 00:00-де жариялайтын болады

НҰР-СҰЛТАН, 9 маусым — Sputnik. Қазақстанның тоғыз өңірінде кезектен тыс президент сайлауында дауыс беруге арналған сайлау учаскелері жабылды.

Ақтөбе, Маңғыстау, Батыс Қазақстан, Атырау және Қызылорда облысындағы сайлау учаскелері елорда уақытымен сағат 21:00-де жабылады.  

Бұл – Қазақстандағы алтыншы президент сайлауы. Оған жеті кандидат қатысты. Nur Otan партиясы атынан сайлауға қазіргі президент Қасым-Жомарт Тоқаев түсті.

Президенттікке кандидаттар

Қазақстан президенттігіне жеті адам үміткер:

  • Қазақстан коммунистік халық партиясы атынан Жамбыл Ахметбеков;
  • "Ақ жол" демократиялық партиясы атынан Дания Еспаева;
  • "Ұлт тағдыры" қозғалысы атынан Әміржан Қосанов;
  • "Ауыл" партиясы атынан Төлеутай Рақымбеков;
  • Кәсіподақтар федерациясы атынан Амангелді Таспихов;
  • Nur Otan партиясы атынан Қасым-Жомарт Тоқаев;
  • "Ұлы дала қырандары" қоғамдық бірлестігі атынан Сәдібек Түгел. 
    Президентікке үміткер жеті кандидат
    © Sputnik
    Президентікке үміткер жеті кандидат

Шетелде қанша қазақстандық дауыс берді

9 маусымдағы жағдай бойынша шетелдегі сайлаушылар тізіміне Қазақстаның 15 349 азаматы енгізілген. 19:00-дегі жағдай бойынша шетелдегі сайлау учаскелерінде 8322 қазақстандық дауыс берді.

"Шетелде дауыс беру процесі тыныш өтіп жатыр. 12 учаскеде Қазақстанның коммерциялық емес ұйымдарынан, қоғамдық бірлестіктер мен ТМД миссиясынан 35 бақылаушы бар. Нұр-Сұлтан уақытымен 19:00-дегі жағдай бойынша шетелде 8 322 қазақстандық дауыс берді. Бұл тізімге енген сайлаушылардың 54,2 процентін құрайды", - деді Сыртқы істер министрінің бірінші орынбасары Роман Василенко.

Тағы оқыңыз: Шетелдегі 8 мыңнан аса қазақстандық сайлауда өз таңдауын жасады

Айта кетсек, шетелде 65 сайлау учаскесі ашылған болатын. Жапониядағы Васэда университетінде оқитын Ілияс Құрманғали кезектен тыс президент сайлауында дауыс берген алғашқы қазақстандық атанды

Қазақстандағы президент сайлауы 

Бұған дейінгі кезектен тыс президент сайлауы 2015 жылдың 26 сәуірінде өткен болатын. Қазақстанның тұңғыш президенті Нұрсұлтан Назарбаевты сайлаушылардың 97,75%-і қолдады. 

Сайлаудың алдын ала қорытындысы (Exit Poll) сағат 00:00-де жарияланады деп күтіліп отыр. 

Наблюдатели от Австрии Вольфганг Гроссрук, бывший депутат Национального совета Австрии и экс-депутат Национального совета парламента Австрии, представитель группы наблюдателей от Австрийской Республики Кристине Муттонен
© Sputnik / Ксения Воронина
Австриядан келген бақылаушылар

Орталық сайлау комиссиясының мәліметіне сәйкес, Қазақстанда сайлаушылар тізіміне 11 миллион 947 мың 995 адам енген. Тоғыз халықаралық ұйымнан 866 және 41 елден 147 бақылаушы келді. Барлығы - 1 013 адам. Сондай-ақ, 40 мемлекеттен келген БАҚ өкілдері  Қазақстандағы кезектен тыс президент сайлауынан хабар таратты. 

110
Кілт сөздер:
сайлау, Қазақстан
Тақырып:
Президент сайлауы - 2019 (176)
Тақырып бойынша
Алматы мен Нұр-Сұлтанда жүзге жуық адам ұсталды - ІІМ
Қыз Жібек пен Төлеген сайлауға барды - фото
Самал Еслямова дауыс беру үшін Қазақстанға арнайы келді
Президент сайлауы: қазақстандықтардың 77%-і дауыс берді
"Телефонға түсіріп алдық": бақылаушы сайлау учаскесінде нені көріп таңғалды?
Оқушы, архивтегі фото

Оқу жылы басталғалы бері 1741 қазақстандық оқушы вирус жұқтырды

26
Індетке шалдыққан балалардың 482-сі кезекші сыныптарда оқиды, бұл офлайн режимде білім алатындардың жалпы санының 0,05 проценті

НҰР-СҰЛТАН, 27 қараша – Sputnik. Оқу жылы басталғалы бері республикада 1741 оқушы індетке шалдықты. Оның 482-і кезекші сыныптарда оқыған. Бұл туралы денсаулық сақтау министрі Алексей Цой мәлімдеді, деп хабарлайды Sputnik Қазақстан тілшісі.

"Оқу жылы басталғалы бері 1741 оқушы коронавирус жұқтырды. Соның ішінде 482 бала кезекші сыныптарда оқиды, бұл офлайн режимде білім алатындардың жалпы санының 0,05 проценті. Ал 1259 оқушы қашықтан білім алатындар", - деді Цой орталық коммуникациялар қызметінде өткен баспасөз мәслихатында.

Айтуынша, соңғы аптада 12 өңірде кезекші сыныптарға барып жүрген 129 бала індетке шалдыққан.

Оқи отырыңыз: Министр Қазақстанда қатаң карантин қашан енгізілуі мүмкін екенін айтты 

Бұған дейін министр Қазақстанда эпидемиологиялық жағдай ушығып бара жатқанын айтқан еді.

26
Кілт сөздер:
оқушылар, коронавирус
Тақырып:
Коронавирус эпидемиясы
Тақырып бойынша
Қанша облыс коронавирустың "қызыл" аймағында тұр
Алматыда оқушылардың коронавирусты қалай жұқтырып жатқаны белгілі болды
Облыс әкімі Тоқаевтың сынына жауап берді
Қазақстанда эпидемиологиялық жағдай нашарлап барады
Министр Цой алдағы мереке күндеріне байланысты қазақстандықтарға үндеу жасады
Ибрагим Әбдіраманов пен Нұржамал Өмірбекованың бес баласы бар, екеуі – студент

"Кинодағыдай болды": Солтүстікке көшкен әйел қандай қиындық кездескенін айтты

2096
51 жастағы Ибрагим Әбдіраманов пен 46 жастағы Нұржамал Өмірбекова бес баласымен бірге Павлодар облысына 2019 жылдың қыркүйегінде көшіп келген

АЛМАТЫ, 27 қараша – Sputnik. Қазақстанда кейінгі үш жылда ерікті көші-қон бағдарламасы іске асып келеді. Демографиялық ахуал нашарлаған солтүстік өңірлерге оңтүстік тұрғындары қоныс аударып жатыр. Sputnik Қазақстан тілшісі бір жыл бұрын отбасымен бірге Арыс қаласынан Павлодар облысы Тереңкөл ауданына көшіп барған әйелмен әңгімелесті.

51 жастағы Ибрагим Әбдіраманов пен 46 жастағы Нұржамал Өмірбекова бес баласымен бірге Павлодар облысына 2019 жылдың қыркүйегінде көшіп келген. Кенжесі мектепте 2-сыныпта оқиды. Екі баласы – студент.

Нұржамал Өмірбекова отбасымен бірге Павлодар облысына көшіп келген
© Photo : Нұржамал Өмірбекованың жеке архивінен
Нұржамал Өмірбекова отбасымен бірге Павлодар облысына көшіп келген

"Жарылыстан кейін Арыс қаласынан көшіп кеттік. Қорыққаннан көштік десе болады. Оған дейін ондай ой болған жоқ. Ал Шымкентке көшуге қаражат болмады. Содан кейін осындай бағдарлама бар екенін естідім. "Неге бұрын білмегенмін?" деп ойладым", - дейді Нұржамал Өмірбекова.

Айтуынша, Facebook желісінде солтүстікке көшуді жарнамалап жүрген кісімен танысып қалған. Толық ақпарат алып, қазір тұрып жатқан ауданның әкімімен сөйлескен.

"Арыста жарылыс болған соң солтүстікке көшу туралы үгіт-насихат жасағандар болды. Бастапқыда Петропавлға көшуді ойладым. Сол маңдағы кісілер "сен сияқты пысық қыздарды бірден әкім етіп сайлайды" деп айтты. Мен барамын деп дайындалып жүрдім. Жолдасым бастапқыда ыңғай бермеді", - дейді Нұржамал.

Нұржамал Өмірбекова мектепте 24 жыл бастауыш сыныптарға сабақ берген. Аудан әкімімен телефон арқылы сөйлескен кезде жұмыс тәжірибесіне қарап, оған жақсы жұмыс тауып беруге уәде етіпті.  Тіпті басшылық қызмет ұсынған.

"Басшылық қызмет атқармаймын деп бас тарттым. Ол кісі сонда да келуімді сұрады. Қыркүйек кезінде сабақ басталады. Баратын болсам, бірден көшіп баратынымды айттым. Ол кісі "маған сен" деген соң бір аптада жиналып, 9 қыркүйек күні көшіп кеттім", - деп еске алды ол.

Оқи отырыңыз: Солтүстікке қоныс аударатындарға берілетін жәрдемақы екі есе артады 

Павлодарға барған соң оған мектептің директоры қызметін ұсынған. Алайда ол жақтың басым бөлігі орыс тілінде сөйлейтін болғандықтан, бас тартыпты.

"Бұл жақта қазақтың өзі қазақша дұрыс сөйлей алмайды. Ол қызметтен бас тартқан соң мені оқу ісінің меңгерушісі етіп қойды. Мұғалімге сағатына қарай көбірек ақша төленетін болған соң, ол қызметті біраз уақыт атқарып, кейіннен бас тарттым. Бұл жақта басшылық қызмет атқаратын адамның өзі аз", - дейді Өмірбекова.  

60 отбасыны көшірген

Волонтер болып жүрген Нұржамал Өмірбекова бір жыл ішінде оңтүстік аймақтан солтүстікке 50-60 отбасының көшуіне себепкер болғанын айтты. Тіпті өзі тұратын аудандағы мектепке қажет мұғалімдерді де жинаған.

"Бір мектепте 18 жыл бірге жұмыс істеген келіншек те отбасымен көшіп келді. Бұл жақта да көрші тұрамыз. Тереңкөл ауданында Арыс қаласынан келгендерге алты үй берді. Қазір көрші тұрамыз", - дейді Өмірбекова.

Арыс қаласында тұрғанда жолдасы Атырауға, Ресейге барып жұмыс істеген. Ал қазір көшіп барған ауылда мал шаруашылығымен айналысады. Айтуынша, ол жақта ауыл шаруашылығына байланысты жұмыс көп. Біреу сауыншы болып нәпақасын табады, енді бірі шаруашылыққа көмектеседі.

Арыстан көшіп келген алты отбасы да сол шаруашылықта жұмыс істейді.

Арыс қаласынан келгендерге алты үй берілген, Нұржамал Өмірбекованың отбасы осы үйде тұрады
© Photo : Нұржамал Өмірбекованың жеке архивінен
Арыс қаласынан келгендерге алты үй берілген, Нұржамал Өмірбекованың отбасы осы үйде тұрады

"Келген кезде бізде үй болған жоқ. Шаруашылықтың сатып алған өз үйі бар. Қызметкерлеріне уақытша тұруға береді. Сол жақта бір жыл тегін тұрдық. Жаңа үйлер ақпанда салына бастады. Алты отбасыға жаңа баспана жазда берілді", - дейді ол.

Облысқа көшіп барған кезде үйдегі әр адамға 93 мың теңге көлемінде ақша берілген. Бір жыл бойы кемінде 5 адам тұратын отбасыға 58 мың теңге беріледі.

Ал бірден жаңа үйге көшіп келгендерге 93 мың теңге берілмейді, себебі жаңа баспана беріп отыр.

Жалақысы үш есе өскен

"Оңтүстікте мектепте мұғалімдерге 18 сағаттан артық сабақ бермейді. Бұл жаққа келгенше 85 мың теңге айлыққа жұмыс істедім. Сол жылы тағы бір санат жоғарыладым. Мен бұл жақта 27 сағатпен жұмыс істеймін, айлығым – 300 мың теңге", - дейді ол.

Нұржамал өзі көшіп барған аймақта қымбатшылық жоқ екенін айтты. Картоптың бағасы – 90 теңге, пияз бен сәбіз де,  салыстырмалы түрде ұнның да бағасы арзан.  

"Басында жергілікті тұрғындарға үйрену қиындау болды. Барлығы орысша сөйлейді. Оңтүстікке қарағанда біраз артта қалып қойған, дамымаған. Бизнес те дамымаған, халықтың саны аз. Көктемге дейін қиналдым. Бұл жақта сөйлесетін адам да жоқ еді. Оңтүстік өңірдегідей қонақжай болып, бірден кірісіп кету деген болмады", - дейді Өмірбекова.

Айтуынша, қатты қиналған сәттерде оңтүстікке қайтуды да ойлаған.

"Бұл жақта дүкеннің өзі сағатпен жұмыс істейді. Түсте жабық тұрады. Кеңес одағы туралы кинодан көретін едік, бұл да сол кинодағыдай болды. Үйлердің өзі шағын екен. Бастапқыда мұндай үйде тұра алмаймын деп бүкіл ауданды аралап үй таңдадық", - дейді әйел.

Әйелге сеніп көшіп келген отбасылар да жұмысқа орналасқан. Олардың бұған дейін еш жерде тұрақты жұмысы болмаған екен.

2096
Кілт сөздер:
ооңтүстіктен солтүстікке көшу
Тақырып бойынша
Ақсақалов оңтүстіктен көшіп келгендер жайлы: Кейбірі қардан қорқады, ауырып қалады
Оңтүстіктен солтүстікке көшетіндер үймен қамтамасыз етіледі
200 көпбалалы отбасы елордадан басқа қалаға көшіріледі
Үкімет кімдерге миллион теңгеден береді: Еңбек министрлігі түсіндірді
Министр Қазақстанның солтүстігінде қалыптасқан жағдайға алаңдаушылық білдірді
Иллюстративті фото

Пандемия кезінде БАҚ қандай форматта жұмыс істеуі керек

0
Карантин кезеңінде офлайн жобалар онлайнға көшті. SputnikPro мамандары жаңа жылдық мерекелерде аудиторияға қандай қызықты контент дайындауға болатынын айтады

НҰР-СҰЛТАН, 27 қараша – Sputnik. SputnikPro жобасының сарапшылары көрші елдердің журналистеріне локдаун жағдайында жаңа жылдық арнайы жобаларды қалай жүзеге асыруға болатынын айтып берді.

"Санкт-Петербургтегі Комсомольская правда" басылымның бас директоры Иван Власов вебинарға қатысушыларға өзінің ұжымы қандай акциялар ұйымдастырғанын еске түсірді.  

"Жаңа жылдық ғажайып" деп аталатын осындай жобалардың бірі – қарттар үйі мен балалар үйінің тұрғындарына арналған бірлескен жаңажылдық шырша.

Желтоқсан айында басылым мен серіктес компаниялардың өкілдері №2 соғыс және еңбек ардагерлерінің үйіне сыйлық алып барып, ас-шай әзірлеген. Дәстүрлі жаңа жылдық шырша ұйымдастырылды, ардагерлер тосынсый алып, №40 балалар үйі тәрбиеленушілерінің өнерін тамашалады, олармен емін-еркін сұхбат құрды.

Иван Власов арнайы жоба әлеуметтік бағытты қамтып қана қоймай, сонымен қатар бірнеше мақсатты көздейтінін атап өтті: контент жасау және аудитория жинау; ойға алған шаруаны іске асыру үшін демеушілерді тарту; қосымша танылу.

Биыл көптеген ұйымда маркетингтік және жарнамалық жобаларға қаржы болмады, барлығы пандемиямен күресуге кетті. Жаңа жылда ірі мерекелік шаралар өтпейтіндіктен, арнайы жобаларға қызығушылық болады, деп болжайды Власов.

Оның айтуынша, локдаун онлайн-форматтағы қызықты жобаларды табуға және жүзеге асыруға жақсы мүмкіндік береді.   

"Үйде болатын адамдар үшін жаңа жылдық мерекелерге арналған бірнеше формат ұсынамыз. Бұрын редакцияда кезекшілерді қалдырып, бәрі демалысқа шығатын, ал енді жұмыс көп болатыны анық", - деп түсіндірді Иван Власов.

Sputnik Қазақстан бірнеше жыл бойы жүргізген "Мейірімділік шыршасы" қайырымдылық жобасы туралы шеф-редактор Динара Досмұхаметова айтып берді. Ұлттық ана мен бала ғылыми орталығының онкология бөлімінде емделіп жатқан алпыс бала жаңа жылдық тілектерін арнайы ашық хаттарға қалдырды. Жасырын Аяз ата болғысы келген ересек қазақстандықтар оларға синтезатор, планшет және квадрокоптерден бастап трансформер мен кішкентай пониге дейін түрлі сыйлықтар жинады.

Шеф-редактор Sputnik Казахстан Динара Досмухаметова выступает на вебинаре SputnikPro
© Sputnik
Sputnik Қазақстанның шеф-редакторы Динара Досмұхаметова SputnikPro вебинарында сөз сөйлеп жатыр

"Россия сегодня"медиахолдингінің бренд-коммуникациялар басқармасындағы арнайы жобалардың жетекшісі Дмитрий Лукьянчиков медиа өз аудиториясын кеңейту үшін танымал контент жасай отырып, локдаунды қалай қолдана алатындығы туралы баяндады.

Вебинардың тағы бір қонағы – "АиФ Самараның" бас редакторы Павел Сидоров газеттің ең сәтті жобаларын, соның ішінде жалпы карантин кезеңінде оқырмандар арасында кеңінен танымал болған ойындарды таныстырды.

SputnikPro білім беру жобасының отызыншы онлайн-сессиясына Қазақстан, Ресей, Әзербайжан, Армения, Беларусь, Қырғызстан, Молдова, Абхазия және Осетия БАҚ өкілдері қатысты.

SputnikPro – Sputnik халықаралық ақпарат агенттігі мен радиосының журналист, студент, баспасөз қызметі мен медиа саласында жұмыс істеп жүрген маман иелеріне арналған жоба. Оның мақсаты – тәжірибе алмасу әрі медиа саласында кәсіби байланысты нығайту.

0