Жаңа туған бала

Өткен жылы Қазақстанда қанша бала дүниеге келді

724
2008 жылмен салыстырғанда дүниеге келген балалар саны 11,6% артты

НҰР-СҰЛТАН, 14 маусым — Sputnik. 2018 жылы Қазақстанда АХАТ органдары дүниеге келген 397 799 сәбиді тіркеді, оның 235 014-і қалада, 162 785-і ауылда туған. Бұл туралы ҰЭМ статистика комитеті хабарлады.

Туғандардың 51,6% (205 224) ер бала, 48,4% (192 575) қыз бала. 

"Туған кездегі жыныстық арақатынас 100 қыз балаға шаққанда 107 ер бала болды. 2008 жылмен салыстырғанда туғандар саны 11,6% (ер балалар – 12%, қыз балалар – 11,1%) артты", - деп жазылған хабарламада.

2018 жылы туудың жалпы коэффициенті 1000 адамға 21,77 (2008 жылы – 22,75) баладан келді, қалада – 22,16 (2008 жылы – 23,63), ауылда – 21,22 (2008 жылы – 21,75).

Қазақстан өңірлері арасында туудың ең жоғары деңгейі Маңғыстау облысында (1000 тұрғынға шаққанда 29,72), Нұр-Сұлтан қаласында (27,67) және Шымкент қаласында (27,53) болды.

Ең төменгі көрсеткіш Солтүстік Қазақстан (12,93), Қостанай (13,30)  және Павлодар (15,72)  облыстарында көрініс тапты.

Тағы оқыңыз: Шымкентте көп балалы отбасыда үшем дүниеге келді

Елдің өңірлері бойынша ең жоғары туудың жиынтық коэффициенті Түркістан (4,07), Маңғыстау (3,91) облыстарында, ал ең төмен деңгейлері Алматы қаласы (1,76) мен Қостанай (1,77)  облысында байқалды.

2018 жылы әйелдердің бала туу кезіндегі орташа жасы 28,7 жасты (2008 жылы – 28,1) құрады, қалада – 29,0 (2008 жылы – 27,8), ауылда – 28,3 (2008 жылы – 28,4).

724
Кілт сөздер:
Қазақстан, демография, бала
Тақырып бойынша
Халық саны 200-ден аспайтын ауылдар ауыз сумен қалай қамтылады?
Қазақстанда халық саны өсті
"Егіз күткен едік" Қостанай облысында жас келіншек үшем туды - видео
Ақтауда 35 жастағы әйел үшем туды
Еңбек министрі 4 баласы бар отбасының шілдеден бастап қанша алатынын есептеп берді
солдат

Отставкадағы генерал-лейтенант Құрбан Қаражанов өмірден озды

101
Қорғаныс министрлігінің басшылығы мен қарулы күштердің жеке құрамы Құрбан Сәкенұлының мезгілсіз қайтыс болуына байланысты туыстарына көңіл айтты

НҰР-СҰЛТАН, 31 шілде – Sputnik. 64 жасына қараған шағында отставкадағы генерал-лейтенант Құрбан Қаражанов коронавирус инфекциясынан қайтыс болды, деп хабарлады қорғаныс министрлігі.

Генерал-лейтенант в отставке Курбан Каражанов
© Photo : министерство обороны Республики Казахстан
Құрбан Қаражанов

Құрбан Қаражановтың 31 шілдеде қайтыс болғаны хабарланды.

"Генерал-лейтенант Құрбан Қаражанов абыройлы, ерік-жігері мықты, нағыз патриот болатын. Ол ұдайы күрделі қызметтерді атқарды. Бүкіл ғұмырын елдің қорғаныс қабілетін нығайтуға арнады", - делінген хабарламада.

Генерал-лейтенант Құрбан Сәкенұлы Конев атындағы Алматы жоғары жалпы әскери командалық училищені бітірген. Әскери мансабын 1979 жылы мотоатқыштар взводының командирі қызметінен бастады.

Қазақстан армиясы құрылған сәттен бастап әр жылдары еліміздің қарулы күштерінде жауапты қызметтер атқарды. ІІ дәрежелі "Данқ" орденімен марапатталған.

Қазақстанның қорғаныс министрлігінің басшылығы мен қарулы күштерінің жеке құрамы Құрбан Сәкенұлының мезгілсіз қайтыс болуына байланысты туыстары мен жақындарына қайғырып көңіл айтады.

101
QazVac вакцинасы

Бас санитар дәрігер QazVac вакцинасына қатысты қаулыға қол қойды

57
(Жаңартылды 20:06 31.07.2021)
Енді QazVac вакцинасының құтысы үш немесе бес адам екпе алуға ниет еткенде ашылады, бұл вакцинаны сақтау талабын орындау үшін қажет

НҰР-СҰЛТАН, 31 шілде – Sputnik. Бас мемлекеттік санитар дәрігер Ерлан Қиясов қаулы шығарып, QazCovid-in (QazVac) вакцинасын шығару формасын өзгертті.

"QazCovid-in вакцинасын шығару формасы: 0,5 мл (бір доза), 1,0 мл (екі доза), 1,5 мл (үш доза), 2,5 мл (бес доза), сыйымдылығы 3 мл, резеңке тығынмен тығындалған және Flip-off типті пластикалық қақпағы бар металл қалпақпен оралған, Ι класты түссіз шыныдан жасалған құтыға құйылады", - делінген бас санитар дәрігердің қаулысында.

Денсаулық министрлігінің ақпаратына сүйенсек, вакцинаның ашық құтысы асептика жағдайының бұзылу қаупіне байланысты ашылғаннан кейін сақталмайды және бірден пайдаланылады. Сондықтан вакцинаның құйылуын барынша азайту үшін 3 немесе 5 адам болғанда ғана көп дозалы құтыны ашу ұсынылып отыр.

Бұған дейін денсаулық сақтау министрлігі вакцинаны сақтау тәртібінің бұзылмауын бақылауды күшейткені хабарланды.

Оқи отырыңыз: Коронавирусқа қарсы екі түрлі вакцина салдыруға бола ма

 

57
Тақырып:
COVID-ке қарсы вакцина