Ақша, архивтегі сурет

Сайлаудан кейін атаулы әлеуметтік көмек тоқтатыла ма министр жауап берді

3108
Биыл атаулы әлеуметтік көмекке 130 миллиард теңге қарастырылып отыр

НҰР-СҰЛТАН, 24 маусым – Sputnik. Атаулы әлеуметтік көмектің төленуі сайлаумен байланысты емес. Бұл туралы еңбек және халықты әлеуметтік қорғау министрі Бердібек Сапарбаев айтты, деп хабарлайды Sputnik Қазақстан тілшісі.

Халыққа есеп беру кездесуінде елордалық тұрғын еңбек министріне атаулы әлеуметтік көмекке қатысты сұрақ қойды.

"Әлеуметтік желілерде атаулы әлеуметтік көмек сайлаудан кейін тоқтатылады деп жиі жазылды. Осы рас па?", - деп сұрады әйел.

Сапарбаев әлеуметтік көмектің елде өткен кезектен тыс президент сайлауына еш қатысы жоқ екенін қадап айтты.

"АӘК-тің төленуі сайлаумен мүлде байланысты емес. Бізде әйтеуір бәрін сайлаумен байланыстырғанды жақсы көреді", - деп жауап берді министр.

Тағы оқыңыз: Министр атаулы әлеуметтік көмек төңірегіндегі шуға нүкте қойды

Ол биыл атаулы әлеуметтік көмекке 130 миллиард теңге қарастырылғанын атап өтті. Бірінші жартыжылдықтың қорытындысы бойынша оның 67 миллиард теңгесі жұмсалған.

Бұған қоса, министр тұрмысы төмен отбасыларға көмек көрсету бағдарламалары қайта қаралып жатқанын айтты. Бұл үшін екі жұмыс тобы құрылған.

"Бір жұмыс тобы көпбалалы және тұрмысы төмен әйелдер мен ерлерден құралған. Біз олардың ұсыныстарын ескеріп, тиісті министрліктермен келісіп, жол картасын әзірледік. Жуырда оны президент әкімшілігінің басшысы қарайды, кейін үкіметке беріп, тиісті шешім қабылданады", - деді Сапарбаев.

3108
Кілт сөздер:
министр, атаулы әлеуметтік көмек
Тақырып:
Жәрдемақы қалай төленеді (61)
Тақырып бойынша
Тоқаев премьер-министрге шұғыл тапсырма берді
Шымкентте көпбалалы ата-аналар әлеуметтік көмек үшін ажырасып жатыр
Әр балаға – 21 мың теңге: Сапарбаев алаяқтық жасағандар жауапқа тартылатынын айтты  
Түркістан облысында көпбалалы отбасыларға қосымша 500 мың теңгеден беріледі
Тоқаев: көпбалалы аналардың проблемасын заңға сәйкес шешу қажет
Нұр-Сұлтан, архивтегі фото

Индустрия министрі 5 жылда Қазақстанда қанша тұрғын үй салынатынын айтты

40
(Жаңартылды 16:13 26.11.2020)
Бейбіт Атамқұлов пандемияға қарамастан жыл басынан бері өнеркәсіп саласы 3,2 пайызға өскенін атап өтті. Айтуынша, 2025 жылға дейін барлығы 103 миллион шаршы метр баспана салынады

АЛМАТЫ, 26 қараша – Sputnik. Мемлекет басшысы Қасым-Жомарт Тоқаев индустрия және инфрақұрылымдық даму министрі Бейбіт Атамқұловты қабылдады, деп хабарлады Ақорда.

Министр 2020 жылдың 10 айында жүзеге асырылған мемлекеттік бағдарламалардың қорытындысы мен министрліктің басым бағыттары жайында есеп берді. Сондай-ақ, 2020-2025 жылдарға арналған индустриаландыру бағдарламасы бойынша атқарылған жұмыстарды баяндады.

Кездесу барысында Бейбіт Атамқұлов пандемияға қарамастан жыл басынан бері өнеркәсіп саласы 3,2 пайызға өскенін айтты. Сонымен қатар жыл соңына дейін инвестиция көлемі 995 миллиард теңгені құрайтын 200 жоба іске асады.

"Министр жыл басынан бері "Нұрлы жол" бағдарламасының шеңберінде жалпы ұзындығы 2,6 мың шақырым автомобиль жолы пайдалануға берілгенін атап өтті. Еларалық жүк тасымалы да өскен. Атап айтқанда, Қытай-Еуропа-Қытай бағытындағы тасымал 61,6 пайызға артқан", - делінген ақпаратта.

Сондай-ақ, "Нұрлы жер" бағдарламасы бойынша 14,1 миллион шаршы метр тұрғын үйді пайдалануға беру жоспарланған.

Министрдің айтуынша, жыл соңына дейін аталған көрсеткішті 15 миллион шаршы метрге жеткізу көзделіп отыр. Ал 2025 жылға дейін барлығы 103 миллион шаршы метр баспана салынады.

Оқи отырыңыз: "Әйелдер ипотекасына" қатысты тың ақпарат шықты 

Қасым-Жомарт Тоқаев Бейбіт Атамқұловқа жергілікті жерлердегі жолдарды жөндеу, арендалық баспана құрылысын арттыру, сондай-ақ, ведомствоның негізгі бағыттары бойынша бірқатар тапсырма берді.

40
Кілт сөздер:
баспана, тұрғындар
Тақырып бойынша
Нұр-Сұлтанда тұрғын үй орталығы ашылды: қандай қызметтер көрсетіледі
"5-10-20" бағдарламасының төртінші кезеңі басталды: өтінішті кімдер тапсыра алады
Тұрғын үй құрылыс жинақ банкі ипотека беру жүйесіне өзгеріс енгізеді
Үкімет басшысы астананың құрылыс алаңын аралады
Планшетпен отырған бала, қашықтан оқыту

Министрлік ата-аналардың чатында тараған қауіпті ойын туралы ақпаратқа түсініктеме берді

476
Ата-аналардың үрейін туғызған компьютерлік ойын туралы хабарлама ішкі істер және ақпарат министрліктеріне жолданды

НҰР-СҰЛТАН, 26 қараша – Sputnik. Ата-аналардың чатында балаларды суицидке итермелейтін танымал компьютерлік ойын туралы ақпарат тарап жатыр. Қазақстан білім министрлігінің балалардың құқықтарын қорғау комитеті осыған қатысты түсініктеме берді, деп хабарлайды Sputnik Қазақстан.

"Балалардың құқықтарын қорғау комитеті бұл ақпаратты бірден өкілетті органға – ақпарат және қоғамдық даму министрлігіне жолдады. Олар бұл контентті зерделеп, бұғаттау мәселесін шешеді. Сондай-ақ, контенттің қауіпсіздігін тексеру үшін "Киберқадағалау" ақпараттық жүйесіне орналастырдық, - делінген ресми мәлімдемеде.

Бұған қоса, шындыққа жанаспайтын хабарлама таратқандарға шара қабылдау үшін ақпарат ІІМ-ге жіберілді.

Балалардың құқықтарын қорғау комитеті жалған ақпарат таратпауды және, қажет болған жағдайда, сенім телефонына хабарласуды сұрайды: 8 (7172) 74-25-28 және +7 (778) 289-81-57.

Сонымен қатар, тәулік бойғы BALA QORGAU телеграм-чатына да жүгінуге болады.

Тағы оқыңыз: Зағипа Балиева әлеуметтік желілерде қауіпті топтар пайда болғанын ескертті

Бұған дейін әлеуметтік желілерде Among Us ("Біздің арамызда") ойыны туралы ақпарат пайда болды. Анонимді аудиохабарламада ойынның балаларды суицидке итермелейтіні айтылған.

Among Us – қолданушылары көп компьютерлік ойын. Оны америкалық InnerSloth компаниясы әзірлеген. Ойын 2018 жылы 15 маусымда шықты. Ғарыш кемесіне "жиналған" ойыншылар екі командаға – экипаж мүшелері және сатқындар деп бөлінеді.

2018 жылы ойын қатты танымал болмаған еді, бірақ биыл Twitch пен YouTube-тің арқасында кең таралды.

476
Кілт сөздер:
оқушылар, ата-аналар, қауіпті ойын, Білім және ғылым министрлігі
Жасанды тыныс алдыру аппараты, архивтегі сурет

Павлодар ауруханасына ескі аппарат сатқан компанияны полиция тексеріп жатыр

0
(Жаңартылды 19:14 26.11.2020)
Әкімдік жаңа жасанды тыныс алдыру аппаратын сатып алуға конкурс жариялаған, ал компания бұрын қолданыста болған құрылғыны жеткізген

АЛМАТЫ, 26 қараша – Sputnik. Павлодар облысының әкімі Әбілқайыр Ысқақов өңірге жаңа жасанды тыныс алу аппаратының орнына бұрын қолданылған құрылғы жеткізілгенін мәлімдеді.

Облыс басшысының айтуынша, әкімдік жаңа жасанды тыныс алу аппаратын сатып алуға конкурс жариялаған. Ал жеткізушілер аппараттардың әрбірін 17,5 миллион теңгеден сатып алған.

"Кейіннен құзырлы органдар арқылы бұл аппараттардың бұрын қолданыста болғаны анықталды. Сол себепті оның бағасы өндіруші зауытқа қарағанда төмен болған", – деп мәлімдеді Ысқақов орталық коммуникациялар қызметінің алаңында өткен брифингте.

Қазір бұл істі құқық қорғау органдары қарап жатыр. Тергеу тендерді жеңіп алған компанияның неге бұрын қолданыста болған жабдықты жеткізгенін анықтайды. Содан кейін сотқа дейінгі тергеу қорытындылары бойынша заңнамаға сәйкес шаралар қабылданады.

Сонымен қатар өңірдегі барлық медициналық ұйым компаниямен жасалған шарттарды бұзу және жасанды тыныс алу аппаратын жеткізу үшін төленген аванс сомасын талап ету бойынша талап-арыз дайындап жатыр.

Әкімнің айтуынша, компания өңірге 21 аппарат жеткізуі қажет болған, тапсырыстың жалпы сомасы – 300 миллион теңге. Ауруханалар келісімшарт жасап, аванс беріп қойған. Қазір екі тарап келісімшартты бұзып жатыр.

Оқи отырыңыз: Су жаңа аурухана тым суық: науқас шағымына Алматы облысының дәрігерлері жауап берді

Сондай-ақ, әкім үкімет резервінен сатып алынған жасанды тыныс алу аппаратының жеткізілуіне қатысты түсініктеме берді.

"Өңірге үкімет резервінен 20 медициналық ұйымға 139 жасанды тыныс алу аппараты жеткізілді. Дәрігерлермен сөйлестім, оны қолданып жатқан жоқ, себебі дәл қазіргі уақытта оған қажеттілік жоқ. Барлық жасанды тыныс алу аппараты қабылданды, жұмысқа жарамды күйде тұр. Оларға байланысты ешқандай мәселе жоқ", – деді әкім.

Айта кетейік, бүгінге дейін бұл өңірде алты мыңға жуық адам коронавирус жұқтырды.

0
Кілт сөздер:
Павлодар облысы, аурухана
Тақырып:
Коронавирус эпидемиясы
Тақырып бойынша
Павлодар облысында күдіктінің кесірінен полицейлер COVID жұқтырды
Алматыда тағы бір модульді аурухана салынып жатыр
COVID-19: Алматыда балалар бөлімшесі бар аурухана ашылды – фото
Қостанай облысында аурухана отқа оранды – видео
Қазақстан Қырғызстанға 2 млн бетперде мен 400 аппарат жібереді