Күннің тұтылуы

Бүгін Күн тұтылады: сирек құбылыс адам өміріне қалай әсер етеді?

5342
(Жаңартылды 15:04 02.07.2019)
Күннің толық тұтылуы оны Ай тасалағанда байқалады

НҰР-СҰЛТАН, 2 шілде – Sputnik. Бүгін түнде сирек астрономиялық құбылыс болады. Ай Күннің бетін толығымен көлегейлейді.

Күннің толық тұтылуы қашан басталады

Бүгін Мәскеу уақытымен сағат 22:24-те, ал Қазақстанда 3 шілде түнгі 01:24-те Күн толығымен тұтылады. Айта кетсек, бұл сирек кездесетін құбылыс. Өкінішке қарай, қазақстандықтар Күннің тұтылуын тамашалай алмайды, бірақ онлайн-трансляция арқылы көруге мүмкіндік бар.

Күннің тұтылуы деген не

Күн тұтылған кезде, Ай күннің бетін толық немесе жартылай көлегейлейді. Егер Ай өзінің жер айналасындағы қозғалысында Жер мен Күннің арасында келіп қалса (бұл тек жаңа Ай туған кезде болады), Күнді жауып қалады. Бұл Күннің тұтылуы деп аталады.

Тағы оқыңыз: Астролог шілде айына болжам жасады: қазақстандықтарды не күтіп тұр?

Күннің тұтылуын кімдер көре алады

Сирек астрономиялық құбылысқа тек латынамерикалықтар (аргентиналықтар мен чилиліктер) ғана куә болады. Тынық мұхиты жақта басталатын тұтылу Чили мен Аргентина тұрғындарына байқалады. Эквадор, Бразилия, Уругвай және Парагвайда, сандай-ақ, Тынық мұхитының кейбір аралында жарым-жартылай көрінеді.

Ал Еуразия, Африка, Австралия мен Солтүстік Америка халқы Күннің тұтылуын тамашалай алмайды.

Адамдардың бойын үрей билейді

Дәрігерлердің пікірінше, Күннің тұтылуы кейбір адамдардың психоэмоционалды жағдайына әсер етеді. Адамдардың бойын үрей билейді, күмәншіл болып, тынышсыздана бастайды. Мұндай кезеңде адамның өз-өзіне қол жұмсау оқиғалары біршама артатыны анықталған. Күн жарығы болмаған кезде, барлық тірі жанның мазасы қашады.

2019 жылы болатын Ай мен Күннің тұтылуы

Биыл 16 шілдеден 17-не қараған түні Ай тұтылады. Бұл жолы қазақстандықтарға астрономиялық құбылыстың басым бөлігін көру бақыты бұйырады.

Сондай-ақ, осы жылы Күннің сақина тәрізді тұтылуы да болады. Яғни, Ай Күнді толық тасаламайды. Ай Күн дискісінің ортасын көлегейлеп, оның шетінен жарық сақина қалады. Мұндай ғажайыпты Сауд Арабия, Үндістан және Индонезия тұрғындары ғана тамашалай алады. Бұл құбылыс 26 желтоқсанда болады деп болжанып отыр.

5342
Кілт сөздер:
күннің тұтылуы, астрономия, жер, ай
Архивтегі сурет

Нұр-Сұлтанға қарай жолға шыққан қызылордалық он күннен бері табылмай жатыр

60
(Жаңартылды 18:04 22.09.2021)
Жігітті туыстары, полиция мен еріктілер іздестіріп жатыр. Бірақ әзірге еш нәтиже жоқ

НҰР-СҰЛТАН, 22 қыркүйек – Sputnik. Жеке көлігімен Қызылорда қаласынан Нұр-Сұлтанға кеткен 25 жастағы жігіт он күн бойы туыстарымен байланысқа шықпаған. Полиция іздеу жұмыстарын бастады.

Пропавший житель Кызылорды Самат Бегимбай
© Photo : ОФ "Волонтеры Кызылорды"
Хабар-ошарсыз кеткен Қызылорда тұрғыны Самат Бегімбай

"Қызылорда еріктілері" қоғамдық қоры қазақстандықтардан жоғалған адам туралы ақпаратты өңірлерде барынша таратуды сұрады. Туыстары жолға шыққан жас жігіттен он күн бойы хабар ала алмай отыр.

"Самат Бегімбай 12 қыркүйек таңғы он шамасында қара түсті Subaru Legacy көлігіне отырып Жезқазған тас жолымен Қызылордадан Нұр-Сұлтанға кеткен. Содан бері байланысқа шыққан жоқ", - деп мәлімдеді қордағылар.

Жігіт 25 жаста, өзімен бірге ноутбугы мен жеке заттары болған. Жоғалған күні үстіне сұр түсті спорт киімін киген.

Қала полициясы кез келген ақпарат іздеу жұмыстары үшін маңызды екенін айтты.

"Жас жігіт іздестіріліп жатыр, барлық ресурс жұмылдырылды. Ол жайлы кез келген ақпарат үшін ризашылығымызды білдіреміз, - деді полициядағылар.

Із-түзсіз кеткен ер адамды көрген-білгендер болса, "102" нөміріне хабарласуына болады.

Оқи отырыңыз: 

60
Кілт сөздер:
Қызылорда, полиция, жас жігіт
Көлік, патруль

Алматы көшелеріне "сергек-патруль" шықты видео

42
Алдағы уақытта кешен автобус жолағымен жүретін және рұқсат етілмеген жерде тоқтаған көліктерді де анықтайтын болады

НҰР-СҰЛТАН, 22 қыркүйек – Sputnik. Алматыда "Сергек" жүйесін патрульдік көлік төбесіне орнатты. Бұл бастама пилоттық жоба аясында қолға алынып отыр.

"Сергек-патруль" — аппараттық-бағдарламалық кешен (АБК). Оның сыртқы және ішкі бейнебақылау жүйесі және функционалды талдау модульдері бар. Бір модуль салон ішінде алдыңғы терезеге орнатылады. Ол видео мен дыбыс жазады. Ал сыртқы бақылау модулі көлік төбесінде тұрады. Камера жолдың жүретін бөлігі мен шетін алып тұруы тиіс, деп хабарлайды Көркем Телеком" компаниясы.

"Шетелде осы іспетті Ekin Patrol G2, Кибер-Шериф, Дозор-М және тағы басқа техникалық құралдар бар. Біз болсақ, отандық өнім - "Сергек-патрульді" жасап шығардық", - дейді компания өкілдері.

Алматыда әкімшілік полицияның көлігіне "Сергек-Патруль" пилоттық жоба аясында орнатылды.

"Сергек-патруль" нені тіркейді

Аппараттық-бағдарламалық кешен бейнебақылау камерасы арқылы көліктің мемлекеттік тіркеу нөмірін сканерлеп шығады. Одан кейін жасанды интеллект көмегімен салық, алимент, айыппұлды автоматты түрде тексереді. Жалған нөмірлерді де бірден анықтайды. Сондай-ақ, іздеуге салынған көліктерді табуға көмектеседі.

"Сергек-патруль" жол жүру ережесін бұзған көлікке автоматты түрде айыппұл салмайды. Бірақ салонда отырған полицей хаттама толтыра алады.

Алдағы уақытта кешен автобус жолағымен жүретін және рұқсат етілмеген жерде тоқтаған көліктерді де анықтайтын болады.

42
Кілт сөздер:
Алматы, көше, видео, көлік
Тақырып бойынша
"Сергек" камерасы қандай заңбұзушылықты анықтай алмайды?
"Бүкіл жасақ сол жерге жиналды": патрульдік полицияның бір күні – фоторепортаж
"Айына 350 мың теңге": патрульдік полицейлердің жалақысы жарияланды
"Балта лақтырды": Алматының патрульдік полициясы түнде қалай жұмыс істейді - фото
Қапшағайдың мас тұрғыны полицей патрульдік автокөлігіне шабуыл жасады
Лесная поляна

Нұр-Сұлтанда қала маңына қатынайтын автобус іске қосылады

0
Жаңа бағыттағы автобустар аптаның барлық күні қатынайтын болады, бұл Қосшы қаласының қоғамдық көлігінің жұмысын жеңілдетуге мүмкіндік береді

НҰР-СҰЛТАН, 23 қыркүйек – Sputnik. Елордада "Лесная поляна" елді мекені – Назарбаев Университеті" бағытында қала маңына қатынайтын жаңа маршрут іске қосылады, деп хабарлайды қала әкімдігінің ресми сайты.

"25 қыркүйектен бастап Қосшы қаласы тұрғындарының өтініші бойынша "Лесная поляна" елді мекені – Назарбаев Университеті" бағытындағы №323 қала маңына қатынайтын жаңа маршрут іске қосылады", - делінген хабарламада.

Маршруттың қозғалысы "ЭКО-Маркет "Минимаркеті" аялдамасынан басталады, ары қарай Қарқаралы тасжолы – Қабанбай батыр даңғылының бойы, ал соңғы пункт – "Назарбаев Университеті".

Жаңа бағыттағы автобустар аптаның барлық күні қатынайтын болады, бұл Қосшы қаласының қоғамдық көлігінің жұмысын жеңілдетуге мүмкіндік береді.

"Жолаушылар қоғамдық көлікте маска режимін сақтауды ұмытпауы керек. Автобусқа бетпердесіз кіруге тыйым салынады. Жолақысы қолма-қол ақшасыз жүзеге асырылады", - деді әкімдіктегілер.

Оқи отырыңыз:

0
Кілт сөздер:
автобус, Нұр-Сұлтан, қоғамдық көлік
Тақырып бойынша
Нұр-Сұлтанда тағы 100 электрлі автобус пайдалануға беріледі
Нұр-Сұлтанда тағы бір автобус жолағы іске қосылады
Нұр-Сұлтанда көлік қозғалысы тәртібіне өзгеріс енгізіледі